Pokka Cafe (已結業)

約了好姊妹去Pokka Cafe食生日飯，就她放學時間到市中心，入坐時未夠五點半，仲可以叫下午茶。揀選了2個下午茶餐B披薩 & H意粉，下午茶餐附送一杯飲品(咖啡或茶)， 加$5可以升級叫特飲。煙三文魚牛油果醬墨西哥薄餅，餅底薄脆香口，三文魚煙薰味不重，加埋火箭菜和車厘茄，好食。黑松露油雞肉煙肉意粉，味道幾香又好看，仲有加入了菇類和彩椒，幾好食。下午茶餐份量細，我們都意猶未盡，追加了一個鮮芒果沙沙及牛油果蛋三文治。三文治整盤顏色好靚，芒果和牛油果都新鮮，開胃好食，薯條香脆，溫泉蛋都好好味。以會員免費飲品劵換了熱朱古，包括一壺熱朱古力，一份七彩棉花糖和一個放有忌廉的杯，難得免費飲品也如此認真。這一頓晚餐，用了免費飲品劵、生日七五折劵和$50現金劵，結賬祇要一百廿多元，抵食！

每次行經過呢度都見到外面個展示玻璃櫃度有好多甜品🍮仲有個巨無霸咁大既雪糕芭菲，勁吸引！一入到去就見到好多蛋糕🎂可以一件件咁堂食～呢度既裝潢好高級，好有高級酒店既感覺，待應都很好服務態度。望完個餐牌先知原來呢度都有好多唔同種類既野食，食多國菜，西式台式日式都有，小食都好吸引，甜品簡直就靚到樣樣都想食！我地叫左2個餐，每個餐都加左$48〔餐湯配餐包/沙律 + 飲品〕，一個叫左餐湯，一個叫左煙三文魚田園沙律🥗。今日餐湯係 南瓜甘筍濃湯🍲 甘筍味較濃，南瓜味甜甜地，仲見到甘筍既粒粒，味道普通，不過個餐包好味，有少少似牛角麵包🥐既感覺。餐飲要左杯凍既朱古力（+$28）普通朱古力凍飲，多左的綿花糖同可可粉，要另加$28有少少不值凍士多啤梨白桃鮮果茶（+$28）白桃味好香，味道好出，不錯👍🏻凍藍蝶花雪梨茶 （+$48）呢杯雪梨茶甜到漏啊！不得了🥺太甜了！唔岩就咁飲。小食叫左名古屋雞翼$58雞翼係單骨雞翼本身已經做左調味，炸得好香脆，另外仲有啲調味粉可以沾，調味粉嘅味道有啲似公仔麵嘅湯料粉。主食叫左鹿兒島黑豚腸炸雞咖喱芝士奄列飯$118奄列飯做得不錯，蛋味勁香勁濃，仲有些少蛋汁，有驚喜！個飯配埋咖哩汁

有朋友有會員卡，所以經常來pokka cafe用餐，食物選擇多元化又有水準，環境座位又舒服。今次一行五人，被安排坐在一列圓拱形的位置，感覺私隱到很高，但又不會被服務員忽略我們點了一份沙律，一份菜，一個飯，一個麵，一個pizza，再加三份甜品😋全部都很好吃😋

今天一行3人去市中心搵食，這家店開了很久也沒食過，媽子話佢啲食物同咖啡都唔錯，咁就一於食佢啦。叫咗2個晚餐加一個小食。呢個小食好食架，不過唔記得咩名堂嚕。櫻花蝦雞肉野菜沙律伴泰式辣椒沙律菜新鮮，加埋櫻花蝦雞肉都好夾意大利粉同巴馬火腿又夾喎，意粉質地軟硬適，不錯的說榛子吉士格格多士伴雪糕呢個正呀喂，超邪惡又好味，食完要行路返屋企啦。進食期間見有會員招募，店員詳細講解後，發現各種優惠、現金劵、每月免費飲品...好吸引成為會員的第一餐，今次扣除可用嘅現金劵，淨係什幾蚊咋

