Outback Steakhouse (尖沙咀中心) (已結業)

今日中午同朋友一齊行尖沙咀，第一次試下Outback 。其實附近都有好幾間steak house, 不過價錢都偏貴，見到Outback 的lunch set 介乎80幾至100幾就有找，就衝左入去試下啦每款lunch set 包餐湯，沙律，飲品，餐包和主食。前菜無影到相，不過質素真係唔錯，是日餐湯忌廉粟米湯，粟米足料，飲落香滑。個餐包偏甜，不過加埋d牛油咸咸地就岩岩好，而且餐包外表香脆，內裏綿軟，口感唔錯，唔似得一般西餐廳d包乾爭爭。到左main course 啦！我地兩個人叫三set一齊share。首先係白汁rissoto, d蝦焗得太熟，入口非常“鞋”，個飯落左大量黑椒，對於唔食得辣的朋友來講偏辣，所以成個飯我地只食左一半……第二道菜係闊條面，非常足料，有好多魚塊，而且個汁調得頗濃稠，食落好香，值得一試~最後試埋個ribs, 肉質幾嫩，不過有烤得有少少燶，8塊rib有兩塊都燶左唔敢食，個醬汁就中規中距。ribs 配左炸薯條，好脆，但個人認為偏咸，而且薯仔味唔算突出。總括來講以100幾蚊係尖沙咀食到餐唔錯的lunch, 最滿意係前菜!

由於一向都知OUTBACK 都比較多人我們一行6人一早就BOOK 左位, 其實原先我們是想BOOK 另一間的!我是第一次來,都迷了路....地址是...地庫上層...4位都要找一段時間...其實係地面上一層就係首先地方非常迫, 原先位置係一張4人卡位再加2人檯, 當中有懷孕媽媽...不要說她, 肥一點也進不了位幸好有位置給我們掉位其實我都算OUTBACK FANS , 好幾間都常去, 的確他們WAITER/WAITERSS 是有點不足這一間你會見到有很多行來行去...但要求要一個人黎SERVE 你簡直難過登天我們要求要多一張椅, 足足叫了3次 , 只應不覆同樣要求熱水也叫了2次, 湊水也叫了3次先有人理我們永遠只叫我們等下, 也沒有下文....食物方面:每次都要叫的洋蔥花, 這間連最外層也炸了 , 味道不及其他濃及偏生一個番茄地意粉意外地油及味道也沒有了濃濃茄味芝士薯條不夠芝士及不夠脆其他也沒有再食尖東不會來了

Outback steakhouse 一向予人中高消費的印象，但其set lunch 竟是意想不到的親民， 主菜連餐湯餐包及沙律，平日$78～98，假日也只是貴$10，以食物和服務的質素而言，性價比極高甫坐下便送上黑糖軟包，雖不算熱騰騰，但溫暖軟熟。先試了一點原味，入口有淡淡的黑糖香氣，甜度適中，烘至微脆的外皮配上撒在包上的白砂糖，外脆內軟，口感不錯然後試了一點塗了牛油的麵包，奶白色的牛油質地軟滑得像忌廉/雪糕，沒有油膩感，比坊間的淡黃色牛油輕盈，與微甜的黑糖軟包十分相襯餐湯是粟米忌廉湯，味道中上，忌廉湯除了有粟米蓉增添香氣外還有不少粟米粒，口感豐富。而沙律也是非常新鮮，雖然沒常見的車厘茄，但番茄粒頗鮮甜，不錯Fresca 雞肉寬條麵 $78 寬條麵掛汁力十足，忌廉汁濃稠度適中所以不會水汪汪的，忌廉汁帶有芝士的鹹香，十分惹味，同時減輕滯膩感。雞肉嫩滑而外皮香脆，整體而言是物超所值的意粉，十分推薦Baby back ribs $88侍應端上桌時真是被其份量嚇到，約六至八條的豬肋骨配上一小籃薯條，加上附餐的沙律餐湯餐包及餐飲，一般人可能吃不下！豬肋骨肉質鬆化，輕輕一切已經骨肉分離，不過油脂

