影片
港铁鲗鱼涌站 A 出口, 步行约4分钟
继续阅读
开饭介绍
餐厅是太古酒店首间全资拥有及管理的独立餐厅，为客人于午餐及晚餐时段供应传统法式料理，餐厅的法文名字Plat du Jour 解作「是日菜式」，餐厅每日有不同精选美食以供选择，菜单由太古酒店的长期合作伙伴David Laris负责设计。
继续阅读
营业时间
星期一至六
11:30 - 22:30
星期日
全日休息
以上资料只供参考，请与餐厅确认详情
食家推介
招牌菜
晏昼去食呢间餐厅朋友book有有八折，我哋拣咗有三道菜嘅套餐一开始又法式面包，外松脆内软，主菜我朋友就拣咗个青口加埋薯条，啲青口好多，薯条方面系幼身，𠮶酱都几好味😋我自己就拣咗意大利云吞，个汁整得唔错。我哋最后食咗个半钟，饱到甜品都食唔到取消咗😅
继续阅读
每年九月我都会同个靓女朋友庆祝食生日饭，不过大家已经好熟，所以再无特别比惊喜对方。我直头揾咗几间星期六晚都有做半价优惠嘅餐厅比佢拣。寿星话之前公司活动包场去过「Plat du Jour」，觉得唔错，我就去订枱啦😜。餐厅位置喺正鲗鱼涌太古坊里面，我以为星期六晚(非上班日💼)会无乜人啦...。点知相反，我夜晚六点左右去到餐厅已经半满，随后更愈来愈热闹、座无虚席👏。由于我朝早打过电话☎️嚟问嘢，店员安排入座时已经好清楚我嘅要求。第一印象感觉好好，而餐厅嘅全程服务更系值得赞扬，尾段再慢慢讲。餐厅得一份餐牌🍽，主要系卖两道菜Two-course($248)或者三道菜Three-course嘅套餐($268)，另外只有少量单点菜式。3️⃣三道菜包括前菜、主菜同甜品，非常完美嘅组合，而且价钱只差$20，道理上无理由唔嗌，不过都要睇食唔食得落。寿星有选择困难症，店员见状立即介绍番😂，既亲切之余，亦毫无催促我哋落单嘅用意。饮品(咖啡或茶)要加$35，我哋无加只系饮水，佢哋亦乐意不断帮我哋再斟水，并唔会刻意问你驶咪饮酒𠮶啲。前菜选择甚多，有两款沙律🥗、焗田螺同龙虾汤，全部均系唔驶补钱嘅项目。自家烟熏三文鱼羽衣甘蓝沙律Home-Smoked Salmon & Kale Salad，沙律造型唔错😍，我唔预期最面头会有半只流心蛋；烟三文鱼无平日咁咸，颇厚身，份量适中🤤。最底层系藜麦混入羽衣甘蓝碎嘅沙律，本身仲以为系大大片菜。藜麦粒能够增加口感，但我估唔到下层系咁冻，好似雪柜拎出嚟咁，唔通系冻食？法式龙虾汤Lobster Bisque，龙虾汤都几大盅，无其他食评中所述嘅苦味，不过咸香唔够重，亦无忌廉味，只属正常水平。另外，汤中并无𩠌料，唔会有虾🦐。但我最欣赏嘅系店员知道我哋Share食，会主动畀多个汤碗我哋，真心好多餐厅都未必做到，虽然只系好简单嘅动作。全晚唯一一样奇怪少少嘅地方，就系篮面包🥖喺我坐低唔够一分钟就送上，之前睇其他食评就有话唔够热，我无实测到所以唔确定。寿星食咗一件无特别意见，但就无再食。主食选择有唔同种类，包括🍔汉堡包、意大利粉／饭、海鲜或者🥩扒类，当中有唔少款式要补钱。扒类有得拣羊架或牛扒，要加$120；而星期六嘅是日精选就系星期五嘅𠮶款香辣珍宝蟹肉意粉(+$80)。个人认为星期一至四嘅精选菜式都好特别，较星期五嘅吸引🙈，想食。白酒忌廉蓝青口配薯条Bouchot Mussels，呢个系店员嘅必食推介，加上今日唔太肚饿，所以就食佢啦。本身以为普通料，点知系超大碟啰，而且仲要劲好食😋！青口我估计有成四五十只咁多，无夸张呃你，装壳个锅要两个先够放哂。