Parkview (新城市廣場一期)

营业中

休息中

新城市廣場有間parkview,，今日有時間同朋友來。地點方便，坐位舒適，餐具擺放得好整齊。 蘑菇湯不錯'朋友喜歡食牛扒，點了烤美國肉眼牛扒，大概七乘熟略有少少粉紅肉質嫩滑多肉汁。龍蝦籚筍配鮮製意大利寬麵。龍蝦啖啖肉，寬麵爽口。食完加15蚊仲有甜品食

今日同媽咪亞女2點左右去parkview食野，餐廳裝修後感覺唔同。侍應比左午餐同下午茶既餐牌我地選擇，一睇餐牌💲💲😱😱😱。下午茶同午餐價錢沒太大分別。可能太耐冇黎食野，之前既tea set轉哂了，我地決定簡午餐。餐湯係椰菜花忌廉湯淡同稀，都食到椰菜花粒，餐包微暖算軟熟。正宗美式牛肉（15oz）伴薯條個包唔鬆軟較硬，漢堡扒望落好似唔錯，但原來好實唔juicy，比較正常既係薯條，可惜唔夠熱。忌廉蕃茄蟹肉蜆肉意粉份量正常唔大份，個汁較杰比較重味，但係重酸味😅蟹肉絲既量ok，蜆肉正常。2個餐要大約$270，真係偏貴，食物質素有待改善。而家收據連食左咩item都冇，幾簡單下啵。

星期六黎講，等左20分鐘就有位算快。午餐除左all day breakfast, burger, 仲有飯, 意粉等選擇。普通餐包，唔係咩自家製。我揀左帶子野菌南瓜意大利飯，眼見都多人叫呢個。南瓜sauce都creamy但唔會太漏，大人細路都啱食，不過嗰兩粒帶子好細粒。唔似咩北海道食材囉😂朋友食蝦肉牛油果忌廉意粉，佢食左一半就已經話有D飽同膩。餐飲配橙汁，係無果肉嗰啲，唔好叫喇。咖啡都一般。成個過程係落單快上菜快，會見到侍應一個人攞住3-4碟一樣嘅dish飛落枱。如果氣氛上有要求就唔適合。題外話，商場apps某啲餐廳可以預先攞飛。

下午茶時間有d肚餓就walkin左入黎食個high tea，呢到既下午茶都算係幾多選擇，呢d高級甜點既又有，主食小食既咸點都有幾多唔錯既選擇（Risotto, 意粉）不過最後同朋友主攻左甜品，咸點就有機會再食下啦🤪第一個就係呢個草莓丹麥酥，見佢份量一d都唔吝嗇，仲有兩球既雪糕，丹麥酥就偏向淋身，鬆化d甚至熱熱地既我覺得都會好食d，士多啤梨黎講切片好似幾靚咁但粒既話口感體驗應該都會好d。賣相甜品打卡都算唔錯既但主要既丹麥酥就真係差咁d啦🤔第二個就係雜果窩夫啦，我地配左個朱古力雪糕。賣相睇落就凌亂左少少，個人覺得士多啤梨醬多左，無論係味道定賣相上🤔窩夫同樣偏向淋身冇咬落去鬆化既口感，同樣係敗北之處☹️最後係最普通不過既一件cheese came，cheese cake係叫套餐加25蚊就有，所以應該係全日都有供應，佢有幾款揀分別係藍莓芝士，乳酪芝士同朱古力mousse cake。反而最普通既野食係最好食，芝士味幾香，當中可能係加左乳酪有一絲輕輕既酸味吊一吊，唔係好出但增加左個層次🤤不過上碟就冇左隻角就冇咁開心咁🤔總括所有野黎講就一般啦，但好處係佢好少會趕客同埋坐得都係舒服既，呢個價叫係買個位坐