今天來到尖沙咀lunch，未到一點便入座，剛好唔使等位，見後來的人都不少要等位。入座5分鐘後便點菜，點了一份沙律及為遲來的男朋友點了mini burger, 一直等，身邊的吉檯也被fill up 了。男朋友來了後，侍應先上了side salad 及soup of the day, side salad 感覺不太新鮮，soup 就不過不失。之後我們一直閒談，後來直到1:30左右，見旁邊不少比我們遲來的客人也上了飲品，部份更有主菜，我們惟有再等一回。之後差不多到1:40時，我們仍然未有飲品及主菜，所有旁邊的客人都已經吃至尾聲了。我們舉手追單，一個男侍應先望了一眼，但沒有走過來，另外有兩個女侍應更在逃避我們的眼神，我們最後等到一位好像較高級的女士為我們跟進，那刻才問我們點了什麼，唔通從未落單？最後1:47 左右食物才來到，公司食飯時間至2 點的關係，我倆只好以食m 記的速度吃去吃這個lunch, 味道方面都沒什麼印象了，總之no return

今次黎系食生日飯!我叫左一個新既T骨，諗住試下睇下好唔好味.本來系叫7成熟，黎既時候系仲有幾多血下😓😓之後就叫左肋骨食.都唔錯再叫左個雪糕.超好食👍👍但系我太飽啦😢重點系佢個度冷氣太細食到出汗盞燈太熱啦😥😥所以好影響食野心情

星期六梗係要出去行下街放鬆下啦當然唔少得食嘢嘅環節講到行街咁就梗係去銅鑼灣近近地就揀咗係戲院入邊嘅Outback steakhouse鍾意星期日食西餐嘅原因係因為佢哋公眾假期都有set lunch弗萊思科闊條麵($88/set)呢個弗萊思科闊條麵有好重嘅芝士味雖然唔知道弗萊思科係乜嘢國家但係弗萊思科嘅闊條麵好啱香港人嘅口味闊條麵配有炸過嘅雞粒 雞粒經油炸後再點上一啲醬汁令到雞粒本身嘅熱氣大大減低闊條麵本身烹煮時間適中令面身唔會太軟亦唔會太硬黑糖麵包黑糖麵包基本上來呢度係一個必食嘅食物雖然叫做黑糖麵包但係麵包食落去嘅甜味唔太重加上麵包送上嘅時候帶一點暖 呢一點可以令到牛油溶化而黑糖麵包配有勁牛油應該係餐廳自己製造嘅呢個麵包真係要嚟呢度先會食得到沙律和餐湯沙律方面其實都係用一半嘅沙律菜餐湯方面令人有一啲驚喜餐湯除咗幼滑 而且仲有好重嘅忌廉味除此之外餐湯上面有小小芝士芝士係熱熱嘅湯上面溶化 所以飲到湯之餘仲食到有一啲芝士嘅味道

之前試過荃灣的Outback，今次黎到尖東既分店，近海旁，有海景睇。頭盤點了香脆薯條混芝士，好新鮮好脆，配合自己最喜愛的芝士，味道一流。肉就揀左安格斯肉眼牛扒，有12安士，用明火燒烤. 附送是日餐湯或公司沙律，及自選伴菜兩款。可配蘑菇燒汁或黑椒汁。肉汁豐富，好有水準。之後點左地中海式雞肉寬條麵，之前未試過，寬條麵配烤雞肉、洋薊、番茄、黑橄欖和淡檸檬牛油醬，感覺新鮮，係唔錯既選擇。牛小排肉迷你漢堡，有四件，配上胡椒蒜蓉醬和炸洋蔥條，仲有薯條，好食。甜品有雲呢拿雪糕朱古力軟餅。大滿足的一晚!

outback 都是我飯堂, 最重要service 超好, 而且汽水餐茶是任飲的, 絕不小家. lunch 由 $78 - 118, 有沙律, 意粉和steak 的選擇. 先會上餐湯和麵包. 麵包很軟熟, 甜甜地, 又可以refill. 這麵包真心好吃, 可惜肚子空間有限. 跟餐沙律用意大利醋做dressing, 蔬菜新鮮主菜的pork ribs 不太夠味, 通常會問佢多拿一碟醬汁點. 意粉等等水準什高. 可以一試

跟朋友飯聚最頭痛莫過於要揀餐廳海陸空拼盤有羊架，豬肋骨同蟹腳 仲有飯底蟹腳略咸羊架尚算合格，唔算韌芝士煙肉薯條芝士可以再多點！煙肉挺香口脆身呢個雞槌只屬普通，味道上沒有太大驚喜雞肉凱薩沙律呢個沙律都幾失望雞肉好乾沙律醬都唔夠Apple cider沙冰甜品反為有驚喜底層係brownie中間係杏仁雪糕上面係似cream狀既雲尼拿雪糕一冷一熱，好好味呀

