Outback Steakhouse (尖沙咀中心) (已結業)

前茶麵包仔是可以任添的，好開心!個麵包仔真係好正，熱辣辣，甜甜地。伴邊的醬口感特別，唔會太膩，真係一叫再叫!香脆薯條混芝士好食!根根薯條都可以沾到芝士，有埋咸咸地既煙肉吊一吊，惹味非常。特別推薦係杯野飲，真係好足料同好好味。餐廳好好，知道我唔飲酒專登可以唔加酒精入香檳蜜桃沙冰入面。沙冰入面有粒粒果肉，而且生果味道層層分明。冰飲落唔會太凍，溶解後依然保持住鮮味，係全晚既亮點!!!!!!但沙律同意粉認真麻麻😯。香煎蟹餅沙律得個蟹餅好食，啲牛油果、菜都唔太入味。而且口感好淋，令人有唔新鮮爽脆的感覺。地中海雞肉意粉好難頂級，可能係個人口味，啲欖味真係濃到不得了。成個粉除左欖味就冇其他味啦，而且個味唔係香，反而係刺鼻同草腥。唔係olive頭號fans建議唔好叫。

突然心血來潮想鋸扒，第一時間諗起outback, 呢度亦都算係一個“是但”之選，每次諗唔到去邊度食，呢度都係首選。既然係即興，所以等位在所難免。差唔多每次黎食都係習慣幾個菜色選擇，牛扒＋沙律+炸洋蔥+啤酒，而今次都唔例外。正因為次次都係食差唔多既食物，所以我都算見證outback食物質素既up & down. 今次質素係有70分～1. 塊扒叫4成熟，上碟應該有起瑪7成. 而且肉質比較實，唔夠juicy2. 沙律水準保持3. 炸洋蔥水準保持4. 服務反而係今次死証，好似大部份樓面都係part-time, 完全遊緊雲咁。

星期五約左班舊同事去這間餐廳聚會，這兒食物出品很好，而且服務態度一流。先說前菜， 前菜有沙律和黑糖面包，沙律很新鮮，有微微芝士香和香草味，很開胃，令人食慾大振；而黑糖面包亦很好味，唔太甜，作為前菜很適合，份量也剛剛好。其次是主菜，主菜有兩款， 分別是安格斯牛扒配雞味飯及薯蓉和肉眼扒配雞味飯，牛扒我們選了七成熟，牛扒肉質很好，很有口感， 配黑椒汁，味道更突出。 小食方面，我們點了燒豬仔骨，豬仔骨醬汁很好，肉質夠唸，醬汁和豬仔骨兩者配搭得天衣無縫，令人一試難忘。 侍應仲特別推介了芝士煙肉闊麵，味道亦唔錯。最後是飲品， 我點了一杯Playground punch 即士多啤梨沙冰特飲，跟一般果汁或特飲唔同，有很香濃士多啤梨味，沙冰份量適中，亦唔會膩和止渴。整體而言，食物份量很足夠，而且食物質素很好， 是三五知已聚首一堂的好去處。PS: 侍應溫馨提醒我們食住先，唔夠再點， 這亦令我留下好印象。

晚飯時間到了outback，等了不久就入座了。outback的份量都很大，又有黑糖麪包送，所以兩人都吃剩了東西。小食拼盤：貪可以試晒炸雞，燒肋骨和薯條而叫的。但原來每樣也只算一般，炸雞有點乾，燒肋骨也有點咸和乾，薯條沒什麼特別。如果每樣單點就不好了。意粉：已經忘了叫什麼意粉，但總之很好味！因為本人偏好忌廉，而呢個意粉好重牛油和忌廉。但好快就食滯咗。chocolate thunder:其實來outback主要是為了這個甜品，本來已吃得很飽，但還是能把這個甜品吃完！凍冰冰既雪糕加埋暖暖既brownie，再加忌廉，真係好好味，一定要點！最後吃得超飽，下次兩人叫一個意粉+甜品應該都夠了。

