Plato Cafe & Bistro (吳松街)

位置：Plato Cafe & Bistro (吳松街) (佐敦)佐敦吳松街186-188號地舖(近柯士甸道）食後感：今日同老公黎依一間cafe食晚餐，平時夜晚經過都見有好多人幫襯所以專登黎食。餐廳入口清晰可見內裡環境整齊，乾淨。坐低後，侍應都非常之有禮貌講解下餐牌內容，最後我地都係選擇推介嘅二人餐。（$498+10%=548）味道：黑松露芝士薯條薯條上枱新鮮熱辣辣重有啖啖松露香，想重口味既，有一大兜芝士醬同茄汁可以點，唔夠仲可以加添。帶子黑松露意粉香煎帶子咬落有陣陣牛油香氣，配上焦香味同彈牙扁意粉好夾。醬汁係黑松露忌廉汁，加上青椒同露荀，口感好豐富，食落咸咸甜甜。西班牙黑毛豬鞍架豬鞍我最驚中間切開係粉紅色又或姐太韌咬唔開，呢個豬鞍夠大塊食落鬆化有肉汁，估唔到係度食到咁高水準既豬鞍。餐飲柚子茶柚子茶濃郁，加埋檸檬片，酸酸甜甜好解膩。熱檸水養生檸水，檸檬冇苦澀味，消滯健康之選。好味指數：$548有咁多野食重包埋甜品，真係好抵食，我見人地前菜兜三文魚沙律都好大碟，唔怪得咁多人叫二人餐啦。

點解我成日都搵唔到間好食而又唔洗使勁兜沙發嘅銀包嘅地方喎🤔？不過今日呢間店令我樂而忘返啦！搵到金庸銀庸全包嘅好地方😍，真係打咗個滿分👍！首先，佢個黑松露薯條真係讚到無朋友！啖啖薯條香脆得嚟又帶點黑松露嘅奢華味道，埋一啖咬落去有芝士醬加持，真係令人一啖接一啖，停唔到口。儘管有時候會心諗：「老細，唔洗咁大方添！」但邊食邊掂埋豐富嘅茄汁，就算嘴角留醬我都要承認，我樂在其中！食物方面，我覺得仲可以提提升。嗰份全日早餐啲蛋滑到冇朋友，窩夫方面就真係脆到可以聽到隔離桌嘅人嘅對話，不過薯餅有啲坊間感覺，唔夠特別。而嗰個吞拿魚中東包呢，可能厚身D嘅朋友會覺得有啲唔夠飽肚，但小編我就覺得啱晒！餐廳做到薄身又唔破皮，包住啲新鮮蕃茄、生菜同埋啖啖沙甸魚，好味到唔習慣！總體黎講，食嘅過程中唔单止口福過癮，連眼福都有份，個餐廳仲可以符合我哋嘅口味👅，食完走出黎街道感受吓香港嘅熱鬧氣氛，今日簡直係完整嘅享受。呢次嚟食真係一個正😎選擇，玩飽食飽之後記得唔好走得太急，慢慢行，消化下食物，順便同樂一家預咗下次再黎！

星期日同老公路經佐敦,見到黎間Plato cafe Bistro,見環境幾好,一於入去食下餐廳好大好舒服我同公選左個$498二人套餐因為$498套餐頭盆有天婦羅尤魚鬚係我好想食熱辣辣,尤魚鬚又新鮮,金黃酥脆,非常好味,仲好大碟好多套餐有餐湯套餐有意粉或飯,我地就選擇左帶子黑松露扁意粉新鮮帶子配上濃郁香氣黑松露鐘情黑松露的我一定係必食之選主菜我地就要左西班牙黑毛豬鞍架配焗薯黑毛豬肉質鮮嫩,豬香濃郁,豬鞍又厚又大件如果我自己一個人食一定食唔晒餐牌上甜品本來係日本芝士蛋糕，但今日轉左係Movenpick雪樣,仲正我地另外加左$48升級一個甜品朱古力心太軟配雪糕,不但買相靚,味道仲正個餐仲包兩杯飲品,唔記得影相整體成個二人餐,質數高,份量夠又抵食

