Poke Go (大南街)

营业中

休息中

Poke go 係一間主打食夏威夷蓋飯既餐廳，佢地既Build your own Bowl可以自選菜式，選擇困難症既朋友都唔洗怕！因為佢地仲有signature bowl 比我地揀，幫你配搭好哂，咁就唔洗諗食咩啦～但我個人就鐘意自己揀配料，食過好幾次都係呢個配搭，都覺得最得我心！三文魚Bowl $110三文魚+珍珠糙飯+沙律菜+玉米+雞蛋絲+蟹籽+牛油果(+$12)+鰹魚醬油面層配料：果仁+木魚絲+紫菜絲 吞拿魚Bowl $118吞拿魚+壽司飯+玉米+芝麻海帶+雞蛋絲+蟹籽(第四款任選配料+$8)+鮮蟹肉($12)+蜜糖芥末醬+紫菜絲+脆蒜首先我最欣賞係飯底有得揀兩款，怕只食沙律菜會唔夠飽可以叫一半沙律菜一半珍珠糙飯，咁就有菜食又飽肚～三文魚同牛油果簡直係Perfect match，個人建議要加牛油果～我自己就比較鍾意醬汁選擇鰹魚醬油，男朋友揀嘅蜜糖芥末醬我自己就覺得食到後面會有啲膩，但佢就成碗食晒，話覺得芥末醬好正。魚生新鮮而且份量十足，每一啖都有驚喜同滿足感。店舖裝飾有特色，樓底高，牆上有趣味性既畫，整體環境令人滿意。我自己覺得室外座位好美觀，適合影相打卡！（不過夏天嘅話就可能有啲

天氣有少少熱就想食沙律，但又要有足夠嘅蛋白質，食夏威夷衝浪碗就最好啦！聽同事講係深水埗大南街有間小店 - Poke Go可以食到好正既衝浪碗！見到菠蘿魚霓虹燈就知係呢度啦，outdoor有兩張圓枱仔，木partition後面既地方原來都幾大，裝修主要色調係原木系同水泥，係bar枱上面仲擺左好多酒樽同幾個ukelele，感覺好休閑舒服。主食方面，客人可以build your own bowl，揀自己鍾意嘅配料、醬汁，如果唔想自己諗，呢度都有五款已搭配好既signature bowl比你揀。OHANA（$98）有三文魚，沙律菜，櫻桃番茄，溫室青瓜，甜粟米，蜜糖芥未醬，芝麻同果仁，用料全部都係睇得到食得到既新鮮！三文魚分量好多又切到一口size，每啖都有好多料，連埋沙律菜底，食完成碗都覺得自己健康左！冷壓菠蘿汁（$38）超大杯既菠蘿汁加埋大大塊菠蘿乾，店員仲提我菠蘿乾都可以食埋，冷壓仲可以保持生果既原味同營養，酸酸甜甜健脾開胃。今次狀態唔夠好，下次黎一定要試埋牛油果奶昔同cocktails！老闆同員工都幾friendy，聽老闆講佢哋嚟緊會喺尖沙咀開分店，到時去尖沙咀行街又多個地方食飯啦！

💎總評分：8.5/10-最近天氣開始熱，想食得健康除左salad之外，就即刻諗起poke bowl🥙。嚟自夏威夷嘅菜式，食材大多屬於原食材🥥，有豐富嘅蛋白質，難怪越嚟越係the trend。小店內外都充滿夏威夷風味，更設有室外座位可以帶埋寵物嚟嫁🐶！1️⃣ Build Your Own Bowl $138有5款己經配搭好嘅signature bowl，或者可以自由配搭，首先喺main protein🐟入面㨂一款，再㨂base＋3款topping🌟。店員送上食物時，滿滿嘅食材鋪喺面賣相吸引🤤。小編要左三文魚壽司飯配雞蛋絲、甜粟米🌽、麻醬豆腐，另外top up加左鮮蟹肉🦀(+$12)、溫泉蛋🥚(+$12)、三文魚籽(+$16)，每樣都好足料，三文魚亦新鮮大粒，堅係真材實料👍🏻，並非用飯填滿你個胃。Dressing方面辛味蛋黃醬最特別🌶️，唔會好辣但夠過癮！2️⃣ 炸蓮藕片 $48通常食川菜先會食蓮藕，原來炸藕片別有一番風味😙，香脆乾身係基本，灑上七味粉就更加惹味，小食份量嚟講都都算大份😋。3️⃣ 火山炸雞 $68叫得火山🌋，都聯想到佢係辣嘅！雞肉係類似唐揚炸雞嘅做法🐓，再喺表面淋上辣醬，每件都大大舊，

