PizzaExpress (已結業)

這幾天很想吃薄餅，很想到西環的Piccolo Pizzeria & Bar或上環的208 Duecento Otto等餐廳，但今天人在九龍區，要過海的話路程又真的遠一點，於是來了海港城的Pizzaexpress。但六時多已經滿座了，我們也要等一會兒才有座位。看看餐牌，也有不少新菜式，除了薄餅外，以往的焗蘑菇也轉了新食譜，於是便點了一客來吃，$72。蘑菇味道有兩款，釀了水牛芝士及羊奶芝士，吃下又有芝香，但蘑菇好像比之前來吃的細小了，喜愛之前吃的焗蘑菇多點。薄餅點了兩款，先來是新口味Calabrese，卡拉布雷斯薄餅，$168，材料有卡拉布里亞的辣肉醬、辣肉腸、青辣椒、新紅椒、燈籠椒、fior di latte芝士、火箭菜、香草醬及巴馬臣芝士。薄餅呈長方形狀的，口感也帶香脆，辣肉腸及醬汁滲出橙油，加上不同款式的椒，看下去也挺辣。但對我吃得辣的來說，這則不屬於辣了。微辣加上肉醬的鹹香，味道也還好，口感也油潤。另一款新薄餅，Da Morire，達麼妮薄餅，$134，材料說有意大利藍芝士、意大利煙肉、大蒜、烤雅枝竹、Mozzarella Cheese、Rosemary及辣椒，這款薄餅味道配搭不錯

今晚Honey 要去飲喜酒, 唔得閒同我吃晚飯, 小美美小姐義不容辭陪我呢個為食貓食晚飯, 好~ 上次尚有一張$250元的Voucher未用...今晚一於去用咗佢唔駛成日袋住又怕快要過期! 已經預先訂定位因為我知假日要响尖沙嘴區揾食真係有難度, 唔book枱等walk-in真係嘥自己時間, 點知呢處仲巴閉, 分兩輪6點後(就算你6點半到), 佢都係8點要還枱, 如果你係都要訂7點, 咁佢會同你講"唔好意思唔能夠留座"叫你walk-in, 點都好, 我就訂6點啦, 因為我早好多日前已經plan咗要嚟呢間店, 所以放膽要求坐窗邊位, 接線員姐姐仔佢話會mark down 要求, 盡量安排(但唔保證), ok, 我話好, 盡量啦~去到門口未夠5點半, 我哋在附近兜咗幾圈無食下午茶想醫咗肚先再逛逛, 所以早咗, 當時場內有幾十人包咗場搞小朋友birthday party...好快都清場, 然後店員及經理圍埋一齊做個簡短圍埋briefing就開始放晚市客人入座, 由於之前已經有條長龍幾十人排條隊等入店, 都好"壯觀", 我哋都等多接近十分鐘至入到店, 好驚喜呢....因為原來佢真係應我要求

我地無book位, 差唔多9點到, 唔駛等位, 帶位經理帶我地去window seat! d人好似話lee d 位要訂成個月!! 真係超開心!! 個景又真係幾無敵既... 跟住靚女侍應俾menu 我地, 我地叫左Summer Salad 同 Pizza Puttanesca (lee 款pizze確實未見過... ), 靚女侍應仲提我地個pizza 係 savoury, 問我地介唔介意。Salad 黎到.... 正常啦.. 無咩特別。反而個pizza 有d 驚喜, 因為係辣既!!! 仲要幾辣下!! 我同朋友都覺得幾開胃!! 而且今期promote 有德國riesling, 少地方有德國酒by glass 咁賣! 甜甜地剛好頂住d辣味!! 侍應仲有問返我地, d 野得唔得, service 好, 食物ok, 價錢唔貴, pizza 包唔會食唔飽, 又有追女仔無敵靚景, 一個字:抵!