朋友拉我去試了一家餐廳，驚喜地發現非常得意！先來個煙三文魚凱撒沙律，煙燻味啱啱好，三文魚滑溜溜嘅，一啖鮮甜，好開胃。再點了龍蝦汁虎蝦意大利飯，每一啖都嘆為觀止😲，意大利飯煙韌得嚟又吸滿咗龍蝦汁，整個蝦仁又大又彈牙，每啖都爽口得嚟又有海味。然後係我心水推介——美國安格斯肉眼牛扒，烤得外層微焦嘅香味🤤，牛扒唔單止嫩滑得嚟肉汁豐富，係實在太正喇！最後一道甜品，我就揀了竹碳麻薯千層酥，實話，我第一次食呢種組合，酥脆千層酥加上煙韌麻薯再搭雪糕，呢個滿足感噏，真係得意過癮！整體嚟講，這家餐廳出品有水準，巧妙融合新意同傳統口味。食到最後，開心到笑容都stop唔到🥰，真係食得百分百開心！

最近，男友提議到佐敦附近一家西餐廳食晚餐，距離地鐵站只有2分鐘步行路程。喱家餐廳環境舒適，服務員細心友善，給人一種好溫馨既感覺。我地約左係星期三晚食，即使係平日，餐廳既客流量都相當高。我們叫左一份價值$498既二人套餐，套餐包括了小食、餐湯、主食、甜品和飲品，十分豐富。小食叫左黑松露芝士醬薯條，主食有帶子磨菇扁意粉同美國肉眼扒，甜品有名牌雪糕嬲日式芝士蛋糕。餐飲包括熱咖啡和熱檸茶。先講下小食黑松露芝士醬薯條，薯條簡單而美味，薯條炸得金黃酥脆，搭配上濃郁既芝士醬，口感豐富，令人回味，如果薯條粗D仲好！接下來既餐湯，我們每人都有一碗。餐湯無得簡，只有椰菜花湯，湯中無乜配料，給人一種家常味道。接下來是主食，我點左帶子磨菇扁意粉，男友點了美國肉眼扒。意粉煮得剛好，扁意粉麵條Q彈有嚼勁，帶子和磨菇既組合既定好味。而男友的美國肉眼扒煎得恰到好處，叫左7成熟，肉質嫩滑多汁，口感十分出色。兩道主食都唔錯！甜品方面，有名牌雪糕同日式芝士蛋糕，名牌雪糕味道一樣，而日式芝士蛋糕則濃郁香滑，口感柔軟細緻！最後既餐飲，熱咖啡的香氣撲鼻而來，喝起來濃郁香醇。熱檸茶則清新怡人，帶來一絲清涼感，非常適合配合成個餐！總

天寒地凍由早上十點半飲早茶 >> shopping >> afternoon tea >> 直踩到Dinner time at 7:30pm，到達餐廳已經滿座，好彩朋友經openrice訂枱，不用等待😎😎😎服務員發現我行動不便，好細心安排座位及set好餐枱🙏🙏🙏，謝謝你們。西班牙海鮮炒飯～好香，海鮮好正澳洲牛肉眼扒～好冧，好嫰，伴菜既翠玉瓜好脆，焗薯好滑黑毛豬鞍～好冧，多肉汁，伴菜既翠玉瓜好脆，焗薯好滑食飽飽，飲杯餐茶暖胃：熱柚子茶這裡既食物有水準，好好味😋😋；可惜至愛既甜品 tiramisu售罄，唯有留待下次再來。