為食++：😋😋😋星期日既沙田真係人頭湧湧，行左一個圈差唔多每間餐廳都要等位。我地一行2人👫拎左兩間餐廳既飛仔，最後park view 快d 就入去啦。睇完menu 之後發現想食既野都可以係二人set裏面搵到，小資女見2人set包左餐湯/沙律+主菜+甜品同餐飲，識揀既你都會揀set 啦。😃是日餐湯 - 南瓜湯 + 自軟製🥖湯品濃郁 、 十分creamy 、麵包香軟主菜揀左 黑松露野菌意大利飯 同 香煎三文魚扒 正常水準、沒有特別驚喜、反而配菜牛油果他他就有surprise

自家制麵包🥯拎上手佢既麵包仲係熱辣辣，最岩我尼種鍾意加牛油食既人；p 麵包好鬆軟，咬落去就好似食緊海錦蛋糕既感覺香煎鵝肝芝士燴意大利飯一開始望佢既樣好似好膩咁，因為佢成碟飯佈滿晒芝士，但用左酸酸既醬淋係鵝肝同飯上面，所以中和左膩既感覺。硬硬既意大利飯配上軟冧冧既鵝肝，有唔同既口感。羊架配紅酒汁今次叫左個7成熟，所以食落D肉好冧同唔會韌。而佢羊架好肥美，所以咬落食到羊既油香。因床為我怕羊既SO味，所以好少叫，但尼個食落又唔會話好so,如果怕既朋友，可以點埋個紅酒汁食，咁就唔怕so。

第一次来食。味道还是可以的。两个人一起来吃。门口的服务生在排队时叫号码，态度什么的都很好。BUT！！！可是坐下来点菜时，一女服务生就很不友善。点的晚市套餐有分汤和沙律、奶茶和咖啡。第一个人却问了一个选项就把菜单收了。然后问另一个人。后面要求了选择才有写下来记录。等再问的时候直接拿着菜单走了，以为我们点完了单。真是过分！拿走菜单的时候眼神很不屑。不会再来第二次食。

一班相識十多年朋友相聚慶生，想不到餐廳的服務人員，熱誠又細心，麵包香口鬆軟，推介的牛肋骨豐腴肉嫩，味道豐富，很口我們心意。女店員及店長均樂意幫我們不停拍照，還細問我們是否多年好友。見我們不停敬杯，更送我們發閃光的介子，增加氣氛。餐點各様都合水準，最後點了芝士及朱古力慕絲蛋糕，芝士幼滑，朱古力味道濃郁，是女生們的摯愛。一個愉快慶生活動點滴，又添加在友好回憶中！

👎🏻環境:係商場裏的開放式的餐廳，所以人多比較嘈吵，無西餐應有既氣氛，情侶浪漫就不太適合，仲有餐桌空間較細，叫二人餐食物都不夠位放。👌🏻服務:當日平日夜晚光顧，原本單點食物，落單時侍應介紹二人晚餐較抵食，服務不錯，但人手不足，所以需要耐心等候侍應。叫咗以下食物:「👍🏻澳洲M5和牛西冷$598」選擇7成熟真係俾足7成，肉味濃又有豐富油脂，又大塊又厚身。「👌🏻香煎鵝肝意式燴飯$138」忌廉味十分濃郁，所以食幾淡就滯住，鵝肝煎得算香口但做唔到入口即溶既效果。「👌🏻酥皮龍蝦湯$78/餐另加$35」需要耐心等候餐牌上寫需時15分鐘，當日大約等左10分鐘就有，酥皮不是金黃色，不夠鬆脆，湯龍蝦味濃郁，湯有少量細細粒龍蝦肉。「👎🏻是日沙律」沙律醬汁十分少，蔬菜不新鮮。「👎🏻意式青醬煮原隻青口配薯條$76」薯條即炸但無落到鹽失望，青口有二隻係霉，不建議試。

2019年6月1日咁岩約左朋友睇戲。係睇戲前就係附近搵野食。見到佢好似幾吸引。就入左去。見見佢有餐又好似幾抵咁。就叫左一個牛一個飯。佢呢個都幾吸引。下次可以試下。佢地話係自製餐包。都幾好味。如果佢地整個蒜味牛油就仲吸引！！乜都未到就到野飲，早知唔咁早叫。有啲失望既沙律。朋友話湯正常。由於佢有鵝肝我就叫左。唔知點解。我真係好中意鵝肝。耐唔耐會係屋企自己煎。個牛排都幾好食。五成就五成。唔會太熟！有啲失望既甜品。唔好食既⋯⋯下次可以再食！

