Pillowtalk Restaurant & Bar

营业中

休息中

一年都未必會入一次屯門( ´▽｀)難得約咗朋友喺呢頭食飯咁就揀間好評都多嘅餐廳啦見到餐廳名叫pillow talk 啊！ 同某歌星嘅新歌撞名嗯！首歌好聽 間餐廳都應該係好食嘅！紅橋 朋友話嗰度係區內中學生嘅聚腳點因為有好多間機舖( ´▽｀)不過當日去就唔係好覺眼都係一個幾保留舊區特色嘅地方 有好多嘅小店 不過都係餐飲為主見到上一次黎食嘅拉麵舖都已經執咗咁有改變都正常嘅入到去menu野食上嘅選擇唔多人地推薦 有龍蝦圖嘅菜式係一個都冇( ´▽｀)冇得揀都冇辦法 叫下其他main囉叫左個龍蝦汁意粉 有一隻鮑魚但其實個汁唔重龍蝦味 如果唔標明都唔會好知係龍蝦汁甜蝦就都算幾多 去咗個頭 蝦尾就保留少少殼但都係冇乜味 似就咁一個醬油意粉 Ribs係長身 但唔闊 所以唔算大份 唔太好切 肉冇離哂骨每人枱上面得羹叉 冇刀 把扒刀係跟個ribs一齊上用黎分左ribs去大家隻碟之後食得好唔方便啲肉質都偏韌同偏老其實味道上唔差 但好多其他因素令佢麻麻地另外都想提一提 呢道冇比公叉/羹嘅習慣 疫情下( ´▽｀) 同怕食人口水尾嘅要同侍應講聲講哂啲main 想講返個小食青口好食嘅佢跟埋嘅嗰塊蒜蓉包好脆 重牛油味

做完嘢唔想走咁遠 繼續屯門搵嘢食😎好鍾意去虹橋捐窿捐罅上網搵到見性價比高即刻入去試一試❤️ Meun 可以+$45 轉set有餐湯/沙律，蒜蓉包，咖啡/茶☕️佢個餐湯係蘑菇忌廉湯 蘑菇味都好出 忌廉味都唔會過重啱啱好 蒜蓉包好香😊沙律亦食得出係新鮮沙律菜❤️👍🏻美式BBQ豬仔骨配薯條$158對於一個唔鍾意好大(pat)醬汁包住成舊豬仔骨嘅人來講我係滿意😂 酸酸甜甜好開胃，而且佢呢一隻豬仔骨唔係剩係得條骨👍🏻都幾多肉😎值得一讚野菌忌廉汁蟹肉意大利飯$128呢個驚喜👍🏻估唔到加埋蟹膏😌而且蟹肉嘅份量都唔少 做到每一啖都可以食到蟹肉成碟意大利飯都算多 佢個碟絕對唔係「得面嗰浸」😂😊其實呢一間絕對係屬於放工之後想飲返兩杯嘅情調西餐廳 餐廳名PILLOWTALK 都有啲意思🥰😎

係屯門揾到間好有情調嘅西餐廳，餐廳暗暗嘅環境，每張餐桌都有細蠟燭，更加浪漫有氣氛☺️同朋友黎chill或情侶黎食都好有feel🎶🔸美式BBQ豬仔骨配薯條 （HK$158）豬仔骨size都幾大，燒烤醬濃度適中，唔會太鹹😙肉嘅份量都適中，仲有薯菜配住食🍟🔸Fusion避風塘軟殼蟹意粉（HK$128）意粉方面見到呢個Fusion就毫不猶豫叫左佢啦，有三大塊嘅炸軟殼蟹🦀而意粉就有避風塘嘅風格，灑上乾蒜，中意重口味嘅可以考慮呢個啦🍝今次我地仲加左HK$45升級做套餐，會配餐湯、蒜蓉包以及甜品🙌🏻餐湯係黑松露忌廉湯，黑松露味都濃郁突出。蒜蓉包重蒜味，不過甜品就無咩特別啦～

係屯門景峰發現一間好有feel ge餐廳😙同friend chill 住輕鬆傾計食野又一晚🥰我本身唔多肚餓 只係食左少少野主要飲下野坐下傾下計😆 個環境氣氛真係好正 有d昏暗加上播ge英文歌又係平時聽開令人好relax～😌我叫左個香草醬法式羊架配薯角黎到個賣相又真係幾吸引😍有3件 又可以同friend share😄羊架叫左7成熟 一d都唔油膩食落唔太膻 好易入口～再配香草醬 感覺幾清新～😋另外叫左龍蝦汁磯煮鮑魚甜蝦意粉好大隻鮑魚丫😆😆 幾飽都要食左佢鮑魚好“淋“易咬 仲好入味～ 幾好食！😋至於個粉睇落以為份量好少...點知兩個人share都多！重點係d料好多😋😋上面放左薄薄芝士片加埋d麵一齊食 慢慢滲出芝士香 正！意粉岩岩好 唔會好硬 但又有咬口，👍👍仲叫左小食share傾下傾下就個半鐘😂 e度仲有好多酒料飲品到我飲得 一定會再黎😆😆👍

