Peace Square (已結業)

尋晚同男朋友係tst行街，諗住去peace square食dinner，因為我鍾意個到環境幾舒服，又有野玩，野食又唔錯。之前去過2次都覺得好正，所以今次再去第3次，但今次真係好失望。首先，我地兩個人初時打算點1個pasta、一個墨西哥卷、一客香草雞翼、一客蒜蓉牛油焗什菌，加每人一杯野飲。點知落單時個waitress話部咖啡機壞左，所有coffee都冇，已經幾失望，之後叫個墨西哥卷又話冇。最差既係個小食蒜蓉牛油焗什菌，我之前食過勁好味，但今次真係超難食.......一d蒜蓉或者牛油味都冇，仲要黑蚊蚊，賣相都好唔得，真係好失望。另外，我叫左個杯hot桂花花茶，都係麻麻地，我覺得如果佢有個燭台"興"住會好d，唔係好快凍。全晚惟一得碟雞翼好味d，保持水準。個環境都差不多，不過張sofa開始舊，又有d污糟，感覺扣左分，加上d野玩好多都好舊，又唔齊，所以最終都冇玩，食完就走。但今次去完之後太失望，黎緊應該都唔會再去。

5月29日, 9點幾, 5位食完pizza express, 5個女仔意猶未盡, 想搵個地方坐坐傾o下偈揀呢度係因為上次都一齊o黎過, 印象唔錯無book位, 上到去剛剛好有位, 雖然唔係梳化位, 不過都唔緊要啦, 坐坐o者~環境:同以前無咩大分別, 不過平日o黎講都幾多人, 因為平時平日o黎都未試過全場滿. 睇真d原來都係學生哥, 可能會考完, 所以特別多學生上cafe啦~亦都可能因為多學生, 所以比以前o黎o既時候嘈好多, 都唔似以前咁, 可以靜靜地傾心事每次o黎我都同朋友推介......個洗手間, 因為飲品:因為之前食得太飽, 所以今次上o黎無食o野, 只係叫o左飲品蘆薈柚子蜜-杯入面充滿o左柚子, 不過甜o左d椰果柚子蜜-杯不面亦都係充滿o左柚子, 一樣都係甜o左d玫瑰花茶-一壺上, 粉紅色慢慢滲出o黎, 好靚, 不過無聽到有咩評語茉莉桂花茶-我自己飲o既, 一壺上, 好香桂花味, 好清新, 加少少蜜糖, 仲好飲

看見食評咁好，便與朋友們吃 tea。幾個 friend 點了下午茶餐，飛碟三文治看來最抵食，個餐加杯飲品；唔知點解下午茶餐之一：酥盒在當日無得買，我們算是第一班人點下午茶餐，奇怪廚師為何不預備一些，何況當日是星期六哩 ! 我點了一客公司三文治 ($38), 原以為是茶餐廳 size ，不是很大份；但驚喜的超大份，可以兩個女仔 share。不過白麵包沒有烘過的，餡料味偏淡，味道不特別。最好的是，cafe 有大量書藉、雜誌、棋子提供，唔駛趕住走。但環境確實有待改善：cafe 只靠外來光照明，引起睡意。白色梳化看來殘舊，cushion 像很久沒有清洗似的，令我不敢開懷躺臥。有些菜很久才送來，例如那一碟蜜糖腸.......

餐包 - 雖然是免費的, 但從餐包開始你已發覺這餐廳的心思, 廚師的一絲不拘, 他在法包面放上蛋白(已熟)及千島汁(疑似), 再放入焗爐烘, 好美味, 熱熱的, 係盪手的.我們一行 3人 order 3 個set lunch + 3個酥皮盒(迷你) + 墨西哥卷(散叫)墨西哥卷(雞) 全名已忘記 - 超級好味, 外脆內軟, 一點也不硬/乾, 雞肉很多且唔鞋口, 醬汁特別, 好好味.墨西哥卷(吞拿魚) 比起雞肉那個差得太遠, 個皮同樣外脆內軟, 但吞拿魚+好像加了沙律醬則太普通, 無驚喜, 自己也能做出這效果.2碟蜆肉白汁蝴蝶粉, 朋友說好味, 自己無試, 看似細碟, 如果是男士可能會唔夠飽.3個酥皮盒: 粟米吞拿魚(但唔覺有粟米), 粟米三文魚, 粟米磨菇, 餡料無咩特別, 但酥皮做得很出色, 沒有油淋淋的感覺, 簿簿脆脆的.餐飲是任選的, 熱情果檸檬茶, 蜂蜜檸檬茶, 這兩杯朋友說好美味, 我自己order了凍棒子咖啡, 唔太好飲, 無咩棒子味, 小許咖啡味.

