Pokka Cafe (已結業)

之前去開cwb個間,今次坐馬蹄形位order左牛肉奄烈飯,海鮮長通粉同三文魚pizza牛肉奄烈飯好細囉又冇乜味,唔係咁好海鮮長通粉幾多汁,ok三文魚pizza好脆,有d wasabi味,好好食我同朋友都一致俾其他pizza店好又唔係貴,都係$68之後個waitress同我地講係用唔知咩石燒同埋只係得旺角店先有d service幾好,成日倒水同會同d客講下野但係d份量真係唔夠,希望可以改善下

唱完k, o黎lee 度飲o野. 叫左個蜜糖枕頭多士, 皮脆內軟又熱辣辣, 三個女仔o係到o吉下切下又好玩又好食. 又叫左提子蘆會汁, 好濃提子味, 又有提子碎同蘆會"唶喱"o趙下. 青蘋果蘆會汁就偏酸. 環境同服務不錯, 不過我諗o係日頭果d開揚位(無遮無掩對住雅蘭個lobby)會好嘈.

呢度d 餐的確幾唔抵食,除非有VIP card 就可以差唔多半價($98)食個二百幾蚊set!食物一般,但坐位設計好(馬蹄形)方便傾計!

星期六妹妹到新開的UA朗豪坊看過戲看，因朗豪坊的食肆超爆，我們又不想等位，所以便到對街搵食。入坐後，與妹點了二個SET DIN。分別是扒三文魚意粉和蒜蓉羊架伴白菌。意粉個汁是用菠菜茸弄成的白汁，幾LIGHT幾特別，但三文魚過o鞋，而且不熱的；羊架用wasabi調味，有點怪，不過年菜的白菌沙律出奇地教我意外，因為個dressing係意大利黑醋，夾飛機菜和白菌，感覺新鮮，去了羊架的油膩感。順帶一提，餐飽和餐湯也不俗啊！

唉......一早都知呢間野唔係平, 今次去食左....以後唔再去啦!!只係去食lunch, 見個set menu, 嘩!!!!!!!98蚊一個set?唔係呀?? 只係個d牛扒set之麻, 都係咪搞, order左一個三文魚生魷魚飯($68), 個賣相唔錯, 三文魚都大粒, 魷魚就un左d, 不過入面有d綠色一粒粒既蔬菜唔知係咩, 總之好難食另一個水牛芝士豬扒飯($58), 水牛芝士味濃, size一般, 男仔未必夠食店的decoration係好, 但係對我來講, 好似貴左d

尋晚同媽咪家姐黎pokka食飯. 8點左右唔駛等位, 我地揀左坐呈馬鞍型o既梳化座.三個細食o既女仕, 叫左:1) 三文魚pizza - 餅底似naan, 有wasabi, 家姐覺得好哽, 但係佢好鍾意餅底煙韌o既感覺. 我就較鍾意傳統pizza外層脆中間軟o既質感. 2) 天婦羅野菜春卷- 天婦羅脆漿較厚, 猶幸脆身唔油. 春卷本身無乜味, 點左附上o既甜醬(北京填鴨用)會好d.3) 炒什菇4) 日式炒野菜- 落左味醂煮, 幾甜.埋單唔駛$200. 樣樣細細碟, 食完個肚仲有空位食蛋糕>.<

兩個人食晚飯,星期六晚都唔等位,又會咁既?韓式石窩牛肉雞柳香飯($42):原窩上,熱辣辣,除牛肉同雞柳,仲有一隻煎蛋,幾香幾好食,而且份量多,雞柳都唔算係柳,而係雞扒切成條狀似d,一人會食唔晒!Pokka甜品拼盤($58):好覵呀!賣相一流!一個四格玻璃碟,分別放上北海道牛奶雪糕、法式焦糖燉蛋、綠茶tiramisu、鮮什果粒。不過,味道就令人有d失望lu…北海道牛奶雪糕味道同雀巢呍呢嗱雪糕不遑多讓;法式焦糖燉蛋好甜好甜而無蛋味,同凱悅既相差甚甚甚遠;綠茶tiramisu只食到表面綠茶粉味道,成件餅都無味,無芝士味,無咖啡味,無酒味,又有個硬硬餅底,似普普通通一件蛋糕,再加綠茶粉;鮮什果粒最普通,但係最唔會令人失望(因為根本唔會有乜期望),有士多啤梨、奇異果、橙。環境都唔錯,因為有卡位,可以靜靜地傾下偈；至於服務,我覺得都幾好,唔同侍應都好有禮貌。

I ordered the chicken Wing (Japanese style) and Noodle. Noodle is OK. Chicken Wing is no good,(Sloopy)

果然如各位所講, 上菜真係好慢好慢.就連等埋單都好慢.食物方面, 叫左兩個tea set 加特色飯團.特色飯團麻麻地啦, 都冇咩特別, 淡味, 而且包得唔夠實, 一個tea set 係炒年糕, 還可以, 但吃多會有點滯, 幸好不算太濃味,另一個tea set 係甜品, 有一個荔枝雪芭,綠茶蛋糕& Tiramisu cream, 三樣野好食, 唔會太甜, 剛剛好, 但實在是太細太細份量.. 大一點會開心d.其實價錢有點貴, 唔太抵食.但環境都唔錯~

今日訓到十二點幾之後落o左旺角有d野搞咁3點先食lunch兩個人叫o左一個石頭飯(轉o左餐)一個雪榚麥乜多士石頭飯味道一般，係夠熱。麥乜多士都幾脆。但係上菜太慢，食完都四點幾...仲有雖然話有非吸煙區，但係d煙都飛到過o黎。

好耐未去過Pokka Caf，原來宜家轉晒feel，比以前多o左好多選擇，而且價錢又平o左，見到個menu樣樣都想食。我o地兩個女仔都幾大食，食o左3款小食，2樣甜品。3款都係細細碟的小食，芥茉煙三文魚鮮八爪魚味道好刺激，八爪魚真係幾新鮮、玉子吉列豬扒，肉質唔實夠鬆化，雖然混了蛋汁係面，塊豬扒都唔會淋晒、照燒羊扒就略為肥o左少少，無咩肉食。甜品係蜜嘜多士伴雪糕，係我至愛的厚多士，烘得包皮好鬆脆，不過食完依舊野好鬼飽；綠茶Tiramisu似綠茶蛋糕多d，伴埋d紅豆食，好match，幾味道清香又唔會太甜。