OVO CAFE

营业中

休息中

Lunch time知你地好多人，都好耐心喺門口等。但係眼見條隊越來越長，啲枱明明執好又仍然唔放人入，好幾次女侍應經過，都望一望嗰幾張枱，又望一望門外人群，然後都拎轉面走咗去吧枱送餐。就算廚房煮唔切，安頓好門外啲人坐低先都好丫？你知嘛，有啲人真係好黑仔，喺門口白等咁耐，入到去，居然壞paywave機呀！我最終係只能夠唔食嘢離開呀！我唔嬲你壞機呀，我只係想話你如果一執好枱就放人入，我諗我有多起碼15分鐘去搵其他地方食lunch呀！你知唔知一個lunchtimes 有幾長時間？我到而家都諗唔明呢個係咩SOP? 點解要啲客喺門口望住張吉枱等咁耐？

靚靚Cafe，充滿綠色植物好配合餐廳本身係提供素食嘅主題！今日試咗個Ovo Green Garden，菜係新鮮嘅，但牛油果就比較想像中少！不過不失！另外嘅牛肝菌闊條麵就真係非常之好食！推介！試咗Dirty都係一般拿鐵正常可以！環境舒服但係食物份量係比較少嘅！如果想舒適抖抖Hea下，同朋友傾吓偈，都係一個好嘅地方！啊仲有其實佢係附屬一間同名嘅高級傢俬店，有生活百貨，食完可以行吓或者行完之後先至食都可以。好鍾意呢一類型嘅舖頭……二合一

位置其實唔係好方便，不過朋友話想食素食就搵到依間。環境都幾靚，成個感覺都好green，擺咗好多植物，好似話係同花店合作？！🤭Tom yummy $95Orange passion fruit smoothie $48.叫咗個主食冬陰煮刀削麵加啲雜菇，刀削麵煮嘅時間岩岩好，唔會太冧幾有咬口同煙銀。冬陰味都ok唔會太淡。不過略嫌佢個份量有啲少，食曬都唔係好夠飽🥲🤭🤭杯smoothie佢話有orange and passion fruit，不過主要都只係飲到橙味同咬到啲橙肉，passion fruit真係飲唔出😂😂

食完再食 食完再食嘅餐廳😋愛上ovo cafe❤️我同朋友唔太鍾意濃味呢間餐廳嘅選擇多 🤩而且性價比高下午茶就更抵食👍🏻發現呢間餐廳後 就唔想去其他餐廳😆～～～～～～～～～～～～～～～～～～～➡️黑糖豆腐冰沙 唔會好甜 裡面有豆腐花 👈🏻一定要飲.➡️黑松露薯條味道好好 個醬好好味 係黑松露油加蛋黃醬.➡️牛油果薯條相對普通 但都好食嘅.➡️南洋薑黃麵 好香 但唔會過濃味 .➡️tom yum 刀削麵味道很不錯 朋友食完再食.➡️忌廉意大利飯味道是很好的 義大利飯愛好者一定會鍾意 只係餐廳其他食物比較特別 會想食其他出面無嘅食物 ～～～～～～～～～～～～～～～～～～～

環境幾靚 感覺好green配合返食素食既環境💚Lunch time 只有set menu🍽Set lunch 有soup🥣salad🥗/ coffee☕️叫左個牛油果醬蕃茄Burritto🌯 $82味道一般, Burritto 個皮有d硬不過呢個價錢 喺灣仔區有素食 又坐得舒服 都幾好既👍🏻紅菜頭湯同埋black coffee 都ok朋友叫左個pad thai 佢話好食 不過有d辣🙈🙈支持素食💚素食一族可以黎試下🙈

