Outback Steakhouse (MOKO新世紀廣場)

营业中

休息中

今日去到旺角食飯，想起很久沒有去吃黑糖包就和朋友去六樓食飯，原來都幾多人，幸好等了不用一小時就入到去，期間仲有人比汽水等位，都幾窩心。有不同的餐選擇但因為二人不太餓，就決定散叫，叫了一個扒和意粉，用了openrice優惠有八折最後價錢約四百三十左右。豬肋骨，牛扒再配菜和薯蓉，豬肋骨好淋身味道都濃不錯，牛扒有點硬肉汁普通，只可講醬汁幾好味，配菜好味，薯蓉好軟熟又香，不過菜就有失望得好少而且不好味。另一個蕃茄海鮮意粉，意粉都幾好份量多，蕃茄醬不夠蕃茄而且比較酸，比較油了點，海鮮比較少。

今日約左同事去旺角Moko Outback 一聚吃個lunch set，話說已經好耐無去，仍然係好高水準的餐廳，唔洗等位去到可以即時入座，讚！而且午餐好抵食又好味，簡直大滿足一坐低先來最喜歡的黑糖包配cream，好正，非常推介！再來沙律和香濃粟米忌廉餐湯，好美味豐富，未食主菜已有點飽意我們二人各點一個set，首先來的是燒雞肉芝士夾餅配薯條，份量好大份，芝士味好濃加埋雞肉好飽肚，熱辣辣厚切薯條超正，薯條控必點之後來的是磨菇芝士漢堡配薯條，厚切安格斯牛配芝士大大片，好吸精亦都有水準，但若牛肉汁多d會更吸引非常豐富的午餐，吃著美食加傾下計，快樂時光過得很快，下次一定會再來

去得outback真係為左黑糖包，星期一至四某信用卡有個特價嘅套餐可以食埋個斧頭扒，不過斧頭扒有d生。覺得水準比以前差左，個意粉乾爭爭冇乜味，其他嘢都係普通，都係黑糖包最好食。

今日難得約左舊同事聚舊! 當然要一早book定位啦! 星期六日呢D時候，唔book定位都真系要等到天荒地老都食唔到，輪到你都可能系食tea set。所以假期一定要book枱啊! 普遍黎講，outback既lunch set其實唔貴既，100-300都有。lunch set會包埋湯，沙律，最出名既黑糖包同埋一杯飲品。咁既價錢食得落啦! 沙律正正常常，但系個餐湯真系要講一講。雖然睇落去好似冇咩特別，但系飲左落去其實有好重既忌廉湯味道。感覺就好似將忌廉湯既精華濃縮左咁，完全唔可以同街外個D忌廉湯比較。抵讚!我地三個每人叫左一份，再大家share黎食。首先登場既系雞肉餅併薯條，呢個主菜跟埋芝士醬嫁! 雞肉餅其實唔算話好有味，好多時都要靠芝士醬黎調味，好彩個芝士醬完全唔膩，落多少少都冇問題。而雞肉餅裏面既雞肉都唔會好柴，可惜系啲肉既分配其實唔均勻，有D比較多有D比較少。 第二個菜系牛扒仔，雖然睇落去好細份咁，但系其實都幾厚身，我地叫左5成熟，因為7成有時會太老。好彩叫左5成，感覺岩岩好，可以方便分開幾舊細既大家一齊食！第三個系蝦飯，蝦飯反而系我覺得最好食既主菜，佢既飯經過特別處理，好惹味，而且飯

N年冇食過outback啦，對上一次食可能係6、7年前，今日經過有outback的地方，所以就去食下。以前都係食晚餐，今次試下食lunch!這裡午餐時間有lunch set，會比晚上的價錢平!lunch Set 包括有湯、沙律、麵包、主食同埋飲品!餐湯為粟米湯，幾濃粟米味，忌廉湯唔算好傑!而沙律拌入了沙律醬，感覺清新!黑糖麵包，相信係每個客人黎都會好中意食的麵包，堂食可以任添，所以成日聽朋友講會叫2、3次!不過因為我同友人都係第一餐，所以就只係食左一個就冇左添了!從前唔太中意食黑糖麵包，今次覺得甜甜地又熱辣辣，幾好味，加上搽上牛油後味道更正!芝士白汁燒雞肉雜菜寬麵($128)，冇諗過份量咁多，可以足夠兩個人食!雞肉有稍稍烤過，味道香口!當中還有西蘭花甜豆等蔬菜，感覺健康!而因為係白汁再加芝士的原故，所以有點漏!美國安格斯肉眼牛扒($218)，這裡的牛扒唔算厚身，但都幾juicy，牛肉味都幾濃!還有一些粗薯片，鹽份剛剛好!最後還點了檸檬茶作結，糖水是自己落的，所以唔怕太甜!唔知係咪下午2點幾的原故，唔算好多人手，所以有時都需要一段時間先搵到店員幫忙。而食物感覺又好似冇以前咁好食，如果要再

我今次其實係食旺角新世紀廣場的分店，星期五晚上約9時到達，但係由於係星期五所以要等位，我同老公兩個人大約等了15分鐘就可以入座。今次叫了個晚餐set，前菜有沙律，黑糖麵包，栗米忌廉湯，個湯好多栗米好甜好好味👍主菜有龍蝦尾配鐵板牛扒，叫左5成熟，肉質都軟身好味，配菜的露筍都好味😊雞肉蝦芝士寬麵，好香芝士重可以拉絲。另外，我地重加左個炸磨菇，好好味，炸粉唔算厚磨菇重好多汁👍呢個set都好夠兩個人食，我地最後都係食唔哂，依家匯豐信用卡重做緊優惠，不過星期一至四就抵食d。

it's a soggy ,rainy and dull friday in late august,went to MOKO shopping mall to eat a filet mignon steak,it takes quite a long time,but worth it because it is impossibly,tender.that fat rendered on the steak is to die for,I would love to see maybe a coleslaw,and less fries,but overall,excellent

