Parkview (新城市廣場一期)

营业中

休息中

沙田新城市地下，其實都有好幾間餐廳。如果午餐想食西餐嘅話，依間Parkview會係一個選擇。今日叫左個雜扒餐set lunch，陣容其實都鼎盛。除咗一般雜扒有嘅牛扒豬扒之外，仲有羊架，半隻開左邊嘅虎蝦同埋脆皮腸，都幾豐富。配菜有燒翠玉瓜同薯仔，配埋同埋執醬汁食都OK，翠玉瓜都好，好爽脆多汁。唯一就係呢度係半開放式嘅同商場，有時可能會比較嘈。價錢當然係新城市價，都唔係算平，但午飯時間日日都幾多人嚟食㗎。

自從新城市被自由行佔據已經好少過來，難得呢幾個月既事令我唔洗再擔心被喼轆腳，真係要來享受下香港人的地方！平日既夜晚來到沒有排長龍的景況，輕鬆點餐，選擇了澳洲M5和牛二人餐同老婆食餐好！$598包括餐湯和餐包兩份、12安士的和牛（其實都有幾個選擇，由$398起）、軟殼蟹番茄意粉（有6款意粉/飯可選）、餐飲（可選橙汁）和雪糕杯。餐包和湯質素無洗講，軟殼蟹番茄意粉都好味！蟹肉好多，啖啖肉好正！意粉配香濃蕃茄醬，彈牙又入味！至於澳洲和牛當然都好得，入口即溶，好腍！12安士夠哂兩個人食，佢提供兩款醬汁包括自家製紅酒磨菇醬和法式芥未籽醬，各有特色。值得一讚是，枱面位置有限，所以侍應見到個扒已經食完就收走隻碟，但臨尾瞄到我隻碟上邊仲未食完，於是佢將碟上既兩個醬汁放低，我覺得佢真係好細心！餐飲除左普通嗰啲仲可以揀橙汁，至於甜品就是雀巢杯裝雪糕（芋頭味），仲可以加$10變movenpick，十分滿足的一餐！

知道Parkview一向都係好野，見咁耐無食難得今晚又經開沙田，一於來食番餐好既！見到二人餐都好吸引，而且揀澳洲M5和牛西冷只需$598，比起單點都只係多$70！但就多一個主菜、湯、餐飲和甜品，作為一個精明既師奶，又點會唔叫呢！哈哈哈！二人餐有餐包和湯，今日係忌廉磨菇湯，好香好味呀！另一個主菜要左軟殼蟹番茄意粉，番茄味濃郁，軟殼蟹有一隻既份量，好厚肉，正！食到咁上下主角和牛出場啦！今日其實轉左唔係西冷而係肉眼，我至今都分唔到兩者，但總之呢個都好好味，肉質夠腍，而且好大塊！12安士，仲有自家製紅酒磨菇醬和法式芥未籽醬可點，我就覺得唔點都好夠味！另外叫左個「日式蛋包飯兒童餐」($78)比信信，有兩件麥樂雞、沙律和薯條，仲有細橙汁，蛋包飯裡面係白飯，但個蛋又煎得幾滑，薯條脆口，個個爭住食。驚佢地唔夠飽，仲叫多個「黑松露野菌意大利飯」($138)，上碟已經好香黑松露味，有菇和菜伴碟，口感好rich。呢度除左食物質素好，我覺得服務都好好，話說信信好論盡又倒瀉水和整到周圍污穢，員工快速的行動回應仲笑咪咪對住佢地。serve我地嗰枱個哥哥仔，主動哄我的小朋友，又送貼紙又送小玩具，真係令人意想不到！後

朋友生日想幫佢慶祝，但一直諗唔到食咩好。直至食lunch既時候無意中發現呢間餐廳。貼心既店員見到我朋友未到，主動問我朋友幾時會到，幫我安排上菜時間紐約式牛肉漢堡伴薯條食得出係新鮮打出黎既牛肉，而且漢堡size好厚又juicy，非常抵食烤美國安格斯肉眼牛扒平時好少食牛扒，唔係好識幾成熟會好食d，今次叫左七成熟。果然係廚師推介，暫時係我食過既牛扒中最好食。肉質嫩滑，真係忍唔到口不停食加左個＄68 set要左個酥皮湯，果汁同乳酪湯味道比較濃，味道唔算係大眾口味，個人不太喜歡。由於食得太飽，所以唔記得本身set個乳酪，而埋單既時候店員都無提及過，呢個位有小小失望