最近呢幾年，雖然係疫情，但係深水埗都開咗好多嘅小型食店！各有特色！夏威夷菜係我第一次接觸，所以特別好奇！七點左右去到差唔多全院滿座🥶樓底非常高！光線充足！鍾意嘅話仲可以坐室外嘅位置！Menu 好簡單只有兩三頁，唔想諗嘅可以揀signature bowl有五，六款揀！❤️我第一次識食，我梗係想自己揀啦！我先揀咗主菜先：主菜有三文魚，吞拿魚，八爪魚同雜菇香菇👍我揀左三文魚比我想像中大件，份量都唔少😁第二樣係飯底：可以揀沙律菜底或者飯，雙拼又得😁滿足你唔同嘅需要topping -3款可以揀主要都係蔬菜為主，而且份量非常之多❤️有興趣可以額外加錢揀top up我就揀咗蟹肉😋醬方面有五種選擇，而且啲醬都比較特別！有兩三樣都想試最後揀咗山葵乳酪醬😛😛總結一下份量好多大食嘅你都一定夠食而且蔬菜部份新鮮份量多健康之選值得回頭👍👍

夏威夷魚生飯 @poke.go_hk 在深水埗大南街好多文青Coffee shop 既聚集地大家都好中意過黎打下卡 影下相 CHILL 一 CHILL～ Poke Go 店舖裝修真係有D似Coffee Shop ，尤其門口好多打咭位裝修非常文青，另外有好多可愛嘅裝飾，打卡真一流架🥰🥰依間餐廳主打夏威夷poke，可以揀自選沙律菜🥗/壽司飯🍚/half half自選主食，配菜同醬料，如果唔想諗可以揀佢既signature bowl(有5款選擇)唔洗自己逐樣揀👍🏻👍🏻 好方便架 梅凍蕃茄 ＄38 夏天就係要叫個冰冰涼涼的開胃小菜啊第一次遇上梅凍蕃茄就喜歡了 酸酸甜甜的番茄，又開胃又凍冰冰仲多左清香既味道 ，超推介～• 𝙱𝚞𝚒𝚕𝚍 𝚈𝚘𝚞𝚛 𝙾𝚠𝚗 𝙱𝚘𝚠𝚕 x2 三文魚飯 $98 + 吞拿魚飯 $98三文魚+雞蛋絲+芝麻醬豆腐+蟹籽+山葵乳酪醬+壽司飯 吞拿魚 + 壽司飯 + 蟹子 + 紫菜絲配蜜糖芥茉醬呢間poke可以自己mix & match 配料同醬汁而且仲好大碗 滿到瀉😆 芝麻醬豆腐非常非常好食～刺身比例佔好多😍加埋醬汁好開胃完全昇華左成件事！ 最重要係個份量真係太足料了吧真係

開返晚市嘅第一日就來位於深水埗既Poke GO,因為餐廳嘅裝修好清新，餐廳外面特疊有一個小地方，放滿植物及木製品傢俬，感覺好慢活舒服。而且見到食物都係健康新鮮為主，所以吸引咗入去餐牌上有5款預設左的signature bowl,方便有選擇困難症嘅人當然你都可以另外選擇自己喜歡嘅主菜、配菜同醬汁等主食：三文魚 配菜：枝豆、粟米粒、麻醬豆腐配蜜糖芥末汁 珍珠糙米飯三文魚分量充足，好足料。麻醬豆腐亦好清新，整體感覺好健康又好味主食：八爪魚 配菜：粟米粒、櫻桃蕃茄、蟹肉棒配辛味蛋黃醬 壽司飯想嘢未少少可以試呢個辛味蛋黃醬，感覺似食緊韓式炒辣年糕咁🤣🤣蕃茄仔都好新鮮，份量好大碗唔驚食唔飽飲品方面，叫咗牛油果奶昔，好重奶味另一杯冷壓榨鮮橙汁，抔上嘅橙係可以食的，係餐廳自家壓制，非常新鮮👍🏻