星期六lunch time去食,都算全場滿, 等咗一陣位...門口比較隱蔽,要上網睇先知道呢個位置係間Cafe餐廳內環境都算特別,好多花花草草,似坐咗喺個花園入面,小清新感覺我哋叫咗兩個小食, 兩個意粉黑松露醬薯條-值得一讚佢嘅薯條每條都好脆,個醬都好食芝士焗西蘭花-芝士份量少咗啲,白汁好水,可以結番少少肉醬溫泉蛋扁意粉- 個蕃茄醬超級淡,唔知依間餐廳係提倡健康定點落少咗調味料!?可以再濃返少少Tom Yummy- 呢個面我認為係最好好夠香椰奶味,好creamy, 冬陰功口味,酸酸meimei,好開胃但飲品方面,有一個小不滿...就是朋友叫了一杯紫薯鮮奶, 在落單的時候, waiter有建議大部份人都飲熱嘅,但大熱天時,朋友想飲凍嘅,所以我哋話想試吓凍, 但waiter冇同我哋講返如果轉凍要加$6,order完睇單先發現被加咗$6, menu雖然有寫,但唔係寫係同一頁,加上我哋冇expect到紫薯鮮奶係熱嘅,建議下次同客人講多少少,可以清晰點!

天氣熱，唔想行咁遠，於是近近地喺公司附近食。唔係第一次食Ovo Cafe，但每次食都覺得好好食，無一次係令人失望。今次揀左$98既Bento Set，裡面有：沙律、麻醬蕃茄、酥炸杏鮑菇、紫菜藜麥飯、啫喱，送一杯蜜糖綠茶，成個set好豐富，賣相好好，喺灣仔番工既朋友不妨試下！

上網見到間餐廳係同花店crossover覺得環境好吸引好適合同朋友坐低慢慢傾計而且係一間以素食為題嘅餐廳餐廳大概有20-30個位個日weekend去大概一半full樓底好高空間感十足睇得出有花心機係裝潢上較為自助形式，揀好野食之後自己去cashier order餐廳職員有提供紙袋比你放口罩好貼心大部份付款方式都有(八達通,Alipay, Wechat等)蕃茄乾松子仁香草醬長通粉味通唔錯不過通粉較為硬身而且可能香草醬本身味道較為單一同朋友嗌幾款main course share會無咁悶素南洋沙嗲雞串配炸蝦片我見英文係寫 veggie shrimp crackers估唔到蝦片都有素沙嗲雞好惹味非常推介玫瑰青檸味好青新配上burger同沙嗲濃味食物恰到好處不過如果單叫價錢略貴左少少

Went to this restaurant with an open mind as a carnivore. The decorations and atmosphere of the restaurant is very nice with nice bonsai trees. The crown jewel - the food - however is very mediocore and this is a prime example of trying too hard to be innovative. Breaking the rules is okay, if you know them. But when you got to wait 40 minutes for a drink, you certainly don't manage what I'd call "the basics" or "the rules". The pea drink tasted really like nothing.Had the vegan Bolognese pizza

⿻⿻ 𝘖𝘝𝘖 𝘊𝘢𝘧𝘦𓏲𓏱𓏭𓏭呢間OVO Cafe係灣仔嘅大廈地下 比較餐廳type 嘢食選擇幾多 款式都幾健康 ٩( ´ᆺ｀)۶佢個環境幾舒服 大量嘅花同綠色植物令成間鋪嘅感覺比較悠閒 晚餐嚟食有唔少主食揀 最後揀咗superbowl同slim power Superbowl好豐富 大量嘅蔬菜、牛油果、車厘番茄、藜麥、紅菜頭 仲有麵包同蓮藕脆脆增加口感 健康清爽又食得飽 𓎦Slim power係番茄汁菠菜猴頭菇蒟蒻粉皮 平時都好中意食蒟蒻麵 蒟蒻造嘅粉皮都好食 同茄汁意粉唔同嘅係食完冇咁漏 加上猴頭菇類似肉嘅口感 成餐冇肉都滿足～𓏲𓏱𓏭𓏭Superbowl $115Slim power

拜完山行到攰攰會地行咗去附近嗰間素食Cafe貪嗰度坐得舒服又唔會太嘈而且最重要係每次去到都唔需要等好耐就有位不過呢一點唔知係好事定壞事今日叫咗Avocado & Tomato focaccia 呢個都幾有驚喜原本以為都係平平無奇呢個充滿墨西哥風情香料味道嘅包包加埋牛油果醬蕃茄片再加牛油果片三重配合好似置身咗喺墨西哥香料嘅旋風入邊雖然好似講得太浮誇但係呢個真係有啲驚艷食嘅時候會有濃濃嘅香料味喺個口入邊盤旋但係食完嘅時候又唔會有好大浸香料味殘留喺口腔入邊呢個係我估唔到嘅感覺同口感跟住仲嗌左兩杯嘢飲Ice Americano：味道偏酸Rock Salt Rose Latte：係好飲嘅不過太甜

