PAUL LAFAYET (K11購物藝術館)

营业中

休息中

仔仔好想食馬卡龍，見到寫住22元一粒，問Sales 姐姐有無盒裝，佢話有2粒，4粒及6粒装，當然再多D都有啦。最後選了 紅桑子，開心果 ，咖啡，朱古力，柚子及 cappuccino，付卡比錢後話148元才知道要另外畀16元買紙盒及紙袋囉，店員應該早点講，我才決定買幾多粒囉。平時買開蛋糕甜品都無話要額外付款，而且手拿著佢店舖的紙袋，都間接幫佢店舖買廣告呀！講番D馬卡龍，真心覺得好好食，唔甜，可以再買。下次要自備環保盒去買囉！

上年年中買落嘅焦糖燉蛋卷今年三月即將到期，由於屯門區果間執左，無咁方便換返屋企食；呢日經開尖沙咀，又記起要用埋淨返嘅卷，所以換左2個返屋企食，店員有提過記得半個鐘內要食，但無提及原因，老公揸車都快，應該半個鐘內係可以返到屯門嘅；不過返到屋企搞呢樣果樣，最後當然係遲過30分鐘先開黎食啦😂然後我地終於知道點解要半個鐘內享用，因為d焦糖溶晒，仲漏咗出黎...🙈味道就唔影響嘅，可能我地都食慣左，如果正價買覺得都幾唔抵食，所以下次都係會再等特價先買👍🏻

唔係第一次食,但係第一次幫襯呢一個分店, 又係第一次即買即食之前都係買屋企食。因為而家六點後禁咗堂食，所以就買完出咗去k11出面嗰啲凳仔嗰度食，即食係原來係同返屋企食爭好遠，個面真係脆， 裏面啲燉蛋分別唔大。因為佢個面係脆，就食到佢嗰啲焦糖味，燶燶哋配合裏面啲燉蛋就覺得好夾，啲燉蛋滑到好似食緊忌廉咁， 但係佢又係實嘅唔會好溶， D雲呢拿味好真，好似仲食到有少許嘅雲呢拿子喺個底度。 今次店員服務都幾好,唔似之前就見到 社交平台話佢哋態度好差👍

呢間鋪個焦糖燉蛋好出名，但比較貴所以冇買過嚟食😂點知今日Lunch時經過見倒葵芳新都會廣場間鋪做緊新開張優惠，首50位顧客買任何野都會送一個焦糖燉蛋見蛋糕要$50，馬卡龍就$22一粒，就問店員只買一粒馬卡龍可以嗎？店員好nice咁話可以，結果用$22買一粒馬卡龍就送左一個燉蛋馬卡龍好多口味，對我呢d有選擇困難症的人就比較痛苦😂😂最後揀左紅梅味，因為覺得一般馬卡龍比較甜，所以揀可能有d酸味的紅梅😂其實呢間鋪嘅馬卡龍同燉蛋我都未食過😂😂燉蛋好creamy好好味😋好鍾意食😊😊😊個容器仲好精緻🤣本來淨係對燉蛋有興趣，但原來馬卡龍都好好味😂😂😂比我想像中冇咁甜🤣有少少酶酸味，仲有少少朱古力味同果仁碎🤣🤣🤣店員仲好好提我地可以買完收工先拎走～服務好～

趁屋企人生日買了signature嘅Cream brûlée (°▽°)店員會即場為你灑上法國蔗糖，再用火槍燒到焦糖金色, 好襯我個Feed！仲有獨家陶瓷嘅包裝，特登係食之前影咗幾張相，果然有一種特有嘅美感⚜️記得食完洗返乾淨，三個可以換返一粒馬卡龍㗎(ﾟ∀ﾟ)打卡friendly(*ﾟ∀ﾟ*) : 📸📸📸📸/5Price💰Cream brulee ----- $50冰火交融,口感香濃柔滑( ´ ▽ ` )果然係甜品之都嘅代表📍 Paul Lafayet (尖沙咀)尖沙咀河內道18號K11購物藝術館G23舖

每次黎到K11 都會忍唔住入去食Creme Brulee呢度ge焦糖燉蛋用陶瓷容器裝住 望落份外高貴店員會即叫即燒個焦糖面 確保焦糖一定夠脆但記得要30分鐘內品嚐呀 唔係就唔脆架喇佢地ge燉蛋真係超正宗超完美 每啖都充滿蛋香奶滑個底仲有粒粒雲利拿籽 唔會太甜 真係好味到流淚雖然都少少貴 但間唔中獎勵下自己都幾開心唔講唔知 原來佢地有回收計劃 每5個陶瓷容器就可以換2粒macaron記得食完儲起佢地喇~Paul Lafayet尖沙咀河內道18號K11購物藝術館G23舖