今日晏晝食得太飽，所以夜一夜先叫宵夜食。打開D字App. 見到有夏威夷蓋飯外賣，立即自選叫黎食。今次呢間叫Poke Go. 位於深水埗。呑拿魚，芝麻海帶，蟹籽，木魚，蜜糖芥末醬👍🏻，成個飯感覺都好健康，呑拿魚切到一口大小，配上壽司飯一齊食，啱啱好。蜜糖芥茉醬同吞拿魚非常合拍，好開胃。呑拿魚，甜粟米，枝仁豆，都係蜜糖芥末醬👍🏻，呢個飯仲健康，但係味道一樣咁夾，咁好食。同樣推介。******************************👍🏻好食 | 👌🏻可以 | 😔 難食評分 : 6/10簡評 : 呑拿魚好食，健康飽肚既蓋飯

💛💛💛💛💛💛💛💛Poke bowl聽就聽得多啦，試真係第一次😍仲要可以自由配搭自己想食既配料，令我諗起之前食乳酪雪糕可以自己揀配料，勁多選擇仲要樣樣都係自己想食🤪。🐒Build your own bowl👉🏻Salmon with salad based💰$98w/ pickles radish➕tofu w/ nutty sauce➕onion🍯 honey mustard dressing呢碗係我自己配搭嘅，除左有豐富蛋白質之後，我揀左沙律菜做base，配埋酸蘿蔔同紫洋蔥，爽口得黎又開胃Dressing份量岩岩好，食到尾都仲掛到汁係配菜到，但又唔會太多搞到好膩。👉🏻 Salmon with brown rice & sushi rice based💰$98W/ seaweed➕pickled ginger➕sweet corn 🌶spicy mayonnaise dressing男朋友就揀左辛味蛋黃醬，佢個醬係mix哂落啲配料到，所以無論係三文魚定粟米個啲都會痴滿晒醬佢可以mix2款base，呢碗就mix左糙米同壽司飯，糙米增加左飯既口感，個人幾中意佢實淨既口感，配料好多！勁足料，

Poke係美國夏威夷菜式，可以自己選擇不同配料，主要係健康主打，岩哂keep fit人士。如果你有選擇困難，建議你真係睇多幾次個菜單或者叫預設左既款式，如果唔係真係睇到眼都闊埋。佢個base有壽司飯珍珠糙飯同埋沙律菜揀，仲可以最多揀兩款。另外toppings呀top-up呀，醬汁呀同埋調味就唔講啦。中意食咩就食咩，不過溫馨提示，要考慮埋餸同餸或者餸同配料夾唔夾。我就叫魚生同糙米做base，魚生食極都食唔哂，好足料。配菜叫左薑、粟米同埋海帶，薑就開胃，粟米好夾個辛味蛋黃醬、海帶就正常。整體黎講，好大兜好多料，感覺好健康，如果外賣係office 當lunch 都幾方便。

本身唔知食乜好 隨意係外賣app揀下野食📱男朋友唯一要求係食飯🍚我又想食魚生/沙律🍣🥗就搵到呢間係深水埗既Poke Go🐟早排見嗌跨區外賣都只係運費$38優惠就一於試下😮😮嗌咗兩個招牌魚生蓋飯🍣🍚🥗808 $108 配壽司飯+沙律菜+蜜糖芥末醬🍣🍚🥗OHANA $98配壽司飯+沙律菜+山葵乳酪醬兩個都超好食😋好大碗 用料好新鮮 性價比高👅👅涼侵侵好啱遲啲夏天食💦比起對上一次希雲街食個間poke bowl好食😋😋非常推薦用app嗌外賣 👍🏻外賣碗造型、食物擺碗都好靚好精緻🍽估唔到外賣都啱晒打卡📸收到外賣個下真係WOW咗一聲！🤩食完更加想搵日親身去餐廳堂食😍餐廳仲有係pet friendly 值得加分👍🏻👍🏻👍🏻

