Pici

营业中

休息中

我今次同朋友叫左「經典牛肉醬寬帶麵」同「大蝦濃汁黑細麵」，兩個都好好食！😋除左意粉名不虛傳，佢嘅tiramisu同咖啡都好唔錯。尤其係tiramisu，好香expresso味，可惜好細杯，幾啖就食完😩至於「秘制肉丸」，就顯得比較遜色。我同朋友叫左兩個set lunch ($128 / $148加一），唔錯！我地仲選擇坐係接近廚房嘅位置，一睹廚師由搓麵粉到完成麵餅整個手造意粉嘅過程。Overall, I think that’s a satisfying dining experience!

聽講啲意粉好好食 所以今次就揀咗呢度同我朋友食生日飯🎂因為驚大排長龍所以早咗一個鐘頭到 但係因為係閑日夜晚所以都唔算太多人 所以就放低咗個蛋糕 再喺商場行吓先 職員服務態度都好好 好樂意幫我keep起個蛋糕🙏🏻💙跟住行完返嚟大概等咗10分鐘就有位入得～眼見餐廳唔算好大 但係設計都好Grand 而且仲有一個位置可以見到手工意粉製作 我哋三個人就安排咗卡位今次叫咗個set for 4 🥖一開始嚟咗啲麵包 都好正宗咁有橄欖油同埋黑醋🥗STARTER 揀咗 (1)秘製肉丸 肉味好濃 又唔會太鬆散 點嘅茄汁都好香👍🏻👍🏻 (2)炸魷魚 份量幾多 細細粒咁慢慢食 味道就正常 唔算話好outstanding (3)吞拿魚牛油果他他 非常高質素 兩個配搭得好好 食到唔想停👍🏻👍🏻👍🏻🍝PASTA 揀咗(1)意式辣肉貓耳朵麵 超級好食 個面超級有咬口 手工製作真係唔同啲 味道亦都啱啱好 唔會覺得太辣但又夠味 係我全晚最滿意嘅熟食💖(2)慢煮牛肉闊帶麵 個麵條都係出色嘅 但係呢一款牛肉個肉味我個人唔係好鍾意覺有少少so(?) 我食咗幾啖就冇食了😣(3)龍蝦麵 個龍蝦啲肉好嫩 一啲都唔似係配一個意粉嘅龍蝦

開咗咁耐第一次去食，它主要係做意粉，布袋芝士好食，貓耳朵意粉夠煙韌，醬汁好味，黑松露意粉，選擇咗一啲好幼身嘅面，質地唔似意粉，我反而覺得有啲似食緊拉麵，如果佢用返一啲粗身嘅意粉，或使用寬條麵我覺得會好啲，甜品tiramisu係creamy嘅質地,我個人係喜歡的，不過就食唔到有酒香味

朋友推薦下去咗沙田新城市廣場嘅Pici Paster Bar食lunch。呢間餐廳係買戲飛個邊，唔講都唔知呢層有餐廳。朋友話呢間餐嘅意粉係自家人手製，而大家入餐廳時可以見到嘅。Lunch set有A, B & C 三種配搭三個價錢，而每款配搭嘅食物選擇唔係完全一樣嘅。朋友鐘意食呢度嘅肉丸，揀咗C餐嘅辣豬肉忌廉汁扁麵（只有Set B及 C有肉丸可選），而我就揀咗Set B嘅忌廉湯同經典牛肉醬寬帶麵。二人都揀咗tiramisu 為飯後甜品，而餐飲無糖紅茶係免費嘅，咖啡就要另外加錢。前菜上嚟之前，侍應用紙袋送上餐包，伴以橄欖油&醋食用。忌廉湯上枱，望落去唔錯，食落去更加唔錯，「杰」得嚟覺得好足料，好味。接落嚟到pasta 啦，賣相唔算特別，食起嚟發現麵嘅質地幾特別，有咬口，些少煙韌，第一次食到呢種口感嘅pasta,食落味道又真係唔錯，比想像中好。好耐未食過覺得唔錯嘅食物啦呢樣係朋友話好好味嘅牛肉丸而呢個辣豬肉忌廉汁扁麵朋友都話係好味嘅，賣相都吸引最後出場嘅甜品。tiramisu面層嘅朱古力粉好厚下，味道真係要贊一贊呢間餐廳值得一試。