店员见我要伸只手去掉壳，所以索性比多个锅我哋，又系另一细心之举。青口个壳几大只，但肉就唔算肥美，偏细。不过呢度嘅蓝青口同平日食开嘅唔同，鲜味好多，而且好干净，无一抽抽嘅垃圾。至于白酒忌廉汁🍾好惹味，酒味唔浓，小朋友都啱食；忌廉亦唔会太稠厚而变得漏。搭配嘅🍟薯条偏幼身，刚刚炸起几脆，但食到尾段就淋咗；沾松露蛋黄酱食好正。蒜香龙虾尾辣蕃茄意粉Lobster Tail Pasta Arrabbiata(+$100)，卖相几有气势！店员有提醒呢个意粉系有少少辣的🌶，食落觉得辣度都几微，反而蕃茄味出啲，酸酸哋🍅。意粉唔系普通食开嘅口感，唔弹牙亦唔太淋，令人联想起伊面或者油面？龙虾尾肉质结实兼且鲜味，而且虾肉唔会太少。不过呢道菜要加钱，值唔值见仁见智，但有得再拣，我未必会选择佢。法式苹果挞配云尼拿雪糕Apple Tarte Tatin，登登登登，苹果挞成为我哋嘅生日甜品🎂。我朝早打电话嚟就系问有无得喺甜品碟写字，虽然无，但佢哋有生日牌同蜡烛😊。苹果挞大小刚好，酥皮微脆，🍎苹果肉则煮到好淋，酱汁甜咗少少，但不大影响。可能插咗蜡烛嘅关系，🍨雪糕溶得好快...，哈哈。呢餐生日饭令人满足，我哋都一致认为可以推介餐厅比朋友👍。食物无论味道定卖相都好高质，份量亦够有突，所以最终我哋只系食得落一份甜品。服务方面我绝对需要开新段好好表扬一番，除咗上述已提及嘅地方，更令我印象深刻系店员(应该系男经理)嘅无微不至！食每道菜之间会换碟换餐具已经不在话下，我同寿星为咗影相(某边脸靓啲)调位坐，店员更加细心到帮我哋将两杯水调转😳。第二，当影食物相时，我哋会将食物摆位郁下，店员见我哋笨手笨脚忍唔住出手。最后，港女嘅我哋吹蜡烛搞咗好耐，枝蜡烛溶咗七成，佢见到又主动帮我哋换枝新🕯️。服务真心无得弹！餐厅环境比想像中大，因为行到去入面都仲有位。我哋咁啱获安排坐咗喺通道走廊位嘅红色梳化，有好有唔好。唔好系圆形餐枱比较细，放食物唔方便；好就系方便我哋影相，坐得亲密啲👭。唔通真系刻意安排？！最后，讲番少少订枱详情，用某两平台订位指定时间入座(例如下午六点)可享低至半价优惠🌟。晚市三道菜原价加埋一都唔驶$300已经称得上物超所值，用App折完只需$160，更加系抵到唔敢相信。有兴趣帮衬呢间餐厅不妨留意下！其实订座本身有条款要求出席人士15分钟内到齐，以及用餐时间只限90分钟，但餐厅都好弹性处理🙏🏻。总括嚟讲，呢餐系💯满分嘅用餐体验，性价比高，绝对可以一食再食！
继续阅读
一入嚟感觉舒服Menu一眼睇晒，我跟友人点选了三道菜🍴三文鱼他他 法式香草焗田螺 ******************************黑松露绵羊芝士意大利云吞 香煎野生红鲷鱼柳拌有机黑藜麦******************************法式苹果挞拌云尼拿雪糕焦糖炖蛋******************************个红鲷鱼鱼味豊富，可惜肉质太干！其他食物普普通通。
继续阅读
