Peko Peko Eatery (康怡廣場北座) (已結業)

簡約木系風，開放式環境，仲設有私隱度高嘅卡位，非常寬敞舒適！👉🏻蟹肉牛油果船 $98賣相好靚！有鮮蟹肉、蟹籽、牛油果、蜜桃同雜果仁！牛油果不會太硬，蟹肉份量多，口感好豐富！👉🏻PEKO拼盤 $168共12件，有青口、葫蔴雞、廣島蠔同海苔魷魚！雖然都係炸物，但油膩感不重！特別中意葫蔴雞，炸得剛好，皮脆又不過厚，咬落好juicy！👉🏻藍青口，海蝦辣茄醬意大利麵 $138青口同海蝦各有四隻，不會太辣，反而個汁幾開胃！意粉軟硬度剛好，亦好入味！👉🏻香草芝士焗鮟鱇魚柳 $188黃咖喱好好味，魚柳軟淋嫩滑，啖啖肉，配杏仁同烤野菜！👉🏻Avocado Smoothie $52口感軟滑，乾果同亞麻籽鋪面，不會太甜，奶香，感覺很健康！店員好親切有禮，值得一讚！

我朋友話…愛係用把口講出黎，繼我話，愛係要做出黎，明顯我就係一個對打卡有愛，對食物有愛，就連對一張相我都有愛，你可能會話打卡姐，你估讀書咩，我可以好肯定同你講，打卡就好似讀書一樣有要求自然張相都靚過人，咪就係咁囉。👇📌S N A C K - ▪️ PEKO · PLATTER - $168▫️ 呢個小食「PEKO·拼盤」就咁睇份量都好夠誠意，一碟食得哂青口、葫蔴雞、廣島蠔、海苔魷魚，附上豬扒汁比你，而最正就係個青口啦，配搭cream sauce入口幼滑，肉質鮮甜，麻島蠔炸得非常鬆脆，整體水準超值！📌S O U P -▪️ MUSHROOM CAPPUCCINO - $58▫️ 另一樣「蘑菇·CAPPUCCINO」幾有睇頭，賣相好似杯latte咁，好特別，飲落蘑菇香味係相當濃郁，加上口感細滑，配埋塊多士一齊食，更加香口。📌PASTA · UDON - ▪️ SCALLOP · MENTAIKO PASTA - $158▫️ 主食方面我嗌左個「扇貝·明太子意大利麵」，意粉入口夠哂creamy，好夠咬口，面頭既扇貝外層輕輕煎過，帶少少脆口，魷魚質感爽口，加上成個sauce加埋明太子做點綴，鹹香味十足，好

太古新開文青日式西餐 之前去過呢間海之戀店 見到太古新開又去試試 環境簡約 好多木系元素 晚市都幾爆場 簡單記錄下.⭐️海膽三文魚子竹炭烏冬$198呢個海膽汁真係超濃味 好creamy 海膽迷必食烏冬輕易沾上大量汁竹炭烏冬 食落比較似意粉口感方面幾彈牙 但竹炭味 完全唔覺因為海膽先係呢碟主角 濃到食完有d食濟.⭐️扇貝明太子意大利麵$158明太子味同樣超級重每條意粉 沾上唔小粉紅色明太子醬汁表面有魷魚帶子 2邊都有煎香 仲有d三文魚子 整體明太子汁好醒胃 相反會貪心想再落多d明太子.⭐️黑朱古力香橙榛子慕絲$68賣相幾精緻 表面有一層朱古力慕絲慕絲口感順滑 旁邊有d士多啤梨藍莓 入面果層香橙味明顯 仲有小小橙皮粒粒添.⭐️Double Chocolate$42 飲落有2層朱古力 極濃⭐️蝶豆花玫瑰荔枝$48 呢杯賣相好夢幻 適合打卡.整體出品同樣高質食完超重口味海膽 同朱古力都幾膩 有少少濟明太子同荔枝 相對冇咁重口味 清新開胃幾款菜式都唔錯 完全滿足左今日食慾.Peko Eatery (康怡廣場) (太古)地址： 太古康山道1-2號康怡廣場北座地下G7-G8號舖.⭐️評分：味道：4/5環境：4.