同朋友去沙田睇戲，見到隔離有間好有情調嘅意大利餐廳，就入去試下，食完野直落睇戲夠chill晒～環境／設施－ 歐陸風，open kitchen睇到廚房chef整意大利菜。燈光下好romance, 氛圍唔錯～特色－全手工意粉，每日新鮮手製，意式風味夠地道～ 有個set lunch 選擇，starter + pasta + dessert + drink.吞拿魚醬小牛肉，賣相一般但好好食！肉味不錯，加上濃味吞拿魚醬，小朋友大人都鍾意😍試左大蝦濃汁黑細麵，入味，微辣，口感不錯慢煮羊肩肉醬寬帶麵，就味道配cheese好夾！tiramisu 太吸引掛住食都唔記得影相😆人均價格－$150評分－4.5/5

Was around Sha Tin with my friends and stopped by at Pici . Had a great weekday lunch with the boys great food , service and great price for value! Loved the Tuna Tartar , Tagliatelle Smoked salmon is my fav pasta ! A must have if you are around Sha Tin ! Highly recommend!

叫餐之前，另外提供麵包俾你，你可以加入橄欖油同醋食。午餐嘅分別會有三個set SetA SetB Set C 由於set A午餐只得兩款食物 ，所以我哋決定揀set B同 set C 😎 減咗一個秘製肉丸，朋友揀咗吞拿魚他他。秘製肉丸好大 食完兩粒都飽飽地。朋友話佢吞拿魚他他有少少腥味🤣我叫咗經典牛肉醬寬帶麵，牛肉醬非常好味😋意粉好煙銀。 出面餐廳食到嘅口感唔同，而且非常飽肚。朋友就叫咗大蝦濃汁黑細面，要另外加$20！ 兩個餐都會有甜品送，可以選擇pana cotta or tiramisu! 朋友就覺得pana cotta 好香滑好好味😋！

Good experience, good taste with the foods. ❤️💛🥰The staff are so nice too, The service there is very attentive. I’m so glad I ordered this pasta—Tagliolini Truffle it tastes great!and I love the tiramisu also. The atmosphere of the restaurant is unbeatable!!!

Staff here are warm and nice, I love them! The food looks good and taste fantastic. I have ordered tuna tartare,tagliatelle smoked salmon with panna cotta. They all tasted really good.Will recommend this restaurant to my friends and family.

手工意粉而家好多地方都有得食，今日試咗呢間久仰大名嘅餐廳，原來都開咗好多分店。我哋叫咗個二人餐，前菜揀咗Parma Ham。份量都幾多。意大利麵揀咗松露細扁麵，同埋經典千層麵。兩款都好好食，但份量偏小。佢哋個Tiramisu甜品好出色，絕對可以再encore。

二人分享套餐 $438麵包（6.7/10）: 麵包好硬😶‍🌫️😶‍🌫️好彩waitress 比左啲橄欖油同醋比我地點～先叫易入口啲。前菜：🦑香脆炸魷魚 +$10 （7.6/10）比想像中大碟！每粒都好香脆，面頭灑左啲少少辣味粉🌶。配嘅醬汁似有香草味嘅千島醬。意大利麵：🌙松露細扁麵+$28（7.8/10）手工意粉幾彈牙～醬汁杰杰地帶松露味；整體唔會好膩同淡味，主要食松露的香味。🐱意式辣肉貓耳朵麵 （8/10）依款比起上一款濃味，辣肉食落香口同辣辣地，貓耳朵texture啱啱好，整體意粉汁同貓耳朵嘅比例幾好😬。甜品：佢地嘅甜品都好好味👅👅☕️Tiramisu +$15（8.5/10）食落帶酒味而且唔會好甜😈cheese層好creamy~手指餅同cheese比例岩岩好，食到有苦苦地的咖啡味。🍓Panna Cotta +$15 （8.5/10）面層係酸酸甜甜嘅莓果醬；下面嘅奶凍超滑超有奶味，配埋莓果醬令整體冇咁膩而且味道幾夾☺️～

