Pancake House HoiHoi (荃新天地) (已結業)

食過晚餐，當然要食甜品啦，呢個係梳乎厘係新開既，星期六，日都好多人排隊架~法式焦糖梳乎厘班戟：原味既班戟淋上焦糖醬，味道還可以，唔係好食到個味道，而且原味既班戟質感鬆軟，但無蛋香味，唔飲平時食既原味班戟甘重蛋香。士多啤梨tiramisu刨冰：刨冰比較粗粒，無綿綿冰甘順口，而tiramisu同刨冰好似唔係甘夾，因為tiramisu cream加冰，變到好油~熱帶特飲：普通一杯既特飲。焙茶牛奶：好失望，呢杯野似熱奶水溝茶，飲落唔算好苦，但無咩茶味同奶，唔好飲，中伏。

I have been to HoiHoi several times(both Megabox and this branch) and tried their different pancakes and savory, which was quite good. In view we always wanted to try their shaved ice, we decided to come tonight before summer ends.We wanted to try 2 shaved ice and decided to order 1 main only. I admit I was careless for not stating that I wanted the shaved ice to be served after the main course as I assumed everyone knows shaved ice will melt quickly (in my defense the server also did not ask).T

嚟到hoihoi主要食pancake啦，咁啱lunch time就順便食個lunch set再加pancake, 叫左牛柳食，食物一到，嘩，細塊到可以用可憐嚟形容（有圖），同我包紙巾一樣大小。個set 都成＄118，都唔係叫平，你比塊咁細嘅牛柳我，小朋友都唔夠飽啦，相比下，同一層嘅大X屋真係好抵食。公平啲講，牛柳係好食，但呢個大小，真係好離譜，而所謂嘅薯菜只係得幾舊薯仔紅蘿蔔，難怪午市都冇full house..冇人等位。strawberries pancake係好食嘅，好creamy，如果下次嚟只係會食甜品，但係因為太餓，（個lunch set真係太細）食完個pancake只係剛剛好夠飽。

嚟到荃灣一個想食乜都有嘅地方幸褔無比但選擇多，花多，眼自然亂由朋友發板晚飯前找揾個地方坐坐輕食便好忽發奇想想食pancake 就嚟到呢間前排talk of the town 嘅日本過江龍Hoi hoi，主打各款鹹甜嘅pancake 菜式鹹食嘅 厚pancake burger 蕃茄、生菜、芝士同手打牛肉漢堡扒不過不失，味道係可以重點厚pancake 質感鬆軟咬落又帶少少煙韌感麵粉香喺口中有彼高存在感整體唔錯，係份量較細另外有啲啲燥，就追力加個刨冰降溫抹茶忌廉茶味都幾濃郁，五分甜配上刨冰唔算甜膩唯一最突出嘅甜感嚟自個紅豆

同朋友都好鐘意食甜品，約左去食來自日本名古屋既pancake。叫左士多啤梨梳乎厘班戟，一份有三塊班戟，班戟好軟棉，蛋味香濃，仲有好多新鮮士多啤梨，面層既cream 好香滑，creamy得黎甜而不膩，再加入蜜糖，口感豐富具層次感。另外仲叫咗一個抹茶刨冰，夏日炎炎食個刨冰真係好透心涼，本來以為餐廳主打pancake，但係刨冰都一樣咁令人驚喜，濃郁嘅抹茶味，好似食緊雪糕咁樣口感好軟滑，帶少少苦澀嘅回甘味，令人食指大動，再加上紅豆同煉奶，相當出色。飲品方面就叫咗兩杯熱茶，特濃伯爵茶及洋甘菊，原個茶包沖製茶味香濃，食完個冰凍嘅刨冰可以暖一暖身又有幫助消化。

行街前食返少少野補充體力，自從係日本食過幸福pancake 之後，就對呢類型既甜品特別有好感，不過之前係香港試過兩三間既質素都麻麻，難得今日心思思想食pancake ，就去左商場出面有大大個pancake 廣告牌既甜品舖試試。一上到去都有少少人龍，大概等左15分鐘到就安排入座。舖面細細，一眼已經睇曬有幾多位，不過檯與檯之間唔算貼，坐落都舒服既。因為之後仲會食晚餐，就叫一份pancake 兩個人share 。Pancake 質地都係輕飄飄，食落無負擔，個糖漿唔會好杰，又唔會死甜，就算原味都食得好開心。杯桃茶甜店岩岩好，份量都OK ，食完曬份餅唔會無曬野飲。備註：真金白銀自己掏荷包畀錢百幾蚊食個下午茶