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ Wooo 太古康怡有西餐食啊！一入去已經覺得好舒服，個tone都好柔和。又唔會好嘈。服務都好體貼 👍🏻 見到人地影相大合照，影完都會識得幫佢哋叫個個甜品雪返先，食哂先拿出黎食甜品 👏🏻 好啦，講返食先。我哋叫咗個premium set 798 。會有兩杯sparkling wine 作開胃酒 。之後就黎個🤩 stone fruit salad 🥗 好多料啊❤️ 有我中意食嘅無花果，桃，提子，Parma ham ，車里茄 etc 集於一身，太正了！🤩 煙燻三文魚蟹肉前菜十分開胃清甜。煙燻三文魚加少少青蘋果粒🍏，魚子，蟹肉等等 不得了😍 🤩 mushroom cappuccino 一杯cappuccino size嘅mushroom soup ，份量岩岩好。🤩 扇貝明太子意大利粉啲明太子汁多到瀉啦😂 🤩 香煎鵝肝牛柳伴野菌汁牛柳5分熟，蔬菜餅好好食😋係個鵝肝差少少🤏 少少煎耐咗。🤩 心太軟配竹炭椰子🥥雪糕建議食咗個coconut ice cream 先再食心太軟。因為個朱古力會cover 咗少少coconut 味。包即磨咖啡或茶ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ

呢間餐廳位於康怡廣場，主打多款特色又打卡able嘅西日料理😆 室內裝修以簡約日系洞穴風為主，座位闊落，私隱度好高👍🏻 整體環境、服務質素、食物方面都幾高質，推介閨蜜情侶們過嚟撐枱腳💞前菜要咗rainbow for two🌈 配料有蝦仁🍤、小黃瓜🥒、櫻桃番茄🍅、牛油果🥑、蘋果🍏、椰菜花🥦、粟米粒🌽 同沙律菜🥗 食材新鮮，份量十足而且賣相色彩繽紛超級可愛😚 淨係打卡都有排你玩😌釀海鮮南瓜批係餐廳嘅招牌菜之一😍 原個南瓜咁上，面層鋪咗邪惡嘅芝士，再放入各種海鮮，搭配濃郁嘅忌廉同薯蓉一齊焗～ 整體質地奶油creamy，味道香濃而唔油膩，賣相精緻得嚟又好食，又係另一款打卡必點菜式，極度推介🎃小食方面都幾有驚喜～ 炸胡蔴雞有成八大件，上枱時熱辣辣，咬落去外脆內嫩，搭配麻醬超級惹味，日系feel up up🇯🇵！香滑松露薯蓉都好正，松露味香氣四溢，薯蓉幼滑如絲，係幸福嘅味道呀😝 想健康啲嘅可以試試香蕉乳酪奶昔，味道香甜而唔油膩，老少咸宜，唔錯唔錯😗 最後以自家製雪糕作結，竹炭椰子味都係第一次見！味道創新得嚟又特別，值得一試🥥

今日放工之後黎到哩間餐廳。餐廳裝修好花心思，有唔少打卡位📸️除左有一系列圓桌座位，仲有幾個好特別既山洞卡位，環境好舒適，而且餐廳仲會播住柔和既音樂～晚市除左可以單點食物之外，仲有唔同既套餐可以選擇。🍝海膽三文魚籽竹炭烏冬 $198如果有睇過之前何文田分店既食評，都會知道哩個烏冬雖然評價兩極，但一試之下其實相當唔錯，所以我今次都再叫～面層既海膽大粒鮮甜，完全唔會腥，醬汁帶有海膽味，亦夠creamy掛汁，哩款烏冬好似粗版既意粉，食落有口感啲，混合埋啲三文魚籽，真係值得一試👍🏻🐟香烤日式醬油三文魚 $238三文魚大條厚肉，面層塗上醬油再烤製，魚肉細嫩，富魚油香，配有青豆及青豆醬。🍮焦糖燉蛋蛋糕 $58哩個之前已經食過，又係超鐘意所以今次再嗌～哩個甜品係將焦糖燉蛋結合蛋糕，上面係質地介乎慕絲同布丁之間既焦糖燉蛋，入口質感細滑，下面係微微脆身既焦糖醬同蛋糕，不過哩間就無上次配搭既玫瑰雪糕，但仍然係好食推介👍🏻🍓Strawberry Yogurt Smoothie $52入口味道天然，飲得出係新鮮士多啤梨製成，唔係加化學糖漿，所以唔洗怕會有藥水味，而且質感濃稠，味道香甜濃郁，好飲推介👍🏻整體黎講，餐

