Plato Cafe & Bistro (吳松街)

之前喺油麻地食過覺得性價比幾好，搬咗去佐敦之後第一次嚟幫襯～入到去環境好，空間感十足，啲staff態度幾好，風格同舊址相近。兩個二人餐好吸引，決定叫精選二人餐HKD498😙餐湯係粟米忌廉湯，仲有啲蔬菜，平時餐湯都係暖暖的，呢碗係熱辣辣的，好好飲～前菜就揀咗個黑松露薯條，仲配埋芝士醬茄醬，幼薯條好脆好好食😋到主菜登場，我哋就叫咗個北海道帶子松露野菌扁意粉，幾個帶子煎得好靚，個汁非常之濃郁！👏🏻睇到人哋胃口大開，仲有大大片蘑菇一齊食，值得推介👍🏻美國安格斯肉眼牛扒，一拎上嚟真係有驚喜，成半嗰碟咁大🤤我哋叫咗七成熟，避免太過生！ 食落發現真係好正👍🏻七成都有肉汁而且啲肉好香，仲配咗個芝士薯蓉🥔一杯焙茶鮮奶，一杯芒果乳酪，完美嘅晚餐🥣芒果乳酪較為好飲😺值得encore嘅餐廳🥰

今日喺佐敦上完堂之後，想食吓啲西式嘢，見到呢一間非常之就腳，所以就決定試吓。由於同埋朋友，費事諗，所以叫一個二人套餐。見到Menu上面好特別，小食是天婦羅魷魚酥，所以叫嚟試吓，睇吓同中式平時食開嘅有乜分別。小食魷魚鬚非常之多，配上沙律醬，裏面煙韌，外面香脆。餐湯是粟米白湯，仲有蟹柳絲，非常知足料。呢度啲煮食非常之大碟，二人餐基本上夠三個女仔食，帶子意粉很香松露味，醬汁濃郁豐富。帶子入口即溶，喜歡剛剛燒香了，帶子上下兩面都是金黃色的。牛扒超級大塊，最鍾意食焗薯，仲有不少蔬菜，牛扒叫了五成熟剛剛好，配埋gravy，一啖接一啖。橙色的蕃茄仔亦都非常之甜。水果冰茶有很多水果，非常之新鮮。芝士蛋糕不會太甜，很香芝士味。

餐廳地點好近佐敦地鐵站，方便。食晏時間好滿座，最好預訂。午市有set lunch, 今日揀咗牛扒和豬扒餐，餐湯南瓜忌廉湯好綿滑。牛扒7成熟，外層煎得香。豬扒搭配蘋果蓉，減去油膩。餐飲點了精緻的濃朱古力和一杯普通熱朱古力。✨️店員們細心有禮👍由於中午時間窗邊位置陽光照射充足，同時亦比較曬，店員留意到情況，主動offer另一張枱給我們。點餐用qr code落單，而店員亦好樂意幫忙直接落單，扺讚👍👍。但不知為何，openrice記錄無端被改成1位用饍。

今晚喺佐敦附近做嘢，放工搵飯食，兩個人唔知食乜好，經過呢間西餐廳，見到門口有二人餐嘅餐牌，好吸引，價錢唔貴，食物好豐富，所以就入去試吓。餐廳裝修得唔錯，座位舒適。頭盤我哋試咗雜菜沙律，新鮮嘅沙律菜，配上日式芝麻醬，好fresh。頭盤係芝士黑松露薯條，芝士係一個醬汁，好香濃，薯條炸得好脆，好有薯仔味，即叫即炸，感覺好新鮮。主菜可以揀兩款，第一個係北海道帶子黑松露扁意粉，黑松露白汁非常香濃，又唔會太過飽肚，質感剛剛好。扁意粉煙煙韌韌，好好味，份量都算好多。第二款主菜係牛扒配薯蓉，牛扒五成熟，肉質鮮嫩，唔會太多血水，5乘剛剛好，有牛肉嘅味道，好新鮮，調味淡淡地，食到牛嘅鮮味。可以揀凍水果茶，唔需要加錢。甜品係芝士蛋糕，濃郁嘅芝士味，超好食，非常推介。

