影片
又系经过见到卖相都几吸引下系有D黑点差D🥴香印提子挞香印做到爽口挞系曲奇皮咁都松既中间系cream欣赏个cream好有奶味结: $53黎讲试一次就够啦其他味都不太会主动试啦#香印提子挞#pforpastry
继续阅读
买两件挞八八折！晚上见到呢度嘅挞好靓，加上店员宣传两件挞八八折，于是想买几件嚟试吓。由于有选择困难症，开心果嘅味道、伯爵茶嘅外貌，同埋想食水果嘅冲动，所以我买三件挞。到比完钱，朋友先发现，原来真系得两件挞有八八折，第三件卖返原价，我买完之后有啲被欺瞒嘅感觉，早知净系买两件来攞咗个优惠就算啦。不过其实个挞食落都麻麻哋，唔会再有下次帮衬。香印提子挞$53- 起初就系比呢个香印提子嘅靓样吸引到，提子皮有啲苦涩，相比起之前在日本当地食嘅香印提子当然系冇咁大粒同甜啦，不过呢个算系三个挞之中最好味。中间嘅忌廉打得轻盈，挞皮富有牛油香味，有一个弊病三个挞都有嘅，底层挞皮太厚太实，食落去好硬、影响到口感。开心果挞$53- 冇错，开心果味好浓郁，咸咸地。但系口感冇香印提子嘅忌廉咁轻盈，有少少似食紧牛油嘅质地，好济。伯爵蜜桃挞$48- 呢个同样个质地都系太实，冇开心果咁济，味道甜少少，伯爵茶味同蜜桃味两样都食得出。所以排名会喺香印提子同开心果之间。
继续阅读
近排好忙好多野做, 一到晏昼就好想食甜野今日经过P for Pastry见到有$120三个挞一于买返几个同屋企人分享美味<日式焙茶朱古力挞>大食妹最爱火炙过嘅野食, 感觉瞬间好食左个level原来火炙嘅部分系棉花糖, 下面系特浓朱古力同焙茶朱古力, 入口有啲似生朱古力, 配搭nuts同牛油挞皮好食又饱肚<苹果拖肥挞>苹果拖肥都唔错, 又fresh又甜, 一次过满足你两个愿望<香印挞 及 香印蜜桃茶挞>想食得天然健康少少可以拣香印挞, 最啱钟意食生果嘅你
继续阅读
有一日行行下商场，见到呢间细细地嘅cake shop，就比佢五花八门嘅手工挞吸引咗❣️平均价钱系$50-$60不等，最后买咗柚子柠檬挞试吓，试完之后真系返唔到转头，哈哈。🥧柚子柠檬挞成个挞望落去已经份量十足，我系要用刀切开4份嚟食😂柚子好挺身，甜甜地，再配搭埋酸酸地嘅柠檬，酸酸甜甜好开胃，最钟意个饼底，好香曲奇味，而且好厚实，饼底嚟讲我比较钟意呢种挺身一啲，唔会一咬就碎晒🤣而家间中会买嚟食，当奖励吓自己💕
继续阅读