PAN de PAIN Pancake & Sweets (K11購物藝術館)

营业中

休息中

見呢度個pancake 出名，環境也不錯，就入去試試，但估唔到D態度極差。同我地差不多時間入座又或者遲過我地少少入座嘅客人都已食緊或食完，明明見佢地廚房有4-5個職員係度吹水，同好悠閑咁執嘢，另外，出面D樓面3-4個又係吹水，我相信根本係未開始做我order果個pancake，而我地都等左有27分鐘，老實講等到有D吾耐煩，就問樓面有冇落單，如果未做我地想cancel,結果有個著灰色衫男人（可能係supervisor)竟然大大聲係較遠嘅位置對住我地講，”pancake 要30分鐘，個menu有寫架。等多幾分鐘⋯⋯呀，等多1分鐘⋯。”周圍D人可能都嚇親望住我地。佢咁大聲同我講，我唯有用一樣嘅volume 同佢講 “好，吾該！！” 之後我先見到廚房D人開始快手左D😓。最後係31分鐘之後pancake 終於到，但佢哋放低碟果時係面無表情。之後我已冇心情食，雖然係等到好肚餓。pancake 味道同品質，我個人覺得麻麻，𥚃面濕到好似未煮好，味道冇特別，但味道係好個人。總言之，服務態度差，即使餐廳環境同menu 望落去係吾錯，但職員服務態度差，一D都吾專業，幾靚都冇用！下次一定吾會再去。

Order 個soufflé menu 完明要等半個鐘個soufflé 原來真係要足足半個鐘隔離檯明明見住佢早我地幾分鐘落order 都已經有齊晒野好聲好生問個職員仲要等幾耐時仲要大聲話係要等架餐牌都已經寫左要等架成個場都聽到佢講野果種聲Ok千呼萬喚終於等到碟野黎但個soufflé 完全林pat pat 無驚喜。食完唔夠5分鐘就光速收曬d碟跟住留意附近遲入過我地d食客都無等咁長時間就有野到我真係好想知佢究竟係味等齊單先開工定有心留難我地

我們通常吃過晚飯後，會搵甜品吃。今次也不例外。當晚依然要排隊，但等候時間算快，正好吃飽後企一企。▶️caramel apple souffle🍎🍯🥞 $95souffle狀的班戟很鬆軟，好吃。加上焦糖更能帶出香甜。蘋果則中和膩感。▶️strawberry pancakes 🍓🥞$88相對顯得失色，沒有souffle那種口感，顯得平平無奇。幸好有標緻的外貌，吸引食客。另外點了咖啡作陪襯，沒特別所以也不多說了。

在家閉關了好幾天，今天終於都出門約姊妹聚一聚。這間位於K11的梳乎厘班戟店，位置十分方便，而且環境也很舒適，很適合和朋友過來TEA一TEA，聊聊天，真的很舒服呢！路過被這間店吸引的不是班戟，而是餐牌上的日文字，他們的餐牌是以英文和日文為主，幾乎都看不到一隻中文字，彷如短暫離開了香港一樣～和姊妹叫了一份梳乎厘班戟和兩杯飲品，然後就開始吹水聊天了🎶【Caramel Apple Souffle】梳乎厘班戟空氣感很足夠，震騰騰的，但比想像中薄身，如果可以再厚一點會更加好。焦糖醬味道不錯，但配上蘋果會有一陣苦苦澀澀的味道，本以為蘋果應該是甜甜的。【Detox - Berries】朋友懶有健康的叫了一杯Detox，水果的份量很足夠，一整杯滿滿的，但她覺得沒有什麼味道【Iced Hojicha Latte】我對於這杯培茶實在是太滿意了，是很純正的培茶味，苦苦的，沒有另外添加味道喔！總括而言，這間甜品店很滿意，是會再回訪的！

