PizzaExpress (已結業)

jul 04, 08,3人嚟lunch,叫咗 : 1) baked mushroom-每粒菇細細哋,好似是$5銀咁大,但有菇味,+埋grill cheese+釀咗嘢,又熱騰騰-而個麵粉團仔因剛出爐,所以好軟熟,整體好好味2) tomato ripieno-喺"tastes of italy"嘅特別餐牌搵到-個大番茄內釀咗aubergines, smoked pancetta,zucchini, peppers, ricotta,好足料,亦好夠味 3) bufalita-亦喺"tastes of italy"嘅特別餐牌搵到-有水牛芝士,番茄同新鮮basil-個材料唔多似傳統嘅pizza料,因唔喺全部料1齊去焗,只喺焗好餅底再+上去-所以呢個唔喺正常嘅熱辣辣- 店內setting,每枱都有1枝紅掌 - 佢哋無set lunch/ set dinner,全天氣供應散餐menu

超好味! The food is great here, the salad was really fresh and there are many ingredients it. The little buns with crspy on the side were really interesting. The pizza was nice too, with crunchy crust.

轉戰到pizza express，其實大家都有點膩滯，但想吃點鹹食。打算一個pizza、一個pasta，之後又想要兩個pasta，最後左挑右揀後，只叫了一個焗芝士菠菜麵卷，闊麵卷包住芝士、菠菜蓉、蕃茄，因為用了ricotta cheese，軟滑輕身，味道不會太霸道，好適合我們已有9成飽的人，最後灑了點點parmesan作調味，更能帶出香味。大家休息一下後，又心思思想食甜品，蛋榚已吃不下，最後要了兩杯雪榚，兩杯也有厚厚的士多啤利肉及迷你蛋卷作裝飾。雲呢拿及blackberry cheesecake雪榚，PE的雲呢拿雪榚一向不錯的，有不少雲呢拿籽，比落雲呢拿香油來得天然。而blackberry cheesecake名副其實，有很重的芝士味，也有黑加侖子香甜。檸檬及菠蘿雪芭，檸檬酸酸甜甜，很清新；而菠蘿味道稍甜。可能是晚食得太多甜品，看到隔離3位靚女每人一個的pizza，真是蠢蠢欲動呢!

離開epoch，大家又到隔離的PE食咸野。週一餐廳本來就不多人，加上雨夜關係，份外寧靜舒適，環境比半年前x'mas來時好多了~　大家都感到很滯，吃不下pizza，只叫了pasta分享。我們點了芝士菠菜卷($102)，菠菜蓉夾心的麵卷，加上大量芝士與蕃茄醬，香口味美向來是我的心頭好，jj也對此味十分欣賞。如果不是食滯，我至少可以清半碟呀!　PE的甜品也很出色，我也很想重溫，可是胃已經在抗議了...最後大家一致決定放棄蛋糕，轉而柯打4球gelati($55兩球)打完場~~充滿雲尼拿籽的vanilla gelato實在香滑美味得緊，獲大家一致讚好；另一款blackberry cheesecake gelato則有點類似HD的strawberry cheesecake，味道也不錯但較漏。另一杯是檸檬及菠蘿雪葩，論味道被比下去了，不過酸酸甜甜的雪葩可以消滯也不錯! 　食完今餐很飽，而且整個星期的大餐+雪糕quota都用盡了，之後要很努力忍口戒口!不過是晚真的很開心，很期待下次原班人馬+龍+susan一起再食甜品呢!

友人生日，原本打算book SOHO的pizza express，點知佢要裝修，於是改book灣仔呢間。訂左7:30pm，人都算多，地方尚算闊落。點了baked mushrooms，mushroom同cheese一齊焗，mushroom的汁同溶左的cheese+dd sauce一齊放入口，cool~ 仲有d麵包仔，同mushrooms隔住食，一濃一淡，簡單得黎好味~~~還有凱撒雞肉沙律，味道ok但唔夠涼陣陣的感覺，仲撈得唔太均勻，有dd食落好鹹﹗叫左兩個pizza，分別係SOHO pizza with Italian ham 同埋four seasons。SOHO pizza with Italian ham 上枱的感覺已經好有「台型」，SOHO pizza with Italian ham 同d菜砌得好靚，只係個顏色已經好吸引。另個仲有four seasons，可能係剛剛出爐即時送到我地枱，熱辣辣，真係好正﹗多得Openrice，我print左張coupon，食滿$300送多客chocolate cake。連埋我地叫左white wine+ cocktail+ lemon tea各一

