PizzaExpress (MOKO新世紀廣場)

营业中

休息中

PIZZA EXPRESS 一向都係數一數二質素好嘅連鎖餐廳😋今次黎到 MONGKOK MOKO 分店試下呢間水準如何先我地叫咗個2人套餐當中有1個前菜 2個主菜 2杯飲品蒜蓉包係 must have dish!唔會太重味 軟硬適中片皮鴨薄餅諗住FUSION STYLE 味道應該一般估唔到又幾好味個鴨 同 醬汁 出奇地同薄餅配得唔錯😍😍卡邦尼意粉🍝忌廉汁好濃烈個意粉唔痴身GOOD 😆😆😆

和多年冇見的朋友見面，第二次來吃，第一在這區食這間，之前在尖咀吃過，這次點了特價的Pizza 食，之後點了雞翼、海鮮笳意粉、肉丸食，坐的位置好舒服，服務員也好有禮貌，雖然食物不太好食（意粉太軟，味道太濃太重味），但雞翼也好食！

三個同月生日的小女生今年終於能一齊慶祝。有人話想食pizza 🍕，所以提議了好耐冇去嘅Pizza Express😎揀MOKO分店，除了地方夠中心，方便住唔同區的朋友外，仲因為坐得舒服！二人套餐 有1個頭盤 2款主菜 2杯飲品好抵食👍🏻 我哋點了意式肉丸、北京烤鴨pizza & 肉醬闊條麵😋所有野都keep到水準，穩陣！最好食係個Pizza，我哋掛住傾偈放咗一陣咬落去都仲係脆的🤤 而且個薄餅皮唔係乾爭爭的，配上北京烤鴨覺得好夾🫠會員生日仲送咗份甜品拼盤🥰

今日同屋企人去到沙田新城市廣場因為新開咗啲畀小朋友玩嘅地方所以特登帶佢哋嚟玩玩完之後 佢話好肚餓跟住附近見到 呢間Pizza Express最緊要係一定有嘢啱小朋友食所以就用apps攞位今日係假期所以都好多人 要等差唔多半個鐘我哋叫咗前菜 感覺都係正常嘢跟住再叫咗個意粉意粉對小朋友嚟講就一定啱食跟住再叫咗個蕃茄pizza薄pizza小朋友就比較容易食 同埋最緊要有芝士呢個舖位位置超靚落扶手電梯第一間舖即時 成家嚟食 都算係一個合理價錢最緊要小朋友開心 玩到樂而忘返

開始放復活節假期啦～ 梗係要約朋友飲飽食醉啦，今晚嚟到moko 嘅 PizzaExpress，餐廳環境寬敞舒適，仲有得訂位，唔使等枱呢！見到出咗新嘅餐牌，我哋都忍唔住要試試～✨雞肉蘋果沙律🥗沙律嘅份量超多，材料亦相當豐富，有雞肉、青蘋果🍏 、合桃、青菜沙律、車厘茄、 紅莓乾等材料，加埋檸檬蛋黃醬嘅味道，味道開胃美味，口感層次多樣化， 而且飽肚又健康！✨西西里肉腸菠菜薄餅 🍕 薄餅係即叫即製㗎，上枱嘅時侯仲熱辣辣，而薄餅嘅材料有西西里肉腸、炒菠菜、紅洋蔥、軟芝士、巴馬臣芝士等等，用埋番茄醬焗製，食落層次豐富，因為係薄批，所以兩個人食都啱啱好～✨意式八爪魚片冷盤 🐙前菜我哋叫咗八爪魚片冷盤，身為海鮮愛好者梗係要試試，八爪魚片口感柔嫩彈牙，配埋橄欖、蕃茜、橄欖油同檸檬汁，味道特別鮮美。✨Mrs. Peroni 0.0% 無酒精雞尾酒呢杯以 Peroni 0.0% 無酒精啤酒混合蜜糖、檸檬 汁、青檸汁、 荔枝果漿、梳打水、雜果及 薄荷葉，鍾意無酒精雞尾酒者嘅一定要試試！味道帶有果香同微酸，入口清涼解渴。✨士多啤梨冰茶 以士多啤梨果蓉及紅茶調配，仲有士多啤梨🍓同迷迭香點綴，味道同樣出眾，充滿果