好耐之前已經試過Pillowtalk，今日再黎回味一下😆水準依然👍🏻！餐廳門口都有3枱座位，今次就坐左係出面，夜晚黎加埋今日有d風，街上靜靜地，都幾舒服幾好feel😍😆香草醬法式羊架配薯角($188)一上枱 見到有3件😱已經覺得份量好多 好掋食食落發現肉質好嫩👍🏻多汁👍🏻唔會煎到乾晒亦都無羶味野菌忌廉汁蟹肉意大利飯 ($128)有好多蟹肉蟹膏😋每一啖都食到意大利飯香濃又creamy😍最後食當然要嗌返杯🍸飲下chill下😍Lychee Martini ($78)Margarita ($78)除左Classic cocktail 餐廳仲有好多特色cocktail同其他野飲

今次嚟咗呢間朋友推薦的餐廳，感覺唔錯！餐廳環境非常有格調！而且好舒適！揀咗坐外面的位置，晚上進餐一啲都唔熱，仲可以感受自然風，係同朋友暢談的好地方！而且餐廳係有水煙供應！呢餐飯真係非常滿足！我哋今次揀咗呢幾款意大利火腿水波蛋卡邦尼沒有最邪惡只有更邪惡，加上水波蛋嘅卡邦尼意粉，更加好味！啖啖蛋香！而且呢款意粉嘅醬汁都煮得好好，香濃入味！野菌忌廉汁蟹肉意大利飯一個出色嘅意大利粉，十分有口感！而且味道好有層次感，同香濃嘅味道，特別係蟹肉+蟹膏+忌廉汁嘅配搭，非常美味！Classic Cocktail - Green Apple Martini好飲嘅cocktail，十分推薦！淡淡青蘋果香味，與酒精完美結合，味道十分清香！好飲！Mocktail - Sex on the Peach一杯有賣相嘅沙冰，而且甜甜的味道，好有少女感覺！

香草醬法式羊架配薯條 • HKD$188叫咗五成熟，不過嚟到變咗七成份量都幾多，而且肉質淋得來唔會霉，唔會太羶👍🏽醬汁都幾特別，帶有青醬同黑醋嘅味道，用嚟點羊架唔怕膩😋薯條都好脆，一個人食晒都唔厭多😆野菌忌廉汁蟹肉意大利飯 • HKD$128意大利飯吸晒忌廉汁，但完全唔會膩！d飯軟硬適中，而且夾雜左菇，口感豐富～配埋蟹肉同蟹膏食，真係好幸福🥰泰式生蝦 • HKD$48估唔到西餐廳會有生蝦做小食🤣個汁酸酸地好開胃🤪龍王柚子啤酒 • HKD$68本地啤酒品牌，飲落麥味唔算好重，但都有淡淡香氣～佢個柚子味好舒服，唔會好假或者好藥水feel，唔錯💕

位於紅橋嘅呢間餐廳💁🏼‍♀️💁🏼‍♀️，裝修好有型格，室內牆上一格格的小階磚，大膽風格的畫像🎑，餐桌上配上柔和嘅蠟燭令呢餐晚飯更添氣氛😍，座位有四人枱或吧枱可供選擇，而且仲設有室外位置添，非常適合chill住講心事☺️☺️！店員服務有禮，整體性價比好高👍-美式BBQ豬仔骨🍖🍖🍖配薯條🍟（$158）豬仔骨嘅厚度適中，而長度比起我嘅前臂更加長😅😅，毫不吝嗇，味道配上酸酸甜甜的醬汁，咬落去肉嫩而不痴牙，更加無任何雪藏味，配有少許的沙律菜🥗🥗去解油膩👍，仲有我最鍾意食嘅薯條添。-Fusion蒲燒鰻魚水波蛋漢堡🍔（$138）再重申一次，食物分量毫不吝嗇，蒲燒鰻魚超級大塊😋🥰，配上流心水波蛋🍳，成個漢堡包超巨型，我大啖大啖咬落去，非常滿足🙋🏼‍♀️，同樣配上沙律菜和薯條，典型美國菜風格🤰🏼🤰🏼！-可加$45升級是日餐湯或沙律和飲品-人均：$212（連加一）Janna 翻撻指數：9/10🥢🥢🥢🥢🥢🥢🥢🥢🥢

