Outback Steakhouse (MOKO新世紀廣場)

营业中

休息中

Outback嘅黑糖麵包永遠都係咁經典。外皮微微嘅粗糙感，配合內裏柔軟嘅口感，兩者達到微妙嘅平衡。除此之外，温暖帶麥香嘅麵包同順滑嘅牛油更係完美配搭。對於怕肥嘅朋友，我個人提議沾湯食，取代牛油，可以令嗰一口麵包有更加豐富嘅香味同味道。另外個芝士餡餅嘅調味適中，而且個蜜糖芥末醬嘅香甜，適宜地解去部分芝士帶嚟嘅膩感，唯一美中不足嘅係皮身略嫌唔夠脆。至於個香辣蝦炒飯整體都不過不失，蝦身有啲太乾，但無傷大雅。至於白汁帶子飯比較膩，不過帶子嘅口感都唔錯，幾彈牙。蕃茄青口意粉都唔差，青口食落幾新鮮，如果濃味啲就更好，酸酸地幾新鮮。

而家疫情禁止左夜晚堂食，攪到而家d餐廳都早收左。打機打到唔知時間，一完鋪機已經8點半，即刻開openrice諗住手機點餐，點知見到寫住“即將接受訂單”，即係無得訂喇，心感不妙!即刻趕落去見到好似都執緊野，好彩仲做埋我地生意平時食lunch已經覺得好味同算抵食，有湯有包有野飲。因為太晏喇，無左我最愛嘅香辣燒蝦飯，咁就試下芝士白汁燒蝦寛麵，男友就揀左燒澳洲羊扒。等左20分鐘度唔算耐丫，個姐姐仲話俾多2條黑糖包我地，因為都收工喇佢嘅黑糖包係出名好食架!個麵好大兜，芝士味濃，係硬身左d，都接受到羊扒出奇地原來配埋特色雞味飯 (其實我地無睇清楚) 咁真係好飽肚。叫左7成熟 (或全熟)，拎到返去都唔會焗到硬哂，好香好味疫情價食真係好抵下次試埋其他款先

諗住佢外賣有折好抵食，所以決定買外賣返去食，因為唔想食咁多，所以叫左芒果雞沙律，但返到屋企後發現變左燒雞肉芝士夾餅。食物賣相同味道唔差既，不過希望下次唔好錯單。

今天和朋友來到位置在旺角的新世紀廣場六樓outback 餐廳， 因為現時疫情的原因而有出優惠可以lunch set 做半價！ 對我來說太吸引， 因食開outback 一向食物質素信心保證，所以和朋友決定食呢間了，我們分別點了有芝士蝦意粉和香辣香蝦飯，兩個都有驚喜，配上outback 自己做的黑糖味麵包和忌薕湯，新鮮好味使我們都真的好滿足啊！ 價錢埋單兩個餐都係140多元，實在平平，下次來旺角新世紀廣場可以多一間餐廳品嚐美食了！

今日午餐決定出去食，見到呢個set lunch精選餐牌，低至$98已經有交易，想坐得舒服d就呢間！套餐包招牌黑糖包一客，鬆軟好味，無得輸！之後餐湯及沙律上枱，是日餐湯為忌廉西蘭花湯，有西蘭花味道但調味好咸呀，咩事呢？唯有要用黑糖包及清水中和下！沙律普通水準！主菜點選鮮茄肉醬意粉，一客份量對眼，面頭加上芝士碎片，入口咸香，可與意粉撈勻一齊食！蕃茄粒加埋肉醬，酸酸甜甜都幾開胃，食哂全碟無難度！仲有餐飲㗎，熱咖啡入口香濃又夠熱，連奶亦都溫熱埋，夠細心！

成日lunch 都去飲茶，今次特登黎試下食西餐，超多人排隊，等左成半個鐘才入得，次次黎outback 都食dinner,,第一次食lunch 比想像好味。非常之推介芝士夾餅，芝士拉絲可以拉到好長、、非常美味

