PizzaExpress (MOKO新世紀廣場)

营业中

休息中

跟朋友相約放工後一起晚飯談天，友人提議食PizzaExpress因為環境坐得舒服同埋食物質素唔錯，我們選擇了旺角分店因為交通比較方便，在中間位為方便大家回家。一入到餐廳，已感受到環境很大很舒適，店員的服務態度很好，還安排我們二人坐在一張大枱。一坐低就看見枱上有好靚既特飲餐牌，我們行到有啲口渴，所以就選了各自選了一杯特飲, 另外order左湯、沙律同埋pizza。首先來兩杯特飲，我order嘅特飲係鮮果檸檬特飲，這杯賣相很美，打卡一流，而且唔太甜酸酸地好正，友人order嘅蜜桃冰茶佢話味道都唔錯，之後番茄湯就到，很濃番茄味味道不錯，配湯的麵包也很鬆軟，之後來健康輕盈沙律，這個沙律很啱我同友人胃口，有很多配料例如有牛油果、南瓜、松子仁、芝士，沙律汁唔會太酸甜甜地好醒胃，而且夠大碟，啱晒我同朋友，因為我哋都喜歡食沙律。之後香烤雞肉薄餅就到因為只得兩人而且我們不是太肚餓所以選了一個10吋嘅Pizza，Pizza味道很好，餡料有肉汁批邊很鬆軟不會太乾。朋友果然冇介紹錯，最後要讚一讚這裏的員工，服務態度很好，不停為我們加水，而且會問我們食物質素如何，令我感受到員工嘅熱誠，之後有機會都會再來這間餐廳

叫左個lunch，黎到啲份量好似俾細路仔食咁。你咁細份應該講清楚，同埋亦都唔好食。唔怪得間野咁少人，唔係無原因既。真係唔會再有下一次既垃圾。真係唔會再有下一次既垃圾

打算去花墟買些鮮花來粉飾家居，行動前想食個休閑早餐，但又唔想食茶記，我便提議去食 All day Breakfast 啦！在商場行逛發現「Pizza Express」原來不只食Pizza 架，早上還有多款特色早餐選擇。我們看過餐牌，都各有喜好，點了兩客早餐。意式早餐碟上放滿了各種食材，有番茄、蘑菇、火腿、煎蛋、意式肉丸和牛角包，份量十足，營養豐富，令整天註滿能量。番茄牛頰肉焗蛋等了十五分鐘，香噴噴熱烘烘的焗蛋送到。焗蛋內有嫩滑的牛頰肉和車厘茄，牛脂香和鮮甜多汁的車厘番混在焗蛋內，與碟旁的麵包一起食， 絕配！泡沫咖啡奶泡豐盈，咖啡濃郁，再配上杯旁香脆的 Lotus 餅乾，真是妙不可言。美式咖啡杯面上鋪滿一層咖啡油，濃度適中，飲完馬上精神奕奕。今日的休閒早餐令我整天都充滿能量和愉快心情，朋友都有同膥，日後應該會是常客啦！

頗喜歡 PizzaExpress的早餐，比一般的港式或西式早餐來得特別，而且款式也多。不過自己較常光顧的 PizzaExpress奥海城分店只在星期六、日或公眾假期才有早餐吃，所以在這個難得平日放假的日子，我就來到 PizzaExpress這間平日都有早餐吃的新世紀廣場分店，與太太享受一個輕鬆寫意的早餐。也許因為是平日吧，而且特別的意式早餐始終也比一般的港式或西式早餐來得貴一點，所以偌大的餐廳裡客人不多，不過這也好，在開揚廣闊的環境下，坐得更加舒服，吃得也更開心。餐廳原來新近推出了數款新的早餐，我倆正好點來一新一舊的早餐，大快朵頤。我點的「生酮低碳早餐」（$98）是新推出的，賣相漂亮，材料豐富，煙三文魚、牛油果、烤南瓜、雜錦蘑菇、焗車厘茄、羽衣甘藍、巴馬臣芝士炒蛋，絕大部分都是富有營養的健康食物，而且菜多肉少，既配合現今追求健康的潮流，又好味道。另一半點的「PizzaExpress意式早餐」（$118）並非最新推出，但材料同樣豐富，包括意式焗肉丸、摩特黛拉火腿、蛋、烤番茄、雜錦蘑菇、火箭菜和牛角包，菜肉比例均衡，吃上一個，飽足半天。飲品我就點了熱的「泡沫咖啡」（早餐跟餐價 $18）。這