聖誕第一餐，就是與龍一起再來星街影相+開餐。很喜歡星街那種寧靜的氣氛，不過不太聖誕呢，要影靚相真的不易，還是專心品嚐pizza吧!　終於試了北京填鴨薄餅，味道真的就如傳統的北京填鴨，只是小卷換成了香脆的薄餅，創新的滋味並不錯；不過pizza上那隻紅色指天椒，只吃一口就即喉如火燒，未免真的太辣了!　試了新出的香梨撻，梨子焗得又香又軟，與溫熱的酥皮混為一體；加上一球香滑的雲尼拿雪糕，冰火的香甜口感令人十分滿足!　由於教會事工，最後未能如計劃又玩又食到夜晚，不過已是一個開心的聖誕節前夕了~~

間嘢禁貴, 我地禁窮, 所以都係先叫個Pizza試下好唔好食先再考慮叫其他嘢食. 星期六晚6:30, 成間餐廳連埋我地只有4人, 我地兩個叫左一個4 season 麥pizza. 待應姐姐話我地兩個人share, 不如唔好分4格, mix好d. ok!餅底係好香, 好薄, 不油, 但都無咩特別, 食到銀魚時, 重鹹到嘔! 蕃茄醬也夠不香, 沒有驚喜.我覺得意式pizza還是東涌Novtel酒店內的意式餐廳有水準, 價錢同呢間差不多, 好似重平d.沒有下次了, 因為真的不值$125

今晚Girls night out -- 有我﹑L和MT的三劍俠﹐再加表妹﹐一行四人先去了Pizza Express晚膳。其實常常會來﹐但就是忘了拍照﹐所以今次的任務就是一定要拍低每碟菜的照片。還好今早打電話留檯﹐我們坐下之後不停看著他們跟walk in 的客說滿座﹐真的很好生意。她們都沒什麼主意(唯獨是L比較多東西不吃﹐跟我有得揮!)﹐我發辦。先叫來一客Nostrana 牛油果雞肉沙律-- 它的Bread dough 一向很好味﹐這個份量四個人分剛好-- Avocado及菜很新鮮﹐雞肉少少的吃很好(如果一個人吃就會覺得太多)﹐這個salad將會是我的例牌Salade Nicoise之後的第二最愛。試了它今期推廣的Roman Pizza -- 其實就是Pizza皮比一般薄身(像餅乾)﹐叫了Margherita Prima -- 非常喜歡水牛芝士(Buffalo Mozzarella)﹐整個Pizza給我的感覺很原始及不膩﹐極力推介!另外叫了Salmone Affumicato 煙三文魚薄餅-- 這個一向是穩陣之選﹐水準一定不會差。試了一個新的pasta -- mushroom Ravi

兩星期前跟女兒出席同學仔係呢間restaurant開嘅生日Party。餐廳地方比中環哪間細，但勝在骨子；洗手間設在餐廳外面，整齊清潔。整體環境好有外國feel，週邊都係獨立式一層高地舖，主要係食肆，對面係agnes’b office，感覺好似自己去咗法國。因地方細，十幾個小朋友+家長+工人，都已經水泄不通，似包場，有private party feel。服務員態度唔錯。食物方面主要係Pizza，水準穩定，用料足。最特別係小朋友可以自己整Pizza，整完後可帶回家品嘗。做Pizza時啲師傅幾professional 同細心，啲小朋友玩得好開心。如果唔想再去麥記開生日會而有budget嘅話，家長們可考慮吓呢間餐廳。

對於有分店的集團食肆一向印象麻麻，但Pizza Express 可能是一個例外。價錢走中高路線，用料新鮮，食物熱騰騰，不是Pizza Hut，Spaghetti House 等港式意大利餐廳所能比擬，絕對是口癢但不用花太多錢的好去處。