Intro: 佐敦一帶一直有好多野食，而呢次就決定舒舒服服咁食個午餐，去左plato cafe試下佢地嘅午餐，大約一百幾蚊，加多十幾蚊就可以飲到一杯特別少少嘅latte，唔知味道係點呢？ ___________________🍽 牛角窩夫全日早餐💰 108（須加一 + $16焦糖latte）⭐️ 8/10✍🏻 呢款全日早餐有炒蛋、窩夫、燒蕃茄、火龍果、德國腸、沙律同薯餅；✍🏻 最出色嘅就係窩夫，夠香夠脆夠甜；✍🏻 炒蛋面積大又做到滑嘅效果；✍🏻 呢款三角形薯餅麻麻地，有部分薯餅痴埋一舊，做唔到粒粒分明；✍🏻 有火龍果真少有，而其他都似正常嘅全日早餐嘅配菜。🍽 吞拿魚中東包配薯條及沙律💰78 （須加一 + $16焦糖latte）⭐️ 7.5/10✍🏻 中東包偏薄乾乾地，適合夾著濕濕地嘅蕃茄、生菜同吞拿魚；✍🏻 呢到嘅吞拿魚醬唔會太鹹，有一點甜甜地嘅感覺，魚肉佔嘅比例多，唔會似坊間嘅醬；✍🏻 沙律好fresh，加左黑醋汁嘅配搭好適合。✍🏻 至於薯條嘅薯肉多，唔算香脆普普通通。🍹 焦糖latte 💰跟餐+16 ⭐️ 7/10🍹 玫瑰latte💰 跟餐+18 ⭐️ 6/10✍🏻 呢到嘅latte偏苦，

呢間Plato Cafe &Bistro係喺佐敦吳松街，就係大大間嘅突破書樓對面，都算易搵，行完街就過嚟食吓嘢喇餐廳店面大，都幾好坐。我哋叫咗一個「精選二人套餐dinner set」($498) 先嚟「是日餐湯」，今日係好濃厚嘅磨菇湯，熱辣辣，飲落亦有好多磨菇茸，係好好嘅開胃湯品。前菜可以揀一客，就叫咗「天婦羅魷魚鬚」，魷魚鬚比想象中脆，而且都好大份，估唔到呢啲貴價食材都有咁多條，可以慢慢嘆，加埋千島醬一齊食就更加滋味。可以揀一款意粉，我哋就揀咗「帶子黑松露忌廉扁意粉」，意粉十分之Creamy，黑松露醬亦都幾香，個醬濃得嚟唔會太重味，食落好滑身，而意粉係幾有嚼勁嘅，我幾欣賞佢個帶子，煎得香得嚟肉質仲好嫩，唔會變硬。主菜我哋叫咗「M8澳洲肉眼牛扒」，牛扒五成熟，十分足秤，可以切到好多塊，牛扒煎香咗個皮，黑椒味道都幾濃，同時都保留到一啲肉汁。伴菜係配焗薯，仲有啲翠玉瓜，飽肚得嚟又多花款。最後叫咗個「芝士蛋糕」做甜品，兩個蛋糕各有不同嘅配飾，都幾有心思，芝士味道濃郁，蛋糕質地亦夠挺身，好食！餐飲方面，我哋叫咗一杯「熱鮮奶咖啡」（加$14）同一杯「熱薑味鮮奶咖啡」（加$16）望到咖啡師係用明治