星期一大清早起身出門返工，因為幸尼陪我去旺角食早餐，所以決定有要求找間講究餐廳，好好食個早餐。MOKO 一樓 PizzaExpress 完全符合我要求，樓高座位寬敞，服務態度有禮，我同上次一樣找了個窗口位置，可以望著窗口景色，再細嚐一杯咖啡。🤣☕️美式咖啡醒腦醒神嘅黑咖啡，溫度剛好，香、醇味回甘帶微木香不錯。🍴意式早餐意大利餐廳食意式早餐幸尼話這才對，嘩😍好豐富好似酒店早餐咁，流心太陽蛋軟滑充滿蛋香，意式香草肉丸酸酸甜甜好惹味，仲有香酥牛包添。🍴生酮低碳早餐好有神秘感我決定試一試，好少餐廳有生酮低碳早餐提供，又幾正喎⋯⋯🤣炒蛋好香蛋味，仲有煙三文魚食落知佢有啲質素，因為一啲都唔腥仲有煙燻味添👍，牛油果🥑剛熟透特別軟滑，南瓜軟腍甜美可口，是日早餐都太幸福了吧！🥰地方好大

今日喺旺角東行街行到有攰又餓，阿女話想食pizza，於是即刻諗起PizzaExpress就喺一樓，可能已經係2:30嘅關係所以比較少人，唔使排隊就可以直接入去。服務員介紹是日Pizza係北京烤鴨，於是乎兩個人都唔使諗其他口味，一齊嗌左北京烤鴨pizza再加$38加大先來個鎮店蒜蓉牛油麵包球。麵包球外脆內軟，搽上少許蒜蓉牛油味道一絕😋是日例湯係南瓜忌廉湯，香甜細滑，配麵包一流到主角出場，北京烤鴨，除咗有烤鴨之外仲有青瓜香蔥，最重要係餅底上面搽上香辣醬，焗得薄脆香口，超級滋味😋兩個母女兩個Pizza當然係食唔晒啦，因為實在太大啦，剩返嗰啲唯有打包走!

焗麵包球太好味，每次來必吃麵包焗得很鬆軟，加上順滑的牛油而且共有6個，份量足夠與朋友分享三文魚只有2片而且太薄，有香橙伴碟焗蘑菇有少少燶但不會影響味道火箭菜帶點苦澀幸好欖汁的味道足以蓋過羅勒蕃茄薄餅薄批就是pizza express的特色餡料豐富，芝士與蕃茄醬互相襯托被牛肝菌蝴蝶粉的香氣吸引，忌廉汁creamy濃郁肉醬闊條麵比較普通，闊條麵完全沾不上肉醬，感覺乾身而且很快變硬環境闊落開揚，適合與朋友歡聚暢談

是日發現會員積分就快到期，加上有會員生日甜品就決定到好耐冇去的pizzaexpress 晚餐~~~在店門口見到有2人餐，不用煩惱的我就點咗，頭盤係蕃茄醬肉丸，食落軟熟，不過我食的時候就明顯感受到胡椒果種「辣」，食食吓打了噴嚏(*￣︶￣)煙肉卡邦尼食落感覺適中，唔會油膩，又唔算濃味在餐牌上$158的羽衣甘藍香菇薄餅一上枱就被香氣吸引住，雖然係素薄餅，但菇的口感食落好似食肉咁，薄餅本身熱上，所以味道好食。最後上的會員生日甜品雖然跟會員網站見到的有點不同，由朱古力變咗椰絲蛋糕，不過食落唔太甜又軟熟，讓另一半懷念食椰撻的感覺。以前會員甜品有很酸的球，依家就有美味的雪糕球，還有美味的意大利咖啡蛋糕杯，令整個晚餐感覺好完滿。pizzaexpress 算是不錯的店，但在新界的分店近期發現少咗去開的荃灣和YOHO分店，感覺有點可惜。

喺屋企匿埋咗五日唔敢出街，阿妹幫我哋訂咗啲藥物和口罩，要出去舖頭攞，順便去花墟買盤花，希望轉換一下心情！行完一轉買到花果然身心舒暢，諗起之前喺IG睇咗一個post話PizzaExpress有個外賣套餐好似幾抵一於上去望吓，反正日煮夜煮都唔知煮乜好！3:00舖頭仲有幾枱客人食午餐Chill@home combo 好抵$388意式凍肉及芝士拼盤Parma ham同芝士都好正焗麵包球，另有兩款醬可以點意式焗肉丸香濃蕃茄醬，肉丸質數高，滋味無窮La Reine皇后薄餅（Classic 13”)PizzaExpress嘅Pizza一如以往咁高質素，厚薄適中，就算外賣返屋企焗返熱少少依然咁好味Chianti意大利紅酒