周末相約朋友到Moko吃午餐，原本打算食「Outback Steakhouse」，可惜人太多，所以轉場到「Pizza Express」餐廳為親子友善餐廳，為小朋友提供兒童椅，兒童餐具，兒童餐，蠟筆及遊戲紙==========🔹意式焗肉丸 $76烤焗豬肉丸配以香辣番茄牛肉醬及白汁，灑上番茜，配以香草包番茄汁酸酸甜甜，調味及稀稠度皆適中肉丸數量不多，肉味一般彈性不高推介指數：6/10==========🔹海鮮沙律 (大) $148雜錦海鮮、煙三文魚他他、柚子、釀小紅椒、青瓜、車厘茄、蒜蓉、酸忌廉、青菜沙律、柚子沙律汁蔬菜整體清新，柚子甜度不高海鮮有蝦肉，蜆肉及八爪魚片，鮮味欠奉，新鮮度一般；煙三文魚他他質素正常不過鹹推介指數：6.5/10==========🔹四式芝士薄餅 $158馬蘇里拉芝士、意大利藍芝士、芳提娜芝士、巴馬臣芝士及番茄醬為薄身Pizza，番茄及芝士搭配得宜芝士鹹度高，惟芝士味道非個人喜歡的口味；薄餅軟身帶點煙韌推介指數：7/10==========🔹煙三文魚他他薄餅13" $196水牛芝士、煙三文魚他他、火箭菜及番茄醬煙三文魚他他混合洋蔥，鹹香突出火箭菜新鮮爽嫩；薄餅厚度

親戚來港，一行10個人，覺得呢度坐得幾舒服，尤其是我哋嘅長枱，剛剛係闊落通道嘅旁邊。附近亦都係有日光嘅窗口。我哋附近都有幾台超多大人細路嘅聚會～^_^雖然話計時90分鐘，但係其實佢都冇催過我哋。同埋都會幫我哋諗等齊左人先開始計時，但係見我等得耐就比我入去先。(即使其實都滿座同埋好繁忙感謝)因為忙於照顧各人，所以冇影太多相，但係當日的食物，大家都非常滿意鍾意佢哋嘅各式薄餅、另外都嗌咗不同嘅牛肝菌螺絲粉、烤雞飯、小食、雞翼等等試咗這個我之前未叫過的菜式，蟹肉配薄餅，覺得呢個同昨天的肉丸就失色啲。有一次外賣個肉丸好食過佢。呢兩樣都OK嘅，但係就唔可以話超級好味咁，同埋其實真係都幾細。迷你鐵板仔。當然少不了嗌咗甜品～有心太軟&tiramisu心太軟反而覺得還好，因為佢嗰個士多啤梨醬定唔知櫻桃將有少少似西藥味，亦都做唔到流心效果Tiramisu冇影到，但係有齊晒咖啡同酒香。有時啲餐廳冇落到酒，或者酒俾咖啡蓋過了。會再幫襯這個集團👍🏻分店的話，黃埔都唔錯，室內設計、空間感同埋服務都好👍🏻

香港和內地終於免檢疫通關，今日一於相約在內地的朋友來港品嚐一下美味的pizza.餐廳環境佈置十分之有氣氛，加上店員十分之足夠，服務水平很高.原來餐廳在這兩個星期二，21及28號，做緊一個優惠，就係免費食肉丸，真是十分之吸引！這個傳統的蜜糖烤雞薄餅，用料十足，有蜜糖香甜的味道，加上外皮十分之香脆，PizzaExpress pizza水準簡直得到滿分.肉丸配上香脆的薄餅，這一個醬汁真是能夠吃多幾片薄餅了.卡邦尼意粉十分之香濃，配上本人最喜愛的煙肉，簡直是最美好的配搭.最後，這一個Tiramisu十分之細滑，感受到幸福的感覺.

