PAN de PAIN Pancake & Sweets (K11購物藝術館)

营业中

休息中

生活再苦也需要一點甜💜每次經過k11都好想食pan de pain但每次都好多人 排哂長龍咁 就放棄左😭有次見到冇乜人排 一於去試下☺️不過都等左半個鐘以上先有位🙈Caramel Apple Souffle $95賣相真係好吸引🤤🥰仲係即叫即整 熱辣辣架~~口感鬆軟 仲有香濃既蛋香味~上面有蘋果、雲呢拿雪糕同cream配有焦糖合桃伴碟個人就對合桃既味道麻麻地🙈但係咁既配搭 整體真係好好食😋一定會再去🙈其實係5月食 不過依家先分享😂🙈

今次想讚一位叫Carrie嘅staff(希望無串錯佢個名)，因為佢服務嘅態度好好。今日下晝去食lunch，餐廳雖然都幾多人，但係叫佢落單都好快有回應。而之後要加單或者加水嘅時候，佢都好好，唔會覺得唔耐煩。因為有時候客人一多，有啲餐廳嘅staff因為好忙，就會好容易無理到啲客。而Carrie今日見佢就算客人多，都無話唔應啲客人，而且語氣同態度亦都好nice，希望餐廳可以繼續keep住咁好嘅服務態度啦。

香港嘅疏附里pancake開到大行其道，每個商場總有一間，沒有自由行之後，基本大排長龍之景象幾乎已經完全消失直接喺門外稍等，店員就會安排入座餐廳有限時，所以如果想坐低慢慢。傾偈嘅朋友可能未必適合我哋點餐之後不到5分鐘已經上枱，有點擔心入邊已經唔夠熱，但幸好入邊中間仲係微暖既。外型望落外表其實口感都算厚身但有少許沉咗落嚟，有少少比較失望。內裏中規中矩，質感尚算輕柔，唯美中不足中間空氣不足，有少少未熟透，有少許痴牙的感覺，好似覺得有少少唔夠熟嘅感覺。

次次經過見到咁多人排隊，即管試下係咪咁吸引啦😉 我淨係叫左一份pancake, 一杯野飲。🍵Matcha Latte評價:⭐️⭐️⭐️⭐️ 貓貓樣好得意呀😻 不會苦，重奶味👍🏻 因為我自己本身不是太喜歡抹茶製品, 所以重奶味中和番覺得very good👍🏻👍🏻🥞Original Soufflé 疏乎里Pancake評價:⭐️⭐️食落好似食空氣咁,一陣風... 不過味道都唔錯嘅，厚厚既Pancake, 配蜜糖 牛油，甜甜地又有少少蛋香~ 但價格較貴💰 得兩塊...

        曾經幾次經過位於尖沙咀K11商場裡面的Pan De Pain，都見到外面大排長龍； 店主又不准外賣。又係既，如果Pancake拿回家，味道應該已走樣。這家最出名是梳乎厘pancake。今天是星期三，五點多鐘，下午茶時間已過，晚餐又未到，所以有幸給我拿到了位子。坐下來點了一個士多啤梨梳乎厘pancake，需時約10-15分鐘處理，所以如果趕時間，貼士就是要盡快點餐。這個梳乎厘pancake比一般pancake厚二至三倍，所以質感便鬆軟得多，有入口即溶的感覺，口味並不很濃，是淡淡奶香那種。周邊伴以士多啤梨，除了賣相加分外，也可刺激一下味蕾。士多啤梨果醬上加了一些餅碎，做到卜卜脆的效果，應該是馬利餅之類。馬利餅雖然很平，但在甜品中都會不時見到它，例如木糠布甸，間中都會營造到驚喜的效果！

平日下晝三四點經過，竟然唔使排隊，即刻衝入去試吓😂因為平時次次見到都條隊勁長，見到都唔想排啦！坐低咗之後見到其實佢個Menu都有熱食，但因為已經食咗午餐，所以我同男朋友就每人叫咗一款甜品黎試☺️男朋友叫咗Berry Cheesecake Soufflé個賣相真係超靚🤩但我就覺得啲果醬有啲太甜，但佢嘅士多啤梨同藍莓食落都好新鮮👏🏻所以連埋呢張啲醬一齊食都唔錯嘅！另外我自己就叫咗Crème Brûlée Pancake等咗差唔多15分鐘終於到啦🤤期待咗超耐，一見到個下真係超靚，啲焦糖燒到勁金黃，食物都勁脆！個pancake係即刻煎，所以仲係超熱同埋勁煙un，再加埋個雲呢拿雪糕一齊食真係不得了🤤終於明點解呢間野成日咁多人排隊啦！呢個pancake真係超好食💯👏🏻兩個人總共食咗差唔多$200，其實都唔算平😅個人覺得個pancake真係值得去試吓，個soufflé 就還好！間唔中去食一次都OK嘅但應該就唔會成日食啦，因為價錢都比較貴同埋其實份量都唔算多！最後都要講多次呢個Crème Brûlée Pancake真係超級推薦😍☺️一定一定一定要試！

自從遊客減少之後，呢間出名排長龍嘅pancake店，近來唔使排隊walk in就可以入嚟試下。食物味道: 好有蛋香，空氣感十足，但食咗似陣風，食口感食香口不能食飽飽食物份量: 正常size，不過一客只得兩件比較少。價錢: 喺日本食嘅梳乎厘pancake出名嘅店子例如幸福Pancake和GRAM，一般一客三件，呢度只有兩件，原味價錢$85，當然比較貴。環境: 企理乾淨，不過比較嘈吵服務: 無笑容，木口木面，唔合格。回頭指數(10分滿分): Pancake好味嘅，不過我喜歡空氣感低番啲，多些少嚼勁，考慮佢哋服務態度，唔回頭喇，我俾1分。