扒房配角正過主角唔知有冇人同我一樣，去Outback最主要都係為左食佢個黑糖麵包呢？司令每次去都起碼要refill一次個包先夠喉架。：P Outback既野食雖然都唔平，但勝在夠大份，標準既美式份量。洋蔥炸到好似一朵花咁，四個人食一個先岩岩好，建議人多先好叫，因為炸野如果食唔曬打包，翻熱都唔好食啦嘛。另外叫左個小食拼盤，有炸雞、排骨、芝士薯條，三樣野都非常香口好食，配既醬非常重口味，其實唔拈醬都好夠味。最後叫左個牛扒，牛扒可以揀兩種配菜，司令就揀左雞味飯同薯蓉，一上枱，嘩個飯仲大份過牛肉，但唔好見佢個樣咁普通，仲好食過個牛啊，因為個牛太多筋啦，一啖都要咬好耐先吞得落。總括尼講，司令就覺得Outback真係配角正過主角啊。

因為朋友的生日，決定訂位在outback豪食一餐！Outback的黑糖包是我最想前來的原因之一！而且是免費任吃的！我們一行3人，點了個rib，呢度d豬仔rib蜜汁夠味，但多點汁就更好。再加了一個必點的outback薯條，一如既往的好吃，很脆很粗，醬料是類似ranch sauce 的東西，淡淡的，配搭一流。醬料可叫服務員添加的，因為我沾很多的。最後，也叫了一個芝士雞粒配蒜蓉包，是有很濃郁的芝士味，但好咸，又70多元，不太值得叫了。

今日有好幾位同事生日, 所以就選擇去左outback 同十月之星慶祝喇…今次每人都揀左自己既心頭好，我就揀左五成熟既西冷牛扒。嚟outback吾食牛真係太浪費喇，因此見到餐牌有提供就要叫嚟試一下～上枱時見西冷仲滲出少少血水，入口卻煙煙韌韌 咬都咬吾開 真係可惜可惜……晚餐既質素一向都好高，每次叫一份Eye Steak兩、三個人總會覺得吾夠喉。今次哩個午餐既西冷牛扒真係令人大失所望我地仲叫左個爆炸洋蔥圈share,呢個小食就好食好多,可能我鍾意食香口野啦!

對上一次去Outback食晚飯已經在差不多一年前，還記得餐廳的食物出名份量多，是一大班朋友聚餐的好地方，順便亦可以試多些不同的菜式 。食飯當天才記得打電話預約，但9點前booking已滿，所以決定早點來walk-in等位，最後等了大約40分鐘才入座，尚算可以接受 。點菜後首先奉上這裡的特色黑糖麵包，微熱，吃起來鬆軟可口，並帶有少少甜味和麥味，一試傾心。我們好快就把它消滅，然後忍不住立即再點多條來吃，完全忘記之後點的菜式份量也挺大 。因為好多頭盤小食都想試試，討論了一會也決定不下，所以就決定點肉醬味肋骨雞翼拼盤 Combination Appetizer， 可以一次過試齊炸雞搥，芝士煙肉薯條和豬肋骨 。雞搥微辣，炸得好香脆，肉質嫩滑，值得一讚 。薯條炸到脆卜卜，夾起來拉出一絲絲芝士，配埋煙肉碎，惹味得來亦非常邪惡 。豬肋骨雖然啖啖肉，但肉質較乾身，並且略嫌偏甜。主菜選擇了肉眼扒拼豬肋骨Steak & Ribs Combo，因為其中一位朋友不太吃生食物，所以肉眼扒選擇了5成熟，讓她可以吃肉邊較熟的部分 。牛扒切起來仍見到中心呈粉紅色，帶有嚼勁，不過我還是較為喜歡3成熟，相對較多

同朋友慶生， 突然好想食炸洋蔥同黑糖包， 即刻提意嚟outback， 預先book左位， 所以唔洗等， order左以下食物黑糖包(free): 食左5round, 唔洗講都知好味， 外脆內暖， 仲好香黑糖味炸洋蔥: 係好鬼正， 脆卜卜包住洋蔥， 點埋個微辣醫汁， 惹味到不得了炸磨菇: 炸醬脆卜卜加埋香香磨菇味， 都唔錯喎小食併盤: 有炸雞， 芝士煙肉薯條同埋豬肋骨， 不錯， 味道正路， 係炸雞有啲乾肉眼10oz併豬助骨: 肉眼5成， 嚟到有7成熟， 肉汁有， 但如果5成會更加好安格斯steak 12oz: 剛好5成熟， 好軟熟， 又多肉汁， 配磨菇汁好好味凱撒沙律: 正常無咩特別埋單八百中， 好抵食!!跟我地台個哥哥好nice, 好好笑容， 好細心^^