趁AEON感謝日去買寵物糧，順便食埋晚飯先至返去，當唔想諗食咩嘅時候，POKKA就係我哋嘅慣常食店之一，鍾意佢卡位夠闊落，坐得舒服。利馬鮮蠔龍蝦湯米花意粉咦......?  啲蠔呢... ?係湯多咗，定係料少咗 ?湯裡面係有3隻蠔嘅，不過細隻咗好多，整體份量都係少。蠔肉柔滑有鮮味，龍蝦湯香又滑但有啲咸，米花意粉好似米飯粒，口感煙煙韌韌幾得意名古屋雞翼炸單骨雞翼熱辣辣香脆肉滑，點附帶蒜粉食，就咁食又得會員劵送嘅熱朱古力有忌廉同棉花糖，罐頭忌廉始終唔夠鮮忌廉香滑......如果全部加埋一齊就好甜。五顏六色幾得意嘅。見到有新甜品推出，唔少得要食返個啦。士多啤梨夾餅伴雪糕三件窩夫香脆鬆軟，兩個唔同味嘅雪糕球，(士多啤梨味+雲呢拿味)，新鮮士多啤梨好甜

去開屯門市門中心做嘢，順便食個遲來的午餐。隻腳自然行去呢度，因為11月做咗會員，今個月有張$50現金劵。鍾意佢啲卡位夠闊落，坐得舒舒服服悠悠閒。店員問食午餐定下午茶，原來午餐差唔多要截單，比較過2個唔同餐單，都係茶餐啱我口味多啲。製作食物需時，先來餐飲的咖啡，幾鍾意佢啲茶具，更喜愛佢啲咖啡。叫咗兩個茶餐一齊分享，侍應哥哥見我咃一人一箸咁食，主動提供餐碟俾我哋黑松露油雞肉煙肉意粉材料顏色配搭都幾靚，尤其是碟邊那一抹油，加小撮粉紅色的粒粒。溫泉蛋俾我獨佔咗配菜除咗蘑菇其他都係新鮮，雞脾肉正常味道，意粉有口感松露味淡，整體味道唔錯，貪得意將碟邊嘅粉紅色粒粒撈意粉食，唔....咬開有一陣類似花椒嘅香味，但係又無花椒咁濃烈，將意粉嘅食味提升咗，更好食原來係叫粉紅花椒經典小食組合有2件南瓜薯餅、3隻雞翼+炸魷魚圈魷魚圈新鮮爽脆不過涼咗啲兼多油，係咪其他炸嘅時間耐啲...南瓜薯餅似乎剛炸起，熱辣辣、好香南瓜味雞翼普普通通熱朱古力呢個係會員飲品劵唔駛錢換嘅，有忌廉又有棉花糖，好認真，份量都唔少，一啲都唔孤寒喎。食完仲想食個甜品，去餅櫃睇吓，有咩好食。最終單點咗個極邪惡嘅...Tiramisu格格多士伴

冬至飯諗住食西餐，又貴少少既唔洗排隊，點知真係好難食。 （唔怪得冇人排隊，都係怪自己）咖喱飯，老實講豬扒正正常常唔硬，啲飯都ok,但係啲咖喱汁少成咁樣，真係少過好多喺超市買$10一包嗰啲即食咖喱汁。跟餐嘅沙律冇影相但係啲菜好唔新鮮同埋得一小paat。煙三文魚沙律連十粒黃豆咁大都無，問題係要加$52真係好恐怖，菜既份量係小到好似女士嘅拳頭咁大。 個牛扒餐嘅沙律正常少少帶啲菜都好唔新鮮有少少黑色，同埋件牛扒七成熟好硬好難切。跟餐嘅蘑菇湯好似唔記得落鹽，同埋跟提子包好奇怪又硬身。同埋個意粉先過分，$128份量好少同埋好難食。嗰種味道啊罐頭湯好過佢，話係生火腿卡邦尼，但係果汁就似雞肉嘅忌廉湯同埋上面好多雞肉同埋好多紅椒同埋黃椒，得兩片生火腿。 服務都好差咁嘅價錢，問拎幾隻碟可以問三個人先拎到，問拎其他嘢都係要問兩個人先會拎到。成件事好就好在唔使排隊，但問題係味道咁樣真係幾過分，我寧願佢嘅味道同薩莉X一樣,同埋服務一樣，我俾錢都俾得順氣一D。