My NY strip steak was cooked to a perfect medium rare, the salad was fresh and crisp—And I loved the fact that they were not skimpy with the shaved Parmesan (as you can see in the pic), baked potato was done right, and how can the Chinese screw up iced lemon tea? (They didn’t—it was quite pedestrian iced tea, and that’s exactly what I wanted). The rice wasn’t spectacular, but with so much other food, it was certainly not a big deal.Service was great. They were quite busy on this Sunday night at

OUTBACK下午茶時間. 平日來到, 有一半客人入座, 都算多人呀. 我們一行三大一小, 唔算肚餓. 志在搵個地方坐下, 聚下. 小朋友來到, 可問職員取小朋友的填色紙和全新顏色筆讓小朋友可以專心一會兒下午茶時間的招牌黑糖包不是免費的. 但價錢是十分合理的. 每條只需$10我們點了一條黑糖包和兩份下午茶. 下午茶包一杯飲品, 可選咖啡, 茶或汽水 加$15可以轉為特飲. 燒雞肉芝士夾餅 $72這夾餅常點的, 是比較輕型之選. 夾餅是伴著炸薯條的. 燒蝦凱撒沙律 $72喜歡沙律上一片片芝士份量也足夠. 埋單連加一, $170. 這里提供一個舒適環境, 輕鬆地享受一個物有所值的下午茶.

今日約左朋友傾計食飯，我就揀左去outback 食，幸好朋友早到攞位，唔係又唔知等幾耐。見到匯豐卡做緊優惠推廣，價錢合理，而且套餐食物都啱食。由於朋友唔食牛，唯有揀海陸組合套餐A。餐包：黑糖包，味道甜甜的，又夠鬆軟。餐湯：粟米忌廉湯，味道幾好。凱撒沙律，正常，安全版。我地揀左芝士白汁燒蝦寬條麵，蝦肉彈牙，麵條煙韌，加上醬汁拌麵來食，好味。美國穀飼斧頭豬扒，豬扒好厚，肉質好腍。底下的米飯好入味。反而西蘭花有點失色，有青澀味。加拿大蟹腳，味道一般。

今日下午6點幾walk in，唔算等好耐。潮聖Outback黑糖麵包，黑糖麵包熱辣辣超鬆軟，而我最like就係個牛油whipped butter。仲有王牌炸洋葱花，已如炸薯條般逐條逐條分散，拿起1條沾醬就是了，好滿足。另外仲有凱薩沙律、餐湯。2個人吃，超飽。

聽聞outback lunch set好食，今日黎到moko見到有，當然要試下。先上黑糖包，上枱時仲係暖暖嘅，咬落外面少少脆，入面好鬆軟，搽埋牛油更加香。今日餐湯係粟米湯，有粒粒粟米，好飲但就嫌佢鹹左少少。仲有個沙律，食完咁多樣其實都飽左一段😂叫左芝士白汁燒雞肉雜菜寬麵，有啲辣，不過好香芝士味，係削左薄片嘅芝士落去，啲汁包住每條麵，不過雞肉就乾身左啲。另一份就叫左豬肋骨，好腍，唔洗切一拉啲肉就離骨。仲配薯條，係真·薯條，有薯仔味，仲有薯仔皮喺面，炸得外面好脆。整體黎講，lunch set真係好食又大份，絕對值得再食！

Outback真係久唔久就會食一次，因為會好掛住佢個黑糖飽，芝士薯條同chocolate thunder！無論幾多個人黎，都係必點🤤🤤🤤(Outback 既lunch 都好抵食既)兩個人黎晚餐，我地通常會叫芝士薯條+ 一碟澱粉類主菜+ chocolate thunder。暖暖既黑糖飽，真係極好味。唔過甜又鬆軟，如果可以比錢take away就好啦。因為佢係免費任添，真係有錢都買唔到🥺🥺🥺芝士薯條配上少少煙肉，點sour cream saurce，真係好味到傻左，堪稱最佳配搭🤤🤤今次叫既芝士白汁蝦麵比較淡口，自己落翻少少鹽，不過不失啦。最後既甜品真係世紀級邪惡😱濕潤濃厚既brownie+vanilla icecream+ cream+ chocolate sauce= chocolate thunder!!冷熱口感，朱古力配vanilla，無敵😱😱😱不過兩個人真係好難食得晒，呢度成四人份量，如果有細份就好啦~~~不得不提，今次既短髮女侍應服務好好，好親切，值得一讚🥰🥰

阿媽生日佢又鍾意食西餐咁就揀咗outback laLunch來講幾抵食。我就點左炸洋蔥超級好食勁鬆脆醬汁超夾喺出邊應該食唔到，牛肉串燒意大利飯醬汁非常好牛肉鬆軟香口，牛肋條醬汁BBQ醬非常好，牛肋條唔會太痴骨肉質鬆軟，薯條炸得非常脆口好食過麥當勞嗰啲多多聲。outback最出名係牛扒當然唔會唔叫啦,塊牛扒五成熟唔會太血淋淋咬落去非常鬆軟，廚師煮得非常好唔會好似出邊煮五成熟但變咗七成熟。仲有沙律幾新鮮配埋凱撒醬汁非常好味。

男友好鐘意食佢地既黑糖麵包，貪佢可以無限甘添，佢多數一個人食到4次refil仲有個洋炸蔥，都係每次必叫！而牛排都係保持到水準。加埋薯條每次食完都好滿足！每個月都食一次！