Parkview (新城市廣場一期)

营业中

休息中

今天點了兩份食物，一份炸物小食拼盤和份美國牛扒。炸物拼盤沒有即炸，魚柳好實，其他也是凍的，138+1，失望。若以一份238+1的牛扒，要有湯及飲品甜品另加28+1，這個價錢是不能接受的質素，上枱時牛扒又凍，肥膏又多，10安士的牛扒是薄的。意樂餐廳、大家樂也比它好，這可以給客人嗎？只是自己一時漏看食評，因之前已有其他人寫過此餐廳有此問題，但到今日仍沒有改善，即是話此餐廳是目中無人，你來幫襯就要接受此質素。絕對沒有下次!

It's been ages since my last time visit in Parkview restaurant. This time I ordered an Avocado salad with feta cheese and fig in homemade honey mustard sauce and spaghetti with sardines, garlic and chili.

新城市廣場地下的食物，越來越貴。😂假日要食個午餐，都差不多$100...... 👛其中Parkview可說性價比較好，午餐包括沙律/湯、麵包、主菜、飲品。而每個菜色都花了點心思。今天點的是「燒牛肉沙律」午餐，比想像中好食。😁麵包有六款: 牛角包🥐、芝士包、合桃包🍞、芝麻包、法包🥖～嗯...還有一樣我不記得了。😂記得之前，醬料也是有六款可以選擇，但如今set死了每人一份，入面有「牛油、橄欖油及是日精選醬料」一共三個口味。這個改動可讓有選擇困難的我樂透了!～😘😘因為主菜是沙律，前菜的話還是熱湯好。😀是日餐湯是 「白汁磨菇忌廉湯」，這絕不像是罐頭湯，每一口湯都有蘑菇粒和洋蔥粒，香濃又有口感! 🥘終於上到主菜: 「燒牛肉沙律」❤黑醋淋在燒牛肉上，有微酸的調味汁另上，這兩個sauce均與牛肉和火箭菜匹配。牛肉帶有少少肥肉，但不肥膩，夠嫩口夠肉味~😋😋沙律菜的份量剛剛好。餐飲是熱檸茶。成壼茶另上，好抵飲😊是日消費: $108 🍓

呢日，好晏起身。去左新城市揾野食。好肚餓，更係揾d好野食啦。嚟到呢間西式餐廳，叫左一客巨型魚柳漢堡飽餐，魚柳超大件，金黃色，賣相好吸引，流哂口水，重有一杯薯條，什菜湯和飲品，好豐富！魚柳唔會好多油，又脆口。

因為屋企人食野比較揀擇, 星期日晏晝又唔想飲茶~~~~~星期日既新城市都有選擇既~~~我地選擇左再戰parkview。 因為老媽子好中意食熱辣辣又軟淋淋既餐飽而到達瘋狂既狀態~~~即係呢個~我唔中意食飽都覺得好食~~叫餐有是日餐湯, 味道不過不失啦, 唔會好辣～份量有d少第一個上既係牛肉漢堡~~薯條炸得唔錯, 但漢堡唔係好大塊味道一般, 無餐包咁出眾, 有少少油淋淋。再上既係煙三文魚凱撒沙律, 好多芝士係面, 都唔錯, 蔬菜新鮮。而等左好耐上既係魚柳漢堡賣相就100分, 不過, 食落魚有好滯既感覺, 咬開塊魚有d油淋淋。唔知究竟用咩魚。同埋沙律醬太少 接近無。而價錢並不便宜。完。