一人晚餐去左佐敦嘅Plato Café & Bistro享受me time我就叫左一人set 西班牙黑毛豬鞍是日餐湯係 煙肉忌廉湯，入口幼滑，而且唔會太重味，食到粒粒煙肉。西班牙黑毛豬鞍上菜發現配嘅薯菜非常有心思，係原隻焗薯同香煎嘅脆肉瓜粒加車厘茄。原隻焗薯 十字切開，鋪上乾煙肉碎及蛋黃醬，焗薯熟透，好香濃嘅薯仔味，配上鹹香嘅乾煙肉碎及微甜嘅蛋黃醬，配搭得宜。份量足，好好食！黑毛豬鞍肉質比想像中更佳。肉質厚實而且好juicy, 切開肥瘦均勻，食落亦唔韌。質素比想像中高，值得一讚。飲品叫左 凍意大利即磨咖啡，多口問左句糖水同奶可唔可以分開上。店員話本身都分開上，咁就非常好啦。先試一啖咖啡原味，非常濃厚，咖啡味重。加上奶就更加幼滑。

23/9/2023今日朋友請我去戲曲中心睇舞台劇所以打算喺佐敦食午餐之後再行過去我同朋友各叫咗一個午餐set餐湯係蘑菇湯：睇個樣都知好足料，味道不錯，雖然就唔算好creamy 果種。烤雞扒漢堡配沙律薯菜：烤雞扒勁大塊，味道很好。沙律同薯條都十分充足。飲品叫咗凍嘅薄荷朱古力：上邊有焦糖味餅乾、薄荷朱古力都唔錯，有淡淡的薄荷味，唔會太多，亦都唔會太少。以一個weekend 嘅午餐嚟講，平均$7x 就有，真係算唔錯。因為叫咗特飲，所以另外+10幾蚊。環境都坐得舒服，侍應都好好服務。

之前去過油麻地的Plato，現在搬遷到了佐敦，環境更加闊落舒適，服務員也非常親切友善❤️我們點了兩個晚市套餐，價錢由HKD118起.主推西班牙海鮮飯👍🏻👍🏻👍🏻飯粒吸收了龍蝦汁非常有鮮味，配料有帶子、青口、魷魚和大蝦，食材豐富又新鮮🥰.黃油雞外脆內嫩很入味配有黑椒汁、薯條和炒雜菜.甜品點了tiramisu ，驚喜發現居然有麻糬😱這種做法比較少見，但配搭得不錯❤️.竹炭千層盒子麻糬配雪糕🍦賣相很美千層盒子牛油味香濃非常酥脆.📍 Plato Cafe & Bistro (吳松街) (佐敦)佐敦吳松街186-188號地舖

一個人無無聊聊，想食西餐就入左去依間平時夜晚都幾多人既餐廳5點多去，小猫三四隻上餐都快餐湯係蘑菇忌廉湯似罐頭開出黎既忌廉湯加蘑菇好一般，送就算啦叫左忌廉軟殼蟹意大利飯認真一般般軟殼蟹d粉太厚，而且無切走d肺，有d腥至於飯方面，軟硬度係可以但個味道就差少少我覺得自己好似食緊粥咁仲叫左杯培茶latte大大杯，都幾好味既不過上面幾粒蜜糖星星係淋既埋單180元um...有d貴依個價錢好多選擇隔離街間cafe好似仲好食

接近下午茶時間，見到餐廳有空位，所以唔洗諗，即刻坐低。午餐選擇都很多，有扒類，飯、意粉同全日早餐。同事叫了蟹肉南瓜意大利飯，賣相好靚，試左啖不得了立即後悔點解唔叫呢個另一位就試青咖哩雞飯，同樣出色本人就柯打左全日早餐，基本上全部未好食😂

