Playa de Papagayo (已結業)

同朋友想傾下偈，尖沙咀又唔知邊度有得坐下，就去咗papagayo飲杯野食少少野。Papagayo sangria 就最岀名。上次試過原味，今次就試下Rose sangria($55/ happy hour )以為容易啲入口，飲落酒精好似仲多過紅酒😂😂 味道唔錯，生果都好多，飲一杯都夠🙈叫咗啲小食送酒，揀咗燒焗豬手件配自家製酸椰菜 ($78) 同牛油果蟹肉卷配三文魚子 ($88)燒豬手係明顯性價比高好多😂 豬手烤得皮脆肉嫩，好香😻 份量咁多都只係$78，岀面應該食唔到。 呢份牛油果蟹肉卷擺設得都幾特別，用閃閃金色既皮包住啲餡料，個皮食落微厚，爽既口感，味道就真係食唔岀😂 入面就微辣帶少少牛油果既味道

位於尖沙咀的Playa de Papagayo，雖然裝潢似酒吧（全部高枱高櫈咁），佢哋啲西班牙菜幾骨子。之前同朋友到附近，有啲想飲嘢所以過嚟試下。呢隻叫『Golden Egg』，而家好似已經冇得供應。佢其實係薯仔加埋一啲煙肉、鹹魚等嘅香口材料，造成蛋咁嘅樣。再放係薯仔絲炸成嘅鳥巢上面，好似真嘅金蛋咁，感覺幾得意。食西班牙菜必叫嘅『suckling pig』，呢度基本上做到皮脆肉嫩，係份量比起價錢細咗啲。佢切到細細舊方便送酒，但係就無咗啖啖肉嘅快感。西班牙海鮮飯做得唔錯，有充足嘅海鮮味，飯粒非常入味，軟硬程度剛好。最後係龍蝦扁意粉。龍蝦肉質緊實，夠新鮮。意粉亦做到Al Dente。埋單每人$300，食海鮮同埋創意Tapas都差不多呢個價。

尖沙咀水準西班牙菜之前已經食過，番得轉頭食，水準當然有番咁上下！小食有好多選擇，今次叫左「豬手配薯蓉酸菜」豬手個皮燒得好香脆，肉又夠林夠滑。「西班牙煎蛋餅」上次已經想試架喇，蛋餅包住忌廉薯蓉，外脆內軟。「黑松露野菌薄餅」呢個真係好好食，黑松露係卜卜脆既薄餅中間，夠香，但又唔會太搶風頭，加埋海量又大粒既蘑菇，半溶既芝士係面頭，100分！「北海道帶子配香草汁意粉」四粒帶子都勁大粒，香草汁意粉又濃又creamy無得輸！想講佢既white wine sangria係勁好飲架，白酒微甜，生果又多又濃郁，必試！每人$200到，食又得飲又得又夠chill，推介😘

Happy Friday Night有時飲返杯都需要架，經過忙碌的一星期工作要relax下❣️尖東一間西班牙Bar供應tapas同主食，好似小編咁已經係第d餐廳食飽飽既都可以去飲杯酒🍸.SWEET SUNSET有冧酒，鮮桃🍑同士多啤梨🍓味好突出，係鮮果味而非藥水味啊！落左少量青檸味，杯底有粒粒cane sugar，再撞落crushed ice就形成左呢杯美酒啦！幾鐘意呢杯，夠香甜可口，應該岩女仔飲☺️

放工黎放鬆下，見到餐廳氣氛好好，就入去食野啦薄餅底烤得好脆，4種芝士既配搭好香，熱辣辣出爐食有拉絲效果聞到好香黑松露味，個汁好香好creamy,再加上爽口雜菇同有咬口麵條，好好食2個人好快就清哂呢2碟野食

今日準時放工黎到尖沙咀食dinner, 黎到呢間西式餐廳，見人都多多地，食評又ok , 就入黎試下。 野飲七點前happy hour 勁掋， 份量都唔小，同埋都幾好飲。叫咗個焗飯同埋鵝肝漢burger, 焗飯不錯，個菇同鵝肝好食。 個burger 簡直amazing , 佢個皮好脆， 入面又好juicy , 鵝肝同個漢堡扒好夾。薯條好脆， 一條都無剩。 最尾滿載而歸，好開心

與朋友聚舊，因為友人於尖沙咀放工，所以便選擇了這間西班牙餐廳試試我們7點多來到，幸好還有位。裝修挻特別，很適合與朋友聚舊談天我們點了一份法國鵝肝雞肉意大利飯。鵝肝十分肥美十分creamy, 意大利飯的份量也很多我們再點了一份燒焗鵝肝牛肉漢堡配薯條薯條十分香脆燒焗鵝肝牛肉漢堡很夠份量，入面有鵝肝、牛肉、蕃茄、生菜等等漢堡用的包也很香脆雖然點了兩個主菜，但我和朋友已經很飽很滿足下次一定會再來試試其他食物

