Panash (已結業)

同媽咪睇完GOD清倉,過黎食飯. 因為兩個人都唔肚餓, 就叫左個蜆肉意粉同雪糕法式西多士share.兩樣都幾細碟. 個意粉好重蒜蓉味, 略嫌少左d蜆肉. 個西多士係一般日式cafe做法, 厚吐司沾鮮奶蛋漿然後拎去煎. 個人認為呢度做得比UCC好, 無咁濕, 外脆內軟, 而且雪糕外仲淋左層honey, 增加香甜感覺.其實呢度檯數唔算多, 但係d waitress個個都周身唔得閒咁, 叫親都要等, 可能需要增加人手!

上次食完個Lunch，今晚同老婆來這裡試下Dinner.去到九點幾，唔算多人，所以可以任揀位置。起初以為沒有set dinner,再睇清楚佢本長形menu,先知原來是這樣：main course+麵包籃=main course 價錢加$20 ；main course+麵包籃+湯=main course 價錢加$25 ；main course+麵包籃+湯+飲品=main course 價錢加$30 ，好似好複習。叫了:煙三文魚意粉-- 三文魚不太新鮮，一食落口散晒。但個意粉就整得幾好，芝士沒有太過多，ok。白汁海鮮飯--D料幾足，有魷魚、蝦、蜆肉等。上次個friend話蜆肉有沙，今次試下係咪真，果然有沙，好在唔係太粗，食落肚當幫助消化啦。因我地分別都order加$30 個set, 有兩個麵包籃，份量多D，其實如果兩個人，order 一個籃都夠，因為麵包唔算好食。反而個蘿送湯同忌廉湯最出色，好味！又再讚下呢度D service,我同佢地講下D意見，D waitress 都好nice 咁跟我們discuss , 抵讚！

今日中午，同個財經公關姐姐約了在這裡，食個lunch同傾有咩好路數。十二點多到達，起初不多人，但到了一時多已坐滿至8成左右，就我所見，佔9成都係OL,男仔就得三個，所以都不能好專心同人傾呢！見到個餐牌size好鬼長，如果唔小心，真係好容易"隊"到對面個人。我叫香草雞扒飯，"舊"飯細D，個湯湯就用隻杯剩載，整個set lunch的份量，係絕對適合OL。味道唔錯，雞扒幾夠"林"，雞翼落蜜糖而唔，好食。朋友的蜆肉意粉，聽講味道就幾好，但就有沙。加10蚊，叫個千層脆甜品，整法是將strawberry, 奇異果，由薄脆分別隔開四層，再塗上cream, 賣相唔錯同幾好味喎！另外，佢地用個幾型仔的迷你咖啡蒸壺沖了杯咖啡給我，味道很香。由於呢度同一時間做埋麵包店，所以餐前麵包就是該店的出品，唔夠可以再加。仲有要讚下呢度D waitress, 好有禮貌同好nice。

呢間嘢某程度似simply bread，試咗啲咸同甜既酥，熱既就幾好既，但唔熱既就唔多好食，細唔緊要，但要好食先得架，一樣係overpriced畀佢喊

呢間分店真係幾僻, 但係裝修就真係眾分店之冠! 呢度唔係用一格格o既麵包架, 所有麵包都擺o係碟上, 放o係唔同高度o既木櫃上面, 同東京新o既歐陸式麵包舖好似. 不過d酥同麵包o既質素就始終同東京o既有一段距離. o個日試左佢地個大朱古力包(新產品,唔記得exact名), 味道麻麻, 包質唔夠鬆軟, 朱古力味都唔係好出, 唔會再試. 佢以前太古城分店有個包叫"白大福", 係紅豆加忌廉餡o既包, 好好味, 但係最近去已經唔見有得賣! 可惜!

呢間Pansh個位其實都幾隱蔽，因為係海運底層，因為而家海運大革新，底層KidX係度裝修緊，個一帶淨係得呢一間舖開左，即係舊時連卡佛個位。如果要落呢間舖，最快的方法係用facess入面條扶手電梯落。講返間舖，麵包款式同其他Panash一樣，唔會話有太大驚喜，不過地方闊落左，揀麵包唔使左右兼顧驚撞到其他人。同埋呢度有間Cafe，下午茶大概消費為$48-68。仲有，新開張期間，買滿$30有個購物袋送。