疏乎厘班戟，排嗮長龍值唔值？——Crème Brûlée Pancake ($88)上面嘅焦糖好脆，真係做到Crème Brûlée嘅感覺😗脆脆嘅焦糖同下面軟綿綿嘅pancake，兩種唔同嘅口感🥰唔錯唔錯！.Caramel Apple Soufflé ($95)雪糕溶得好快，要快手d食！都幾fluffy，caramel嘅味純粹黎自個漿～食唔到d咩蘋果味🤔.Overall: 7/10Value for money: 2.5/5——📍PAN de PAIN Pancakes & Sweets尖沙咀河內道18號K11購物藝術館B1樓B111B及B111C號舖

叫咗一個蘋果pancake同一杯凍 cappuccino, 杯咖啡嚟到係完全冇甜味，問staff係咪俾漏咗糖水，佢話客人唔講係唔會俾，我心諗：吓？個pancake就切唔斷嘅，搞到食果時好論盡下唔會再幫襯囉

This is your typical mall sweets shop that targets women.The place has a simple decoration with enough space for people to not feel too cramped.There is a minimum order of 1 item per person and even their standard drinks will cost the regular mall price of $40ish ($30 if you order an espresso).Taste and texture-wise, their soufflé is far from Shiawase no Pancake or Gram in Osaka, but they do a decent job as substitutes.Their hotcakes however were among some of the worst I had in Hong Kong...I wi

今日超級想食甜品，於是就捉咗男朋友陪我去食。男朋友叫咗個北海道牛乳慕絲杯，上邊的牛乳雪糕好重牛奶味， 超級無敵好食，以下邊啲士多啤梨醬配上脆脆和cream，味道配合得好好，簡直天衣無縫，食咗一啖已經心心眼😍而我就叫咗french toast 咬落去非常鬆軟，好重蛋味，好似食緊玉子卷咁，對於一個雞蛋愛好者來說，真係魅力沒法擋，超級好食。不過值得一睇嘅就是如果想來這間甜品舖食，記得要預多啲時間，因為每次來都要排隊的。

之前食過一次soufflé pancake ，係好香蛋味又軟綿綿，配酸酸甜甜嘅蘋果好鬼夾好懷念呢份滋味，決定今日再戰不過佢soufflé pancake 要等比較耐今日趕趕地時間就試其他❤️北海道8.0牛乳草莓芭菲嗱！個雪糕唔係講笑，係好好食好重奶味☺️☺️吉士醬又好香滑大推薦👍🏼👍🏼👍🏼同行仲食左個Royal french toast 呢個有少少劣，個多士唔脆嘅，浪費左我食甜品既quota 😢😢一上碟就有啲失望，見隔離枱叫佢另一個招牌french toast 吸引好多，差極遠😂😂

和朋友吃完atum唔滿足，轉場黎食甜品。Pancake 賣相吸引，適合打卡，口感算鬆軟，但當然不夠梳芙厘鬆軟。味道不會過甜，算好食。梳芙厘上枱時搖搖晃晃，非常誘人。有空氣感，味道比另一款較不甜，相對而言個人比較喜歡另一款。奶茶都幾貴，差不多同西多士咁貴，本身以為係有茶壺茶杯自己倒，一上枱見到已經沖好一杯有點失望，但奶茶味道香醇濃厚，奶味濃郁，而且比較杰身，味道有驚喜，加了糖也不會只剩下甜味，有奶味有淡淡茶味。50多元不會算抵飲，但至少覺得有其特色。

下午茶時間食個甜品，心情都特別愉快☺️·🍵 Uji Matcha Soufflé 🥞Soufflé Pancake既空氣感十足又不失口感，好軟綿綿好fluffy🤤成個甜品十分有層次🙌🏻 配料係唔同濃度同口感嘅⭐️宇治抹茶⭐️口味，🍨抹茶雪糕、抹茶醬就較濃味，抹茶cream就滑口啲甜啲，仲有同抹茶好夾嘅紅豆蓉😋·

由於星期日下午，我在尖沙咀購物商場「K11」地下的美式熟成牛肉漢堡包餐廳「The BuXXher's CXXb Burger」裡面購買的漢堡包套餐太快製作完成，我未到下午六點晚餐時間，就已經食完整個牛肉漢堡包套餐。於是我被迫需要再在「尖沙咀」鬧市裡面，尋找適合繼續光顧的食店。不過今次需要在星期日「尖沙咀」裡面找的晚餐食品，不需要針對「牛肉」，或者其他肉類食材製成的晚餐，就算食甜品也沒有問題。畢竟我在「星期日」裡面享用晚餐的要求，跟平日的晚餐非常不同，所以也可以在尖沙咀商場「K11」或者旁邊的食店裡面，尋找我想食的食品。結果我在尖沙咀「K11」商場的地庫一樓樓層裡面，找到我上手「開飯喇」戶口還在使用的時候，曾經親自拜訪和光顧過，以日本「梳乎厘班㦸」作為招牌甜品的餐廳「PAN de PAIN」。我上次拿着「開飯喇」戶口和手提電話光顧尖沙咀「PAN de PAIN」，選擇了享用「PAN de PAIN」裡面的蘋果加焦糖甜味，還有爽脆口感核桃的「梳乎厘班㦸」甜品，還有享用甜味手調蜜瓜鮮奶飲品。由於「PAN de PAIN」那一杯手調日本蜜瓜鮮奶飲品，實在有太過濃厚日本沖繩的風格，飲品裡面的日本