Pause It

营业中

休息中

文青朋友最近忽然愛上拉花咖啡，於是今日陪佢嚟旺角The Forest嘅Pause It打卡。落地玻璃配白色及淺木色裝修，餐廳地方簡潔明亮。一入門口就見到呢度有咖啡拉花課程，朋友即刻心心眼。坐低我哋就急不及待叫咗杯Flat White同Chai Latte邊飲邊欣賞下呢度嘅拉花藝術。見到其他枱嘅飲品都有唔同拉花，飛馬、松鼠、貴婦狗等等，非常有心思。食物方面，牛肉芝士漢堡配薯條，超厚漢堡肉上淋滿芝士，賣相吸引又惹味。南瓜慢煮雞胸意大利飯，三大片慢煮雞胸入味夠腍，上面灑上炸過嘅松子仁更有口感。南瓜飯熱度足而且有大粒南瓜，入口creamy又健康好味。

旺角呢間近the forest嘅cafe空間感好大好闊落坐得幾舒服有埋落地玻璃🥹平時食嘢牛油果配雞肉喺全日早餐/三文治都常見但加埋落飯到食第一次見！好似幾吸引決定試下雞胸肉都ok唔會話好鞋不過冇諗過牛油果撈埋落飯到一齊食可以咁夾更加香味濃郁好好食！而且有埋檸檬汁覺得膩又可以中和下飲品都有好多唔同口味latte例如黑芝麻latte，蝶豆花嘅飲品等等叫左紫薯latte唔會太甜好香紫薯味奶泡都好香拉花好特別好靚推薦推薦👍🏻👍🏻👍🏻

呢間餐廳出晒名一定要飲拉花飲品，因為呢度嗰個咖啡師傅贏過好多獎，不過由於今日係夜晚先嚟，所以就叫咗杯冇咖啡因嘅拉花飲品，為嘅就係想睇到一上枱嗰下個拉花效果而自己開心嘅心情！其實呢度都有開咖啡拉花課程，我真係應該搵時間好好嚟上堂。回歸正傳，呢間餐廳空間咁好好，有勁多落地玻璃，所以喺繁忙嘅旺角中心有一片寧靜嘅感覺，我哋今晚嘅食物質素都幾好，下次一定要週末嚟嘆吓杯咖啡！cobb salad加牛油果 $88完全係一個沙律愛好者一定會好鍾意嘅沙律，除咗好多蔬菜，連ingredients種類都好多，唔會係一個好單一嘅沙律。啲菜好新鮮，另外雞胸肉亦都相當嫩滑，亦都好入味。all day breakfast 加薯餅 $108個份量比我想像中大，尤其是條香腸，超級無敵巨大，加上啲菇乾煎得剛剛好，塊麵包亦都超級好食！因為我哋係夜晚嚟，所以費事點咖啡，但係始終都一定想要拉花飲品，所以最終叫咗紫薯latte同黑芝麻latte （各$42），拉出嚟嘅花真係好靚，雖然個design好複雜，但係都係一上枱就即刻wow咗一聲。

同朋友相約lunch來到Pause It試下。一入門口已見到有手沖咖啡班同咖啡拉花班可以報名學，有興趣可以即時查詢報名。餐廳两邊落地玻璃設計，搭配白色同木色色調裝修，感覺好舒服，立即挑選窗邊位置坐低，侍應好nice，一坐低就放低menu同水，企附近等我哋慢慢揀食物。😋全日早餐 $98以為係普通嘅全日早餐，點知上菜時嚇親，好大一盤，好大的豬肉腸，好抵食！Bacon同蕃茄都煎得剛剛好同，仍保留肉汁，不會過乾。😋冬蔭海鮮意大利飯 $98想挑戰特別的食物配搭，但估唔到咁好食！夠味又夠辣，好香冬蔭公味道，連海鮮都入晒味。海鮮有大蝦、蜆同青口，份量都唔少。😋鹹蛋黃單骨雞翼 $68必點必點必點！上菜來到時，見個樣都知好味！超多鹹蛋黃包裹住炸咗嘅雞亦，咬落去脆卜卜，鹹蛋黃嘅油香滲入雞翼入邊，超好食！😋Cold Brew $58咖啡好香好甘醇，入口順滑，冇酸味，仲飲得出有少少甜味。😋Spanish Latte $42咖啡一上枱，真係嘩一聲！好靚的unicorn!!!!!一睇就知係大師之作！拉花有好多層次，打卡一流。第一次嘗試西班牙咖啡，原來除咗加普通牛奶都有加咗少少煉奶，但係同南洋咖啡非常唔同，絕對唔會