扇貝。明太子意大利麵 $158法式油封鴨腿配紅菜頭汁 $188焗田螺 $138士多啤梨奶昔 $52Peko Peko係我其中一間西餐go-to place，但以前淨係得九龍新界有分店，所以無得成日食。原來佢地最近開咗太古新店，掂！所以即刻搵咗個機會去食，今次主攻啲以前無食過嘅Dish，先嚟個pink pink combo，意大利麵配上十分新鮮而且煮得啱啱好嘅扇貝、魷魚，然後用明太子，三文魚籽同忌廉玩咗個粉紅色調出嚟，打卡又靚，食又好味，真心無得頂！配搭住一杯士多啤梨奶昔，做出全粉紅效果，仲要飲落係鮮甜真材實料油封鴨腿水準正路穩打穩扎，外面微脆入面鴨肉仲保留到肉汁，配上紅菜頭汁層次唔錯！焗田螺牛油香好濃，螺肉甘香軟滑，滋味之選！值得一提Peko Peko仲有樣嘢好出色係佢地所有嘢個配菜都做得好有心思，用咗好多唔同蔬菜等等，做到色香味同營養俱全

之前想去荃灣果間點知full booking 所以黎左太古呢間🥰 環境好大好有空間感，日系裝修設計令人覺得好舒服餐廳座位寬敞 兩個人坐都唔會覺得好逼下次想坐下拱形座位 感覺幾有feel ♡　呢間食物同飲品賣相全部都好吸引好打卡able，味道都好有驚喜✨上菜速度好快同埋員工好友善😚同友人贊不絕口　♡ 海膽三文魚子竹炭烏冬 $188一開始睇以為係墨魚汁意粉，原來係竹炭烏冬，口感我覺得比較似意粉(⁎⁍̴̛ᴗ⁍̴̛⁎)海膽好鮮味同份量好足夠，可以一啖食或者撈埋一齊食✨愛海膽嘅人必點！　♡ 炸胡蔴雞 $78 炸粉夠薄加上胡蔴醬，味道唔會過咸或者過於油膩，簡單嘅小食都可以整得好好味🥳　♡蟹肉牛油果船 $98 呢個頭盤係冷盤 賣相好colourfu🌈 除左牛油果仲加左蟹肉、蟹籽、芝麻同果仁碎等等🥑 牛油果熟度岩岩好唔會太硬身，分開一半一啖過食好爽～成個配搭好match　♡ 軟殼蟹墨西哥夾餅 $98 呢個都係頭盤黎，份量可以當主食 上面有軟殼蟹🦀仲有沙律菜、千島醬、紫菜、三文魚子同三蟹籽，夾埋一齊食，口感超豐富🥳　♡ 西柚芒果梳打 $48♡ 蝶豆花玫瑰荔枝梳打 $8　無諗過連飲品都整得咁靚💜搞到影左好耐相，兩

英式下午茶🫖三層各有唔同特色，有鹹點、甜點、飲品，輕輕鬆鬆同朋友食吓野，傾吓計又一個下午，環境光猛又大，坐得舒舒服服。下面個層有鹹點，和風鰻魚蛋卷、煙三文魚牛角包、蟹子脆筒等，樣樣做得好出色，花心思去做的，好正。中間個層有甜點，焦糖燉蛋蛋糕，超級好味。芝士蛋糕同泡芙都好味道。最高個層有甜點同水果，日式和果子做到好似壽包，賣相好精緻唔太甜好正。飲品🫖甘霖🫖南非果香博士茶，香甜有回甘好飲。AFFOGATO 焙茶配雪糕，濃濃嘅焙茶撈左雪糕👍🏻

