Pokka Cafe (已結業)

連續兩個星期OT, 晚晚收工都九點幾, 成日要屋企兩老等到咁夜先食晚飯, 於心不忍, 就叫佢地唔駛等, 我同姐姐食埋先返.九點半, 雅蘭pokka都仲要等位, 幾好生意播! 好彩姐姐早d黎左等位仲叫埋野食等我, 唔係都唔知幾點至有得食.煙三文魚caesar -- 要左regular portion, 但係只得十幾塊羅馬生菜, 孤寒左d. 可幸沙律dressing夠晒酸同冶味, 煙三文魚又夠晒鹹香, 算啦! 貴精貴不多!冷奴豆腐-- 豆腐同汁分開上. 用左無炸過o既日本硬豆腐, 豆腐味無鳥八同魚一丁自家製o既咁濃豆味, 而且因為無經油炸, 所以要用硬身豆腐, 非個人所好.自選pizza -- 要左煙三文魚, 櫻花蝦加雞脾菇. pizza底係口感煙韌似foccacia o既半厚身批, 似食麵包多d. 煙三文魚好食, 但櫻花蝦好似鹹魚咁o既味, 怪怪地. 而且pizza底無落到mozzarella cheese, 反而o係面頭加左d parmasean, 怪左dd? 野食唔係好大份, 埋單後去beard papa買雪糕puff食^_^!埋單$222.2, 又會咁o岩?

星期六約在旺角雅蘭晚飯,太多人了,只能找個不用等這麽久的,那天就是Pokka了。要了豬骨拉麵。咦！雖然是港式日餐,但味道還是不錯！只不過水煮蛋是全熟的...再加芝麻雪糕做甜品,原來是把雪糕球放在刨冰上。唉,是天氣太熱嗎？雪糕和冰很快就溶在一起了,既難看,又難食。值得一提是這裡的服務,真的很好。我們一行四人坐了很久,而許多人還在門口等位,侍應們不但沒有催促,而且還不斷替我們加水。

今晚好晏到左呢到飲杯野,叫左個木瓜優乳酪同埋一碟鵝肝sushi, 好好食,waitress d service好好, environment 同樣好好,但我相信可能今晚夜左所以境silent d!

朋友結婚派帖,揀係呢間食飯,一行六人點了五個菜式白汁三文魚焗年糕;朋友話好食,我覺得一般咖喱大蝦飯:三隻炸蝦, 飯少又唔覺有咖喱味辣海鮮飯:唔好食八爪魚三文魚飯附麵鼓湯:呢個最好味,個汁唔錯白汁海鮮意粉:這個也不錯,但都幾多油服務也幾好,只是有位女待應落錯單叫她換,樣子好像不太高興

我唔係撞到明星...　事緣琴晚同朋友去pokka食飯，適逢我又肚餓，見到全部食物圖片都好正，期望拍數暴升!結果：　焗腸仔肉醬意粉-相中意粉形色俱美，實物居然頹爆...仲要味道都好弱，印象中依稀記得大家樂的肉醬意味道好100%...日式咖喔牛柳奄列飯-算係最似圖片o既dish!味道唔知~焗西蘭花帶子墨魚柳飯-又係圖片仙子下凡，實物令人失望~ 聽講味道ok~　明顯覺得依間分店差過其他分店，仲係好多!食物印象差(因我食著最唔得o既意粉)，環境嘈氣氛一般，感覺唔值!一定唔會有下次~

This is the second time I have been to Pokka Cafe, on my first visit I only had Hokkaido milkshake which was very nice, it was creamy and had the original taste.On my second visit, my friend and I sat down for ages, we took a long time to decide what to order. However the service of the waiters were excellent, they kept refilling our water glass despite the fact we still havent ordered.Anyway I finally ordered Toast with Duckliver Pate and a glass of Cactus Juice.The way the Toast was served was

尋日年初四﹐諗住同班同事食餐好D既lunch。點知稻香book左枱都要等﹐雅蘭間利苑又執左。係雅蘭樓下見到POKKA﹐就費事再搵。點知.....叫左個lunch set - 番茄牛肉粒會意粉﹐來到見到碟裡面得四粒牛肉﹐投訢就被敷衍了事﹐無辦法都要食架。食落味道好淡﹐牛肉有D怪味﹐意粉本身就幾好。加埋一七十幾蚊﹐荼餐廳質素﹐真係物非所值。幾年前去過廣東道間POKKA﹐環境幾好﹐食物又唔錯﹐服務都OK。呢幾年係開多左幾間﹐但係都要顧住QUALITY CONTROL架。