我地叫左兩個lunch set,咁樣會抵食d, 價錢:✔$108 沙律加燒雞肉芝士夾餅配薯條配飲品(Chicken Quesadillas with chips + drink + salad )✔$118 沙律加芝士白汁雞肉雜菜闊條麵配飲品 (bread+Fettuccine primavera with chicken +drink)。兩個餐都會有餐包- 黑糖面包 Bushman Bread…………………………黑糖面包 Bushman Bread 個包真係好正，好鬆軟，好香，食完係想再叫多個黎食個種。The bread was very soft and smelled really good! We really wanna order one more😋, it's delicious!燒雞肉芝士夾餅配薯條 Chicken Quesadillas with chips 呢個我地擺到最後食，個陣已經比較飽，所以食呢個有d漏。 但覺得個芝士夾餅唔錯，脆脆地，真係好多芝士，鐘意食芝士嘅，應該好開心,好似大卡咁😆。薯條就係普通薯條~The Quesadillas're very bri

今晚特別多人等位正當我等到不耐煩嘅時候有一位戴住口罩嘅美女向在場所有等位嘅人士送一杯汽水等位不耐煩嘅無名火當場熄滅咁嘅服務自然會加一個分數畀佢嚟到呢度當然係食牛扒所謂工欲善其事必先利其器 佢把刀夠曬力仲要提佢任食嘅麵包甜甜軟熟又夠熱一個詞語形容好味 講番佢個牛扒係佢哋我先夠膽食三成熟中間夠曬生但肉又唔會凍原汁原味至好味跟住叫咗個拼盤炸得嚟又唔會乾佢個沙律醬油好好味擺碟亦都好認真之後仲叫咗個海鮮意大利粉醬汁比例亦都剛剛好唔會太重味亦都唔會太淡帶到小朋友去佢仲有顏色筆同埋話簿送畀佢畫畫成餐飯裏面佢哋嘅服務員 仲不停問我哋有冇需要而且服務亦都好好坐得我哋亦都好舒服今晚可以講話係享受咗一餐豐富嘅晚餐

Outback晚餐只吃過幾次，午餐卻吃過好多次，因為性價比高出一截，所以lunch時間經常大排長龍，特別是旺角MOKO分店午餐包括：黑糖麵包、餐湯及沙律，主食，飲品(凍飲不用加錢)黑糖麵包我對黑糖麵包的喜愛程度是非一般的狂熱，有時路過Outback口痕，都會外賣一條黑糖麵包($10)邊走邊吃。無論是堂食或外賣，熱辣辣又鬆軟的黑糖麵包，甜甜的黑糖味道再配上香滑的淡鹽鮮牛油，總是既邪惡又令人愛不惜手燒肉醬味豬肋骨($128)豬肋骨份量很大很長，約有8條骨，肉質Juicy且軟腍，配上酸甜惹味的BBQ醬均勻塗在豬肋骨上，非常入味，是我們最喜歡的主菜。另外還附上一份薯條，薯條粗身有口感，炸得熱辣辣又外脆內軟，十分香口，整份性價比很高燒盲槽魚柳($128)魚柳同樣份量很大，約有成人的手掌般長，魚皮煎得香脆，魚肉嫩滑沒有腥味，且魚味很濃，重點是完全無魚骨，最適合我這種懶人，魚柳底下還配上燒烤味的飯，味道也不錯，但通常我吃光魚柳已經很飽～這份跟豬肋骨同樣推薦午餐價錢親民，份量足，味道不輸晚餐但便宜很多，我還是會繼續來吃lunch

今日到MOKO逛街，接近傍晚時分肚子餓了起來，剛好看到OUTBACK的下午茶還有，就來吃飽喝足囉來的時候也可以選Lunch Set，我們不算太餓吃Afternoon Tea Set就足夠啦。黑糖包香脆的黑糖包，在午茶套餐是要另外加點的。超大一個適合當我們的開胃小食。Pork Ribs份量特大的肋排上桌囉這個set還有附厚切的薯條，以及一旁的醃製菜。今天的肋排非常軟嫩，味道相當好，吃完超飽足回味無窮另外有附贈一杯飲品。凍檸茶非常大一杯，好喝也可解膩，搭配肋排很適合。