其實Pizza Express我食過幾次,但尖沙咀就第一次食~佢地個view好正,係望正維港海岸景色~如果要坐正窗邊,就要預早book位喇~凱撒沙律~好好味呀!點埋d醬仲好味~佢地個凱撒沙律有得揀三文魚或者雞肉~我地就揀咗三文魚~佢地d三文魚好大塊好厚架~有少少咸~佢地d檸檬茶$38一杯,係任飲架~番茄肉丸~ 番茄醬偏咸,d肉丸都ok~辣肉腸芝士pizza,係新出架,值得一試,精髓係白色一舊舊個d芝士到~d芝士冇咩味,只有少少好似鹽嘅咸味,但都好好食,每一塊pizza都有一舊白色芝士~辣肉腸有少少辣,但都食到~

明明入坐時個waiter話今晚booking唔算爆, 如無意外應唔需要限時交枱, 一心以為可以慢慢慶祝生日, 味道中規中矩. 尤其係個水牛cheese薄批, 批邊冇整燶, 好脆 點知一個鐘頭後有個waitress走嚟問我地食完未, 請我地15分鐘內埋左張單, 因有客book左!!!! 當時只係5個order嚟左3樣, 而且又係佢地話今晚唔駛早交枱, 事實上啲order未嚟齊, 咁叫客人點樣趕頭趕命咁食完兼找數?? 於是我同佢講咁樣不合理, 但佢就話你食唔哂, 可以幫你轉外賣?!?!?! 實在太惡劣!!! 索性取消未嚟嘅order埋單走人!! 以後都唔會再嚟!!

朋友吹雞開餐, 為食四人幫定必二話不說飛身撲出啦!!! 呵呵... 今次鎖定嘅目標係... 有朋友未食過嘅PizzaExpress...朋友試吓網上訂位功能, 見到呢晚餐廳Full咗, 大家正煩惱緊轉去邊樹食之際, 我死唔信邪咁打去餐廳試吓Book位... Oh... 比我Book到喎!!! 不過Book 7:15pm就要8:45pm還枱, 得個半鐘真係唔多夠喉!!! 想轉地步但又懶... 算啦, 食咗先, 到時再轉場食甜品囉...因為要好早還枱比人, 所以我特別提醒大家要準時到, 攪到大家都好大壓力... 嘩咔咔咔...幾年前食過亞士厘道分店, 印象好差, 又嘈又迫又唔好味... 海運呢間分店間鋪大好多d位又多好多, 仲可以一邊食飯一邊欣賞維港夜景, 咁仲使唸嘅, 緊係過o黎海運呢邊食啦!!!未食過嘅朋友未到, 我地好抵死咁不停Whatsapp佢, 將揀o野食嘅討論全部放上Whatsapp, 最尾一句係"你可以揀自己杯o野飲", 嘩咔咔咔...討論期間, 我口快快咁話叫個6人餐, 不過比大家Band咗... 查實我係有先見之明, 知大家叫4人餐食唔飽, 結果真係... 大家都話未試過

好像預訂這個海景座位要一個月，坐下來的時候就明白等待是值得的，但如果他們能夠多添露天的座位在堤壩上效果應該會更好~ 先是前菜田園沙律和巴爾馬火腿伴蠶豆沙律，還是十分喜愛黑醋、芝士和火腿的絕妙配搭！ Pizza選了four seasons，材料是4種不同的芝士混合，而且他們的pizza感覺正宗，薄薄的脆餅底和不花巧的toppings，在意大利吃的pizza也是這樣的嘛！ 意粉選了carbonara，還是戒不掉到哪裡都想吃carbonara哈哈… 但這邊的份量真的略嫌小了一點，兩個人分享也覺有點意猶未盡。 侍應的招待也不錯，本來說好了1.5小時要離開，但到最後大概2小時才來叫我們結帳，很好人!! 這間餐廳比起旁邊那兩間價錢較大眾化，而且也坐擁相同的美景，所以也確實是沒什麼好挑剔吧，就盡情享受好了~