星期日下晝點幾鍾黎呢度,見話晒係日式cafe,環境舒服d,所以入去幫襯,入到去唔係想像中咁full,不過d侍應安排座位係怪怪地,明明唔滿都俾d less preferred既位你,當然我地無就範啦,最后坐左窗口卡坐,兩個人好寬敞打開餐牌,食物選擇好多,感覺好過ucc cafe,兩個人叫左四個日式輕食同一坏凍咖啡& 一個甜品:-1)羊仔扒 要左7成熟,一客有兩件,細細地,幾好,唯一敗筆係d羊扒有小小騷味2)燒三文魚腩 一客有兩塊,由於三文魚腩既脂肪好多,經略略燒過,魚腩既脂肪變左油,出晒黎,食落去好油好滑,口感好豐富,好好味3)日式照燒雞 雞肉沾滿日式照燒醬,甜甜地,幾入味4)燒牛利 有咬口,一般ok5)甜品- 雪糕格仔餅 一般ok,無乜驚喜,可能係食慣港式街邊夾餅,始終覺得街邊賣果d勁多醬勁多糖既夾餅好食過日式cafe果d淡口既waffle服務方面,可能個場唔係咁滿既關係,點菜時雖然講明要稍等,但整體上菜既速度都快,上菜時侍應都好有禮貌,不時自動自覺幫我地加水,收野,埋單又快環境方面,都幾乾淨,有美式餐廳既U形位同靠窗既卡位,為應節既關係,個場今日掛滿halloween裝飾,

過左非人o既一個星期, 終於可以抖抖, 預備遠行. 但係人鬆懈左, 抵抗力即刻降晒, 發燒感冒, 要去旺角睇醫生. 病懨懨, 個人口淡淡, 媽咪要我食粥, 我耍手擰頭, 據理力爭下, 黎左pokka食野.個人雖然病左, 但係"甜齒"仲存在, 要左緑茶雪糕紅豆夾餅.服務員話要等20分鐘, 但係無耐就送黎夾餅. 同坊間一般西日式cafe一樣, 佢個夾餅係用旺角街頭o既格仔餅機製成, 理應係一個圓型分開四份. 但係呢度一客夾餅得三份, 最後一份不翼而飛?! 不過呢個份量作為下午茶/病人午餐就剛剛好. 夾餅脆但唔乾, 緑茶雪糕有水準, 相信真係日本貨, 墊底紅豆雖然唔多, 但係睇得出唔係罐頭貨, 係"有心"o既食物.

感想: 一d都唔好首先安排坐位。成間野6成滿,重有大把位唔明點解安排一個好迫0既二人位。成行sofa位0人都唔俾我地坐但我地冇要求換位,我地唔可以完全怪佢地。食物:下午茶($3x-$6x)+10%我叫左日式X燒雞肉三文治+凍檸茶($38)my frd:日式炒麵+coffee($46) 日式X燒雞肉三文治:賣相不錯,飽烘得ok,+成個三文治ok厚。但用料之等。麵包好明顯係嘉頓最平又薄又淋之之0既麵包。幸好係烘過下。叉燒all肥膏?點食呀?...雞肉還可以,帶點黑椒味。還有蛋沙律<---呢個係成個三文治最好0既part。日式豚肉炒麵:嘿...$48買3塊仔豚肉?~太陽蛋過熟,個黃實實地。碟野細,麵色澤不均,賣相一般。唯一ok係炒麵算可口。飲品:十個差檸茶:可做到冇茶味=.=比茶餐廳還要差,佢地可收檔。竹90既時候見d冰融左好多,好明顯傳菜慢。coffee:my frd話係咁耐以黎最差0既coffee,太苦,幾多奶/糖漿都冇用。佢飲左3杯水都成口coffee味。以下午荼黎講佢都算貴喇風月堂果d都係$38+ok夠食最差係冇quality黎得0既都有一定期望只可講句十分失望唔會再黎。

去過了食tea 2 次, 花果茶幾夠味, 一壺上, 裡面有很多鮮果, 一啖一口($45+); 沙律可自選配料(4揀2), 我通常叫鮮暇及鮮三文魚, 可以要求少芝士粉及沙律醬另上. 仲有small portion(健康份量) 及一般份量.有免費雜誌睇, 環境嘈d, 唔係一個靜靜地tea的地方. 整體來說比較貴.