Outback係我認為一直保持水準既西餐廳，食物質素唔錯款式又多，環境舒適。黑糖麵包👍🏻👍🏻👍🏻👍🏻👍🏻當你點餐後，店員會隨餐附送黑糖麵包，我認為Outback既黑糖麵包十分出色麵包帶點微熱 切落去麵包很鬆軟 黑糖味濃郁， 配上奶油食夠晒香甜  每次都忍唔住再X加 真係超級正洋蔥花洋蔥花真係好大個 好適合呃like👍🏻炸得香脆 粉唔會過厚  味道唔錯 可能得我地2個人食，當食得耐會覺得有少少膩香草蕃茄海鮮意粉食完洋蔥花要食d開胃既食物解膩，我地選擇了香草蕃茄海鮮意粉Outback自家製番茄醬甜甜酸酸可以開胃😋配搭不同海鮮：蝦、青口、帶子及魚肉蝦係用蒜蓉炒，彈牙爽口再加上巴馬臣芝士同香脆既蒜蓉包，美味可口!推介

原來已有大半年無見好朋友，疫情下终於可以同朋友補祝生日。壽星女想食西餐，為左令大家食得開心，於是揀左outback. 除咗唔限時間之外，帶蛋糕去仲唔收切餅費。 我地5個女人都食吾少野，好在未order前经职員介绍下入左2年會籍，即時可享有85折。最後埋單每人平均都係$230元。我最愛黑糖麵包，因為免費，所以我地都再要多一客。今次因為仲有個5月之星生日，所以入座時已同職員講声，到饭後尾声就送左一客芝士蛋糕比我地。下次再一班人食西餐必定再去。除食物夠份量，职員嘅態度都好好。

襯有朋友一齊叫左一大塊斧頭扒一個芝士大蝦意粉一個烤肋骨雞翼芝士薯條拼盤真係好大塊 叫左medium肉味濃郁之餘肉質鬆軟食outback我至愛叫呢個芝士味夠濃 岩哂食肉獸 雞翼夠香脆 烤肋骨唔太乾 可能掛住傾偈芝士薯條嘅芝士 已經硬晒😭😭

⭕️職員全戴口罩⭕️進店前量度體溫⭕️座位明顯疏遠了，連著的卡位也是隔卡位坐人我地係開門的第二張枱入座。已經習慣了，外出用膳跟著餐廳的開門時間，早食一點，安心一點。點餐後，豬肋骨好快就上枱。豬肋骨份量比正常大，好長呀！炸薯條，一如以往的好水準！提一提，薯條係可以轉做雜菜的。個人認為薯條性價較高。豬肋骨特寫忘記了影好好好味的黑糖面包也忘記了影餐的沙律和湯。單點炸磨菇這是必試的，食後會念念不忘磨菇有香脆外皮也保留著磨菇的水份，可能人係磨菇汁太好味！我超鐘意食的。

【 抵食高質 LUNCH 】 早前同朋友去太子 MOKO新世紀廣場行街，到達時已經係 LUNCH 時段，所以我地就去搵食先。我地兩個都想食西餐，知道六樓有Outback Steakhouse，好想食佢個黑糖麵包，所以就決定揀呢間。可能太耐無平日出街食飯了，原來Outback Steakhouse平日有lunch set，會比晚上的價錢平好多。lunch Set 包括有湯、沙律、麵包、主食同飲品，都幾抵食。我地點了兩個 SET，一份燒雞肉芝士夾餅配薯條，一份燒加拿大有骨黑毛豬扒。餐點後好快就先上黑糖麵包，堂食可以任添，我同朋友都勁鍾意食，所以叫多了一次。佢地個黑糖麵包甜甜地微暖，搽上牛油後味道更突出。餐湯和沙律不過不失。燒雞肉芝士夾餅，隨碟仲有薯條，份量都幾大份，芝士味好濃加埋雞肉幾飽肚，厚切薯條都唔錯。燒加拿大有骨黑毛豬扒，黑毛豬扒SIZE不大，一個人食都覺得細份，下面係飯同蘆筍。