利申：我係廚師,做過幾間西餐廳,所以對樓面的運作都略之一二.話說我跟朋友去吃lunch,慶祝生日.餐廳限每枱用餐90分鐘,而且有一服務寫明「收切餅費」,換句話「客人可在餐廳裡吃生日蛋糕」.帶了蛋糕去做餐廳,有位waitress幫我拎去雪住先.跟朋友就坐時,發現坐位空間勁窄,勁掃興！唔講以為去深水涉舊區吃飯,我都忍住住話「係M記坐仲舒服！」90分鐘用餐,,我地45分鐘內已吃完正餐.仲有45分鐘可以吃蛋糕.於是我叫waiters拎蛋糕出來.佢話「下午時間不設切餅」(網上完全無提過),好吧！我說「不要緊,我地自己切」,而個waiter好似耳聾咁,繼續重复講「下午時段不設.....,」之後直接比番蛋糕我地。慶祝生日的活，我絕不建議大家去！食物味道都對得住環境/價錢.二人吃加飲品預300-500元左右！但服務勁差！

Always a pleasant experience to dine here. The set lunches are pretty value with a soup, salad and a main for under $100.This time I tried their new menu item : bento, such I requested for without garlic/onion.Overall the bento is quite rich as it had cheesy broccoli and cauliflower; flavorful beetroot noodles (I am not a big fan of beetroot, but this one is amazing yummy and acceptable) and rich chocolate brownies.

Happy new year!!!! 過去嘅2020大家辛苦了🙇🏻‍♀️所以今日就想同大家介紹一間，位於市區，但同時又充滿大自然感覺，可以比大家洗滌下心靈，又支持下環保，事關呢度其實係間素食餐廳來嘅🥰呢間餐廳係花店嘅盡頭，坐位都算多，但食客會覺得好有空間感，好慢活同舒服嘅感覺，餐廳嘅設計同擺設都好有心思，務求令客人感受到恬靜嘅感覺😌滋味小食拼盤$78🍢拼盤入面有竹香卷，素雞脾同素雞串。竹香卷好香口，咬落去味道十分濃郁，點埋酸辣醬超級惹味😍素雞脾🍗外層係腐皮來嘅，食落好鬆脆，感覺到一層一層嘅薄腐皮，而且同酸辣醬真係好夾。最後就係素雞串🍡，淋上沙嗲醬嘅雞串食落帶有口感，而且味道超濃🤤沙嗲醬一直徘徊係口腔內~Combo set$168🍱是日餐湯：藜麥粟米湯🌽-雖然質感比想像中稀，但勝在營養價值高，而且味道帶有天然嘅粟米甜，仲有藜麥同粒粒粟米增加口感沙律：羅勒番茄水牛芝士沙律🥗-番茄新鮮多汁，水牛芝士濃郁creamy，本身已經好夾，加埋黑醋之後，感覺味蕾上更有衝擊感主菜：椰奶煮冬蔭刀削麵醒雜菇及豆腐乾🌶呢個係餐廳嘅大熱之一，果然名不虛傳🤩椰奶同冬蔭醬嘅濃度同份量調配得好好，味道令人覺得非常深刻，

Ovo Cafe是一家在灣仔中心的難得少人的餐廳。一進餐廳看到幾位staff 在插花，又有有大量植物佈置，彷如進入異世界。今天見到不少人食Bento Set 所以都點埋一份。有信田卷，沙律，溫泉蛋，烏冬，茄子同 brownie. 又可以揀americano。 每一道菜好有心思， 絕不單調。 烏冬有配芝麻醬， Brownie 有石榴陪襯。本人十分推薦燒茄子皮脆內嫩。 Americano 帶有微酸不苦。