Pizza: 雖然全部都係薄批, 但都係勝在芝士味重同埋佢有隻有bacon既pizza既味道真的唔錯(唔記得個名), 可以再食檸檬茶: $3x任飲..都ok...不過好似細杯左少少...好彩d staff都不停同你添既pasta: 我記得我地叫左2個pasta一個係有d辣味的海鮮pasta..味道麻麻..比較淡, 不過另外個肉醬闊條麵就幾好味!我覺得整體都ok好味...不過好似貴左少少...請埋生日都要每人$250左右(仲要唔係好肚)

因為海港城有叮噹展,所以專程去左影叮噹,我本身又唔多行海港城呢邊,搞到影完都唔知食咩好,咁就上openrice搵下附近有咩食啦~搵到呢間食pizza,咁就諗住試下啦晚上7點到門口見到好多人企係度以為要等位,點知唔駛不過話要8點半埋單CAR SALMONE 本來諗住叫三文魚pizza,不過朋友話一係叫個薄切三文魚之後就可以試下推介o既帕爾馬薄餅FARFALLE SALSICC唔知點解食完個三文魚都等左好耐先黎呢個蝴蝶粉呢個喊喊地食落都唔差~PARMA PIZZA最後來帕爾馬薄餅...我好懷疑佢根本無幫人切開個pizza囉,搞要自己用餐刀切呢間d薄pizza唔算好脆~我覺得都唔差o既...整體都可以接受,上食物既速度可以快d就更好(香港人速食慣左快)無得坐海景位無分加~

在本網站看到其他食家提及這間pizza express 有偌大的海景，於是就來碰運氣，說是碰運氣,因為打電話訂座, 店員告知座位已滿,只接受walk in。星期五下午六時半，時間尚早，我乘人少先入座，侍應說要一小時半後交枱，我說可以啊。通過大玻璃窗，客人可以清楚看見維港景色，看著天色由白天轉變成黑夜，燈光閃閃，真叫人著迷。我慢慢翻著餐單，點了兩道食物。現場所見,有一些懂得享受人生的外藉人士在享用晚餐,我就知自己沒有選錯餐廳!香草煙三文魚薄餅，製作需時, 我等了約十五分鐘, 侍者送上大片煙三文魚薄餅，叫人很興奮. 三文魚,芝士和茄醬的配搭十分健康，芝士香濃, 三文魚新鮮肉嫩, 檸檬汁加上烤得薄身又鬆脆的批底，男友都話美味!敳撒沙律是又一傑作,小型芝士片和沙律醬配大塊生菜和麵包粒,健康也.我認為可以改進的地方是，店員應主動為客人送上餐碟和開水, 另外,在我們進餐時,於鄰桌不小心打破陶瓷碟子, 一聲巨響影響了客人進食的氣氛。

前身是quarter deck, 於海港童裝部位置非常就腳。賣點明顯是Pizza, 於門口都不難看到師傅將Pizza拋到2樓禁高, 門口滿是一家大細, 應該是價錢很吸引, 大大份那種。帶位的姐姐非常親切有禮, 人再多依然笑容滿面, 叫我們主動拿了comment card 去給她一個讚。 我們被帶到窗邊台,環境非常不錯, 看看價餐牌, 完全明白為什麼條隊點解禁長: 真係食個景都底翻, 情況有如ICC某酒店上層200零蚊有100樓層景觀。通常餐廳的名字係一種食物或者有signature dish的話, 例如失敗牛丸又或者Linguini Failure, 我一定會點一個牛丸的菜, 加一個非牛丸菜。我們點了 Carbonara Pasta, Four cheese pizza, Lasagna。落單後Carbonara只雖1分鐘就出餐, 無錯係1分鐘, 除了隔離落錯單無人要而空降pasta外, 沒其他原因。 個Spaghetti好差, 此價錢來比較的話, 是很差, 我記得係茶餐食過Carbonara, 定比它creamy得多, Pasta sauce非常水, 個粉林身得過份, 調味不足, 連