上網見到餐廳有做兔年大餐😆成日心思思想試今日終於成功約到3個朋友出嚟食🥹果然冇揀錯樣樣都好好味道份量亦好豐富🥹💎 $988 金玉滿堂新年4人套餐.💎 軟心芝士帕爾馬火腿烤蜜桃拼盤成碟好colourful，啱曬打卡，中間放咗一大舊軟心芝士，Parma ham份量好足，好有誠意！軟熟香甜嘅烤蜜桃，夾埋Parma ham嘅鹹香，味道平衡得啱啱好🥰！配合軟滑香濃嘅軟心芝士、爽脆清新嘅火箭菜，清新又開胃🤩.💎 金玉滿堂海鮮薄餅份量頗大嘅pizza同朋友一人一塊啱啱好😆上面有小元貝、蝦肉等嘅新鮮海鮮海鮮好香 肉質鮮嫩配埋焗香咗嘅芝士同蕃茄醬入口口感好正🤣薄餅底又香又脆一啖已經好大滿足感連pizza個薄餅邊都好好味😎.💎 黑醋油封鴨腿伴烤蔬菜平時好少機會食鴨腿估唔到一食就試到咁高質的鴨腿好重油香肉質十分香軟鴨香完全鎖緊係入面 一啲都唔會乾配埋開胃嘅黑醋同香水嘅烤蔬菜配搭真係一流😎口感同營養兼備.💎 意式龍蝦海鮮湯粗管通粉一上枱已經聞到好香好吸引🤤意式海鮮湯用芹菜、紅洋蔥、番茄海鮮醬、白酒、蒜蓉油同羅勒製成，仲加咗龍蝦、鮮蝦同青口，所以味道好濃郁，充滿鮮味，龍蝦肉質飽滿鮮甜，鮮蝦同青口非常彈牙嫩口，粗

行過PizzaExpress，見佢推出左金玉滿堂新年菜單，象徵著興旺富庶的金色食材，希望透過寓意豐衣足食的佳餚與您共慶新春佳節🐰意式龍蝦海鮮湯粗管通粉原隻新鮮波士頓龍蝦， 蝦肉新鮮爽口彈牙， 蝦膏金香， 而且仲有其他海鮮，包括青口，蝦肉，配上芹菜，紅洋蔥，蕃茄，海鮮醬，白酒，蒜蓉油等醬汁及調味料， 令整個海鮮龍蝦味道十分豐富， 再加上新鮮羅勒配上粗管通粉， 醬汁美味口感佳意式焗肉丸烤焗豬肉丸配以香辣蕃茄牛肉醬及白汁， 肉汁喺個口入邊度爆出嚟， 而且配合埋香辣蕃茄牛肉醬， 味道更出，最後灑上蕃茜配香草包， 配合醬汁一齊食， 真係食到停唔到口北京烤鴨薄餅平時好少食片皮鴨， 但係見到隔離枱叫咗 北京烤鴨薄餅， 香氣撲鼻， 所以立即嗌咗個pizza， 鴨胸嫩滑之餘，海鮮醬加辣椒，青蔥，青瓜等配菜， 味道惹味，而且口感清新，再加上馬蘇里拉芝士， 整個烤鴨薄餅味道更上一層樓

係旺角返左工咁耐都好小會黎pizza express食lunch😗我就記得以前係有lunch set，但而家就冇左🥲變左係主菜單獨立叫，惠顧任何主菜即享免費頭盤一碟及免費飲品一杯😍頭盤可以揀青菜沙律或者焗麵包球🥗我地每樣叫左一碟，沙律就普通冇咩特別😛反而麵包球好有驚喜，我今次都係第一次食🥐麵包新鮮出爐，上枱時仲係熱辣辣，一口既size好容易食😊咬落去好軟熟好香麵包味😍飲品都有唔同既選擇，可選茶、汽水、餐酒或者生啤🍻食物質素都好唔錯，而且餐廳人數唔算多，都坐得好舒服🥳🍕蜜糖雞肉簿餅（$162/ 10"）簿餅揀左10吋，切開都有6塊😚蕃茄醬底，加埋甜甜地既蜜糖味，食落去好開胃🤗餅底亦都有啲煙韌，口感好唔錯👍十分推介💯🍝肉醬千層寬麵（$146）千層麵亦係意粉入面我最中意既一款🤩呢間既千層麵亦冇令我失望😛滿滿既芝士加埋層層既肉醬，一啖放入口真係好滿足😘上枱熱辣辣，芝士做到拉絲既效果🤭加埋酸酸地既蕃茄醬中和返芝士既厚重感😎/📌PizzaExpress (MOKO新世紀廣場) (旺角)旺角太子道西193號MOKO新世紀廣場L1層182號舖/😋食物質素：7.5/10🍽️用餐環境：8/10💰性價比：7.

