Pokka Cafe (青衣城1) (已結業)

Dinner Set A  $1591) 溫泉蛋巴馬火腿沙律   新鮮沙律菜覆蓋著滑捋捋的溫泉蛋，一片人情咁薄既巴馬火腿輕輕鋪响蔬菜面頭，作為晚餐既前菜甚為合適，味道正常。 2) 香芒三文魚焗飯 焗飯外表顏色吸引，醬汁表面焗至金黃，碟邊還有硬硬的飯焦。淡黃色既不知名醬汁貌似忌廉汁，金黃色既芒果肉帶微酸，粉橙色既三文魚碎乾柴烈火，三者互相配合得恰到好處，唔會搶走對方既風味，因為根本就無味！ 可能大廚近排奉行健康飲食之道，為左食客既身體健康，一於低糖低鹽走味精，煮出食材既天然真味。3) 是日甜品品種：半件西餅?形狀：四方形味道：微甜疑問：呢半件西餅值得用一隻大少少既碟仔盛載，因為呢個布甸兜仔根本容不下佢四隻角，匙羹一舀便將蛋糕仔壓落兜底，唔好睇。 韓式卡邦尼年糕  $98 配料：濃濃醬汁、韓式年糕、洋蔥絲、香菇片、煙肉絲，表面灑上微脆既煙肉碎雖然年糕既內心仲係實的的，但有好多配菜夾埋一齊食，總比以上的無味飯易入口。醬汁好香好濃，洋蔥絲清新爽甜，加上惹味既煙肉絲同煙肉粒，令人食完一啖又一啖。(盛載小鍋的墊底木板久經歷練，用到甩皮甩漆，辛苦哂！) 附上以下餐牌作理想與現實的對比：

啱啱帶兩個女去食晚飯。未夠六點不多人。個經理已經黑口黑面咁話六點鐘先有晚餐。叫佢俾定兩隻小朋友碗，佢又發晦氣咁話安排緊。我哋湊住兩個小朋友，枱面梗係多啲野架啦。啲食物嚟到，個waitress 又企喺度等我地自己搬開d碟。嘢食一般。到最後，個經理嚟見到我個女前面地有灘水，個樣不知幾難睇，仲妙妙咀。我同佢講小朋友唔小心整濕咗，可以抹下嗎？佢個樣好似我欠咗佢，其實我兩個女有少少嘢食跌落地，我自己已經拾起咗，只係無抹到嗰d水。我本應都幾個星期會幫襯下，但今天係最後一次。茶餐廳和大家樂的服務比它還好⋯⋯

我和我男朋友係青衣城行街，肚子感覺餓，便到Pokka cafe 一試，餐廳的員工態度很好，遇到意見時會接納和提出改善方案，朱古力牛奶布甸雪糕特賣相很好看，朱古力味香濃，配上雪糕，簡直就是夏天消暑嘅佳品，值得一試！

星期五晚，因為某套想睇嘅戲得青衣嘅時間較啱，所以就來咗青衣城趁睇戲前的個幾鐘頭食個晚飯。基本上以睇戲的目標為本，沒有期望下去咗呢間Pokka cafe 但求醫肚就算了。因時間還早，七點未到入座所以唔洗等位。望望餐牌，見到有個特別推介- 鮮蟹肉蕃茄意粉，由日本米之蓮星級大㕑創作。即時被「日本」、「米之蓮」的字眼吸引過來。嗯...咪開心住，當然唔係個米之蓮㕑師煮啦，不過日本米之蓮㕑師創作，receipe 應該唔差啩，好啦就試下啦。另外突然想食日式蛋包飯，所以都order 了日式豬扒咖哩蛋包飯喇。鮮蟹肉蕃茄意粉：原先以為得啲蟹肉碎就叫鮮蟹肉意粉啦，點知碟意粉一放低時，就聞到非常香濃海鮮甜味。仲要係連殻的蟹件，蕃茄個sauce 亦非常多！遠超預期呢。意粉煮得剛剛好，是我喜歡的texture (不喜歡軟的）。味道超鮮甜海鮮味，蕃茄味濃亦偏甜不帶酸，蟹件份量都幾多。唯一不太方便係太多汁，蟹件亦只可用手食，好在自備了足夠濕紙巾抺手日式咖哩豬扒蛋包飯：日式咖哩基本上味道都唔會差太遠，考功夫的都係塊蛋同豬扒。望落加食落去蛋就扣分了，明顯over cook 哂！但又未至於乾到成塊煎蛋咁的。豬扒亦不過不失，