某個周日下午跟肥妹同事看戲 (fine，其實她現在已經瘦了很多，只不過是我叫慣而已)，在尖沙咀不知吃甚麼好，想起 pizza express 這家分店沒吃過，於是就來碰運氣。下午兩時半，足足還要等上十五分鐘才有人入座，但其實餐廳入面空桌不少，只是侍應更少，執拾檯面需要時間，結果就是拖長了等候時間呀。坐下來相當餓，也就很快的點好菜。這個 Carpaccio di Salmone Affunicato 薄切三文魚是肥妹同事嚷著要點的，用的是煙三文魚，煙燻味足夠，吃起來鹹香有致，跟酸身同吃也相配，但三文魚乾身一點的話會較好；餓極了的我倆，看到旁邊伴碟的麵包條，也是兩眼發光，麵包條鬆軟也充滿麵粉香氣，一人兩條轉眼便被掃清了！Baked Mushroom 焗蘑菇是我每次來都要點的前菜，多汁的 button mushroom 混上 mozarella 來焗，光吃就已經沒有輸的道理，再加上 pesto sauce 的清新香氣，令焗蘑菇的香氣也豐富起來。肥妹同事愛吃芝士，於是 pizza 就選了這 Quattro Formaggi 四色芝士薄餅，說是四色，就是 mozarella + gorgonzo

到海運行街，選了這裏吃午飯，有一種旅行的感覺雖然等了一會，幸運的被安排到窗邊的枱當日都幾多人門口的位置可以看到薄餅師傅正在忙着制造各式Pizza點了杯coffee latte，咖啡味幾香，吾錯試了帕爾瑪火腿薄餅，剛烤起，新鮮熱辣，餅底夠香脆，火腿少少鹹，夾埋軟硬芝士，蕃茄醬和薄餅一齊，好食:再叫了個什菌螺絲粉，亦不俗，但鹹了一點點環境舒適，地點佳，去開尖沙咀，可來試試

不得不說自已偏心，自從這分店開業後，地點環境佔盡優勢，絕大時間也來這分店一碰運氣，而大多也能坐在窗邊的位置。這期首推Burrata，但我不能多吃Soft Cheese就放棄了，但也主攻餐牌上的新項目為主，Summer Salad 與 Romana Padana還有pasta等，沙律有車厘茄、蠶豆、青豆、火箭菜、洋葱、酸豆、雞蛋等，醬汁是Lemon Oil，相當輕盈的一個combination，現在沙律不再配上麵包球，但Baked Dough Stick也相當不錯，特別是沾上醬汁更方便Padana的面料有山羊芝士、菠菜、caramelized onions and garlic，因為洋蔥慢煮過，它的天然甜味中和了濃烈的Goat Cheese，沒有任何一方獨霸味道，平衡度很好的一個pizza周末服務較忙較疏，但相當到位，體諒的。

17.06.2012男友今天放假, 難得他放假, 當然要出外走走......走到海港城, 時間在下午荼和晚餐時間的中間,唔三唔四, 都唔知去食咩好, 於是男友提議來這間餐飲,因晚上還有飯局, 所以食小小野就最啱啦~~~~下午四點, 都要等一陣先有位, 等位的地方有sofa, 都幾好~入座時說明要5:30pm交枱, ok冇問題,環境不錯, 落地大玻璃外是維港海景, 呢日時晴時雨我們點了一個小食拼盤, 一個三文魚pizza, 還有無限refill的ice lemon tea個包好好味, 好香脆, ham也ok個pizza上的三文魚好似小咗d囉, 味道okfree refill, good呢間pizza express都食得過, 好食過pizza hut下次想試佢個甜品同埋其他味的pizza