據稱為名古屋首屈一指的班戟店HoiHoi Pancake House去年登陸香港，近來再下一城於荃灣荃新天地開新分店，而這次晚飯過後特意前來正是為了一試與名古屋總店同步推出的一系列期間限定新品。沖繩紫薯梳乎厘班戟 ($108) 外表有如蒙布朗（Mont Blanc）一樣，標榜用上來自沖繩金武町的紫薯並加入Mascarpone芝士及蜜糖，口感綿密細滑之餘甜度適中，紫薯味香濃自然；裡面再包住鮮忌廉及兩層梳乎厘班戟，鬆軟輕盈而且空氣感適中。夏威夷班戟漢堡配牛油果、蝦、蜜糖芥末醬 ($108) 以班戟取代一般漢堡所用的牛油軟包，質感方面較梳乎厘班戟厚實而空氣感較輕。蝦仁肉質爽彈再加上牛油果粒及大量蜜糖芥末醬口感豐富，更貼心地以生菜及番茄作隔層令底層班戟避免因醬汁而變得過分濕軟；伴碟薯條亦炸得香脆乾爽份量十足。玫瑰牛奶咖啡 ($39) 帶陣陣馥郁玫瑰花香。芒果沙冰 ($48) 加入鮮忌廉及芒果雪糕口感綿滑，不過以奶味為主而且甜度偏高，畢竟是以芒果糖漿調製所以芒果味亦無可厚非微不足道。

一直都勁想試E間Pancake House HoiHoi, 難得今晚食飽飯, 時間尚早可以去食! 可能岩岩過左晚餐時間, 去到已經好多人食緊, 不過好彩好快都入到去😊! 🌟超級花果茶果香味濃, 酸酸甜甜岩岩好可以消化左岩岩嘅晚餐, ready定食甜品!🌟芒果沙冰🥭芒果味香濃, 奶味幾重, 沙冰打得幾順滑🌟沖澠紫薯梳乎理班戟🍠🥞外層包住滿滿嘅紫薯醬, 食落味道香甜, 紫薯味濃郁, 班戟質感綿密, 口感實在, 頂層擺左一粒超甜栗子🌰, 甜度比紫薯更高, 美味可口!🌟彩虹刨冰🌈🍧刨冰顏色鮮豔, 外觀打卡一流, 配上煉奶一齊食, 香甜味美, 食落透心涼!

愈黎愈多日本pancake過江龍黎香港開店，呢間我去果陣都要排隊，lunch時間排左大約20分鐘😂之後愈黎愈多人排🙈·1️⃣抹茶忌廉梳乎厘班戟($138)總共有三大舊梳乎厘，再加一pat抹茶忌廉😂抹茶味好濃，好足料🤤班戟空氣感ok，但未至於做到入口即溶🤔自己一個食晒嘅話會有點漏🙈·2️⃣夏威夷班戟漢堡配芝士($108)朋友特登黎試呢款班戟😂用夏威夷班戟代替麵包，仲印有餐廳名，但口感比較實🤓中間夾有芝士、牛肉漢堡、蕃茄同菜，配料比班戟好食😂😂·3️⃣Caramel Latte($39)雖然焦糖味香過咖啡味 ，但唔會話令到杯咖啡超級甜，易入口既 😬佢個拉花一般般，去cafe 會想見到靚拉花🤭·4️⃣Passionfruit Iced shaken tea($36)熱情果味酸酸甜甜，但味道偏甜🙈·整體黎講，梳乎厘班戟口感一般，但抹茶忌廉同牛肉漢堡就唔錯😂😂但要排隊就未必會再食🙉

餐廳： Pancake House Hoi Hoi地點：荃新天地一期1樓117號舖睇戲前已經想食，但太多人排隊，所以睇完戲後過黎望下有冇位，可能已經接近21:00，所以免排隊直入😁下午睇過menu有意粉食，點知夜晚黎得pizza or burger or pancakes 咁唯有全部order哂🤣煙肉pizza ~ 正常無乜特別芝士漢堡 ～ 肉味濃，好食😋，薯條熱辣辣點會難食😆原味梳乎厘pancake ～今晚的主角隆重登場😍 蛋味好香，又唔會太空氣，好好味🤤係度食下pancakes 飲下野傾吓計係幾好的選擇，但好似我咁想當晚餐就少左d選擇😅所以下次都係當tea黎食好喇😂😂

餐廳屬於輕食類型, 環境算舒服, 唔逼夾, 我同男朋友唔算肚餓, 就order左一個set同佢地招牌漢堡扒shareSet Lunch ($106)Set烤鴨比薩賣相幾靚, 愛食烤鴨既我對而款都幾滿意, 調味適中, 唔會太咸, 比薩薄身但保持到面包口感, 鴨肉唔so, 但略嫌份量有點少, 每塊得一件左右。Set湯個日既湯係蘑菇湯, 飲落算細滑, 菌味都夠香, 但我比較鍾意有口感的, 如果冇blend得咁碎會更好。香桃茶(+$18)普通, 唔會太甜, 但份量太細杯。秘制慢煮漢堡扒配手造面包 ($108)賣相夠日式, 漢堡扒夠厚身, 而且肉味都濃, 有肉汁, 但敗筆在於醬汁實在太咸太咸了, 唔太配面包, 淨食面包都好食, 好新鮮既感覺, 但沾醬汁就好咸,