同另外4個舊同學total 5人聚舊可能因為打電話訂枱坐坐到sofa位唔錯成個環境真係幾舒服可惜自己要食埋dinner成9點先到大家已經完野好似評語都唔差我就靜係飲左杯熱蘆薈檸蜜無咩特別幾好飲再食左幾個迷你果撻都係唔差咁啦整體上真係ok怪就怪在waiter,waitress做自己野多唔係太顧及到客人同埋..咩cake都無哂=口=

每次去尖沙咀, 想搵地方hea 0下飲0下0野傾0下偈, 呢度一定會係首選... 今日又0黎, 之前都留過兩次comment 0係Openrice, 今次唔講咁多, post 0下熱洋甘菊花茶(圖上) 同凍洋甘菊花玫瑰花茶(圖中; 呢個第一次飲, 味道其實同普通洋甘菊花茶差不多, 只係多了少少玫瑰花瓣0係面/底粉飾0下) 0既相同大家分享. =)

之前在呢到見到其他人的comment 訂位去試兩個人去食，每人叫了一個set 朋友話佢\食的白汁墨魚意粉好好味香蒜豬頸肉意粉味道都不過不失唔洗加錢有iced cappuccino飲更覺得扺不過唔好在得一個女staff 但佢\都好nice ，好彩我地唔肚餓，一邊玩邊等佢\serve 都覺得無問題而且佢\地安排咗窗邊sofa 位，都坐得好舒服當時有人包半場，佢\地用布廉間開，都ok 而且我見其餘的人都比我們早到，也沒有吹人走的情況出現甜品每人可選果攤/cake, set cake 仲要有得選開初以為都係好細件，同朋友要了果攤/cake 點知都有四個迷你果攤，同一件正常size 的cake差唔多，味道都ok見到menu 其他意粉都係大約$30-50都ok不過就真係水都無杯飲，但因為有帶水出街的習慣所以問題都唔大總括講都比想像中好，平時在city super foodcourt 食都要~$50又要等位又要迫，以為under $100的都唔會好得去邊，如果有時間慢慢坐同朋友傾計係唔錯的選擇

看過open rice的網友食評，與朋友於周末專誠到peace square一試，環境及sofa是令人感覺很舒服的，但梳化有限，我地最初只能坐普通餐椅，後來有一檯坐梳化的客人埋單，我們問侍應可否轉坐梳化，她說沒問題，我們才有機會一試坐梳化有多好～全店只有兩位女店員，落單要有點耐性. 禮貌算不上很好，但比旺角上樓cafe的店員較正經一點。收費沒有加壹~食物方面，每個set dinner $78，main course食佢既是日精選pasta, 跟餐除左一杯野飲，仲有mini fruit tart或者是日精選蛋糕，本以為是日精選只有一款，但一問之下才知有三款味道的cheese cake(有Blueberry, lime & coffee)，我們穩穩陣陣的叫了blue berry~ 若選擇mini fruit tart，店員說一碟有三件，都算ok~ set dinner提供的飲品也可以加$6-$10轉drink list的任何一款飲品。我們還order了一個$32的香草雞翼，很好吃～至於pasta，當日有香草牛仔腸扁意粉及白汁蜆肉蟹柳螺絲粉。我們點了白汁蜆肉，來的是長通粉～也許沒螺絲粉吧～但

20071124約了四五個朋友晚餐，是看食評找到這裏的，位置很方便就腳，門口擺了許多與教會有關的宣傳單張，想來東主或許是基督徒，那麼應該衰極有個譜：）預先定了位子才上來，夠鐘的時候店員有打電話確認，算是跟得足。沙發座位為主，但我們事先不知道，訂位時沒有聲明，剛好週末有“fully booked”，只好坐普通的靠背凳仔，還好也不差。這裏的裝修很簡單，清一色的白，在柔柔的燈光下倒也舒服，本來不大的空間看起來也會舒展一些。Set dinner包括湯、意粉、甜品、啡茶，意粉就只有兩款，當晚是茄汁辣肉腸蝴蝶粉和白汁吞拿魚長通粉，甜品則有蛋糕和迷你鮮果撻兩種。如果散叫，也有沙律、飛碟、三文治等，以上樓咖啡計算是不少，飲品種類也還好。我們覺得這裏最大的好處就是：服務好，可以坐得久。我們算是挺麻煩的一台客人，沙律又叫走醬加芝士，意粉又要走白汁，甜品換來換去，加碟倒水，總之要求多多，但幾個年輕侍應一直都態度很好，笑容多多。食物嘛，總不能要求得太高，在這類餐廳來說，已經是不錯的了。

第一次見倒咁多食評就去下la~，老實講第1次係因為自修室冇位咁咪諗住1條友去溫書，點左mocha，同乜乜芥末芝士腸，wa 老實講啦杯野淡如水，唔掂，D xx同芥末的味太濃又搶左芝士腸的味，對於我鍾意食芝士腸的人黎講係大打折扣，但係又真係坐得十分之舒服，最後都係冇溫到書，因為太黑做唔倒pastpaper 咁就hea 左D時間佢，但係佢D service就真係可以接受wor~ =]第2次係因為我唔信第1次咁差都可以有咁多笑haha，同埋service 唔錯，咁就同個fd o係冇野做情況下要hea 幾粒鐘就去多左次呢間野，可能之前太大期望所以有D失望啦，今次冇乜期望佢又整D好野出黎! 再點多次芝士腸，今次xx同芥末少左好多，冇咁濃，好食左不少，飲就叫左macha mint，Errr 中間la~，算可以接受嫁，起碼有D味飲倒出黎，蕃茄...羅C粉，淡淡地味，煙煙unun，唔錯=]，香"算"牛仔腸XX麵都OK，幾好味，我係抱住個袋仔，佢仲主動搬張chair 黎話我知可以放低個袋，好細心的service=]，叫人果方面就難左少少，因為得3個人，1個長居廚房佢拎野出黎可以順便叫野，1個掛住沖野，1個