呢間plato cafe係我同朋友經常上完堂都會過黎食lunch/下午茶,但係就未試過係度食dinner。今次因為改咗時間有幸同佢一齊試到2人dinner set,除開人均都係250左右,價錢可接受!見到有一半以上嘅食客都係叫呢個set，感覺唔會伏😂—————————————————————📍 Plato Cafe & Bistro (吳松街)地址: 佐敦吳松街186-188號地舖✍🏻/食評/◍ Appetizer-天婦羅魷魚鬚,餐湯呢個天婦羅魷魚鬚話就話前菜,但係都幾大杯,數落都有10幾條,配搭酸未未嘅塔塔醬,分開胃,不過天婦羅略嫌炸得未夠脆同熱🥹◍ 北海道帶子松露野菌扁意粉3粒帶子都煎得好香口,咬落去好有彈性唔韌,意粉煮得好creamy有咬口而個忌廉汁又唔會好漏！◍西班牙黑毛猪鞍朋友最近唔食得牛所以就決定叫黑毛猪鞍share食!呢個西班牙黑毛猪鞍真係超級稔到癲！！完全唔使用力cut開一舊舊,口感好似酒樓高級貴價叉燒咁,超級嫩身,肉質鮮嫩又juicy，推介！◍ Dessert-日式芝士蛋糕呢個唔使加錢,套餐包埋。芝士蛋糕口感厚實又重芝士味,雖然係一小份但係都好飽肚

前菜🥗煙三文魚凱撒沙律雖然餐單上的薯條跟魷魚鬚天婦羅都好吸引但為了吃得健康就點了沙律清新爽脆的沙律菜+ 凱撒沙律汁的調和配上鹹香的煙三文魚跟脆口的煙肉小粒多層次的味道作為開胃前菜非常令人期待主食上菜🫕是日餐湯-南瓜忌廉湯Creamy香濃的南瓜湯比起其他的菜沒有特別出色但是也不錯喝主食🍝北海道帶子松露野菌扁意粉Creamy 的黑松露汁沾滿每一條意粉很喜歡意粉比較有嚼勁的質地煎到微焦的鮮甜帶子+ 各種新鮮的野菌口感豐富又平衡了忌廉的膩主菜🐂美國安格斯肉眼牛扒-3成熟度深啡色的外層肉質緊實切開中間是粉嫩的紅肉質延到中心是磚紅色原始牛肉香味熟度掌握到恰到好處肉味濃厚,每一啖吃下去都有生熟層交織的豐富口感配菜是蛋黃醬焗薯,鮮嫩翠玉瓜跟車厘茄與肉眼相得益彰,不會只想吃牛肉而忽略它們份量有點大,吃完都差唔多飽了甜品🍰日式芝士蛋糕好有心思的用了聖誕節士的作裝飾 香濃的芝士配上幼滑的蛋糕跟忌廉一啖又一啖好快就消滅左整個甜品飲品🫖蜂蜜柚子茶酸酸甜甜的,上菜前喝一口好開胃放在最後喝可以解牛肉和忌廉油膩☕️意大利即磨咖啡符合西餐的選擇用了偏苦既豆 啡味濃郁甘醇不想喝齋啡可以加上幼滑的牛奶都是和諧的配搭

之前已經來過食，覺得幾好味😋所以今次同朋友試#至尊二人套餐 #二訪 1️⃣前菜西班牙風乾火腿伴哈蜜瓜沙律2️⃣是日餐湯蘑菇忌廉湯～有粒粒口感且濃郁3️⃣主菜🔸蜜糖燒豬手滿滿骨膠原☺️肉質都嫩，燒到好香脆，食落都好有彈性🔹美國安格斯肉眼牛扒我地叫左5成熟，我中意肉眼扒既原因就係肉質偏腍又冇筋，食得開心d😌4️⃣甜品🔸日式芝士蛋糕淡香芝士味，蛋糕亦好綿密😋🔹朱古力心太軟配雪糕勁濃朱古力味🍫配埋雪糕食就中和左🍨5️⃣飲品Oreo奶昔&抹茶鮮奶兩杯都好creamy，oreo同抹茶都好濃