Good Time, Good Morning 🌅今日早上有事到旺角東站又想飲杯咖啡醒醒神所以在MOKO Pizza Express 食早午餐早上時間人數比較少，場地很大，可揀嘅位好多，我選了坐窗邊位置，座位也好寬敞舒適食物方面，選了海鮮厚通粉+炒蛋+泡沫咖啡上菜時間快，食物質素不錯，溫度適中

今日亞媽話想食pizza，但又話唔想出街，我就不其然諗起這間，上次試過外賣都不錯，今次又黎這裡買外賣。來到這裡，發現原來開始有聖誕套餐，除了套餐，還有散叫的聖誕菜式，上年試過成set既聖誕餐，今日就不如試下幾款聖誕菜式，再加其他菜式，當提早食聖誕餐，就咁話！聖誕菜式系列１，聖誕花環薄餅，這個薄餅是輕盈薄餅餅底，裡面用上金文拔芝士，巴馬臣芝士，紅莓乾和番茄醬做到，薄餅中間中空的，放有南瓜，羽衣甘藍，醃辣甜椒，北非小米沙律。雖然成個薄餅沒有肉，但這些配料都已經可以令薄餅味很香，加埋中間的沙律一起夾來吃，香脆得來又很清爽，平時聖誕節食很多東西，一定會容易食滯，但這個薄餅沒有肉，所以沒有咁heavy，再食其他東西都不會膩，用來做聖誕餐又不失大體，他們真得想得周到！意式焗肉丸，平時來這裡都見到好多人叫這個，貪佢除了有肉丸食，還有香草包可以沾香辣蕃茄牛肉醬，香草包有六片，肉丸不是一些死實實的肉丸，口感柔軟，似乎是自家製的肉丸，將肉丸和蕃茄醬放落香草包一齊吃，放入口已經覺得感覺很豐富，味道也很可口美味。聖誕菜式系列２，意式龍蝦海鮮湯粗管通粉，一開蓋就已經被那半隻龍蝦吸引著，很香很香的龍蝦香味直湧入鼻

Pizza express “Passion For Pink” 限時推廣菜單💕☘️全新推出：蔬菜芝士薄餅，焗麵包球配士多啤梨忌廉沾醬，士多啤梨冰茶每售出以上薄餅或焗麵包球，餐廳會捐出港幣$8給「癌症基金會粉紅革命」並支持乳癌支援服務，好有意義🫶🏼🍕蔬菜芝士薄餅全素薄餅，材料有：烤茄子、烤南瓜、雜錦蘑菇、橄欖、烤燈籠椒等等。材料十分豐富，配以酸酸甜甜的忌廉蕃茄醬，作為食肉獸的我，吃這款素菜薄餅也覺得很滿足。🥯焗麵包球配士多啤梨忌廉沾醬一向喜歡吃pizza express的焗麵包球，這士多啤梨忌廉沾醬味道酸甜，口感濃厚奶滑，有香甜士多啤梨味。暖暖的麵包球配冰凍沾醬，很推薦👍🏼🍓士多啤梨冰茶淡淡的士多啤梨味，味道微甜，冰冰涼涼很適合夏天🥗有營茄子沙律這款沙律也是全素菜式，材料十分豐富，包括：烤茄子、藜麥、毛豆、牛油果、紅洋蔥、車厘茄、羽衣甘藍、菠菜葉、青菜沙律，全部十分新鮮，配以無花果油醋醬，酸酸甜甜，又清新又很開胃。

PizzaExpress向來是數一數二方便而質素較佳的連鎖薄餅店，在香港擁有二十間分店，北京烤鴨薄餅一直以來都深得我心，但事實上他們對社會的關愛才最令人欣賞，譬如每售出一個四式芝士薄餅便會捐出港幣八元予Redress——致力透過減少浪費紡織品、污染、節約用水及節省能源，推動時裝業可持續發展的一個本地非牟利團體。踏入十月，一年一度的關注乳癌暨籌款活動「癌症基金會粉紅革命」正式展開，得知於十月三十一日前於PizzaExpress每選購一份蔬菜芝士薄餅或焗麵包球配士多啤梨忌廉沾醬，PizzaExpress將會捐出港幣八元予「癌症基金會粉紅革命」並支持乳癌支援服務，以響應國際乳癌關注月，喚起大眾關注及認識女性乳房健康，關心受乳癌影響的人士，堂食或外賣自取亦可，別具意義何樂而不為。蔬菜芝士薄餅 ($148) 人手製作傳統拿坡里式餅底邊位微脆，質感鬆軟而又略帶韌性，面層舖上烤茄子、烤南瓜、雜錦蘑菇、橄欖、烤燈籠椒、新鮮羅勒、馬蘇里拉芝士及忌廉番茄醬，雖然沒有肉類卻毫不單調亦更加輕盈。牛肝菌羽衣甘藍螺絲粉 ($158) 螺絲粉軟硬適中再配上牛肝菌、巴馬臣芝士、蒜蓉油、羽衣甘藍及蕃茜，菌香馥郁而芝士鹹