pokka cafe 比人感覺係一間算較為有質素既西餐廳，第一次黎食真心覺得幾好食,但今次再黎真非常失望，環境雖舒服，但食物質素真係好唔得 沙律唔錯，酸酸地幾開胃 但... 主菜一黎到就好失望，好細隻軟殻蟹，意粉份量好小，但反而配料紅椒非常多，醬汁方面完全係淡面無味，小小帶子味都無 最後甜品係啫喱，但只有最難食既藥水味（提子味）啫喱選擇，但落得太多水整，食落口感覺好水，唔好食，食一啖無食食物質素真係好差，唔會再有下次

今天不想煮飯，同男友去青衣城搵食。本來想試下新開的台灣菜，點知大排長龍，所以去左里間少啲人排隊😜里個係加$28的沙律。cp值好高，沙律菜好新鮮，上面重有少量三文魚粒，一定要叫意粉份量不少，而且軟硬適中牛肉蛋白飯。牛腩好軟淋，焗飯上面加入蛋白焗制，有啲梳乎里的感覺。甜品叫了waffles ,不是平人食開的脆脆口感，較鬆軟👍🏻最正係個朱古力醬，唔係平時食到個隻cheap cheap 甜到爆的味道，像係靚朱古力即整。因為上黎的時候啲朱古力醬係暖的

眼見青衣城好多食店都換呀換，計落其實衣間野都算係青衣城耐。睇佢門面好似好高級ＧＥ西餐廳，已經令我多次過門而不入，驚佢埋單會好貴。今次純粹因為我好肚餓，又吾洗自己比錢，就入去食下啦！點知一睇餐牌，其實又吾係天價，冇想像中咁誇張。上菜落單都快,餐廳吾太多人,靜靜地幾好.香燒雞肉意大利煎飯＄１０８睇相個樣真係好吸引，同埋好少見煎飯所以都想試下。一上菜賣相好靚，同埋好香，個飯都鬆的，好易吉開。一食落去，超香芝士味！但個餐牌明明都冇寫佢有芝士，開心。個飯係煎，所以會有好多飯焦感，不過佢又吾會太硬太ＯＶＥＲ，我就吾會覺得太乾，因為佢Ｄ芝士汁（？）會令到個飯可以少少濕濕地，不過都建議可以叫番杯野飲ＧＥ，如果吾係會有少少ＤＲＹ～上面有Ｄ一塊塊不明物體又好似幾好食，吾係好脆，但又有少少咬口咁，同朋友研究佢究竟係咩東東，朋友話可能係薯仔？我都覺得有Ｄ似ＧＥ。個雞都好好味！燒雞燒得香，個肉吾會乾，印象中係冇骨的。其他配菜都幾ＭＡＴＣＨ。值得推介的！！卡邦尼意粉我本身就吾好，所以冇試到，不過朋友冇投訴就即係ＯＫ。

今日作梗病…所以唔好週圍走…黎左呢度…又係貪佢唔駛等位…朋友就話呢度係日式西餐…口味啱食wor...首先點左果餐…加$有湯有沙律有餐飲…呢碗湯比較特別…就係特別精緻…只係一隻小小杯…仲好多泡泡添…有d奇怪呢…細膩之下…感覺有d龍蝦味…味道幾濃…無渣…唔難飲…沙律唔係好大碟…魚菜都幾新鮮…之後係羊扒餐…估唔到配菜都有d沙律…早知就唔另外加$要…羊烤得幾香…7成熟唔韌…不過無芥辣…牛肉粒無話幾多成熟…結果係全熟…唔韌都好好味…菜類平時好少落order…食肉獸朋友因為我今次作病…先免為其難order左一碟…叫做清清地…估唔到又出奇的中西夾味…忌廉好香呢…淡淡地易入口…真係啱哂病人食…朋友order左杯朱古力…但同menu副相有d出入…相係忌廉，雪糕，朱古力奶分開盛載既…而依家就混合一杯…不過都ok好飲…而我就order左熱果茶…貪佢有vitamin c…睇落好似好大壺…其實唔係好多…附有小蜜糖…味道帶點酸…落左蜜糖好飲好多…不過如果有保溫工具就更加照顧週到…last call係甜品…一粒粒係烘過吐司黎…配Trimisu同雪糕…唔會覺得好乾渴…甜味唔算好高…夠香夠脆…整體水準依舊…不過不失…