兩個女仔食dinner set份量正好。dinner set是日餐湯是粟米湯，跟著好快上了前菜，前菜選了天婦羅魷魚須，脆卜卜，炸得很香，量大夠食。跟著上了北海道帶子松露野菌扁意粉，意粉煮的入味又唔會過軟，裹滿黑松露醬，味道濃郁。帶子有四五個，兩面煎香，味道稍帶鹹味，又非常鮮。主菜是澳洲肉眼牛扒，肉眼牛扒鮮嫩多汁，相當可口，帶著炭烤的香氣，一口下去好大滿足！擺碟的葫蘆瓜也是非常鮮嫩多汁，咬落有種在嘴入面咬破水彈的感覺，薯仔都非常綿軟～最後的甜品是兩塊芝士蛋糕，品質非常不錯，奶香非常濃郁，芝士清新爽口的微微酸甜口感， 芝士的風味非常突出。芝士綿密的質感，瞬時讓味蕾得到極大的滿足。蛋糕的簡單裝飾，上面點綴了一顆藍莓，看起來就賞心悅目，吃起來更是停不下來～

想同朋友見下面，但又諗唔到去邊，於是就揀左黎呢度，坐低食下嘢，吹下水👍🏿餐廳環境都好舒服，唔會好嘈吵，想靜靜地傾下計/約會就啱曬😆✨至尊二人套餐✨-前菜-🐟蒜片白酒欖油紐西蘭青口個汁唔錯👍🏿但如果可以juicy啲就更加正😆🥣雜菜湯足料👍🏿味道正常-主菜-🍚西班牙海鮮飯印象最深刻係個燒魷魚，幾惹味😆海鮮整體質素都唔錯🐖西班牙黑毛豬鞍一啲都唔鞋😆配上個汁酸酸甜甜，幾開胃。食埋側邊個薯仔🥔夠曬飽肚👍🏿-是日精選甜品-🍰芝士蛋糕口感不錯，幾清新，食曬成舊都唔會覺得好漏～🍸冰果茶甜度剛剛好，仲有粒粒果肉😆而且好解渴🤣整體食物都唔錯，嗌二人餐份量啱啱好，唔驚要爭住食😆

佐敦呢間西餐廳價錢相宜，食物質素高，係gathering嘅好地方！2人餐價錢抵食，$498有餐湯、前菜、意粉/意飯、主菜、甜品和飲品。是日餐湯係粟米湯，味道濃郁好飲！前菜揀左黑松露芝士薯條、薯條好脆，灑左黑松露係表面，味道香濃，仲有兩款醬，茄汁同芝士醬，芝士醬配薯條口感超正！龍蝦汁虎蝦意大利飯意大利飯嘅唔會太淋又唔會太硬身，混合左鮮甜濃郁嘅龍蝦汁，令意飯味道昇華，加埋菇、蕃茄、三色椒，令口感更豐富☺️虎蝦亦好爽口彈牙！美國安格斯肉眼牛扒牛扒份量超大塊，叫左7成熟，牛扒保留左大量肉汁，牛味好濃，而且都幾軟腍，筋鍵位唔算多，伴菜仲有焗薯、翠肉瓜。甜品係日式芝士蛋糕，另一份加錢升級朱古力心太軟配雪糕，芝士蛋糕軟熟，有香濃嘅芝士味。朱古力心太軟，切開係流心朱古力，保持住暖暖嘅溫度，加上雪糕，一冷一熱幾過癮😍百香果菠蘿乳酪混合左百香果同菠蘿嘅乳酪飲品，酸酸甜甜幾好飲，仲加左脆脆同菠蘿果肉增添口感雜莓奶昔雜莓奶昔賣相吸引，上層仲加左cream,同果醬，飲落唔會太甜！