難得朋友生日，我地要選一間有蛋糕食既地方，同埋要有得book既，最後揀左呢間parkview 😃入到去，選左個二人餐，但因之前都食過呢間既牛，都係一般，價錢同質量不乎，所以打算揀羊既時候。有個同事就過黎話個M5 西冷可免費upgrade 做M5肉眼，我地就要左肉眼扒 （5成），加個軟殻蟹蕃茄意粉。個意粉唔夠熟，有啲硬，但味道係有既，而軟殼蟹都算大既，叫做包哂成個意粉；肉眼扒有啲失望，唔似5成，似7成，有啲硬，啲配菜冇味（薯仔）😞😞另外，配餐湯同甜品加餐飲，薯仔餐湯普通但充滿薯仔蓉，有啲野食下；餐飲。頂有隻野係入面囉‼️最後佢換個杯比我但欣賞同事都幾nice , 我地想有生日牌，佢會提供同埋包埋蠟燭果啲，佢仲會主動幫手影相，都唔錯； 而我地最後想轉甜品，佢都冇問題👍

星期日去到沙田人山人海，大家都肚餓既情況下都想搵間唔係太多人排隊既餐廳食。搵左一輪大部分既餐廳基本上都滿座，最後見倒parkview雖然係差不多情況，但無乜隊所以就入左。兩個人叫左二人餐，澳洲M5和牛西冷，香煎鵝肝意式燴飯。個餐除左包兩個主食外仲有餐湯/沙律，餐包同甜品，豐盛夠飽！食物方面和牛西冷配蘑菇汁同介茉，非常適合，介茉同一般餐廳配既有啲唔同，多左啲碎喺入面味道更加岀，不過個人略嫌西冷有啲太咸同多左少少肥。燴飯加左芝士同其他配料，口感同味道都有不同層次，好食！其他，餐包無特別，不過餐湯就有啲蓉喺入面，同平時既唔同，味道更加濃郁！甜品係杯裝雪糕，唔太好味。環境方面就有啲擠迫，隔離正常聲量傾計，全程都聽倒晒每一個字。人少啲既時候食會好啲。

與男友在Parkview order 了二人餐, 免費升級至澳洲M5 和牛肉眼扒餐,一個虎蝦辣肉腸意大利飯,upgrade 左一個酥皮湯,一個沙律.野食大致都幾好, 但係佢既"趕客式" 傳菜係好令人反感, 餐包同湯,沙律等前菜剛到, 個五成熟既扒到埋, 張枱全程都係滿既, 湯都未飲哂, 個意大利飯又到左...食得好唔舒服...好逼...d 野食又凍哂😨野飲都未飲哂,雪糕都未食完就要人地賣單.借問聲有冇咁急?😂成個過程感覺都好差.

香脆巴馬火腿卡邦尼意粉 🧀 🍝配是日餐湯 + 自家製麵包 + 橙汁HK $118餐湯係野菜花忌廉湯，啖啖都有野菜花。意粉上有一塊簿身嘅巴馬火腿，食落咸咸地，而且脆身。意粉每啖都帶有芝士香，加上卡邦尼汁，意粉食落唔會好溜。#missyan_西式#missyan_芝士#missyan_沙田 #missyan_東鐵綫

我今日下午茶去parkview order左個南瓜帶子磨茹意粉，裡面應該有菘子。他個茶餐唔平，依個算係甘多個餐入面比較貴的一個。本來充滿期待，但是食物來到，d野又唔熱，來到係暖的，裡面d得3粒菘子，與圖不符。我order左杯餐飲，飲熱檸水，個杯夠熱，個裡面d水係暖的。我對依間餐廳好失望，之前係馬鞍山個間食都無甘差，我絕不會再光顧🙄