話說小編去朋友仔屋企度打羽毛波🏸的時候 發現左新大陸 係一個舊區的地方竟然見到一間好靚的餐廳😱 而且全場爆滿 好多人食 搞到小編心思思好想去 就book左枱去試下啦❤️ 德國蜜糖芥末醬焗完隻豬手🐷 ($168)小編屋企人十分之鍾意食豬手 所以見到有豬手都即刻決定試一試佢 呢隻豬手屋企人話可以排入心目中嘅排行榜前三名🥉豬手外皮鬆脆到好似食緊豬肉紙咁 而豬肉多汁又軟淋 一次過放入口絕對可以令你感受到多種滋味 值得一試💯Fusion避風塘軟殼蟹意粉🦀🍝 ($128)食完豬手其實就感受到呢間餐廳嘅炸物非常出色👍🏻 果然呢個意粉嘅軟殼蟹都冇令人失望，軟殼蟹外殼香酥之餘 蟹肉🦀亦保持到濕度 另外避風塘嘅調味出色 餐廳用咗大量乾蒜🧄同少量鴻喜菇做底料 配上少少辣度 非常惹味 不得不讚嘅係意粉炒非常乾身 好有大排檔炒菜嘅功架 確係一個可以一再encore嘅美食！😍蒲燒鰻魚意大利飯 ($128)淨係睇幅相都知呢個意大利飯係好嘢啦 鰻魚食落同喺企鵝超市買到嘅原條鰻魚一樣 所以單係條鰻魚都佔左價錢嘅一半 非常抵食 至於個意大利飯亦令小編非常滿意😋 意大利飯軟硬適中 充滿忌廉 牛油同埋菇類🍄嘅香味但又唔會互相搶

✅Pillowtalk Restaurant and Bar係景峰都開左一段時間 但住屯門既我都係第一次黎環境暗暗 好有飲酒chill既氣氛😆 好有情調🔆黑松露芝士火鍋 $138呢個芝士火鍋有麵包 長通粉 薯角 炸雞粒芝士醬加黑松露好香好濃😆用熱鍋熱住 唔使擔心食到凍唒😀長法包 同長通粉配芝士醬最夾 好creamy🥰炸雞粒既份量都幾多 又香口薯角咁啱賣晒 所以轉左薯條薯條好脆熱辣辣 有薯味👍🏻👍🏻味道: 3.5/5賣相: 3.6/5🔆美式BBQ豬仔骨配薯條 $158聽朋友講呢個美式豬仔骨係招牌菜所以我哋都唔執輸 叫返個試下😆豬仔骨份量都算多 都有成8條骨以上面上有燒烤醬 好惹味👍🏻如果另外有個細碗仔裝住燒烤醬就更加好了佢另外跟左薯菜 薯條都係好夠熱🥰味道: 3.6/5賣相: 3.5/5🔆白汁芝士焗大蘑菇 $68我哋另外仲叫左個小食😆大蘑菇有兩隻 上面佈滿唒芝士同煙肉碎食落個醬似白汁加芝士醬 咸度適中再加上個大蘑菇好多汁好juicy一咬就好多汁😆好正如果個大蘑菇係厚身啲就更加好了💛味道: 3.6/5賣相: 3.7/5 地址: 屯門青棉徑5號金寶大廈地下6號舖

話說小編去朋友仔屋企度打羽毛波🏸的時候 發現左新大陸 係一個舊區的地方竟然見到一間好靚的餐廳😱 而且全場爆滿 好多人食 搞到小編心思思好想去 就book左枱去試下啦❤️ 德國蜜糖芥末醬焗完隻豬手🐷 ($168)小編屋企人十分之鍾意食豬手 所以見到有豬手都即刻決定試一試佢 呢隻豬手屋企人話可以排入心目中嘅排行榜前三名🥉豬手外皮鬆脆到好似食緊豬肉紙咁 而豬肉多汁又軟淋 一次過放入口絕對可以令你感受到多種滋味 值得一試💯Fusion避風塘軟殼蟹意粉🦀🍝 ($128)食完豬手其實就感受到呢間餐廳嘅炸物非常出色👍🏻 果然呢個意粉嘅軟殼蟹都冇令人失望，軟殼蟹外殼香酥之餘 蟹肉🦀亦保持到濕度 另外避風塘嘅調味出色 餐廳用咗大量乾蒜🧄同少量鴻喜菇做底料 配上少少辣度 非常惹味 不得不讚嘅係意粉炒非常乾身 好有大排檔炒菜嘅功架 確係一個可以一再encore嘅美食！😍蒲燒鰻魚意大利飯 ($128)淨係睇幅相都知呢個意大利飯係好嘢啦 鰻魚食落同喺企鵝超市買到嘅原條鰻魚一樣 所以單係條鰻魚都佔左價錢嘅一半 非常抵食 至於個意大利飯亦令小編非常滿意😋 意大利飯軟硬適中 充滿忌廉 牛油同埋菇類🍄嘅香味但又唔會互相搶

