Pancake 專門紗織 (已結業)

吃完晚餐意猶未盡就和朋友去吃紗織，點了一份紫薯紗織 (HKD148)，當天人流不多，順道走去看整個即製過程，看著店員在擠花器擠出紫薯條蓉，邊擠邊圍著疊成一座小山丘，超治癒的！紗織裡面有蛋白脆餅、班戟和忌廉，層次豐富，班戟鬆軟度一般，質感較乾，細緻的紫薯條蓉味道很濃，甜度剛好但不夠柔滑，這個價錢的確有點貴，還好裝潢不錯座位也很舒適，讓我感到處身在日本呢。另外點了一份抹茶戚風蛋糕(HKD88)，友人都說戚風蛋糕比紗織好吃，比較推薦戚風蛋糕。吃了這麼多，總不能少了一杯茶吧，他們的培茶 (HKD48) 不錯喝，但份量實在超少⋯⋯

第一眼見到呢一個和食，個擺設真係不得了！ 九格入面不一樣嘅食物都好好味， 再加埋個烏冬真係夠飽！ 個擺盤設計好靚之外，佢個粟米湯好creamy好香滑， 個豆腐沙律係我鍾意，佢哋個豆腐加埋個芝麻醬， 唔知點解係特別好食！ 中間嘅原味pancake蛋香味好香濃，仲有佢哋個鮑魚仔好軟淋， 連個汁都好好味！鴛鴦玉子分別用甜味有同鹹味，好特別！ 個炸雞就好juicy， 又真係外脆內軟！而個燒青魚配 去咗個酸酸地嘅醬汁，又好夾喎！另外仲試埋佢哋個櫻花Mont Blanc, 味道好香滑， 士多啤梨味嘅薯蓉，再加埋雜莓雪葩同士多啤梨雪糕， 配埋佢哋個cream，絕對perfect match！成件事好夾食落好好味，好清新！埋現場有啲櫻花擺設，成件事好襯好靚！ 呢一個九宮格我諗我一定會再去試！

Do not go this place if you cannot speak Cantonese.We decided to try this cafe as Lady M had a queue. Turned out to be a mistake. The food was nothing to rave about and the attitude of the manager is really bad. For this price, you could get better food and service somewhere else. We would not go back again.

餐廳裝修幾靚，咪試下！ 見無人入嚟試吓！ 抹茶Pancake 賣相幾好，但pancake 同雪糕個味道就好一般！ 抹茶pancake texture 無特別！ 又唔熱～雪糕好冰，又無綠茶味！ 我聽職員講都係入貨返黎，綠茶味又唔夠，另外白色雪糕咩味都無。份量好少！紅豆醬又唔夠，又無味價格黎講，真係一啲都唔值$138！ 只係求其將 pancake and 雪糕擺埋一齊就算，一啲特色心機都無！ 試左一次都好後悔，一定唔會幫襯第二次！ 好失望！

雖然我不是甜品控，但每次來到Pancake專門店「紗織」都忍唔住要歎個班戟，今日來到估唔到加添了午餐及晚餐，當然要試下喇!呢個季節限定名為【 桜の膳 】 和食10品 $198，主角當然是樱花，所以餐廳內就有不少櫻花的蹤跡，話明是10品，足有10款美食一次過為你送上，讓你好好細嘗。豆腐蘆薈芝麻沙律，就是在豆腐身上披了日式麻醬沙律，放了蘆薈粒，口感清新。以日本粟米打成蓉之自家製北海道粟米湯，啖啖粟米的香甜。香燒鯖魚配上日式特製醬汁，大大提升了鯖魚獨有的鮮甜味，魚味香濃無比。用椰菜包上肉餡的和風菜包，清甜又夾口，層次感豐富。鴛鴦玉子用秘製鹹及甜醬汁先烹調，目的是令蛋香更濃，增添口感，再在面層放上和風明太子醬，更添惹味，絕非一般玉子。鹹酥香脆的唐揚炸雞，入口啖啖肉，仲好juicy。日式汁煮鮑魚經過特製醬汁烹調，大大提升鮑魚的鮮甜味，入口非常鮮甜，軟硬適中，美味指數攞滿分。來自日本的小甜薯，細細粒容易食，又甜又滑，好吸引。這裡最出位的原味pancake，蛋味香濃又鬆軟。自家製昆布湯煮手打烏冬，口感煙韌爽滑。最後除可選自家製精選日本茶外， 也可喝杯黃豆黃豆粉拿鐵 $52，入口有黃豆粉的香，甜度適中