我和好姊妹食完午餐，感覺還是欠了一點點，就是欠了一點甜，於是乎行去K11 PAN de PAIN ，內𥚃坐滿了人，只好在門外排隊，前面有6個人等候，大約等了五分鐘可以入內。餐廳以黃色為主色，裝潢簡潔鮮明，乾淨俐落。我們坐正開放式廚房的枱前, 望住一份份疏乎厘送出來，陣陣的香氣實在忍受不了。多次來都是食原味疏乎厘，今次我們點了兩款新登場產品。北海道8.0牛奶莓冰淇淋$78牛奶味非常之濃郁也好滑，可惜士多啤梨🍓酸了點，味道剛剛好不太甜也不膩。抹茶疏乎厘$95兩大塊疏乎厘夠鬆軟口感是超級軟滑好重蛋香味，再配上抹茶雪糕和忌廉增添層次更美味，紅豆蓉口感細膩甜度剛剛好。

兩個人點了三款食物，好飽好滿足。草莓pancake一來到賣相十分挑好，心型拉花，一層滿滿新鮮草莓配上鮮甜忌廉，一層pancake,沾少少雲尼拿醬，急不及待一口吞下這幸福的滋味。宇治抹茶疏乎厘外表很漂亮，兩大塊鬆軟疏乎厘，伴上甘濃抹茶醬和mousse,幼滑忌廉，冰凍抹茶雪糕，香甜軟糯紅豆，無論層次或口感，這個組合也是滿分。火腿芝士三文治，內有濃濃牛油味，金黃拱底很香脆，配上熱溶芝士和咸香火腿，簡單的製作，但充滿美味。沒有點飲品，要大約60元一杯，感覺太貴吧。眼見人流非常多，但店員都有提醒我們襯熱食的溫馨提示。

七點幾黎到唔使等位以前排晒長龍叫左一個抹茶紅豆梳乎厘pancake一個蘋果焦糖合桃梳乎厘pancake蘋果蜜糖合桃梳乎厘pancake勁好食Honey同Walnuts同Apple好夾抹茶紅豆梳乎厘pancake綠茶濃度同配料比例都係剛剛好忌廉都夠厚實不過呢...切落個pancake未熟.....好水...換左一次黎左第二個又係唔熟架.......最後索性改左要個普通嘅薄pancake味道係Creme Brulee 出奇地好食因為有脆脆哋嘅焦糖係pancake嘅表面配埋雲呢拿雪糕口感非常之夾

來到尖沙咀k11 見到依間pancake好吸引又唔洗排隊 就入去食依間啲pancake雖然都稱上空氣pancake 但是絕對有別於 幸福pancke 同 flappers 我比較喜歡依間因為佢既pancake係唔會好似幸福pancke咁實 又唔會空氣到好似flappers咁 食左等於無食但係都一樣充滿蛋香！抹茶pancake旁邊有一球雪糕 嶡餅 和紅豆配上非常鬆軟有蛋香味的pancake 真係好好食！ 原味pancake配上忌廉 牛油 蜂蜜經典配搭最後是咸食pancake有牛油果 煙三文魚兩者好夾牛油果唔會太熟 非常好！值得一讚是店員會主動斟水總結就係依間可一可再 下次可以試下其他甜品 和 飲品加上位於k11 非常方便不用排長龍的話真係推薦大家去食

假期休閑精選 - PAN de PAIN。日本殿堂級甜品店喺香港開舖，一定吸引到一大班人去打卡。2016年開到今時今日，仍然要排隊食，可想而知佢並非浪得虛名！PAN de PAIN French Toast ($85)。講真佢出名係pancake架，但我偏偏叫左法式西多。點解？因為真係好味過Pancake好多架 😝 麵包炸到剛好，唔過火。舖上糖絲糖霜，嘩，入口即溶，甜到入心。最緊要係，你都唔會有油膩嘅感覺🤓 咁咪就係食甜品最大嘅賣點！伴碟有新鮮生果同雪糕，唔使教都知要吉舊西多，沾滿雪糕，先再放入口啦🥰🥰 幸福到呢🤣🤣