由於太過份,食完返到屋企仍然氣在心,不得不評。因為有朋友生日,所以我早一日就搵定間cafe,book定位。我上去Peace Square望過,環境ok,於是訂了10位。個staff A 同我講話6:30pm要清場,因為有人7pmbook咗,所以就book咗3:00pm至6:30pm。同朋友上到去,叫完野食就開始玩大富翁,到5pm個個玩到興喜,個staff B行埋黎擺底張單同我哋講,因為有人7pm　book咗場,佢哋啱啱打電話黎提早6pm到,叫我哋5:30pm交場。我哋同佢講我哋book咗3:00pm至6:30pm,無理由人哋話提早黎就叫我哋早走。個staff B竟然同我哋講佢應承咗人,又話唔知我哋book咗3:00pm至6:30pm,係都要我哋早走。無feel sorry,態度非常差！我哋班朋友都覺得有比人趕既感覺,攪到無心情。覺得太過份,於是係度留言,先發現原來唔至一次發生D咁既事。我一定同我D朋友講唔好去呢間。食物同環境都可以,但係咁既服務同態度,我一定唔會再去。

因為見到好評如潮，所以諗住一試。約左一大班人reu，一早book埋位，諗住實無死。點知.....去到，原來間野都幾細，真係一眼見哂，環境的確幾舒服，不過原來一早有人包場，有無搞錯，又唔一早講定，因為細場有人包，真係幾disturbing。重要，見到隔離班朋友，坐sofa位，自己坐椅，重要張枱勁細同窄，真係一坐底己經好無mood。重要dinner得兩款，味道係ok，不過真係勁普通，白汁或茄汁繪意粉，重要size勁細，女仔都嫌唔夠食囉。d野飲好似幾特別gei，果汁加花茶個類，不過凍飲唔凍囉，真係好唔爽。好難明白點解會有咁多好評囉......

因為有幾多的好評，今晚朋友k決定去呢間cafe食我們的週年gathering 飯局！地方都算係咁，起碼乾淨。（有好多其他上樓cafe very dirty...)食品都算中上，最鐘意佢個雞翼，真係好好食(我地食左兩客tim)。個雙層三文治都好新鮮用料好靚，焗芝士西蘭花好香，不過個鮮茄辣肉腸意粉就正正常常啦！同其他網友一樣，服務講不上好好，不過佢地好似無加一，而且食物又唔係收得貴，我覺得個服務可以接受囉，都唔係差！（我見佢人唔多有時加order都自己出去叫）不過飲品要改善啦！我同朋友飲果兩杯都幾難飲！（唔知係唔係因為咁所以好多人叫熱花茶呢？）環境都好好，除左我今晚間隔張桌果一班妹妹仔成日玩到尖叫俾佢嚇親，其他上去的人都好nice好欺文。可以推介俾朋友！

呢個係遲兩年既食評。由於仍然氣在心, 不得不評。有次星期六下午放左工去, 諗住食左lunch坐下hea下. 去到時係1:45pm, 叫左野食, 兩點鐘, 野食未黎, 唔緊要, 因為都係hea. 但staff走黎同我地講話2pm要清場, 因為3pm有人包左場! 我地覺得佢地安排好差, 點解唔係我1:45pm入黎既時候就講定有人包場呢回事, 等我地再決定坐唔坐低. 2pm野食都未黎, 就算黎左都得半個鐘食. 食快餐既話我落樓下大家樂食仲好啦! 洗咩上去呢?! 上得去就預左hea架啦! 最弊既係d staff 無feel sorry! 態度奇差!!! 所以呢件事發生左兩年, 我一直記住, 提醒自己(同身邊朋友)唔好去呢間.

同朋友0係尖東行出尖沙咀, 行到身水身汗, 又借d 意0黎食個second tea 上次飲過熱的, 今次試凍chamomile tea (圖上)... 好清甜冰涼, 飲完真係暑氣全消!Honey waffle with chocolate banana (圖下)... 同Charlie Brown 0個d 相反, 賣相雖然唔係咁特別不過烘得又香表面又脆脆0地, 非常好食! 加埋chocolate banana, 好得!環境非常舒服, 亦因為太舒服吸引了好多人, 仲要個別一兩檯好嘈, 唉! Service 幾慢, 朋友杯提子汁等了25 分鐘先有, 不過店員有禮貌.呢度真係非常適合閒hea, so far 亦係我見過同類型最四正的上樓cafe! 推介