出糧啦,為左答謝自己返工咁辛苦,所以約埋朋友出黎食好野黎左OUTBACK,因為依度出名抵食夾大件食左個肉眼扒,5成熟所以好多汁亦都仲有D血,D肉咁先夠嫩口,襯埋燒汁食先好食個薯仔先係精華,薯味充足,入面仲有D肉,撈埋食好好味而且唔太油膩,都幾健康

Lunch時間朋友專程過嚟尖咀食野，去左佢既最愛out back，每人一個漢堡包餐。 漢堡包鬆軟，夾住一塊又厚又大件既牛肉，好多汁又juice，仲有芝士同埋大量的蔬菜，薯條炸得香脆，食得到薯仔味，好味

返shift 難得同幾個熟嘅同事一齊放假幾丁友仔走左去outback 食晚飯 摸下杯底談心坐底就會上呢個黑糖包包 佢係肥妹嘅最愛即刻切 感受到仲係熱而且香氣撲鼻加埋個打滑過嘅牛油 入口香軟我同兩個女仔都叫左呢個cider 有mango strawberry, 同另一個係margarita 洋蔥花 呢個幾乎係必叫item 因為好好玩食我比較prefer 洋蔥圈 因為呢個成日都淨係拎到個粉漿但如果一大班人食野飲酒 係幾開心嘅芝士大蝦蘑菇意粉用扁意粉避免左吸太多白汁 加入芝士令佢口感較濃厚配入爽口蝦仁 令芝士味中帶點海鮮甜味Baby Back Ribs帶有脂肪嘅ribs 令肉質口感嫰滑而且輕微烤焦有份外一份香脆但薯條比較快凍 當忙住傾計食其他野時自自然然會冷落左薯條 建議可叫蔬菜比較唔浪費同健康Ribeye medium rare肥妹係野人 好鐘意食生啲嘅肉呢個煎得剛好 肉質軟滑 但筋腱可以多處理呢晚食得好開心 而waitress 服務態度亦好好有咩需要佢都即刻俾到我地

今次係慶祝家姐嘅生日,我哋即日BOOK位所以都唔使點等就有得入,餐廳嘅氣氛同環境都好好過住一啲美國嘅音樂同埋環境都比較浪漫,餐廳都唔算太多人而且唔會太嘈。講到黎OUTBACK就一定要提黑糖麵包,因為依個麵包真係非常非常非常好食,睇落好似好硬,但係切落去好鬆軟而且甜甜地用嚟送湯就真係一流啦,重點係以一個麵包係無限添加所以每一次我都會起碼添加兩次。呢一個麵包係飲湯送嘅,所以如果叫咗套餐就一定會有埋以一個黑糖麵包。而且餐湯都非常之好人,雖然比較細玩但係味道好濃郁,用來送麵包就真係好正然後我地煮餐叫咗一個大套餐,係餐廳入面係叫做COMBO SET呢一個套餐係包左湯SIDE 同埋主菜,因為以一個套餐非常大份配裝牛扒同埋HALF RIBS,仲有薯條同埋薯蓉所以真係可以兩個人食。其實薯條同埋選用都係自己揀嘅,餐牌仲可以揀配，薯蓉，薯條，薯菜或者其他配菜。今次就冇叫到甜品因為實在食得太飽,但係如果下一次來我都會試下哩一度嘅蛋糕,因為見到隔離枱叫咗都好似好吸引。

果日同事farewell, 特登去左尖東, 貪近海旁可以順便行下HEA下傾陣計好快就有野食厚切薯條既質感係我最鍾意既. 而且有濃濃既芝士醬喺上面, 搭埋煙肉, 夠香口但又唔會太硬。炸洋蔥超正, 炸過既洋蔥多左陣熟洋蔥既甜香, 外層既脆漿厚薄適中, 外脆內軟。一致決定再嗌多, 太好食。掛住食, 主菜唔記得影最正係牛扒, 外層焦香, 內層仲係好嫩既粉紅色, 牛味好濃郁。雞肉太乾身, 有D失望。PASTA醬汁夠厚身掛麵。甜品, 登登登登~~超靚餅底上面有大球香草雪糕頂層再加球入口即溶又唔太甜既蛋白忌廉配埋朱古力醬口感層次非常豐富默默決定左下次黎食要獨享^^

Find myself so addicted to the Ribs and here is the reason:The portion is absolutely generous which definitely can make you full. And the BBQ sauce matches with the ribs so well, making the delicate meat extremely tasty! The Chips also take the bonus as freshly fried, bet no one could resist it!