每次經過都會傳來很香的咖啡味，終於有一次放假可以約到姐妹一齊試了～對咖啡同埋甜品最有興趣，於是我地一人叫左一杯咖啡同埋一齊share左一份蜜糖吐司。👑推介: 士多啤梨蜜糖吐司 (~$60)兩個人一份都勉強夠食，飲埋杯咖啡岩岩好。好多新鮮士多啤梨，係甜嘅。上面嘅士多啤梨脆脆為整個甜品加上一點點酸度，甜而不膩。朋友嫌上面的吉士太多，有點膩，但個人較喜歡吃吉士，而且草莓配吉士感覺很撘，所以草莓控必點～～下次會再來的。適合girls’ talk的地方。

一段時間無黎，今次同朋友慶祝生日，想選擇一個坐得比較舒服、環境乾淨、又無時限的餐廳，就決定到pokka。今次見menu更新了，set dinner的選擇多了，而單點的食物款式都比以往多元化。食物方面，我們點了「芝士焗龍蝦燒美國上級牛柳」牛柳味道唔錯，「帶子意粉配番茄芝麻汁」芝麻汁令碟意粉生色不少。另外，最欣賞的都是飲品，我點了凍朱古力咖啡，真係非常好味。其實來pokka每次都會點咖啡類飲品，一定不會失望的！而今次用了openrice85折優惠，點了一份牛肉（set dinner)、一碟意粉、一碟大沙律、三杯飲品，折後$690左右，有85折，價錢合理，下次訂位前一定要看看openrice有沒有優惠！

第一次嚟食pokka cafe就係食羊架，食既係全熟，好好味！一啲都唔靭， 而且配上醬汁非常可口。 個餐一開始係有bread and soup(可以揀湯或者沙律，但我最後揀咗湯)， 個包係圓形便扁扁地嘅提子包。 之後主菜會配上薯角或者白飯可二揀一， 但我覺得喺度食羊架偏貴，性價比唔高， 但有機會會再食多次👍值得回味👍👍環境方面，空間非常之寬敞，坐得好舒服，地方大，有八人位。 餐廳的裝修不算特別優美， 但給人感覺還算舒適。

同媽媽黎屯門行完街完全諗唔到食咩既時候，見到呢度唔洗等位，所以即刻入左去。呢度服務好好，坐得又舒服所以就同媽媽決定黎呢度休息食餐好既。雖然坐得好，員工態度又好好，不過pokka cafe d野食愈黎愈貴喇話佢貴係因為價錢高而且份量少...性價比真係唔高。好彩野食都算幾好，補番數今次自己嗌左個紐西蘭牛扒拼帶子..個牛扒真係好食，煎得岩岩好，唔老唔鞋..話明牛扒拼帶子，即係帶子都算係主角丫但係當上菜果時，見到果粒帶子就真係細到唔覺佢係度....媽媽嗌左個爐魚拼大蝦🍤偷食左幾啖，都幾好食，魚皮煎得脆卜卜，個汁酸酸地幾開胃。另外我地加左錢試佢個骨膠原水果茶真心覺得好唔抵...就只係普通一壺水果茶加幾粒啫喱....套餐加配收成48蚊..好貴......基本上pokka cafe既野食都係同平時既一樣，保持到水準之餘服務又好，但真係唯一一樣要彈既就係佢d野食真係貴同唔抵食..