成日路過都覺得呢間食西班牙既食店氣氛好好，星期日晚一於同一班朋友黎呢度聚會當日間鋪人流唔多，又播住好聽既歌，真係好relaxSuckling Pig $88呢個西班牙烤乳豬燒得好脆好好食，而隔離有d酸菜同芥末中和油脂，配上底部d薯蓉，真係好夾Deluxe Toasty Platte $128呢個多士賣相吸引，令在場女士都好開心！多士烤到卜卜脆，配上八款唔同既topping，好食分別有鵝肝醬、黑松露炒蛋、柚子蝦、蕃茄、蜜瓜火腿、雞、蟹、牛肉。我食左鵝肝同黑松露炒蛋，兩個都唔錯！Black Truffle Pizza $138烤到脆既薄餅底上鋪滿cheese同唔同種類既菇，加上黑松露醬，真係又香又脆又juicy連本身好抗拒素食既我都覺得好食Seafood Paella $288本身對呢個西班牙海鮮炒飯期待最大，點知都係最失望既。虎蝦新鮮彈牙，但其他海鮮例如青口魷魚等非常普通。飯亦吃不出有海鮮味，雖然唔難食但係都幾失望。晚上七點前可以用Happy Hour價錢飲酒。我地都飲左Regula Sangria （冇影到相）有好多生果同一條肉桂。味道普通啦 ，可能因為我鍾意甜既，呢度既Sangria

這裡環境很舒服，可能是下雨天人不多，沒有噪的感覺。食物味道有點特別， 牛柳很有肉味而配菜的芝士很有味。 店員推介的西班牙海鮮飯酸得適中，但很快飽的感覺。 飯後甜品也很精美， 手機食先一流。是一個交談好地方。

Happy Friday 約埋一班friend 去呢間有野食有酒飲嘅餐廳食飯吹水，一早book 左位，七點去到餐廳都full full地。餐廳位置好近地鐵岀口，very convenient .嗌左西班牙海鮮飯，海鮮好多好大隻，都ok 好食。另外嗌左小食，芝士波，炸薯條，小食拼盤，帶子蝦，炸軟殼蟹波，味道都Ok. 每人再叫左兩杯酒，但有啲飲品味道怪啲，同其他地方飲嘅唔同。整體來說餐廳環境，食物味道都可以，埋單每人三百五十，尖沙咀黎講算ok.

上星期二晚，好友生日，我約了她到這間位於尖沙咀的西班牙餐廳酒吧吃飯，因為她喜歡吃西班牙菜，而我其他朋友說這間餐廳都有特色。餐廳裝潢設計有點像酒吧，放工後入去喝杯酒，感覺上很relax。我們叫了兩杯El verano (有peach& passion fruit味的mocktail),味道都OK。之後，我們叫了八味吐司和帶子配自家制香草忌廉汁意粉。我意外地喜歡八味吐司，因為它的賣相很好，而且每片脆脆的厚吐司上有不同的配料。配料味道也很好吃。如果用來配酒，十分適合。我自己最喜歡蟹肉配料，因為用了真蟹肉碎和特色醬料。意粉也很好吃，尤其是那4隻大帶子，又爽甜又大隻，個忌廉汁也可口。因為是我好友生日，所以我來前已致電餐廳安排在我們叫的甜品旁寫生日賀語。我們叫了自家製焦糖花生雪糕棒作甜品。他們寫的字很漂亮，我的朋友很開心。雪糕棒味道不太甜，幾特別。最後要一讚serve我們的服務生服務態度非常好。

世界盃熱潮正盛、酒吧一律提供球賽直播既情況下，想摸住酒杯底睇波自然唔難，但想滿足埋味覺又係另一回事。 今晚係昏暗環境下既bar台，終於可以促膝詳談既同時飽餐一頓。Roasted Suckling Pig Cut w/ Homemade Sauerkraut & Smashed Potato ($88)乾脆地「咔嚓」一聲，紙咁薄既脆皮應聲折斷，皮脆肉嫩。 好鐘意乳豬脂肪比例好低，豬皮下近乎零肥肉，一啖放入口都亳不油膩，對我呢種食中式乳豬要走肥膏既人黎講好方便。單睇豬肉紋理已經可見其新鮮程度，焗既時間亦控制得岩岩好，嫩滑得黎有肉汁。 乳豬調味唔係好重，點埋蜜糖芥末醬更加引出肉鮮味。本來預期tapas份量唔大，估唔到一客都有1/4隻，底下仲有幼滑自家製薯蓉，兩個人分岩岩好。Italian Linguine w/ Wild Mushrooms & Truffle Sauce ($138)黑松露野菌意大利扁麵呢個經典組合自然唔會出錯，一入口就感受到濃郁既黑松露香氣，各式新鮮爽口野菌配合creamy醬汁同煙韌有彈性既扁麵，色香味都好有層次。 最令我驚歎既係用料毫不手軟，黑松露醬同野菌都近乎泛濫，令