一般人想起日式西餐,都會想起百佳,呢到介錢與出品都比較美觀同合理,今次由於有病人,所以食得健康d,先來是沙律,是三文魚沙律,配合黑醋,有肉又不會太清再來白汁加菇莧菜,汁料好香濃,同莧菜十分夾口味呢個湯來,我無試,應該似咖啡味,好似叫布洛卡湯一口牛柳,我覺得太熟,但仍入味可口西蘭羊扒,7成熟,帶點鮮味,嫩滑,配菜又好豐富,也有跟沙律雪糕吐司,有吉士醬,奶油加入,雪糕似奶黃味,甜得來清新,吐司也香口生果花茶,有蜜糖,唔加就似藥水味麻麻,加左就ok北海道牛奶咖啡,好多忌廉,又甜又香又濃總結味道不過不失,賣相吸引,服務一般,因為成日找唔到侍應生

Pokka Cafe 選擇繁多，什麼時候來都總要等一下下，每次來都忍不住要點它的格格脆來滿足一番，但最近幾次食已沒有了當初既滋味，以往炸得脆口內裡軟熟沾上那球雪糕正...今次都是太濕了，麵包不太脆，入面沒有了香氣，沾上雪糕及吉士醬，罪過罪過，肥也是要有價值的，這格格脆實在不想浪費quota在它身上。加錢要了個花生豆腐特飲，超邪惡，一球雪糕加上花生很滿足，下面還有啜得起既豆腐花，不錯不錯。海鮮意大利麵，麵條唔會太淋，剛剛好，可惜配料有點普通，印象不是太深刻。作為下午茶算還可以。

因為工作需要，想品嚐一杯港式凍咖啡所以來到這家離家近的百佳。人超多，等了半個小時才排到我，因為一個人所以座位也只能跟別人拼 選了好久終於決定還是吃我的最愛：咖喱牛肉和凍焦糖咖啡咖啡很棒，裡面有布丁和果仁，入口滑滑膩膩但又有果仁的香脆，咖啡特有的苦味加上厚厚奶油和焦糖，變身為暖心飲品，喝了之後心情大好 牛肉很不錯，煮得剛剛好，入口軟糯嫩滑，還帶有紅色的心，很新鮮。咖喱汁也調的很不錯，很合適我這種喜歡辣卻又不能吃很辣的人 用奄列飯隔住咖喱和旁邊的蔬菜沙拉，有新意👍蔬菜沙拉用的日式醬汁，清新爽口，在咖喱厚重的味道之中起到了很好的中和作用。但是奄列做的很不正宗，就是隨便煎了一個滑蛋皮就蓋上，完全不是日本真正那種外蛋液凝成皮，內蛋液保持液體狀，用刀一割整個蛋皮開花一樣散開讓蛋液流出來的正宗奄列，有點不太值這麼個價錢 但是總體來說還算不錯，因為牛腩和咖啡加分很多👍

這篇食文集合了兩晚的晚餐，分別在不同日子裡面，不同的用餐經驗，而且所享用的食物，也截然不同。青衣城的 Pokka Cafe，較早之前已經來過，可是這一個星期內兩度再來，因此環境也不再多說了。打開餐牌，有著套餐及散點餐單，當中羅列了各款套餐，沙律，餐湯，主菜，甜品及餐飲，主菜以扒類，意粉以至石鍋飯都有，甜品方面則以日式乳酪為主，當然咖啡亦是餐廳的主打。第一晚咱們籨餐牌中選擇，而在下則選擇了是日精選，而第二晚則選擇了散點餐單。沙律。是一般的蔬菜沙律，蔬菜都是吃開的沙律菜，只是沙律醬有所不同吧。不過在下還是不落醬汁為較好。大蝦伴香煎三文魚。橙色的大蝦在三文魚扒上，伴碟的尚有白蘿蔔和蕃茄醬，而最上的是長長炸蕃薯片。先把蝦彀除去，再伴以番薯片伴食，令大蝦有著番薯的甜甜，而且蝦肉爽口彈牙，食味一流。三文魚充滿了原有的油脂，令三文魚的口感豐膄，白蘿蔔也富有香甜味覺，不失為一道佳餚。熱奶茶。為避免睡不著，在下還是不喝咖啡，只好喝一杯奶茶。奶茶夠茶香順滑，沒有糖份的影響下，倍感茶味的濃香。第二晚所吃的不同，今次不點來套餐，而且單點餐單。珍寶凱撒沙律（一百一十八個大洋）凱撒沙律除了有麵包粒和沙律菜外，還有