同朋友諗住近近地食個飯，就簡左 “parkview”!食西餐喔～2人餐很優惠喔！不過朋友唔飲湯同唔食甜品，所以我地就散叫黎食..😂🔹慢煮伊比利亞黑毛豬鞍 $258黑毛豬鞍有手掌🤚🏽咁大喔！是配上肉桂蘋果蓉，蘋果蓉既質感不稀is good~將黑毛豬鞍切開，wow~肉質是粉嫩的，並有啲脂肪痴住，很juice....配菜就有沙律菜和薯仔粒🥔🔹香煎北海道帶子野菌南瓜意大利飯 $128朋友唔食野菌將d 野菌挑左出黎，侍應好好呀見到朋友呢個動作，就同我地講下次可以叫走野菌的！🔹加$68升級組合我就加多左$68，係有自家製麵包🥯、雪糕、湯和一杯飲品。焗龍蝦忌廉酥皮湯好耐無飲過酥皮湯，因為唔係好多地方有得飲，呢度有就叫黎飲啦～酥皮焗得好脆，發出了‘索索聲‘～龍蝦忌廉湯很濃味👍🏽入面有幾隻龍蝦仔喔😙

星期六晚要去石門飲，所以出左去好日都唔黎既沙田食lunch。本身想食穴，但係原來沙田呢間星期六係無lunch set，唔太抵所以就周圍睇下有乜其他野食。最後見到呢間唔洗等位，價錢又唔算貴，所以就揀左呢間西餐廳食。我地兩個人叫兩個餐share，揀左一個漢堡，一個煙三文魚卡邦尼意粉。先係餐湯，沙律同餐包。當日既忌廉蘑菇湯做得十分好，唔係罐頭湯，有好多蘑菇粒，好濃。沙律普通正常，餐包都係出色既，夠新鮮，軟熟同埋暖。呢個蘋果木煙三文魚配卡邦尼意粉好評。意粉醬汁夠濃郁，芝士味足夠，而且有唔少蘑菇同煙肉粒。而且煙三文魚夠新鮮，完全唔會出水，個陣木既煙燻味都幾重，又唔會太咸，好食。跟住係漢堡。呢個ok啦！牛肉煮得剛剛好，唔會太熟，但呢個牛肉本身無乜汁，唔夠香肉味。而且無酸瓜無醬汁，太寡啦！但係漢堡入面夾左煙肉補救，所以還可以啦。我覺得呢間餐廳無乜特別，都唔會突登黎食。最好既地方就係餸菜黎得好快，坐低點左菜無耐已經有得食。

呢餐最開心的！！應該係我2位寶貝🤩除左有小朋友最愛的兒童餐！入座時接待個位靚姐姐就開始送小禮物（只限小朋友🧐）嘩！勁開心（佢地👩‍👧‍👦）講返食物，賣相好靚，好吸引！價錢還可以我們點了龍蝦🦞湯、青口、雞翼、意粉、意大利飯、Burger 和兒童餐（好多好多🤓）上菜速度超快、食唔切，所以成檯都係🥳！？！溫馨提示：🤨龍蝦湯可以減咸😝青口，如果再熱一點就更good👍Burger有點乾😉其餘都好好味喎😚食到中段，靚姐姐又出剎手簡，又送禮物比小朋友，「😳可能知道小朋友攪攪震！」👍唔該曬🙏 幫我威迫利誘下，哥哥吃光成份兒童餐👏🏻👏🏻👉🏻更係，因為有禮物囉😂🙏值得推薦的餐廳💪🏻👍

今晚約了一個很久沒見的沙田友吃飯，在沙田吃飯，自不然就會想起新城市廣場。我們在商埸行了一圈，決定到這間西餐廳吃晚飯。餐廳位於商場內地下近中庭位置，採用半開放型式，感覺開揚，整體給人輕鬆閒適的感覺。巴馬火腿牛油果沙律配無花果 （$148）👍👍👍👍我們先點一個沙律作為開胃菜，沙律以兩款水果為主，以牛油果、無花果、沙律菜和巴馬火腿配以芥茉蜜糖沙律醬汁，味道清新又清爽，是一個健康的前菜之選。炸芝麻雞翼 （$72）👍👍👍👍這款小吃是香脆的炸芝麻雞翼，雞翼的外皮沾了薄薄的炸漿，再配以香口的芝麻，入口香脆又不覺油膩。蟹肉鮮蜆蕃茄忌廉意粉（$128）👍👍👍👍意粉配了蕃茄醬汁，味道酸酸甜甜，令人十分開胃。連殻的鮮蜆雖然不太大，但味道都很鮮甜。意粉的口感剛好，不太軟亦有彈牙的感覺。升級組合（+$48）加$48 可以升級至套餐，套餐包括餐包、是日餐湯/沙律、甜品、咖啡/茶。餐包👍👍👍👍是日餐湯 - 蘑菇忌廉湯👍👍👍👍甜品 - 杯裝雪糕👍👍👍👍咖啡👍👍👍👍門面內在環境餐牌