一月八日星期一，約了兩個大同兼朋友，另加阿sir一位，來個飯局。通常同同事都係晏晝黎比較多，次次兩個人點左個pizza再加個pasta就已經飽到唔郁得，今次四個人可以點多d之餘又唔使我諗食咩野真係人生一大樂事，呵呵~~~四個人叫左：磨菇麵包：一個橢圓形的麵包上面有香草同好細粒的菇，仲有d芝士。味道唔錯，熱辣辣幾好味，不過d菇同個包有d分離，一切開就跌晒落個碟度。雜錦海鮮pizza：好多次黎同同事食都會叫呢個，亦都係我話要叫o既。最鍾意d蕃茄醬，濕潤得黎又唔會整到個餅底太"諗"，簡直係my favourite。火箭菜火腿pizza (我地阿sir要求走蒜蓉，因為佢十級驚左陣味)：呢個pizza同海鮮o個個係兩種唔同的食法。呢個pizza的芝士就咁刨落個批度，並唔係落定然後一齊焗o既。面頭亦都有好多菜同火腿，仲有黑橄欖。火箭菜的味道幾特別，我呢d唔食未煮過的菜的人都食到。牛肉千層闊麵：呢個闊麵好好食，好多醬汁，酸酸地，唔會食兩啖就好滯。食完主菜，之後輪到就算點飽都要食的甜品，估唔到阿sir都會食~四個人叫左：pineapple gelato：呢度的gelato無論質感同口感都同我地平時食開

除夕一行四人到這裡食除夕大餐，總共點了5樣食物肉醬意粉意大利雲吞雞肉Pizza辣肉腸PizzaGarlic BreadPizza確是很好味，Garlic Bread樣子很特別，而且味道都不錯，意大利雲吞有白汁及茄汁很特別，整體上所有食物都很好味！

晚上，門鈴聲響起。是那陌生的印巴外賣男，送上那暖溫溫的薄餅。也不知是從何時開始，愛上這些登門造訪的陌生男所送上的驚喜。把那尤有餘温的白色紙寶箱打開，迎面而來是那方由焗窰端出來的熱力。大麥香、芝士香、蕃茄香、火腿香，溢滿一室，似是蜜語甜言般，把我俘虜。是你，是那熱情不羈的帕爾馬薄餅。開了瓶香檳，刻意地為我跟你締造浪漫氣氛。但，對不起，忍藏不起我對你那原始慾望，就讓我恨巴巴的把你撕破，送進我那兩片厚厚的朱唇間...微焦的大麥糊餅底，是那跟大自然緊貼的香濃麥味，入口脆薄鬆化，配上那鮮嫩的清新茄醬，是「神農氏」對人間的福蔭。那片豐郁嫩紅的餅底上，灑滿了刨得薄而晶瑩的意大利風乾火腿。啖着那凝脂肉環，跟那粉嫩咸香，那不受控的舌頭就只懂跟你在口腔裡纏，不願嚥下。再加上那顆顆曬上迷迭香，白皚皚、滑溜溜的ricotta 芝士，只得叫我這刻都沉醉在那肉乳凝脂間。誰？是誰把我拯救出這凝乳肉林間？是妳，是妳那金光閃爍的香檳清泉。

Cheesecake 係焗o個度, 夠硬身, 而且cheese 味好好好夠呀! 又打得滑, 口感好實在, 好正!!Tiramisu都好食, 而且好大件, 抵ar!d service 都唔錯!!

同好朋友食晚飯,佢話想食pizza,就黎左呢度兩個人,叫左:野菌ravioli: 個sauce太杰, 而且好似罐頭湯味, 餡料中o既cheese冇乜味,唔多掂(仲等左好耐添,同個pizza一齊上,搞到食得呢個黎都pizza凍晒)蔬菜芝士pizza: 因為我無乜心機睇menu, 睇錯左係菠菜芝士pizza, 食食下發覺唔對路,哈哈~ 都係橄欖、青紅椒等等蔬菜,好清亦好淡口,冇乜茄醬,加上個批底焗得麻麻地,好硬,個邊又有o的燶,擺花街總店水準好好多噃好友甜品隱起,再叫多個chocolate fudge cake, 侍應問要唔要serve warm,朋友話要,結果件cake出到黎好似溶溶地咁,伴碟既雪糕更加變左成pat cream狀,口感唔好之餘朱古力味又唔夠濃, 雖然$25件係好平,但唔好食弊呢~結論:想食pizza, 都係去番中環店啦