今日去沙田睇戲，睇晚上9点50，敢8点半左右就去沙田食飯，見到e間野未食過就想試下，点知，中曬伏，帶位極差，明明有位，帶位果個完全唔理你，自己係度扮執野，我過去想叫佢帶位，一睇，係度張d餐單排完又排，根本就蛇王，再等左10分鐘，睇住根本有位但唔帶位既佢行出黎先帶位都算，点知叫d食物質素差到爆，叫左個肉眼同西冷，成塊凍既，d肉淡而無味，塊肉眼成塊豬排敢，8oz有2oz係肥膏，完全食唔落口果種肥膏，太過份，仲要200蚊一個，加埋野飲同湯，差唔多600蚊埋單，真係食其他店好過，但實話實說，佢個麵包係幾好味，但請貴公司唔好用d敢難食既肥膏扒同差既員工做既服務，如果唔改善，真係劣評不停有，請心請改善下，我相信600幾可以食其他地方食得更好，一句講曬，失望。

今日第一次食呢間parkview.首先排隊時候明明見到有吉位.但係帶位員冇嗌過人入去坐.等咗好耐先至叫人入去.我就嗌咗肉眼扒.但肉眼扒真係唔似牛扒law！塊扒薄到ipad咁.一d牛味都冇.仲要勁多肥膏...酥皮龍蝦湯好鹹...我老公食嘅西冷扒都係唔掂.又鞋又冇味.啱啱放上餐台d扒都唔熱.凍冰冰咁....d服務員嘅服務態度亦都需要改善law.估唔到第一次食就有咁唔愉快嘅經歷.咁嘅價錢食outback都得la！真係冇下次！

平時沙田都好多人，包括本地&遊客，黎到weekend就更加多！今日下午約左去睇戲，打算之前醫醫肚，有啲懷念日式西餐廳嘅下午茶，就一於去Parkview食個tea😋呢度啲下午茶餐以沙田區黎講都偏貴少少，大約$8X-$1XX不等。我地一共三個人，叫左兩個tea set一齊share，以下係食物相：嘢食都好快上，大概等左5-10分鐘就到。因為叫左兩個set（包兩杯嘢飲-咖啡），我地另外散叫多杯咖啡☕️。club sandwich🥪🍟嘅薯條香脆，三文治唔似平時港式嘅風格咁飛邊，有少少似法式咁，上面有蒜味但餡照舊有雞肉、生菜、番茄、蛋、bacon等。pancake🥞似係一早整定，加埋雪糕&cream凍冰冰咁食，正👍🏻賣相亦相當吸引，我都忍唔住要打個卡影相先😋餐廳服務都幾好，環境幾光猛坐落舒悉，裝修同野食都係日式西餐廳風格，其實有少少似Pxxka Cafe咁，價錢稍貴。

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！  耐唔時會食Parkview，但一定只限下午茶，無他，貪佢用app book檯有半價，半價之後就可以將佢嘅質素match番你嘅expectation，簡單D講，有半價就去，無半價係唔會去嘅。下午茶選擇都幾多，價錢由五六十到百幾都有，間唔中就會轉menu保持新鮮感！今日同女友試叫左兩個主菜、一個配菜同一個甜品。忌廉汁焗海鮮飯：正常野，即叫即焗，有d脆焦芝士，幾惹味！材料海鮮就普通貨色，唯一亮點係我幾鐘意個飯入面加左d甜椒粒，我本身無特別偏好甜椒，但加左多左口感，幾match！牛肝菌磨菇黑松露鮮製意大利寬麵：個名好長好似好勁咁，其實佢只不過係將碟野有嘅材料list哂出黎，有d似肉醬意粉，味道過鹽，正價$118亦都偏貴。我發覺宜家d餐廳逢係加黑松露三隻字碟食

假日正午, 新城市周街都係人, 去邊好?咁岩見呢間叫做比隔離平dd, 又唔算好多人等, 就衝入黎食。叫左all day breakfast, 煙三文魚凱撒沙律。未黎正餐之前, 每個餐可以揀一款包, 一款牆。total 有6款包 5款醬 任君選擇母親大人勁中意食西餐包, 簡直開晒佢個範啊。個包上枱岩岩好暖暖地, 食落好鬆軟。跟住黎沙律, 滿意既係份量十足, 不論菜同三文魚, 醬就分開上。菜夠脆 夠新鮮, 撈埋芝士就夠晒飽~~跟住all day breakfast 中規中矩, 普通料, 煮得係唔錯, 不過性價比較低, 不作推介。