近期新城市的人流因公眾活動而少左，但部份餐廳都仲係幾旺，Parkview係其中一間。星期一晚7:30pm到只剩少量枱，我地遲一步都要等位帶位的侍應好有禮貌，見我"粗身大細"即問我需吾需要熱水，又安排一個比較寬敞的位置我坐，服務好值得加分我地叫左個二人set dinner, 包餐湯，2個主菜，甜品及飲品，以收費4至5百蚊左右性價比算幾高。其中一個餐湯加錢轉左酥皮龍蝦湯，龍蝦味好濃而且仲有吾少蝦肉，酥皮雖然薄咗啲但勝在夠脆。主菜叫左西班牙黑豚，豚肉鬆化而冇雪味，而且有提供蘋果醬，一直覺得黑豚配蘋果醬係絕配另外叫左鵝肝意大利飯，飯底有松子仁同青豆，所以吾會覺得好漏，鵝肝都煎得外脆內滑。加埋雪糕同飲品真係好飽好滿足

#中意嘅請分享請點讚🍻----------😋墨西哥粟米片配肉醬 $78有三款醬汁包括酸忌廉、牛油果醬、肉醬，三樣加埋再配墨西哥粟米片，雖然係好簡單嘅小食，但已經好好食。-😋黑松露野菌意大利飯 $138食Risotto最難係要控制濕度，今次嘅意大利飯就岩岩好，黑松露勁香而且夠平均，每粒飯都有，飯上而仲加左芝士更意大利飯更香🥰。-😋三文魚明太子意粉 $128三文魚有3舊，表皮煎過所以好香口。三文魚籽份量好多，每條意粉都好平均沾上，好重忌廉所以食完好飽🐽。-😋升級套餐 $68$68可以升級套餐好抵，因為有龍蝦酥皮湯+餐包+飲品+雪糕，單叫龍蝦酥皮湯都係$68🤣。龍蝦酥皮湯嘅酥皮好鬆化，湯唔會太咸好香龍蝦味。-🎑環境好多梳化位所以坐我幾舒服，而且店員幾nice，同朋友食飯傾計唔錯。-----------🔎Parkview🚩沙田沙田正街18號新城市廣場一期1樓117號舖l

位於商場地下的大型食物區，這一排都是，開放式的座位，在中庭中開餐。點沙律或主食的，可以加錢升級為套餐。酥皮龍蝦湯熱燙燙的酥皮，很酥鬆，蘸在湯上吃，好味，湯的濃稠正常，龍蝦味濃郁，有數粒龍蝦肉，湯非常熱。甘筍洋蔥忌廉湯暖暖的忌廉湯， 湯夠濃稠，有洋蔥味，甘筍清香。老虎蝦西班牙臘腸意大利飯。$138車打芝士鋪在最頂，表面有兩隻大蝦，裏邊原來還有二隻，還鋪上了少許松子仁，有數小片辣肉腸藏在心深處，少酸微辣讓意大利飯不會 "流"。牛肉蛋漢堡飽$138粗條薯條脆香，當然會先吃，茄汁是帶少甜的； 熟牛肉，還加了煙肉，熟煎蛋，芝士，鮮蕃茄，洋蔥，羅馬生菜，醬汁足夠，麵包鬆軟，質感重一點。餐飲有橙汁，咖啡等等 ...，還有雪糕做甜品。