今日黎呢家口碑唔錯既西餐廳位於佐敦吳松街, 龍堡斜對面叫左個精選二人晚餐🔸前菜✨黑松露芝士薯條🍟薯條炸得金黃香脆, 大大份😆灑上黑松露粉，又配埋濃香芝士醬🔸餐湯✨野菌湯忌廉湯忌廉湯口感調得剛剛好☺️充滿濃濃既野菌味🔸主菜✨北海道帶子松露野菌扁意粉外表非常吸引除外大大粒帶子, 重有有各式蔬菜包括豆苗菜, 蘆筍, 蕃茄, 野菌, 口感豐富😋忌廉汁都調得十分出色, 配上煙韌既扁意粉整體配搭出色, 值得推介👍🏻✨美國安格斯肉眼牛扒肉眼扒好大份, 厚切, 香噴噴🤤🤤食落均匀多汁, 牛味豐富, 火侯控制得好好加上原個焗薯, 香滑鬆軟, 風味十足☺️性價比高, 抵食, 係必食推介🔥🔸甜品 ✨日式芝士蛋糕蛋糕口感香滑, 芝士味香濃🧀份量剛好唔會滯, 係幾好既甜品😋總結: 性價高既西餐廳, 最啱一家大細家庭或同知己好友一齊黎食野同chill下既餐廳

由樓上店轉為地鋪，地方變得寬敞，坐得更舒適。🔅精選二人套餐 $498(包括餐湯、前菜、主菜、甜品，以及餐飲)🔹黑松露芝士薯條沾滿黑松露嘅幼身薯條，新鮮熱辣辣芝士唔係鋪係薯條上面，而係另外送上，咁就可以保持薯條脆卜卜🔸北海道帶子松露野菌扁意粉帶子鮮甜，松露味道突出，醬汁creamy濃郁，不過又唔會太膩🔹西班牙黑毛豬鞍豬鞍較嫩，肉汁豐富，附上蘋果蓉，酸酸地，味道更有層次，配搭焗薯同翠玉瓜，難得有咁健康嘅配菜🔸日式芝士蛋糕即使跟朋友選擇相同，兩份蛋糕面上都會配搭不同，有心思。芝士蛋糕軟滑，完美圓結晚餐

無意中發現佐敦地鐵站附近原來都好多好野食，今次就嚟到呢間Plate Cafe & Bistro，呢到用咗簡約休閒風嘅裝修設計，環境舒適闊落，食歐陸西餐為主～精選二人套餐💰HK$498是日餐湯係蕃茄忌廉湯，味道有啲似有忌廉味嘅羅宋湯，令人好開胃～前菜我哋就揀咗天婦羅魷魚鬚，冇諗過前菜都咁大碟，炸到好香脆！想惹味啲，仲有旁點嘅沙律醬可以點～另外，我哋仲揀咗北海道帶子松露野菌扁意粉，北海道帶子香煎過之後更香口，扁意粉軟硬度適中，呢個忌廉汁超creamy，除咗濃濃嘅黑松露味之外，仲帶有少少牛油香味～主菜方面就叫咗五成熟嘅美國安格斯肉眼牛扒，牛扒超大份，牛肉味亦好重，而且食落唔會韌好juicy，唔洗點醬汁都好夠味！旁邊嘅焗薯仔都同樣出色，面頭配有沙律醬同煙肉碎可以撈埋一齊食～甜品就揀咗日式芝士蛋糕(2件)係比較紮實嘅芝士蛋糕，入口順滑，充滿濃濃嘅芝士味，細細件，份量剛剛好～野飲揀咗冰果茶，飲落似係凍嘅蜜桃紅茶，非常之清新解膩～另外一杯就叫咗熱嘅蜂蜜柚子茶，酸酸甜甜～總括嚟講，呢個精選二人套餐超豐盛，兩個人食份量都好足夠！食物質素亦非常高，價錢親民，相當抵食，下次會再嚟呢度食下其他美食～