今日又到旺角揾食～上網睇下有啲咩好食， 最後揀咗呢間， 位於The Forest嘅Pause It!-店入面環境舒適，以白色為主題，咁啱撞正聖誕節，有唔少聖誕裝飾，好有節日氣氛！-食物方面就叫咗個番茄長通粉同burger，番茄長通粉嘅portion比較細，橄欖味唔重，番茄味幾突出！肉質就唔算好新鮮，但整體都幾唔錯。burger方面就俾好多薯條。最令人驚喜嘅就係佢哋嘅拉花產品，我哋嗌咗一個vanilla latte同埋香橙朱古力，個拉花好特別，一個係柴犬，另一個係松鼠，好得意！好適合打卡～

旺角鬧市中發現一間休閑咖啡店☕️☕️環境以白色為主配上米黃燈，天然日光☀️感覺明亮舒適。驚喜是除了咖啡高質，食物也高質。手冲咖啡愛好者不可錯過，有差不多八九款豆。今次選了巴西，蘋果味🍏🍎香而唔酸！

平時星期四通常都會陪媽媽食午餐，我平時食開炮台山分店，今日趁媽係旺角返完教會就帶媽媽去我十大喜愛餐廳之一 😋😋黎旺角Pause It試下 ，2間都Keep到水準,呀媽鍾意飲咖啡諗住整杯佢試下，點知她話朝早飲左，唔飲咁多咖啡，店員好醒即刻推介其他Latte比佢，今次我地叫左Matcha Latte ,Black Sesame Latte ,D拉花真係好靚😍每次黎都睇到個拉花課程，又醒起自己都想學下玩下🤣🤣食物點左Pumpkin Risotto ,Ravioli,個南瓜係配慢煮雞😋😋我都幾鍾意，呀媽就蕃茄醬意大利雲吞～ 我都覺得好好食🤣

主打靚靚拉花旺角店搬左新址後地方更寬敝加落地玻璃有日光坐得更舒服☀️餐牌上食物選擇都多主食同小食都好吸引👍🏻🌟芝士松露薯條邪惡之選 薯條炸到好香脆🍟再舖滿左溶左既芝士🧀️同truffle 芝香十足兼帶松露香氣 🌟鹹蛋黃單骨雞翼每隻雞翼都沾滿左鹹蛋黃醬每啖都充滿鹹香味兼帶沙沙口感仲要係單骨 好方便食🌟炸魷魚配他他醬魷魚圈炸到好酥脆🦑口感爽彈有嚼勁蘸埋他他醬更滋味🌟Matcha Latte 抹茶帶回甘又無粉粒飲落唔會澀口 奶同茶比例剛好🍵🌟Earl Grey Choclate 獅子🦁️拉花好可愛朱古力味濃再帶earl grey香氣甜度適中 飲落唔會太膩💯見到佢哋啲拉花又靚又有特色 下次真係想體驗吓個拉花課程!

自Pause It開業後人潮不斷，由旺角舊舖搬到去今日所在的新舖才第一次試到。星期日正值午餐時間來到，八成滿客可以直入不用等位。對於一間面積不算很大的cafe來說，這裡的食物和飲品選擇已經很多了，都讓我選擇困難症發作啊。南瓜慢煮雞胸意大利飯($98)的份量看似不大，但原來份量足之餘也十分飽肚。意大利飯煮得保留了一點口感，大概適合大部份香港人的口味，個人認為再硬多少少會更有風味。醬汁方面是香甜的南瓜醬，滿滿地掛在每一粒飯上，然而飯裡也有數件南瓜粒，味道香甜可口，果然這個季節的南瓜當做特別好食 除了南瓜，這碟意大利飯還有少量菠菜在裡面，我幾欣賞表面撒上一些烤過的松子仁，直接 把這碟食物的香氣提升讓人食慾大增，亦跟南瓜成為好拍檔帶出秋冬的味道 慢煮雞胸共有三大片，雖然樣子不是太討好，但肉質比看似的要滑，都是不錯的。全日早餐($98)包括了雞蛋、沙律菜、蕃茄、炒雜菌、茄汁豆、香腸、酸種麵包，我們還加配一件薯餅($10)。食材的烹調做得不錯，薯餅香脆但不會油膩，不過我們要求要煎熟蛋卻給了炒蛋，要多加留意。飲品方面我們分別點了Earl Grey Latte($42)以及Cappuccino($40

Have been eyeing on this coffee shop for years, and I’m finally here! This branch at the Forest is huge, but it could get a little noisy at peak hours. Coffee lovers definitely should pay a visit, cos their drink menu is comprehensive! Got myself a cup of earl grey latte and it was VERY GOOD. The fragrance, the flavour and the latte art: it’s a 9.5 out of 10 (cos there was a tiny spillage, not a bother at all thanks to the saucer). My Spanish friend got a cup of Spanish latte! It’s named this wa