約左朋友食飯同拎手信，肥鴿主人話想食西班牙野，咁岩見到呢間餐廳有唔少好評，於是就過黎試下。餐廳既位置相當易搵，係紅墈站行過黎都只係10分鐘，除左室內坐位，都會有室外位置比唔怕熱既人，但大熱天時肥鴿一定會坐室內 XD  坐底之後我地每人各要左一杯SANGRIA，肥鴿要左ROSE SANGRIA，另外兩位就分別要左REGULAR SANGRIA同WHITE SANGRIA。ROSE SANGRIA黎啦~望落同REGULAR顏色有D似  入面有好多唔同既生果，有檸檬片、青蘋果、石榴籽等等。肥鴿係篤左檸檬先飲既，所以飲落會有D酸酸甜甜，間中又可以食下生果粒，消暑提神！小食落左之後就好快送到  呢個黑松露雞茸蘑菇脆卷係鬆脆既春卷皮包住雞絲沙律，兩邊再沾滿左充滿香氣既黑松露，食落去外脆內軟，美中不足係食唔出有蘑菇。即使係咁，呢碟都係唔錯既餐前小食 食完小食之後再過多20分鐘，我地叫既斧頭扒就上菜啦~份量真係好多，又好厚肉，要用力先切得開。但要用力又唔代表肉質好粗糙，相反呢款豬扒食落口感細緻但又唔會有大量脂肪，所以每一啖唔需要太多咀嚼，而且調味適中唔會太鹹，真係會令人忍唔住一啖接一啖   旁邊的配菜

星期六到左午餐時間，係尖沙咀區經過呢間Papagayo 嘅西班牙小食同Bar . 佢有weekend brunch 選擇 ，價錢大約$198起 ，有一個主菜 一杯餐飲 ， 仲有tapas bar 任食 。價錢唔貴，但其實質素真係唔太好。Tapas bar 選擇不多 ， 熱食有三盤 ，湯有一款 ，其它就係小食 。小食味道其實唔差 ，不過係食一兩round 就唔想食，蛋餅，無花果鵝肝醬撻 ，紅椒釀水牛芝士 、辣肉腸等 .. 仲有生果同芝士 .. 到左主菜 ，我地叫左西班牙白魚醬大蜆湯扁意粉 、同埋原隻麵包蟹焗飯 。 大蜆湯意粉可以接受，蜆都唔少 。但佢個汁係好水，但埋勁重蒜味.. 另外個麵包蟹焗飯就慘不忍睹。一睇就知個蟹蓋係只不過裝飾only 。 放左d 冇乜蟹肉嘅飯 。味道差賣相差 。好唔掂 🙈

之前試過天文台道嗰間分店，今日行過又好肚餓，Lunch set由$78至$128，唔理喇就咁衝入去食！沙律、磨菇湯及餐包沙律落咗好多醋，酸酸哋好開胃；湯有好濃郁嘅菇味，不過質感唔會好杰，口感細膩；餐包係熱辣辣㗎，一搽香草牛油即刻溶晒，超鍾意！原味雞翼 ($78)就咁睇好似炸得好勁，但食落唔算多油，應該上菜前吸過油；新鮮炸起外層好香脆，一咬開啲肉汁必出嚟㗎，真真正正嘅外脆內軟，旁邊有啲酸酸甜甜嘅汁，不過就算唔點都已經好惹味香辣櫻花蝦蒜片煙三文魚扁意粉 ($98)落單時要求多蒜，一上菜已經香氣四溢！以為係櫻花蝦辣㗎啦，點知原來係overall都辣㗎喎！但好在，完全唔食得辣嘅我都食到，仲覺得幾惹味添。扁意粉軟硬度適中，配合啲脆脆嘅櫻花蝦，口感非常好海鱺魚配香草汁 ($108) 賣相幾好，魚皮肥美膠質豐厚，魚肉夠厚身，肉質有咬口感，大塊到好似食極都仲有咁；薯蓉加埋香草汁食更正！望住外面滂沱嘅大雨，喺呢度食個悠閒嘅lunch又幾寫意！