收工肯定來食好嘢，安慰下疲憊既心見佢個扒好似都唔錯，揀左個夜餐set烤美國安格斯肉眼牛扒+酥皮龍蝦湯龍蝦湯都幾濃郁入味，食完一碗之後，唔會覺得飽脹感，個酥皮真係好脆，加入龍蝦湯簡直美味，龍蝦湯入門仲有龍蝦料，驚喜發現，都幾足料～再來講下佢個牛扒，佢有兩個汁，紅酒蘑菇醬和法式芥末籽醬，新嘗試，還不錯～本來係期待個扒，但有d失望，冇我想像中好食， 我點左5成熟，佢個肉眼位，第一口係最好食既，之後個d部位有d老，似係7成熟而我朋友都點左個一樣，佢係3成熟，但佢個都係覺得太熟，和5成熟冇咩分別，邊位一樣老左，而且佢尼兩個扒都好多肥肉啊，個薯仔都算係中規中矩～仲有餐後甜點，係乳酪雪糕，都幾好味～

Parkview 以前成日會食，平時都唔少人排隊。無去一排，再次回味。鍾意呢度嘅服務唔錯，食物又唔算貴。晚餐有二人餐、有單點亦可以加配套餐，選擇都非常之多。選擇咗散叫加$68配deluxe餐。配麵包、酥皮龍蝦湯及餐飲。酥皮龍蝦湯覺得夠脆，焗得好香，而且龍蝦湯味好夠鮮味，夠濃郁，入面仲有啲小龍蝦。加$18仲有小食一客，揀咗南瓜忌廉薯餅。叫咗半隻龍蝦配闊麵，龍蝦肉都幾新鮮，而且龍蝦汁都幾香，麵嘅份量亦都多，唔錯。鵝肝意大利飯，鵝肝煎得夠香，配埋清清地嘅意大利飯就唔會覺得太「漏」。個飯芝士味唔會太重，所以容易入口，飯夠濕潤。跟餐甜品係雪糕，食到飽飽。

今晚同家姐補祝生日🎂, 湊埋阿仔放學就去新城市行下街, 今次特登揀一樓嘅餐廳, 除左因為家姐係會員之外, 樓下係比較開掦兼冷氣無咁凍👍🏻. >Menu有兩款, 一款係有据扒加個pasta嘅豐富二人餐; 一款係A la carte再upgrade做set, 同阿b一齊食我就prefer款式多啲.>酥皮龍蝦🦞湯熱辣辣即焗酥皮龍蝦🦞湯, 酥皮好脆阿b勁愛, 龍蝦🦞湯勁鮮味, 一路飲𢳂到唔少龍蝦肉.>餐包微暖而大件嘅餐包每件配一粒獨立包裝牛油.>紐約式牛肉(150g)漢堡伴薯條 (HKD138)個burger好多層呢! 店家出品嘅新鮮麵包, 夾芝士, 煙肉, 牛肉, 煎雞蛋, 原片厚切生洋蔥, 蕃茄片同生菜, 咁重量級淨係賣相已經夠吸like👍🏻. 令人好想挑戰一啖由頂咬哂每層食材; 牛肉味濃煎得唔乾, 生洋蔥又帶點刺激嘅味道, 好豐富呢!薯條係厚切嘅, 份量足足成杯, 新鮮炸起勁脆👍🏻.>香煎鵝肝意大利🇮🇹飯 (HKD138)意大利飯忌廉汁底非常creamy, 每粒米都索滿高湯, 一塊厚切鵝肝每啖都好香而且勁邪惡🧟‍♂️, 以黑醋淋面去突出整體味道.

最近社會動盪，不時會影響每人的心情，而沙田亦是重災區，無論如何也好，作為香港人都要繼續支持香港食肆～而家沙田新城市廣場基本上好多商店都關晒門，想搵野食下都唔易，好在見到Parkview未關門，入面又唔多人，相信最近生意都有受影響同老公揀左呢個「二人餐」點左三文魚扒同鵝肝意或燴飯餐前有餐包同湯，老公加左$35轉龍蝦酥皮湯而佢對呢個湯係讚口不絕佢話湯好濃，而且好多龍蝦仔餐包係有翻熱過先上，幾細心！因為通常好多餐廳直接夾個包比人就算～香煎三文魚扒都幾大份，配上香橙牛油果醬反而我覺得唔係主角既薯蓉更出色三文魚略嫌太熟，但好在食落都脆口之後就係鵝肝意式燴飯，個鵝肝煎得剛剛好，入口都有溶化既感覺，飯就係忌廉汁底，配有豆、菇同芝士片，食食下都幾膩，兩個人食先ok!呢度食嘢既環境都唔錯，座位闊落，值得一提，餐廳員工服務態度良好如果想休閑地食個午/晚飯，係唔錯既選擇！