镵咀万万岁!🙌🏻ChamZeoiLongLongLife🙌🏻🐭 “Plat du jour”唔万岁😞..所谓期望愈大失望愈大...环境典雅有气氛，菜式卖相吸引，所以好有期望！可惜每样食物放入口，味道口感都好失望。..其实食得出无论食材、烹调过程、调味本身都系有质素的。但相信系冇预好每道菜嘅上碟时间，然后放咗入焗炉保温，先再上碟，结果所有菜式都overcooked，味道口感大失水准，精华全部流失。..环境：简约法式风格，以云石及木材作为主调，配上少许新派装饰，非常浪漫有情调。..餐牌：款式唔多，简单一页纸睇唒，喺较为传统嘅法式料理。Dinner Set 其实系非常低食，2 courses $248 , 3 courses $268, 不过当然如果主菜食扒或龙虾又要再另加钱。...面包卖相👅👅👅味道👅👅口感👅👅口感较干较韧，欠缺面包该有的香气人...头盘—白芦笋伴羊奶芝士炖蛋及黑毛猪火腿卖相👅👅👅👅👅味道👅👅口感👅👅份量👅👅👅👅冇overcooked ，因为系冷盘😂但味道都系奇怪。本身应该清甜的白芦笋却有一阵浓烈的酸味，本身应该细嫩的口感却淋得不似笋形......头盘— 蟹肉饼伴牛油果酱卖相👅👅👅👅味道👅👅口感👅👅份量👅👅👅👅Overcooked😔外皮太㶶，口感好硬，里面馅料味道亦不突出。伴碟嘅牛油果酱份量太少，食唔到牛油果香气。...Main—蒜香辣蕃茄意粉伴龙虾尾卖相👅👅👅👅👅味道👅👅口感👅份量👅👅👅👅Overcooked😔 龙虾尾已经干到缩咗水，肉质又硬又实。佢用嘅系全蛋面，口感味道好似中式伊面。蒜香辣番茄酱已经挥发得只剩咸同酸味，相信个汁本身应该系几惹味的。...Main—香煎挪威三文鱼伴千层焗薯卖相👅👅👅👅👅味道👅口感👅份量👅👅👅👅Overcooked😔又干又硬又实，一嚿上等挪威三文鱼就如此浪费了...本身应该creamy的千层焗薯亦干得全没味道...Dessert—Creme Brûlée卖相👅👅👅👅味道👅👅口感👅👅份量👅👅👅👅Overfridged😔雪得太硬，质感过实，已经吃不出本身该有的奶油及蛋香。表层嘅焦糖皮非常厚，一啲都唔脆......Dessert —朱古力心太软伴云呢拿雪糕卖相👅👅👅👅味道👅👅👅口感👅👅份量👅👅👅👅Overcooked😔冇朱古力流出嚟嘅心太软仲算唔算系心太软😢朱古力味侧尚算浓郁...😭万万岁到Plat Du Jour失望一游，拜拜～Yuccielonglonglive
继续阅读
好耐都无出去食饭喇! 呢段时间差唔多个个都系咁，加上一出去食饭，搓手都搓到烂(康复中…就唻好番哂) 加上太耐都无约人出去Lunch，咁就食好D啦，而且唔想食得迫迫夹夹，咁系呢面又唔想去太古城都唔算好多有得拣，呢间其实我都有写过食评分店喺系金钟食Burger，价钱分别228 二道菜及248三道菜不过发现Menu 都有嘅扒类系要加钱都成$120，而12:10居然青口系无哂，应该系好多人都会落定呢个先，咁我地拣咗龙虾汤及白芦笋伴山羊芝士炖蛋，配黑毛猪火腿，系唔系好多款拣低下就拣咗香煎地中海鲈鱼前菜一唻到卖相都好吸引，白芦笋好幼嫩加上山羊奶嘅炖蛋配起上唻好夹，味道唔会好咸所以你可以一口加配黑毛猪火腿，呢个前菜非常出色， 而香煎地中海鲈鱼的确好细(半只手掌)，心里想好在系三道菜(唔好意思我都系唔系细食)佢系鱼低下配上似系豆加红萝卜西芹等，我要好慢咀嚼会饱满小小，佢嘅卖相系好嘅但味道就可以啦，因为佢皮唔够脆口，一切落去唔会即刻分开，鱼皮会拉扯先可以，咁D汁就会掂到鱼皮(而有间餐厅嘅鱼系令我食过再想食, 本身我不太爱鱼但都会食)所以我就觉得麻麻，加上佢只靠汁先令鱼有味，我觉得佢可以加点盐, 而同事食嘅Burger及薯条都系好干，又系幼条McDonald款式，仲要系MC 好食D 添甜品嘅我拣咗苹果批，真系好多苹果系上面个底又脆口，有咗呢个作为结尾都唔错 顺便一提，一个2XX 平日嘅午餐唔系叫平，但佢嘅法饱片唔脆又冻呢个好失败，希望佢改善
继续阅读