期待已久既聖誕大餐, POKKA CAFE一向係走精緻路線既日本西餐廳, 平時食既都係1XX - 2XX價位, 難得聖誕節呢D旺季冇double咁坐地起價, 算係咁啦, 而質素都保持到OK既聖誕大餐要一早BOOK啦, 仲要收留位費每人50蚊, 但最後冇過到數既, 因為人到左就比返張留位紙我地啦, 當冇比過留位費, 如果真係放飛機就會交去信用卡公司收費喇... 大餐得兩款, STARTER, MAIN COURSE, DESSERTSTARTER火灸八爪魚沙律沙律係底, 加入少少醋, 清新得黎唔會太OVER 開胃又可以伴碟火灸八爪魚就半生半熟咁, 唔太好呢D食物, 份量都唔少既田螺, 火灸三文魚及黑毛豬伴哈蜜瓜呢個有驚喜呀, 中間D配菜就乾左D, 比起八爪魚沙律既菜就差少少啦田螺 下有個酥皮包住, 同田螺好夾呀~個汁有少少辣都可以蓋過海鮮既腥味, 幾好呀火灸三文魚都係外面果層就熟, 入面果層就生啦, 好有層次黑毛豬伴哈蜜瓜呢個正呀~PARMA HAM唔算太咸, 加上甜甜既哈蜜瓜, 又唔會蓋過HAM既味, 正呀MAIN COURSEA. 牛柳, 帶子伴雞卷成個造型係好厚好多層既, 最頂係帶

聖誕佳節，幾天假期，實在太令人高興。相信大家也會參與大大小小的派對吧！筆早也不例外，其中一天，就是跟家人的爬地。今年叫了Pokka，很豐富的。有清新的大蝦沙律，有火侯控制得唔錯的牛肩，有大大隻叫人興奮的豬手配辣肉腸，有醒胃的肉醬意粉，也有嫩滑的春雞，仲有要用手拿起才過癮的豬髀，大致都令人滿意。餐後，少不了一個蛋糕，同是Pokka的出品，黑森林。面頭有齊雪人、聖誕樹等點綴，精美。味道也算不錯。翌日，又會是令一場的Party。

青衣素來不是在下經常開飯地區，但是亦會偶而來青衣吃個晚飯，正如今晚與家人到來青衣城，吃番餐晚飯。Pokka Cafe 在青衣城已經開業一段日子，卻沒有來過，，故此對此質素有個保證吧。從門外的櫥窗看，與平常日式餐廳一樣，擺放了食物的模型，也有咖啡壼和咖啡豆在內。走入餐廳，總是給人一種高級瑰麗的感覺，採用了類似水晶條子，給予一種高貴大方的感覺，而且座位全為六人卡座梳化，坐得亦為舒適。打開餐薄，有各款的沙律，餐湯，意大利粉，石鍋飯，西式扒類，也有日式甜品，及其他各國的菜餚，令食客有多款選擇。除了散點餐外，還有四款套餐可供選擇，可免卻有選擇。木瓜雞肉沙律。木瓜和雞肉蘸上了沙律醬，感覺上有點肥膩，而且在下一向都不會添加任何沙律醬的，不過這沙律卻又有咬口感覺，而且還加上了提子軟，令沙律更有咀嚼的口感。綠豆薯蓉湯。是廚師是晚創作的湯頭，綠豆清熱不在話下，加上薯蓉，感覺上也配合得宜，喝起來卻幾豐富，味道也很夾的。香煎美國肉眼扒配黑椒菠蘿汁。肉眼扒肉質軟糯，，甚才有黑椒和波蘿的味道，因此醬汁會較為淡口少少，不過在下也無需太過重口味的醬汁。士多啤梨慕絲蛋糕。原本在下期望有有一楷呈三角形的蛋糕，可是送上來的