After watching movie, Me and my friends looking for nice dessert. Normally days I passed by this restaurant is long queue but today is lucky that we got places just 20 mins of waiting. The foods is nice, decoration is on point and hot teas do served well. Is consider slightly cozy pancake in TST but worth to try

等待時間：10分鐘 應該係因為平日夜晚所以不擠塞室內環境：乾淨舒服及座位夠大及有聖誕氣氛服務質素：整體友善同客氣今晚同朋友食完壽司唔夠候就來左食甜品啦，本店設最低消費，每人最少要叫一杯野飲或者甜點。咁我地就叫左一份pancake同兩份梳夫厘，真心pancake係唔差既但因為梳夫厘實在太出色啦，比較下就差好遠。梳夫厘一擺上枱就凶山聞到香港濃既蛋香，輕輕一搖，已經不停擺動，係質素保證，食落口感一流，原味我覺得好食d，但朋友支持strawberry 版。梳夫控must come!!

尖沙咀河內道 K11 B1那層，開設許多新興食店，這間新開的時候，長期排長龍，行過都冇得食，今日早早地，終於可以試到她的招牌pancake。二人同行，叫咗個 pancake，另外，因為好肚餓叫多個全日早餐。賣相確實好吸引，pancake 加 cream，加裝飾，鬆軟美味。全日早餐，包括腸、蛋、蕃茄及新鮮蔬菜，鹹食配 甜pancake，一樣美味可口。整體來說pancake係美味嘅，賣相擺設也不錯，略嫌價錢貴了一些，pancake本身材料唔係貴，食客幫忙交租係一定嘅責任。

每次經開K11 都見有人在門口排隊，今午見只有兩三人排緊，基於好奇，所以都入去試一試，可能仲放緊假，入邊都有唔少小朋友🥳呢個賣相一流，綠茶雪糕味濃，紅豆蓉係～好甜🥴個pancake切開後就發覺唔係食評D朋友形容到話，佢同幸福相比仲爭左D呢個賣相真係好靚而且好有層次，牛乳味濃郁，雪榚好香好滑，士多啤梨非常之新鮮，但可惜嘅係超多cream,太多士多啤梨糖漿，整體來講都係好甜😖所以相比下，我覺得都係幸福pancake稍勝一籌

假日悠悠閒走到K11，經過PAN de PAIN Pancakes & Sweets，見到門口Caramel Apple Soufflé 嘅 poster，又見餐廳入面有位，受唔住誘惑🤤走左入去😅Soufflé pancake 鬆軟有空氣感，pancake雞蛋味道香濃👍🏻，上面嘅蘋果、雲呢拿雪糕、忌廉同焦糖醬，再以焦糖合桃伴碟👍🏻，各種食材味道配合相宜，真係好好味😋呢間pancake shop一定要再去👍🏻

約左兩位大學朋友在尖沙咁K11行街，行到攰，去食個下午茶，見到一間班㦸專門店就入去試下😁餐廳環境很光亮，可以睇到廚師即場煮野食，咁啱我兩個朋友坐既位置係對住一個靚仔廚師，成段時間睇仔多個食野🤣餐廳的班㦸、甜品和餐飲都幾好食，還有賣相都很討好，難怪檯檯客人都攞部手機係咁影📸😂1. Tiramisu Pancake $98Tiramisu味好濃，每層班㦸都夾左cream，入口很幼滑，個人覺得係平時食既tiramisu升級版，唔需要蘸糖漿，因為本身已很甜👍🏻2. Original Souffle Pancake $85這個原味梳乎厘蛋香味很重，不太甜，非常鬆軟，入口即溶，好似食緊空氣咁，口感好正🤤另外加幾多忌廉和糖漿，就視乎個人合味而定3. PAN de PAIN (French Toast) $85每一件多士都很厚身，煎得很鬆脆，不太甜。如果想食得甜少少，可以連外面鋪住的焦糖拔絲一齊食；如果想要齊熱和冷的口感，可以多士和雪糕一齊食，同樣非常好味😋