最近康怡個邊開咗間新餐廳，係超級靚既日系cafe🥹🤍 洞穴風既設計，好打卡able📸，座位privacy好高🥰 菜式係西日fusion菜，性價比高！🔸🍽️午餐B: 1頭盤 + 2主菜 + 胡麻烏冬 + 餐湯 +飲品 =$92 🌽頭盤 - 粟米流心芝士波芝士波炸得好脆🤤 流心效果佳💯🐮主菜 - 慢煮燴牛面頰牛面頰煮得腍身入味😋🐔主菜 - 日式炭燒雞扒雞肉多而瘦，富有雞鮮味，肉質結實滑嫩👍🏻 燒得剛剛好，加咗照燒汁好惹味🤤☕️Dirty (+$32)不過不失👍🏻🐟香烤日式醬油三文魚 $218擺盤好靚😍 三文魚扒夠新鮮，仲有好多配菜，有青豆同青豆蓉，青豆蓉口感軟滑，三文魚扒既鮮味配上清新既青豆蓉令味道進一步提升😆🍋自家製蜜漬檸檬柚子 $42賣相好靚🥰 好fresh，解渴！

太古新開Cafe西餐，簡約清新🌸服務、環境、味道都無得挑剔😚港島Cafe少有咁多座位，除咗情侶撐枱腳之外，收工聚餐同假日家庭樂都適合。Roasted Pumpkin Chicken Salad $108淨係食呢個都飽😚用料好新鮮，尤其喜歡好綿又大件嘅南瓜，有口感呀☺️🎃Baked Angler Fish Fillet with Herb and Cheese $188魚柳嘅脂肪唔多，但又唔鞋先最抵讚。蔬菜好淋好入味。Creamy Truffle Mashed Potatoes +$38薯蓉超好食☺️質感好綿滑，有松露同忌廉香，呢個價嚟講好大碗，超推薦。Crispy Genmaicha Mochi Mousse $48Homemade Gelato with mixed berries $38甜品用料正，玄米茶味香，整體嚟講都唔錯Yogurt SmoothieMango $44 Avocado $52超啱打卡🥭🥑淨係個杯同擺盤都夠哂靚。而且質感好smooth, 好豐盈，果味都算重，好味。

有間超人氣西餐廳Peko Peko，係荃灣海之戀同埋何文田經常都人山人海大排長龍。最近佢地係太古開了新店，仲有一個洞穴打卡位📸想坐就記得早D訂定位啦🥳🌟法式龍蝦沙律多士 $128啖啖都食到龍蝦肉，又鮮甜又彈牙，配上牛油果，蟹籽和沙律，口感一流!多士烘得好香脆，作為前菜一流。🌟香草芝士焗鮟鱇魚柳 $188估唔到呢度菜最特別係個汁，用上黃咖哩，少少辣帶出魚的鮮味。鮟鱇魚柳用麵包糠烤焗，面層舖上杏仁，肉質嫩滑，仲有烤野菜伴碟。🌟釀海鮮南瓜批 $198賣相一流😍餐廳人氣菜式之一，英文名係Seafood Cinderella Carriage，賣相十足十「灰姑娘的馬車」，上枱已經好震撼不停幫佢打卡!面頭舖滿三文魚籽，裡面塞滿海鮮配料分別有魷魚、青口、帶子、大蝦和蜆，好豐富! 每啖都沾滿熱溶芝士，食晒所有海鮮後，仲會有薯蓉墊底，仲可以刮埋裡面既日本南瓜肉食，烤熟嘅南瓜特別香甜架！🌟和風柚子烏龍蛋糕 $68賣相好精緻，有別於一般的蛋糕。入口有淡淡的柚子和烏龍香味，甜度適中，食埋大滿足!💕佢地仲有個二人下午茶tea set 好抵食，下次黎試吓先😚