今日去左食卡邦尼意粉品質上乘。他們使用的麵粉和麵條都是由義大利進口的，保證了食物的質量。蔬菜和肉類也都是新鮮的，給人一種健康和美味的感覺。再者，卡邦尼意粉的份量十分大，非常適合分享。無論是主菜還是配菜，都非常豐盛。我們點了一份海鮮意大利麵，裡面有大量的新鮮海鮮和麵條，足夠兩個人分享。最後，卡邦尼意粉的價格相對合理。考慮到食物的質量和份量，他們的價格是合理的。雖然不算便宜，但絕對物有所值。總的來說，我們對卡邦尼意粉的食物評價非常高。他們的意粉選擇多樣，食材新鮮，份量大，價格合理。如果你喜歡正宗的義大利風味，卡邦尼意粉絕對是一個不錯的選擇。

帶小朋友同朋友一齊食飯票岩小朋友食都要搵好耐我地今次8個人其中2個小朋友book位OpenRice 有75折我地book 7:00我早到左6:30到左 職員好好比我地入坐先店內有BB櫈 小朋友都坐得舒服D 媽咪又食得安心啲仲有兒童餐 不過得一款 如果可以多加2 3款就好了 小朋友有得選擇餐牌選擇唔算多 今日竟然連漢堡包都無仔仔表示失望仲有個黑松露薯條 好好食 必叫 佢係第一樣嘢黎到 一黎到 仔仔急不及待食 影唔到相佢有茄汁同埋芝士醬 芝士醬勁多 好正整體來講 環境都乾淨 食物都OK 又唔會太嘈一班人食飯，帶埋小朋友都可以

🍴蜜糖燒豬手218 蚊🐷一上枱大大碟 同德國豬手唔同 佢冇炸得甘勁 豬手係薄脆嗰款 入面多肥膏 肉夠滑 配有幼身香脆既薯條🥔 食到甘上下 食下 d配菜 有翠肉瓜 車厘茄 酸蘿蔔等等 份量夠 好味 配一杯32 蚊飲品 點芒果沙冰就補番24 蚊差價🥭芒果沙冰外表幾靚 見到佢有一層芒果肉 跟住上面係冰 芒果肉夠香甜新鮮 芒果冰整得幾林幾香滑 夏天飲透心涼🍴煙三文魚班尼迪蛋早餐168 蚊🐟 煙三文魚 班尼迪蛋 德國腸 蕃茄 巴馬火腿 薯餅 水果 沙律 個 benedict蛋勁正 好多蛋皇醬 窩夫上面鋪住流心蛋仲有煙三文魚 一切開 d汁漏哂出黎 勁正 👍🏻🍴蜜糖雞翼78 蚊🐥蜜糖味好香 雞翼熱辣辣 好香脆入味 雞肉夠滑 食下點下蜜糖 好味🍯

抵食又高質.相信好難搵得到.喺佐敦就有間《柏拉圖》呢間西餐廳由2018年開業到而家.西餐食物還保持高質素.價錢亦都係親民價.餐廳裝修以歐陸風簡約休閒為主.有時間相約三兩知己.環境清靜優雅舒適.靜靜哋傾吓偈.都唔錯！今晚點餐如下：1. 豬鞍架套餐跟薯菜X1 $138元 餐湯：今日係蘑菇忌廉湯 餐飲：意大利即磨咖啡（多奶）2. 肉眼扒套餐 7成熟跟薯菜 X1 $148元 餐湯：今日係蘑菇忌廉湯 餐飲：意大利即磨咖啡（多奶）3. 肉眼扒套餐 5成熟跟意粉X1 $148元 餐湯：今日係蘑菇忌廉湯 餐飲：意大利即磨咖啡（多奶）4. 肉眼扒套餐 7成熟跟意粉X1 $148元 餐湯：今日係蘑菇忌廉湯 餐飲：轉飲冰菓茶（少甜）套餐：有薯菜或者跟意粉餐湯.熱飲。餐飲轉飲凍飲或特飲要加錢.要睇吓揀邊種飲品.有部份可以免費！🚶🏻‍♂️👉📌Plato Cafe & Bistro (吳松街) (佐敦)佐敦吳松街186-188號地舖