點了「日式豚肉餃子」、「日式迷你牛肉火鍋」和「北海道牛奶咖啡冰」。日式豚肉餃子：小弟因不好煎餃，故由女友一手包辦，她說「香、脆、可口、仲好juicy」。日式迷你牛肉火鍋：牛肉薄片的肉質麻麻地，無肉味。菜和豆腐吸收湯底較可口。珍珠米煮的白飯都算好食。因為肚子餓，我把整份火鍋連白飯完全幹掉。北海道牛奶咖啡冰：有睇頭，一組三件，依然美味。連冰塊都是由咖啡液製成，感覺好值得！環境略吵，旺角嘛！

朋友比呢間餐廳既裝修吸引, 於是一行5個女仔琴晚去試食晚飯, 個結論係實在唔抵.我地全部都幫襯set dinner, 分別叫左薯仔拼寶雲蘇羊架($108) 同焗田螺拼燒豬扒($98), 兩個套餐都包左餐湯, 餐飲(即檸茶或水) 同精美甜品. 侍應開頭晌落order既時候話可以配飯意粉或薯菜, 後尾d野黎哂至發現根本所謂薯菜即係每碟都有既配菜(即幾片裝飾用既菜葉), 份量好少唔夠食, 於是大家拿拿臨叫番意粉頂肚. 講番主菜, 份量的確好少, 羊架得4條骨到, 而且d羊肉冇乜味, 要落美極調味; 相對豬扒就好d, 大件過羊架, 肉質唔錯而且燒得幾入味, d田螺就唔好提喇, 得果3粒而且整到爛溶溶又好鬼咸, 完全唔想食! 兩個主菜分別都要成百蚊, 但只得1件既份糧, 實在係貴左d!黎到甜品, 係一湯匙大細到既云厘拿同coffee味凍糕, 冇特別, 我諗不如比普通既布丁好過啦! 至於服務, No Good la! 冇笑容,態度差, 叫極冇反應, 對自己公司既套餐居然唔熟悉, 連冇薯菜供應都唔知!!! 呢間餐廳做TEA可能會幾好, 但做晚餐就真係唔夠班咯!

同媽咪同細妹黎食午飯,要左個健康set lunch,有白豆湯,蘑菇雞絲墨汁麵,鮮果,同埋咖啡,再點多個牛肉石窩飯,甜品就要士多啤梨吉士夾餅(窩夫)。個健康餐最好味係個湯,又香又清又夠味,而且真係有好多豆,有口感又健康;反而個麵就差左d,其實汁同蘑菇雞絲都可以,只係墨汁麵好鬼硬!都幾唔掂!鮮果有一細碗,內有青蘋果,西瓜粒同半粒士多啤梨,可惜西瓜太甜,應該浸過糖水,未必好新鮮;石窩飯好味,辣度適中,岩我呢類有點怕辣既人,但係我媽咪就嫌唔夠辣,夠大碗,又多料,可以食到飽!士多啤梨吉士夾餅最好味既係吉士,甜甜地又軟滑,我最鍾意,個賣相仲正,窩夫係心形架!有三層,層與層之間有吉士同士多啤梨, 拌碟仲有青蘋果粒,士多啤梨粒同士多啤梨果醬,真係好靚!

同兩個朋友o係呢度聚舊,分別叫了飯/意粉再加一個甜品。我叫o既係日式海鮮炒意粉,賣相非常精美,材料份量都算多,兩隻大蝦,一隻帶子同好多八爪魚,日式意粉較幼身,有點硬但有o趙頭,唔錯!!茄汁普通,冇乜蕃茄香味~友人叫的咖哩豬扒飯賣相亦討好,典型深色的日式咖哩,有薯仔同雜果,飯的份量頗多。跟餐的沙律很新鮮,湯就普普通通啦....甜品叫了雪糕夾餅,夾餅即叫即製,上檯時還很脆口,綠茶雪糕普通,但淋在上的紅豆好大粒,亦很有口感。此店的環境在旺角區來說算不錯,坐的非常舒服,侍應的態度亦相當殷勤,常帶笑容。埋單差唔多$400, 都幾貴~