之前一直好想試吓主打西日ғᴜsɪᴏɴ菜嘅ᴘᴇᴋᴏ ᴘᴇᴋᴏ ᴇᴀᴛᴇʀʏ，今日行街無意中發現原來喺太古開咗分店!! 店內裝修簡約而富有設計感，以白色及木系元素為主調感覺柔和舒適。🔸法式龍蝦沙律多士 $128龍蝦沙律混入牛油果、蟹籽、橄欖、小蘿蔔，非常足料而且口感好豐富，食到粒粒蟹籽同時又啖啖龍蝦肉，配料味道亦唔會太搶。最特別係多士用上 ғʀᴇɴᴄʜ ᴛᴏᴀsᴛ，口感鬆軟不乾不油膩，感覺恰到好處，令人眼前一亮✨🔸扇貝明太子意大利麵 $158配料原來除咗有嫩滑帶子仲有爽口魷魚片，兩者皆輕煎過外層帶點焦香感，加上鹹鹹哋嘅三文魚子所有食材都好夾個意粉。味道方面會偏ᴄʀᴇᴀᴍʏ，每一條意粉都被滿滿醬汁包圍。🔸海膽三文魚子竹炭烏冬 $198竹炭烏冬口感偏軟身，扁扁地又唔粗感覺上幾似稻庭烏冬。海膽醬味道超級濃郁，質地濃稠，海膽迷必定會喜歡。海膽味道濃郁，口感嫩滑，唔腥又無海水味，好啱個人口味。🔹自家製蜜漬檸檬柚子梳打 $42🔹蝶豆花玫瑰荔枝梳打 $48兩杯賣相俱佳，味道甜甜的。

呢間餐廳荃灣都食過😆今次尼到太古 假日下午時段要等位 不過都安排等好快 唔係等左好奈😂食物｜午市套餐😍+48 轉套餐 有餐湯+牛角包🥐餐湯係海解忌廉湯 呢個係誠意之作有尤魚🦑八爪魚🐙 好足料牛角包🥐好鬆軟同好香😋😋和風鰻魚炒飯😛呢個尼到已經好香蛋味 配上和風醬油 甜甜地 不過饅魚就細左少少🥲🥲竹炭烏冬配四式蛋卷。鰹魚昆布汁蛋卷配甜蝦🦐帶子 鰻魚 三文魚子味道好夾🥹🥹質次感豐富 蛋煎得好滑烏冬另上 自己控制份量 唔驚落得太多會過咸同埋個湯汁都係熱既🤪🤪飲品｜蝶豆花玫瑰荔枝疏打上枱好pink紫色粉色色 仲有草莓🍓荔枝果肉自己調配 唔係現成既 即刻勁fresh🤣🤣

嚟介紹特色餐廳啦🍽️見好耐好少講餐廳嘅定食套餐🤭，所以今次就想介紹下位於太古嘅多國菜餐廳😚，睇到餐廳嘅menu先知原來呢間餐廳嘅定食套餐有好多種配搭😬，想知我叫咗咩配搭就一定要繼續睇落去啦❤️。食物方面☝🏻Set B($98)嗰日我就一共叫咗兩個Set B嘅午市定食套餐😋，Set B嘅套餐就係1頭盤 ＋2主菜＋珍珠飯或胡麻烏冬 ＋餐湯 ＋冷泡伯爵茶🫶🏻。首先第一個套餐嘅配搭我就要咗粟米流心芝士波頭盤加慢煮燴牛面頰同日式炭燒雞扒嘅主菜🤩。芝士波炸得啱啱好😋，芝士流心嘅效果好明顯🥰，仲帶有好濃嘅粟米味🌽。牛面頰都煮得好腍好入味🤩，仲要份量都唔算少。雞扒食落特別滑身，一啲都唔鞋口👍。而第二個套餐嘅配搭我就要咗三文魚凱撒沙律頭盤加鹽燒鯖魚同日式吉列豬扒嘅主菜🙌🏻。鯖魚唔會過鹹，調味適中👍，吉列豬扒外脆內軟🐖，超啱用嚟送珍珠飯食🫶🏻。另外我嗰日嘅餐湯係周打蜆忌廉湯😇，夠晒creamy之餘仲有蜆肉可以食😚。值得一讚嘅係餐廳嘅冷泡伯爵茶🥶，伯爵茶嘅茶味好香濃😎，同埋真係飲得出佢係用冷泡技術沖嘅😚，可以話係超水準嘅冷泡伯爵茶🥳。評分以🌕表示（滿分為5）賣相：🌕🌕🌕🌕🌑味道：🌕🌕🌕🌕🌑