一個5吋左右大既芝士pancake要$138，一個原味pancake 要$88！ order時話因為即時整， 要等15分鐘左右，冇問題，但兩個pancake上枱已經唔熱， 唔通用左強力風筒吹凍左？ 要讚既係芝士仲熱熱的！咁既價錢食水好深！食後感，我會寧願去隔離街食creme brulee 3層pancake!

早前已經試過佢地嘅班戟覺得幾好食所以諗住再去食，原來佢地出左新menu，新推出左櫻花季節限定，除左有櫻花系列嘅班戟，最吸引我係佢地出左一款和食10品《櫻の膳》，見有咸食就一於試一試，賣相真係好靚，九格入面有齊湯、前菜、小食、甜品，另外仲有一碗昆布湯烏冬，真係好豐富，唔好睇小佢地每樣細細份，其實一個人食好夠飽。九格入面分別係: 北海道粟米湯、豆腐蘆薈芝麻沙律、和風菜包、鴛鴦玉子、唐揚炸雞、日式汁煮鮑魚、小甜薯、香燒青魚、原味班戟。而個昆布湯烏冬亦好大碗，個湯底好清甜，整體食物令人滿意。另外飲品叫左黑豆茶，食完野飲啖茶真係大滿足！

呢日同朋友專程黎食紫薯紗織。師傅將紫薯用佢地特製既機器整到一條條紫薯絲包圍住班戟同埋忌廉同蛋白餅。最後仲用士多啤梨做點綴。將紗織切開一半可以清楚見到班戟同忌廉/蛋白餅。班戟可能因為用米粉，食落鬆軟；忌廉甜度適中；蛋白餅少少甜少少脆。而班戟，忌廉同蛋白餅嘅唔同口感，就令到食落口好有層次。紫薯絲食落口感柔滑，有番薯既味道。我同朋友Share食，份量剛剛好。呢度嘅裝修好有日本feel，非常舒適。服務員態度好好，非常體貼同留意客人既需要。呢間餐廳值得推薦。

紗織係每日限量發售㗎🙈🙈想食記得要早啲😆店舖主要走日系🇯🇵和風格入到去好似去咗京都咁👘加埋明亮嘅光線真係坐得好舒服🧡🧡-🍠甜薯紗織 ($148)紗織以厚pancake坐底🥞中間係一層口感好得意嘅蛋白餅🥚最頂就係cream🧁而外面就係用機器壓成嘅甜薯蓉🍠😋😋Pancake有成4cm厚🤩佢係無麩質pancake所以口感會有啲唔同🤭🤭texture比較厚實🤤外面嘅甜薯蓉都非常好食😻😻好重甜番薯味👍🏼🥳感覺好似真係食緊番薯咁🤤🤤最好嘅就係佢唔會甜得滯😻😻少少cream加pancake加甜薯蓉一啖食落去😚好match㗎❣️❣️❣️如果想睇住店員整🙈🤓建議可以選擇坐bar枱❤️

今次去到終於食到栗子味。栗子蓉非常細滑，有香濃既栗子味，入口即溶。配上朱古力碎，蛋白餅同cream 一齊食，口感非常豐富。不過其實我鍾意個綠茶pancake 多啲。一客pancake 配上綠色雪糕，蕨餅，紅豆，同黑糖蜜，一次過滿足晒對日式甜品嘅願望.飲品方面我哋揀咗雪波茶同黑豆茶。上茶時付上茶壹同小杯，可以keep 住茶既水溫。環境方面，空間感非常足夠，設有放袋用嘅藍，可以更舒服咁坐。空氣方便，因為係地鋪，感覺上通風d 😆