自從無左Pokka Cafe 嘅會藉，好耐都無嚟過了，價錢貴了，但份量也少了，要食貴租，我會揀其他。是日經過屯門，唔知食邊間好？！ 見到Pokka Cafe 唔使等位，就入去食。限時1.5 小時，我地點食物，兩個轉餐（+$48@），餐湯係蕃茄火腿湯，係一罐罐嘅蕃茄+幾片仔火腿⋯ 以前佢嘅蕃茄湯係用蕃茄blend 嘅，估唔到衣家用罐頭.....叫左個龍蝦汁海鮮讚岐烏冬，幾好食，湯底好濃。龍蝦汁蠔意粉，同一個湯底，算足料。黑蒜油叉燒讚岐烏冬，但佢比錯左叉燒讚岐烏東+薯餅，都好味既 好耐無食佢嘅招牌公司三文治，飽都叫嚟試下，水準依然。食滿HKD300 join 返會員減HKD100, 即係用HKD238入返會員，可以係另外其他區分店用。 其實我係鐘意飲佢嘅口咖啡，會員價買咖啡底好多。

我奶奶同我仔今日2個人去食下午茶（屯門區），餐廳唔係好多人，不過我奶奶係泰國人，唔識睇中文，一入去明明有人企門口帶位，但就扮見唔到，但跟我奶奶尾有其他客，反而走去帶位，視力有問題？到我奶奶坐低，都一直冇人拎餐牌拎水，野食係點都已經唔重要，我覺得你地間野啲服務好差，歧視我奶奶係泰國人，以為係工人姐姐？你呢間野都唔係高級餐廳啦，但啲員工就係高級人眼光，識分種族？奶奶返到黎同我講，我已經嬲到唔識講，對呢間餐廳好失望。

間唔中都會去pokka 食 因為坐得舒服 服務態度好 唔會趕你走 琴日星期日 朝早打完波 諗住同呀媽輕軒鬆鬆食個lunch 不過有幾個失望既地方首先係個湯 而家有番個飽 不過係好普通既提子餐包 但係個湯 真係唔係幾得 料有 但無味 係磨菇薯仔湯 好似一碗菇水 加薯仔一齊打爛 就係咁 無咩味道 以前鐘意pokka 因為會食到天然材料既味洋蔥味 蘑菇味 今次無哂 跟住嚟個主菜 仲失望 叫左豬扒帶子得一塊扒 勁少 唔知係咪轉左做帶子 無左成塊扒之前會有兩埋 同埋有好多配菜 疊到好高好多大份咁 唔洗食個飯都夠個飯都係咁細個 所以今次食完好似無食過咁 唔夠飽 不過豬扒都係好食既 嫩同唔un 冧 而且佢有陣蛋咁煎 而個蛋皮都好食薄薄地唔覺好粉唯有叫多個甜品頂肚 唔知係咪得焗格餅先好食 個格餅又係無乜味 無咖啡味 無朱古力味 好似食緊一舊甜甜地既牛油

近來出外用餐總是以西餐作為首選，也許是近來飲食習慣卻偏向清淡了。這天下午獨自在屯市開餐，思前想後西餐似乎就只有Pokka可選了。接近下午茶的時段，想不到Pokka用餐的人也滿多的，侍應沒有給我下午茶的餐牌，只遞來了午餐的餐牌，也罷反正就是為了吃午餐而來的。Pokka的午餐選擇不少，由A至K項價錢由$80至$148 不等，既可選意粉、湯麵、焗飯、定食，亦可選較豪華的扒餐，還配一杯飲品、沙律或餐湯。雖然在屯市午餐這價位未算是低消費，但總算是個豐盛而舒適的選擇。日前光顧過元朗的Le Grand Pokka，服務之不濟，加上食物水準的落差，令我對屯門店的Pokka有點望而卻步。不過Pokka 屯門店門業多年，在Pokka Cafe當中算是老店了，雖然似乎是風光不再，但它曾是屯門的西餐熱店，在服務水平上仍是十分到位的，這點元朗的Le Grand Pokka絕對是望塵莫及。不過，食物方面兩家的水準兩者分別不大，都是集團經營的老毛病吧！是日午餐選了焗芝士咖哩牛肉飯($108)，選配的餐湯是南瓜火腿湯， 南瓜 蓉打得細滑，自然的甜香，味道也不錯。 隨湯附上的提子麵包尚算鬆軟，可並非人人愛吃提子包，還好