Pici原來分店已開到沙田，weekend更大排長龍。唔少連鎖店，一過海，質素都discount唔少，甚至變伏（如豚王）。Pici沙田店一樣見到open kitchen，外籍廚師s，brick oven。似乎可以打破定律？Parma Ham (7/10) Aged 18 months。咸香不錯，但沒有高質Parma ham那種鮮嫩幼滑，稍為乾身。Tuna Tartare (6/10) 瘦吞拿魚刺身，切方粒，肉質偏粗糙偏「鞋」，唔嫩滑，要配埋牛油果、紫洋蔥食先可以改善口感。餐前法式麵包 (6/10)唔知係咪因為疫情，自家製麵包竟然變咗一早整定袋裝上，自己放落碟中配油醋。Appetiser帶來嘅First impression頗為一般。主菜同甜品能挽回嗎？答案竟然，正是。Chitarra King Prawns Pasta (8/10) 手造意粉，質素明顯高，入口略帶丁點粗糙，咬下去感受到彈性和咬感，非常掛汁。用來煮蝦的新鮮蕃茄醬汁，清新，茄味、蝦味並重。不過，蝦，不算是king prawns，用了兩隻原隻中蝦，另加一些蝦仁。Classic Lasagna (8/10) 正宗的lasagn

✨Parma Ham巴馬火腿 唔會好乾 略有少少鹹 ✨Homemade Meatballs肉丸 口感較鬆 有少少肉汁 味道偏淡 番茄醬微酸✨Tagliolini細扁麵 麵質啱啱好 有咬口 略嫌較滑身唔係好掛到汁醬汁較少 充滿松露香 但食多幾啖就覺膩✨Gnocchetti意大利貝殼麵 口感煙韌醬汁 番茄味為主 帶微辣 蜆 鮮甜 略少✨Tiramisu意大利芝士蛋糕 芝士忌廉 口感幼滑偏挺身 咖啡味唔算濃 蛋糕偏濕聽到好多人話呢度既Tiramisu好好食我就覺得還好 亦可能係我期望過高有落差✨Panna Cotta意式奶凍 香滑偏厚身較實奶味唔太出 略甜紅莓醬 偏酸 可以中和番雖然都唔係非常出色 但比Tiramisu做得好食物可以 意粉出色 份量偏細份環境可以 卡位幾好坐 但普通位會較迫服務唔錯 價錢合理

今次去到一間手工制意粉既餐廳 餐廳設有Bar 枱位置 可以睇住師傅搓麵粉🧑🏼‍🍳 環境燈光昏暗 座位舒適 😌 今晚點左2人set 👯‍♂️ $④③⑧🥯麵包🥗前菜 x1🍝意大利麵x2🍰甜品 （+/-）➀ 香脆炸魷魚🦑薄薄一層炸粉包住軟淋淋魷魚 外脆內軟 有別於一般餐廳食嘅炸魷魚🦑 配他他醬 😃 由於唔油膩 食完都無咁大罪惡咁😋➁燉煮八爪魚醬🐙意式雲吞每次飛米蘭 都會食意大利雲吞 因為好鍾意麵皮包芝士餡🧀 可惜八爪魚分量唔多 反而番茄醬蓋過 有一刻以為食緊蕃茄意大利雲吞😂 ➂慢煮牛面頰寛帶麵🍝上枱見到牛肉居多 亦都煮得好淋同入味 寬帶麵完全食得出手工製 因為口感非常煙韌 而且有淡淡蛋香味 👍 總括而言 手工意粉出色👍 值得回頭😃😃

𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒮𝒽𝒶 𝒯𝒾𝓃𝘛𝘩𝘪𝘴 𝘳𝘦𝘴𝘵𝘢𝘶𝘳𝘢𝘯𝘵 𝘭𝘰𝘤𝘢𝘵𝘦𝘴 𝘪𝘯 𝘚𝘩𝘢 𝘛𝘪𝘯, 𝘳𝘦𝘢𝘭𝘭𝘺 𝘭𝘰𝘷𝘦 𝘵𝘩𝘦 𝘷𝘪𝘣𝘦 𝘵𝘩𝘦𝘳𝘦 𝘸𝘪𝘵𝘩 𝘷𝘪𝘯𝘵𝘢𝘨𝘦 𝘉𝘳𝘪𝘵𝘪𝘴𝘩 𝘴𝘵𝘺𝘭𝘦, 𝘢𝘯𝘥 𝘯𝘪𝘤𝘦𝘭𝘺 𝘥𝘦𝘤𝘰𝘳𝘢𝘵𝘦𝘥 𝘸𝘪𝘵𝘩 𝘢𝘳𝘵 𝘸𝘰𝘳𝘬𝘴. 𝘈𝘯𝘥 𝘵𝘩𝘦 𝘦𝘯𝘷𝘪𝘳𝘰𝘯𝘮𝘦𝘯𝘵 𝘸𝘢𝘴 𝘳𝘦𝘢𝘭𝘭𝘺 𝘳𝘦𝘭𝘢𝘹𝘪𝘯𝘨. 𝗦𝘁𝗮𝗿𝘁𝗲𝗿🌟𝗣𝗮𝗿𝗺𝗮 𝗛𝗮𝗺🥓𝘛𝘩𝘦 𝘭𝘦𝘢𝘯 𝘢𝘯𝘥 𝘵𝘩𝘦 𝘧𝘢𝘵 𝘧𝘪𝘭𝘭𝘴 𝘵𝘩𝘦 𝘮𝘰𝘶𝘵𝘩 𝘸𝘪𝘵𝘩 𝘢 𝘤𝘰𝘮𝘱𝘭𝘦𝘹 𝘢𝘯𝘥 𝘴𝘢𝘵𝘪𝘴𝘧𝘺𝘪𝘯𝘨 𝘴𝘦𝘯𝘴𝘢𝘵𝘪𝘰𝘯. 𝘐𝘵 𝘸𝘪𝘭𝘭 𝘣𝘦 𝘣𝘦𝘵𝘵𝘦𝘳 𝘪𝘧 𝘤𝘰𝘮𝘦𝘴 𝘸𝘪𝘵𝘩 𝘮𝘦𝘭𝘰𝘯. 🌟𝗩𝗶𝘁𝗲𝗹𝗹𝗼 𝗧𝗼𝗻𝗻𝗮𝘁𝗼 (吞拿魚醬小牛肉)𝘐 𝘢𝘮 𝘯𝘰𝘵 𝘢 𝘧𝘢𝘯 𝘰𝘧 𝘵𝘶𝘯𝘢, 𝘣𝘶𝘵 𝘸𝘩𝘦𝘯 𝘵𝘶𝘯𝘢 𝘮𝘢𝘺𝘰𝘯𝘯𝘢𝘪𝘴𝘦 𝘢𝘯𝘥 𝘷𝘦𝘢𝘭 𝘤𝘰𝘮𝘣𝘪𝘯𝘦𝘥 𝘵𝘰𝘨𝘦𝘵𝘩𝘦𝘳, 𝘪𝘵 𝘣𝘦𝘤𝘰𝘮𝘦𝘴 𝘳𝘦𝘢𝘭𝘭𝘺 𝘺𝘶𝘮𝘮𝘺.😋-𝗠𝗮𝗶𝗻𝘛𝘩𝘦𝘺 𝘱𝘳𝘰𝘷𝘪𝘥𝘦 𝘢 𝘸𝘪𝘥𝘦 𝘳𝘢𝘯𝘨𝘦 𝘰𝘧 𝘱𝘢𝘴𝘵