同事介紹紗織的pancake很美味, 今天想著辦完事回家前抽空去試試, 踫上繁忙時間, 門口有條長長的隊.... 不想等, 又不想空手而回, 所以決定外賣回家同阿妹慢慢嘆... 點了個"原味日本研磨白米班戟" 和 主打推介- "和栗紗織".  原以為外賣會快啲, 結果都等咗差不多15分鐘.... 不過當看到個甜品同個包裝, 已經好想食, 覺得等得值得... 因為唔食得都睇得...  哈哈~  回家路程大半個鐘, 個賣相仲keep到, 無溶化既迹象... 阿妹一見到已經心心眼, 嘩嘩聲咁... 我地首先試個原味班戟. 超好味! 軟綿綿, 入口即溶, 好快就KO哂, Yummy~! 缺點係份量太少, 2個人要爭食咁~  接著係和栗紗織. 本人係一個栗子控, 所以黎個甜品絶對可以滿足我對栗子既渴求... 栗子絲很香很濃, 一點也不甜腻, 中間夾住啲忌廉, 底部還有一層蛋白蛋糕, 夾埋一齊食好好味... 大滿足~! 因為一番到去就掛住食, 唔記得影相, 所以只有我响店舖時影既2張相, 哈哈~! 有機會的話, 想再去堂食試下其他款式, 我見其他人既食評推介, 好似"春雪.初開"幾吸睛咁~

於昨日光臨，本來想試時令名物-粟子紗織，可惜飲恨遲咗，因為已經賣晒⋯⋯唔緊要，試唔到鎮店名物，可以試春雪Pancake。order完之後大約10分鐘就送到上枱，經理哥哥十分殷切地詢問是否需要幫手撕開春雪上的封條，雖然很想佢幫手，但我又係點會假手於人，梗係嗱嗱臨自己玩🤣，隨即經理哥哥便告知如何撕開封條先至可以做到最靚效果，十分貼心🥰🥰。日本手打忌廉十分之順滑，口感豐富。Raspberry 同strawberry 嘅jam? Sauce 十分夾，整體10分平均。總體感覺不錯，下次一定會早少少到，試埋個栗子Pancake!!

Want to try this newly open awesome pancake brand. But they always full. Finally today can walk-in to get a seat fo myself. I order the Sweet potato Saori pancake. The purple color actually quite adorable tho, I think, and it won’t too sweet. For food standard, I assume they did a pretty good job. And the host’ service was very attentive. Saori Pancake, what a good job that you offering, keep it up and look forward to coming back very shortly!!

剛好要出去銅鑼灣，未食早餐又想搵個地方坐下，就去左呢間日式班㦸店試試，因為好早店舖才剛開始營業，所以暫時都唔多人，內裡嘅環境真係好似去左日本咁，桌面佈置得用心，地方乾淨又坐得舒服。因為想食得輕份量D，就叫左個和風三式芝士班㦸，班㦸黎到已經聞到陣陣芝士香味，米粉做嘅班㦸口感幾鬆軟，上層鋪上三款唔同嘅芝士，味道香濃，食哂成個都唔會覺得膩，芝士控嘅朋友一定會鍾意呢個班㦸。飲品我要左杯Latte，味道都唔錯，係一個優美寧靜嘅環境下食到好味嘅食物真係心情都好D😎

早前同朋友去銅鑼灣經過呢間新餐廳係專食pancake，見到門口好靚好有日本feel就入去試吓，佢地嘅pancake係用米粉做而且係無麩質，所以對麩質敏感既人都可以食得，我同朋友叫左佢地嘅主打【甜薯紗織】同埋【春雪.初開】😎甜薯紗織 – 賣相非常好，份量都幾大，兩個人一齊食剛剛好，底層係pancake，中間係蛋白餅同忌廉，外層就係厚厚嘅甜薯絲包圍住，味道唔錯，啖啖甜薯、pancake加埋蛋白餅，口感非常豐富，食落唔會覺得好甜！😋👍🏻春雪．初開 – 另一款好特別嘅pancake，食之前要揭開膠套令厚厚一層忌廉流落黎包住哂底層個pancake，配上紅莓果醬，食落非常香滑軟綿，好味道！🥰至於飲品我地就叫左杯凍黑豆茶，幾特別幾好飲，連個玻璃樽都可以打埋卡，真係好有心思，整體食物都好好味，下次會再黎試埋其他款式嘅pancake😊