😁開開心心食個HoiHoi pancake🥞-之前喺日本食過pancake burger🤩一試難忘🤩估唔到香港都有得食👍🏻一於試試佢😏-🥖秘製慢煮漢堡扒配手做麵包（$108）手做麵包鬆軟，最特別係原來黑色麵包係墨魚汁麵包🐙沾上咖喱汁🍛同漢堡扒一齊食👍🏻味道異常地夾😂-🇯🇵夏威夷班戟漢堡配芝士（$108） 🍔班戟漢堡🤰🏼大大份好飽肚🤰🏼值得一讚嘅係呢度嘅漢堡扒好鬆軟💦Juice好好味-🍠沖繩紫薯疏乎厘班戟 ($108) 打卡之選😻一想到枱超靚超壯觀😻濃濃嘅紫薯包住兩塊鬆軟嘅pancake🥞最得意係pancake 上面黃色嗰粒以為係蛋黃🍳原來係番薯粒😂-📍Pancake House HoiHoi (荃新天地) (荃灣)荃灣楊屋道1號荃新天地1樓117號舖

琴日睇完戲就行左過黎見到名古屋人氣pancake店😍疫情期間冇得去日本 依家係香港都可以食到太正啦😋😋今次食左沖繩紫薯梳乎厘班戟，配日本忌廉 $108選用100%沖繩縣本島金武町紫薯，入口即溶，濃郁厚厚紫薯味道✨再配搭日本忌廉完全中和返唔覺得太甜👍🏻👍🏻 👉🏻提提大家呢個數量有限 記得打去問問有冇先去喔👈🏻夏威夷班戟漢堡配牛油果蝦蜜糖芥末醬 $118呢個都係必食之一🙌🏻班戟配牛油果蜜糖芥末醬真係好好味🙀食過返尋味 極力推薦大家去食下👍🏻環境⭐️⭐️⭐️⭐️服務⭐️⭐️⭐️⭐️價錢⭐️⭐️⭐️⭐️

來自名古屋的Hoi Hoi Pancake，你食過未呀?! 走夏威夷風格的日本班戟店過江龍，早已在2020年的年頭登陸香港。班戟店在當地極有人氣，當年我去名古屋旅行時，也有在書上看過它的介紹哦~ 夏威夷的裝潢風格，充滿熱帶風情，給人一種熱情又有活力的感覺。店內環境不大，當日七時入座，人客不少。但可能熱潮已過，所以不用等位啦。 店家提供兩款班戟，一款是空氣感十足的梳乎厘班戟，一款則是傳統的美式班戟。除了班戟，亦有漢堡、漢堡扒、三文治、小食等供應。款式種類多元化，每一款的感覺也不錯呢~ 沖繩紫薯梳乎厘班戟 $108 造型誇張的紫薯班戟，一定要相機食先呀! 採用沖繩縣本島金武町紫薯製作，薯蓉綿密，香甜可口。梳乎厘班戟口感輕盈，入口軟綿綿，質素不俗。如果蛋香味濃一點就更完美啦~ 夏威夷牛油果蝦班戟 $108 我們兩款款式的班戟各要一份，可以品嚐到它們的分別啦! 美式班戟口感較為煙靭，配上牛油果、蝦和蜜糖芥末醬，也不錯呀。 焙茶牛奶 $39 草莓沙冰 $48

以前喺九龍灣食過好食到我要po幾篇文到而家我成日喺IG度見到紫薯梳乎厘班戟我已經好一段時間想食，俾我發現而家荃灣都有分店，今日要出嚟睇醫生順便食埋。嚟到諗都唔諗就叫咗紫薯味，再睇吓睇吓見到牛油果又想叫，心大心細，之後......就叫埋😳沖繩紫薯梳乎厘班戟 $108佢真係鋪滿左紫薯喺面，上面仲要有粒大嘅甘栗🌰，開頭怕紫薯好甜，但我又接受到，啲紫薯係好食到我食完一啖又一啖。但係佢梳乎厘班戟相對於上次我覺得好好食既有對比下有分別，但都淋既。甘栗一定要食，好甜好好食。果然同之前一樣無圖只供參考夏威夷班cake漢堡配牛油果、蜜糖芥茉醬 $118第一個感覺比我覺得似hero’s，我先食班戟，感覺同紫薯果個好大分別，因為唔係疏乎厘，所以比較飽肚同硬身，聽落去有啲鹹鹹地，似麥記早餐班戟再鹹少少，超級建議班cake同埋啲餡好似漢堡咁一齊食，姐係hero’s食法咁拎住食，我覺得將啲牛油果，蝦，菜同蕃茄一齊食好好食，好過就咁切黎食，口感唔一樣。仲配埋薯條好飽肚。朱古力 $39無諗過朱古力個杯都獅畫朱古力，顯得有特色，而且感覺唔會好似平時朱古力咁甜。桃茶 $36開頭有少少怕好甜，點知佢唔會好甜仲好香桃味。兩樣