不管是哪一天，尖東這間outback的晚市必然是要等位的，只視乎等多久而已。預早訂了座會好一點，起碼也只不過等十分八分鐘。這羊架貫切了outback「大件夾抵食」的宗旨，一份有四件，而且每一件也非常肥美肉厚，單是看也很吸引。羊架的肉頗細嫩，能輕易切下去，隨即看見肉汁滿滿的夾雜在肉中。肉味香濃，而且脂肪的位置也是帶著頗濃的羶香 牛扒當然是不少得，size最少有12安士，另附兩款配菜，基本上是非常飽肚。牛扒只點了五成熟，只為了享受那種生與熟之間的柔和感覺，非常raw。牛扒的肉汁加上那鮮濃的肉香，令附送的蘑菇汁失去價值。炸洋蔥賣相非常漂亮，有一種不捨得把它拆開的感覺。在它還是熱騰騰的時候吃非常好味，即使不沾醬汁也很惹味。

環境氣氛都好好的餐廳, 由等位到入座都見到好多外國人, HAPPY HOUR 時段飲野仲好低, 買一送一。我們叫左雞肉意粉, 賣相令我們有小小失望, 睇落去好似好DRY咁, 點知食落去有驚喜, 味道唔太淡唔太濃, 岩岩好。雞肉雖然係用雞胸肉, 但一D都唔"鞋", 好怏我們盲清左碟意粉拉另一樣又係雞胸, 不過係CHESSE & BACON BAKE 雞胸 配薯條, 呢個雖然賣相不錯, 但味道反而一般。雞肉冇咩味, CHESSE & BACON 太油膩, 食左幾啖已經好膩。反而薯條好好味。最後, 用CHOCOLATE BROWNIE 做終結, 完美的終結, 呢個甜品實在太好味拉, 微熱的BROWNIE上放上凍的雪糕, 再放CREAM係上面, 加上CHOCOLATE醬...一啖3重口感.....食完好有罪惡感

上星期第1次食，食完覺得超好味，比起XX星期2,呢間好味好多，今日除左食羊架外，仲食左炸洋蔥及炸磨菇，炸洋蔥個賣相好得，但唔明點解可以切到咁靚，係個醬有d鹹，但唔點都好味，另外炸磨菇有少少辣，但感覺好新鮮，好彩小朋友都食到，每1次都有驚喜，期待下1次。

幾乎每兩個月來一次Outback，今晚特地來試試Prime Rib。首先食個Grill Prawn Caesar SaladGrill Prawn Caesar Salad $128 - 一貫作風大大碟，感覺同望落都好健康，但可以放多一點Parmesan Cheese  Prime rib (12oz) $278 - 叫咗medium rare, 是理想的粉嫩色，肉質鮮嫩，有少量血水，不點汁更可感受到牛肉鮮味，非常喜歡。旁邊的薯蓉非常好味，食到粒粒薯仔。

今日1家人去食生日飯，好彩book到位，我6點3去到已經好多人等位，第1次食，所以有6個人，因為可以試多d野，今次叫左個羊架，超好味，相反件牛扒就比較韌左d, 總括黎講係好味，下次一定會再去，但要1大班人先適合。

久別重逢outback ，還是保持一貫水準，雖然價錢有點貴，但物有所值，無論係前菜，意粉，牛扒，都很有水準！服務方面，服務生都很有禮貌，攞水前會問熱水還是冷水，收碟前亦會問一下，語氣也很好，亦面帶笑容。雖然我哋有book位但其實平日就算walk-in都唔需要等好耐。餐廳環境都算幾寬躺，而且燈光暗暗嘅，氣氛唔錯。