而家講求健康飲食 深水埗又多左好多特色cafe & 飲食咗岩見到Poke Go menu好吸收 真係要一試先得～如果唔想用腦諗野可以簡鋪頭有signature bowl鍾意自己揀嘅都有Build Your Own Bowl又得 可以自由配搭～我就自己慢慢簡 食材都好豐富 而且幾啱口味😎我就簡左沙律🥗菜 好fresh食落好爽口 沙律賣相都幾吸引又幾大醬汁非常充足啖啖都好夠味！簡左Octopus+Green salad+Cucumber+seaweed+egg shreds+Sweet Corn+crab meat+Honey Custard食材新鮮 份量非常充足 好正！

ღ深水埗夏威夷魚生飯 Poke Bowl 🥙ღ Build your own bowl $98今次揀咗吞拿魚壽司飯做base🍚Toppings可以自選三款，分別揀咗和式青蔥、櫻桃蕃茄、蟹籽😚分量一啲都唔孤寒，鋪滿成個碗！至於top-up自己就揀咗鮮蟹肉，朋友就揀咗牛油果，都好新鮮，但味道就冇話好特別～個重點可以話係個Dressings - 蜜糖芥茉醬！完全昇華左成件事！味道好濃帶少少辣味完全夠撈晒成個飯🤩本身成隻餓鬼走去食😈，但個份量真係太足料，但又太好食忍唔到要放棄個飯，食完完全飽到傻🥲ღ 蟹肉沙律 $68嚟到嘅時侯見到上面有一大pat蟹籽有小surprise😚蟹肉分量都好夠，而個底就係菜啊菜啊同菜🥗，成件事夠哂Fresh 🍃==============================🍴Poke Go📍深水埗大南街211號地鋪==============================

深水埗一向多好嘢食就係人都知，今日朋友帶我嚟呢間Poke Go，試吓日式嘅健康美食。餐應面積雖然唔大，但小清新既風格令人坐得好舒服。餐牌方面，可以按自己既口味逐層去配搭，如果唔想自己選，亦都好細心提供左recommend既配搭比大家！我地二個人都係自己選配菜，開頭無好大期望，點知上到台，賣相非常之好，有用心去排過啲食材，而且每一種配菜都比得好多，驚你食唔飽甘個人認為呢種自由配搭既食法唔錯，全部配料都好健康，又比齋食沙律得來口感豐富而且飽肚。

-<<🍣🍚>>呢間人氣poke bowl❤️係我近期心水餐廳樓底好高～裝修好靚枱之間有一定距離🙈坐得好舒服店員老闆亦都好有禮貌好nice!!.✨Build Your Own Bowl | $98 | 9/10吞拿魚新鮮～冇筋唔酸唔腥🍣配菜要左蟹肉(+$12)同海帶 份量超級慷慨!! 半飯半沙律都好飽肚😗🤘🏻嗰塊炸蓮藕薄脆😍有特色加分!值得一讚嘅係佢個山葵乳酪真係好惹味 please多醬👻🔥.📍Poke Go 深水埗大南街211號地舖.#jacstomach_深水埗#jacstomach_日式

一入去得一張抬有人，男店員態度都幾好的。店內有一個綠色頭髮個女staff ，我想請問你係咪真係咁急住趕客，d野都未食完 ，即刻想過黎收走 ，問題係個舖頭吉位咁多，洗唔洗？？無語。另外d野食真係麻麻咯 ，雖然整得幾靚，但是味道實在一般般！另外出邊有人食煙，d味完全飄左入黎！唔明好評點黎！I feel very bad。怪唔之得都無咩人入黎食，實實在在中伏。青瓜占了半碗野食。希望店員態度改進啦，野食都要再進步。謝謝！