老豆唔一齊食，我地就可以唔駛就住一定食中式喇。simply life 又勁鬼多人，等好耐好耐，咁不如試下parkview,人少少，原來parkview同A-1又係同一間公司既。跟餐有餐湯，餐包，自選醬汁，飲品。餐湯就好稀，一般啦。但餐包都唔錯，叫左 pasley，牛油芝士?，茄醬都唔錯。三文魚沙律，醬係自己落，唔係已拌勻個種。軟殼蟹意粉all day breakfast

諗住簡簡單單邊食個tea邊傾野啦， 點知個丹麥酥層層塔震撼登場😱！我忍唔住同位侍應講「有冇咁大份呀😅！」三層厚厚嘅丹麥酥面包加上四大球唔同口味嘅雪糕， 四個人share都夠食啦😅， 我地得三個人仲要另外點左份公司三明治同nachos添噃。結果我因為要埋首努力食野最後乜都冇傾到囉🤣🤣🤣P. S. 媽咪原本死都唔肯幫手食個層層塔雪糕， 但當佢一試其中一球應該係牛奶棉花糖口味之後， 眨下眼就成球雪糕清左😏😏

今晚一家三口在此晚膳，3個餐$9xx，但最估唔到呢個價錢食嘅食物質數咁差，食材唔新鮮。上餐時個樣幾靚架，還影埋相添！點知食落口後……😖首先個酥皮龍蝦湯，酥皮未熟哂！超咸冇料，連龍蝦味都冇。麵包都還可以，主菜最差係龍蝦仔口感超霉兼冇去腸，食到成口沙咁🤢，即時冇哂胃口，舊魚又乾又鞋，魷魚圈超硬，蟹肉餅似食緊薯蓉咁，重要冇咩味，成碟食得吓只係個洋蔥好甜，成個晚餐最得就係杯奶昔，其他就……真係冇下次😓星級價錢😣

行街有點累，又餓，經過見到這兒的下午茶很多選擇，又有很多位，便入去坐坐。最後選了牛肉漢堡，menu上說有芝士流心。熱檸茶先上，茶是分開一壺，不錯，下午茶就是想慢慢坐，慢慢喝一會。主菜來了，但味道卻不如預期。薯條乾硬，有些還是凍的。漢堡牛肉沒有芝士流心，也許有，就是那一點點白色的醬和肉汁從切開的漢堡肉流出來，但完全沒有芝士味，也沒有預期那種濃厚的芝士流心的感覺。肉很冧，牛肉味不濃郁，只有麵包好吃。索價$88，還要加一，下午茶來說有點稍貴。這兒的服務不錯，環境也坐得舒適。約人聊天應該幾好，但食物的質素卻有待改善。

某星期五晚同朋友於沙田速食晚飯，要知道星期五晚的沙田新城市是像一個避風港，多人到不行，我們就如沙甸魚般圍成一堆，在各間餐廳門前等飯食。本想吃隔邊的日式西餐，但見到等成過百位，我確定放棄食呢間開飯了劣評多多的店子。我結果點了巴瑪火腿熱烘意大利三文治配薯條，應該唔會死的套餐。來到的樣子都不錯的，話雖如此，我還是抱著戰戰競競的心吃第一口一食𠲖左一聲！好味喎！真心不錯，麵包有厚度脆身但唔係硬，亦都唔削，有綿、韌的口感。巴碼火腿唔會話好鹹，夾在麵包中調味剛剛好！最正是伴碟的粗切薯條，熱辣辣裡面的薯蓉又好粉，如果多一點點鹽及黑胡椒調味會更香更惹味！不過而家我都非常收貨！有時候意外驚喜比實際味道更深刻、更動人！