最近晚上沒有堂食，看見新推出的外賣套餐Chill@Home($388)，便買了一個回家試試。意式凍肉拼盤，除了不少得parma ham, salami和兩款芝士，其帶鹹味的釀紅椒和橄欖、果仁和香甜提子乾配紅酒吃味道甚佳。這個拼盤很適合在家一邊看戲，一邊喝一口紅酒，再吃一口拌酒小食，在家也能輕鬆一下。焗麵包球是經典小食，麵包球有跟pizza不同的煙韌口感，配上番茄香草醬和蒜蓉牛油，醬汁和牛油更能帶出麵包球的香軟。意式焗肉丸又是另一款必點小食，配麵包球也很合適。焗肉丸的香濃醬汁，塗滿在鬆軟肉味濃郁的肉丸上，非常惹味。這個餐跟一支紅酒或白酒，選了紅酒配意式凍肉拼盤，把紅酒倒進紅酒杯中，靜待一會，便能嚐到紅酒的郁香，喝一口紅酒，再配一片芝士，品味寧靜的晚上。除了這個餐，另點了一個La Reine皇后薄餅13吋($141)，用上摩特黛拉火腿、蘑菇、橄欖、馬蘇里拉芝士和番茄醬，薄餅口感煙韌，在火腿、橄欖、芝士和番茄醬的搭配下，每一口也嚐到濃郁的茄肉香，又不失橄欖帶來的清新。

最近也沒有機會出外吃飯，Pizza Express有一個home Cambo, 價錢也不貴，可以在家中輕易享受美食。Chill @home Combo意大利凍肉及芝士拼盤入面的Parma Ham鮮味十足，salami 肉味濃郁帶點辛辣，芝士和紅酒是絕配， 還有果仁，火箭菜，葡萄乾， 口感多變，層次也很多！焗麵包球非常香脆， 入面軟身，可配牛油更香！加$128 可享用意大利白酒乙支 Pinot Grigio 口感偏乾（Dry），酸度中高，伴有淡淡的苦杏仁味，和芝士火腿一起吃，很chill 很夾！意大利肉丸肉丸非常香，意大利蕃茄醬鮮味， 咬下去啖啖肉！Chinati 紅酒風格優雅，帶黑莓、香料的味道，味道柔和、容易入口，非常適合和cold cut一起吃！肉醬寬條麵肉味香濃，而且掛滿每條寬條麵，麵條煙靭帶嚼勁。

心血來潮想吃pizza ，但又想同家人一起分享，但因疫情關係，所以都少在街外吃飯，所以我決定外賣自取拎返屋企食！在網上查詢，發現這間食店佢地有一個新出的新年精選套餐，再望多一會，見到裡面的食物都幾特別和幾有特色，見這個套餐在28號前在網頁訂購外賣自取新年套餐有九折，所以就不如訂這個四人新年套餐回家吧！烤焗雞翼，雞翼雖然不是好大隻，所勝在烤得很香，裡面都還有很多肉汁，加上蛋黃醬汁，好味！主菜其中一款我點了一個烤蜜桃油封鴨腿，蜜桃很香甜，油封鴨腿都算大隻，烤得很香，肉質還很鮮嫰，但不油膩，裡面還有一大推沙律，配上酸酸味味的醬汁，成個都很好吃，又特別！Pizza我就要了一個南瓜花西班牙腸桂花薄餅，真係完全未聽過既名，但味道又幾好食，有南瓜花一起焗薄餅，薄餅是薄批，味道酸酸甜甜，吃上去不會覺得薄餅好滯口，食多幾塊都仲得！不錯！第二個主菜是忌廉XＯ醬蝦肉粗管通粉，粗管通粉我一向都好少吃，今日就不妨試下，管通粉有點煙靱，加上大大隻的蝦，忌廌ＸＯ醬汁有少少辣味，幾得意！意式青口海鮮湯，海鮮湯用上番茄著製，味道鮮甜，青口很新鮮，雖不算很大隻，但肉質肥美，份量都算幾多，唔錯！焗麵包球配朱古力榛子醬，一個

食左中伏晚餐服務員態度好好，環境舒適，只可惜叫左3樣個意粉係最好味蒜蓉包冇蒜蓉味，只食到好片油同冇味既淡面包🥯賣相也不太好，雞翼都係冇味，只可以靠醬加重味道可能出名pizza真係好一般

因為有朋友要離開香港，所以要同佢farewell, 因為唔知食咩，所以外賣左pizza,佢個填鴨pizza好得意，好好食，我成日都覺得pizza外賣都會因為焗太耐而搞到一pat野咁，但依個又冇，成件事幾神奇，其他野食都做得幾好食，我地幾個人食到好飽好滿足，下次都可以再試埋其他野食

好耐冇去【 PizzaExpress 】食嘢今晚一於同老公拍拖食返餐🛎食物:ღ蜜糖雞肉薄餅ღ (💰$162)Pizza整體正常味道蜜糖雞肉唔夠蜜糖味😅ღ意式牛肝菌蝴蝶粉ღ (💰$142)味道好OK香松露油味道牛肝菌嘅份量都足夠😉🛎環境:餐廳枱與枱之間嘅空間足夠嘅不過平日晚嚟食七點幾都唔full坐得更加舒服🤣