每次經過Paul Lafayet，都會比佢d馬卡龍、法式手藝餅及蛋糕吸引住🥰外型好精緻好名貴，而店內最出名既就係焦糖布丁crème brûlée，平均每日都可以賣比300份，非常受歡迎，今次都買返杯試下－－－－－－1. 法式焦糖燉蛋 $50 8/10焦糖燉蛋盛裝係一個特製精緻陶瓷容器內，如果鍾意可以留返起佢都得🙈店員從雪櫃取出焦糖燉蛋後，在表面鋪上法國蔗糖，再用火槍將其燒至焦脆金黃，未食已經垂涎三尺🤤表面好似有層微暖既硬脆，但底部係好香好滑既燉蛋，雙重口感，好好食😋雖然食材好普通，但餐廳可以將佢昇華至好矜貴既法式甜品

朱古力蛋糕向來都是我的all time favourite，最近就在Paul Lafayet訂了一個特濃朱古力脆餅。櫥窗裡琳瑯滿目，蛋糕款式繁多，呈獻最傳統的法式甜點風味。特濃朱古力脆餅 - 分享蛋糕 ($392)Chocolate Craquelin - Joy CakeJoy Cake size蛋糕約為 1 磅，造型精緻富藝術感，氣質高雅，同時滿足視覺、味覺享受。朱古力鏡面晶瑩剔透，71%純度夠高，深醇濃郁的可可韻味略帶苦澀，不會過於甜膩。巧克力奶油及杏仁層層相間，慕絲入口軟滑，中間帶有酥脆口感，味覺層次感極之豐富，完完全全可滿足我這些朱古力控。

Paul Lafayet 出名焦糖燉蛋, 之前都有試過, 久唔久都心思思想再食，咁岩之前舖頭有「法式焦糖燉蛋節」買一送一個既推廣活動,$50/2 就立刻排隊去買左幾張劵, 不過每次經過尖沙咀舖都無晒現貨, 如果無 訂真係無咩機會可以walk in換到黎食, 今日終於拎得, 期待已久的焦糖燉蛋終於到手. Creme brulee放向陶瓷容器倍感高貴, 蛋同奶份量完美組合蛋香奶滑, 唔太甜唔太漏, 真係好好味, 一個人自私食岩岩好, 加埋脆既焦糖面,  簡直系全日的完美點綴, 齒甲留香. 最特別系我因為要拎返屋企食, 就無叫佢即燒既脆焦糖面, 店比左D糖我自己返屋企燒, 我自己燒都有脆口既焦糖面食

要食正宗法式焦糖燉蛋，一定要試下  Paul  Lafayette ! 有冇發現除左佢地的專屬砵仔之外， 佢地的燉蛋蛋味濃郁，即燒脆脆焦糖，  仲有矜貴的雲利拿籽！  記住燒完30分鐘內要食啦否則就唔脆架啦👍🏻

🍴法式焦糖燉蛋 50 蚊🥚個味既燉蛋 不過有 d貴 間中一次 ok 😂 個燉蛋個盤食完儲齊五個可換兩粒馬卡龍 但我估我唔會食夠5 個😂 但佢個燉蛋真係好滑 蛋味香濃 焦糖味好香甜 係一個好正既飯後甜品 好味 !#燉蛋 #焦糖燉蛋 #甜品 #法國菜 Score 平均分 <7.7/10>Taste 味道：👍🏻👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#paullafayetPAUL LAFAYET尖沙咀 河內道18 號k11 購物藝術館g23 鋪

已經買過幾次!一不小心就會選到一些非常甜的蛋糕!人大了吃不了那麼甜!哈哈！今次選了朱古力成份比較多的蛋糕!對我們來說有點太甜!味道是香的賣相也不錯!下次還是選擇一些花香或果味重一點比較適合我們~

Creme brulee $50@Macarons $20@其實係幾貴，不過真係好好好好味，個面既焦糖係即燒既，所以包脆，而入面既燉蛋係超有奶香味同超級滑😈我勁鍾意奶味不過好彩既係，係一個已經有啲濟，😂唔會想再食第二個想講下，平日食完個陶瓷容器唔知點處理，掉左去又浪費其實paul lafayet有回收計劃架（呢個值得一讚）每5個容器就可以換2個macaron, 😜圖中兩件marcaron就係換返黎架喇 ！

焦糖燉蛋是不錯，吃起來不會太甜，但服務真的很差，之前趁買一送一時買了換領卷，但後來就經常都不能換領，去換的時候都說沒有貨，而且分店愈來愈少，營業時間也改短了很不方便。

數數手指 , 這間曾經盛極一時的法式甜品店 Paul Lafayet, 究竟還有幾多間分店還在營業 .... 這是一個謎 ~怎樣也好 , 這店的 Cream Brulee 的確是有些水準的 , 至起碼夠新鮮 , 這點不容置疑 ~Creme Brulee 法式焦糖燉蛋 : 購買時店員會即席為顧客在燉蛋面上用火槍把黃糖燒作焦糖 , 面層焦糖薄脆皮，下層燉蛋滑溜有奶香，底層散佈雲呢嗱籽 , 味道和口感都幼滑細緻 , 相比起很多坊間的 Cream Brulee 味道算是輕甜 yummy ~本篇完 ~