屯門虹橋有好多好野食，不乏名色小店而間餐廳裝修類似一間酒吧型式，環境不錯，而且價格相宜頂級安格斯肉眼上枱後格住口罩都聞到牛扒嘅香味同埋迷迭香滿配合蒜嘅味道，叫左五成熟，切開牛扒後肉汁豐富，少少肥膏油香，份量都十分足夠德國蜜糖芥未豬手外層嘅朋友做得好脆，入邊既肉好林，做到外脆內軟感覺，唔會太乾身，做到好惹味嘅感覺，送酒首選兩樣食物還可以跟套餐一齊，還可以加甜品，呢個價錢在虹橋食到一餐咁好嘅體驗整體來講很高分😘😘

今天黎屯門搵朋友，朋友介紹Pillowtalk Restaurant & Bar，於是我地就入去食個晚餐。我們兩個人點了一份美式BBQ豬仔骨拼薯條，一份黑松露芝士火鍋，另外每份餐再加45元update 加配湯/沙津，蒜蓉包，甜品，飲品，連加一合共是425元。雖然不算得十分便宜，但以食物質素及份量來説，算是頗為抵食。豬仔骨的分量十分充足，兩條加起來足足有一呎長，而且BBQ 的醬汁十分惹味，肉質也煮得夠晒腍和入味。芝士火鍋的芝士加了黑松露，把材料沾著芝士吃，每一口都有濃濃的黑松露香味，隨芝士火鍋餐附上的雞肉炸得剛剛好，即不會太油，也不會因炸得太久而變得乾硬。另外兩份餐都附上薯條和沙津，雖然不算得上十分特別，但總體來説算是水準以上的，薯條唔會太油，沙律的菜也十分新鮮。最後以兩件精緻的甜品作為什麼這頓晚餐完美的終結，這絕對是一家值得推薦的小店。

今日約咗個朋友上去佢屋企打機佢介紹附近呢間好味西餐廳 嚟到見到環境氣氛都好啱一班人吹水傾計要咗個白酒煮青口,波士頓龍蝦意大利飯同埋炸魚薯條 主菜可以加錢變成套餐包埋餐湯飲品同甜品餐湯轉頭就送上 係非常香濃嘅蘑菇湯 再有少少黑松露調味 唔錯 期待接著嘅食物再講下個白酒煮青口先,味道湯汁非常濃郁,都好夠嫩同新鮮,雖然係細隻少少但呢個價錢實在超值 仲有跟埋蒜蓉包攞嚟點埋汁一流之後就到個炸魚薯條，我哋超級欣賞呢個炸魚薯條, 魚肉唔會霉亦都好厚身同大塊,外層個粉厚薄適中,薯條份量亦都好多,唔會炸到燶曬, 肥嘟嘟滿滿薯條，熱辣辣，推介最後係個意大利飯,大大隻龍蝦夠晒搶眼,估唔到仲有個鉗，龍蝦肉不少亦彈牙，意大利飯煙煙韌韌，吸晒醬汁，食落味道濃郁，份量都唔少,好味道最後食埋個甜品真係夠晒滿足，絕對值得encore

屯門井財街呢一間小店，一直都幾受歡迎🤩 今日訂左位黎試下🌹🌹餐廳嘅裝修非常有格調，係飲返兩杯傾偈既不錯選擇🍸🍸因為第二日要返工，所以我哋兩個人share一杯Cocktail🍸我哋就叫咗一杯Signature Cocktail菠耶菠蘿咪$88Only You Can Talk Me呢一杯嘅名非常特別🥰 另外連個杯都非常之可愛有特色，呢一杯菠耶菠蘿咪 係用Rum加菠蘿汁，清新易入口頂級安格斯肉眼配薯角（3成）$198主食我哋就叫咗呢一款牛扒🥩🍖 我哋就叫咗三成熟 煮得啱啱好👍🏻👍🏻牛肉肉質軟林 牛肉味都幾香🤩 Fusion避風塘軟殼蟹意粉$128居然用避風塘風味去整意粉🍝 非常之吸引😍 軟殼蟹非常香脆 配上分量都唔少嘅炸蒜🧄🧄非常之惹味