前幾日去咗旺角The forest 商場，發現左一間好chill嘅cafe🥳🥳呢間Cafe還境非常舒適，全落地玻璃，光線十足，坐喺度感覺好寫意又relax☺️呢度啲拉花幾靚，好似仲有拉花班可以上堂🤩點左兩份lunch set,其中一份係漢堡、一份意大利飯，另外加兩杯飲品☺️牛肉芝士漢堡配薯條🍟牛肉惹味多汁，麵包鬆軟香口，加埋芝士蕃茄同菜，入口層次更豐富☺️南瓜慢煮雞胸意大利飯經過慢煮後嘅雞胸，肉質更軟更腍，而且唔會過乾身👍南瓜版🎃意大利飯食落似輕盈版嘅意大利飯，整體減少左膩感，而且加入果仁，令到口感豐富左同時營養價值更提高🥰伯爵茶朱古力拉花立體又細緻☺️伯爵茶味道非常清香，令到朱古力飲落更香濃英國梨冰茶又係整得好靚，非常適合打卡，味道好清新📍Pause It (旺角)旺角奶路臣街17號THE FOREST地下G11號舖#coffee #tea #relax #mk #theforest #hk #kongkong #咖啡控 #奶茶 #旺角 #旺角美食 #香港探店 #美食推薦 #美食日記 #優閒 #pauseit #拉花班

PAUSE IT 以白色和木色為裝修主調，cafe 令人感覺時尚舒適。我哋下午茶時段進去休息並享受悠閒的 tea time!🥰❤️蛋沙律牛角酥牛角酥的外層酥脆，內部填滿了美味的蛋沙律餡料。蛋沙律的味道豐富，帶有蛋黃醬、香草和其他調味料的香氣，伴有新鮮沙律菜令人開胃享受。🧡慢煮雞胸貝果慢煮的雞胸肉肉質鮮嫩，搭配著新鮮的貝果，提供了豐富的蛋白質和營養，伴有新鮮沙律菜營造出完美的健康組合。💛法式多士配糖漿一道令人垂涎欲滴的甜點，多士的外層酥脆，內部軟嫩，配上士多啤梨、焦糖香蕉、鮮忌廉和糖漿，超滿足和超甜蜜的享受。💚薄荷朱古力咖啡咖啡結合了濃郁的朱古力風味和清新的薄荷香氣，帶來了獨特的口感體驗，拉花精美💙伯爵茶朱古力結合了伯爵茶的香氣和朱古力的濃郁，芳香甜美相互融合，每一口都帶來了伯爵茶的淡雅和朱古力的滑順口感，拉花精緻。

旺角有唔少靚Cafe，呢間位於大型商場隔離，落地玻璃透光感極強，睇到Cafe係行簡潔白色文青風，裝修簡簡單單，而且坐落都好舒服😎❣️伯爵茶朱古力 $46拉花好細緻好靚，真係打卡必影🤩，伯爵茶味唔算濃，可能被朱古力味蓋過咗，而且溫度屬微暖，飲落去唔太滿足🥸❣️芝士黑松露薯條 $68薯條新鮮熱辣辣炸起，配上大量芝士同黑松露醬，薯條份量真係超多，但食到最尾係會好鹹同油😂😂，建議預先撈下先🤪❣️黑欖雞肉蕃茄醬螺絲粉 $98蕃茄醬包住每一粒螺絲粉，蕃茄控必食，加上黑欖同雞肉，口感豐富😆🏦是次消費總額 $258（人均消費 $129） 👅好味度：8（10分滿分）味道中規中矩，最主要真係可以Chill下，享受下慢活嘅生活，同打卡一杯靚拉花飲品😆

隨口講咗一句話想要聖誕老人拉花Pause it嘅Barista就整咗出嚟☕️ #竹炭鮮奶咖啡 ✨黑色嘅咖啡拉花拉出嚟勁靚🖤🤍👍🏻即刻想報名參加埋佢哋嘅 #咖啡拉花課程如果大家係旺角想飲啡，我大推介Pause it！男朋友仲會特登嚟買豆🫘另外佢哋嘅All day set都唔錯，旺角正正選擇👍🏻另外佢啲煮食都唔錯，但係咖啡真心出色📍Pause It @pause__it 旺角奶路臣街17號THE FOREST地下G11號舖

Bookmark左好耐嘅pause it今日終於去試叫左個煙三文魚egg benedict先講個包 少許失望得包邊係脆嘅其他都好淋雖然夠鬆軟但缺乏包本身的味煙三文魚厚實份量足Egg Benedict 就熟成程度剛剛好又夠厚實切開蛋漿流晒出黎夠蛋香沙律菜正常唔會太多汁黑松露芝士薯條份量超多一上枱見到有淋過熱油面嘅黑松路有熱油沸騰嘅效果薯條幼身夠脆但放左5分鐘都冇醬已經凍曬薯條都變淋保持唔到一上枱嘅好味黑芝麻latte首先拉花好靚！店員上枱時會調教角度令拉花正面向客人展示奶泡夠厚及持久芝麻味岩岩好會有芝麻咬口都唔會太膩如果再熱少少會更好整體係ok以上但未值得吹棒