Our Wonderland (已結業)

Went there for dinner.The sitting arrangement was alright, not too crowded.We had the squid ink pasta which was only ok, the sauce was similar to the carbonara pasta. The red wine risotto was much better and something special.As for desserts we had napoleon – nice.And apple crumble – not great, the crumble needs to be hotter but the portion was very good, can share between 2 ppl.The service was Excellent, they were very smiley and very polite.

係附近返工，　所以偶爾會去食lunch.佢lunch set大概三十幾至四十幾，　送湯同自助沙律連餐飲坦白講句，　佢既食物真係完全無味兼且煮得唔好，　無論係意粉係飯都煮得唔夠耐（可能佢覺得食落硬就係好啦）．但佢服務真係唔錯，　係好有禮貌．　有次我同朋友去食，　坐係有兩級樓梯既地方，　我朋友差錯腳跌低左，　佢地有人俾冰袋俾新毛巾幫手消腫，　亦不斷講唔好意思．如果係想搵個舒服地方坐低同人傾偈，　呢到係唔錯，　但唔好對食物質素有期望不過我未食過晚餐，　可能收貴d會好d掛

一向都有聽講過our wonderland這間意大利餐廳, 但因為自己不太喜歡意大利餐的關係, 未有真正去試過, 今次因為朋友生日投票而決定一去這間餐廳一到步reception後就發現這間餐廳原來有live band的, 應該係一隊jazz band來的, 本身生日的朋友都有小小怕嘈 ,接持員都很有禮貌的選擇左比較遠小小的位比我地, order了 蛋黃汁意粉, 真係唔錯woo 同pizza hurt真係相差很遠, 另外order了野菌黑松露意大利飯 , 雖然黑松露味道唔係人人都接受, 但意大利飯真係好好味, pizza 係薄薄的不錯丫,最令我覺得特別的是當我們食到中段時, jazz band走過來彈左首生日歌比我朋友我心諗依家都好小地方有咁主動既jazz band了, 大多數餐廳band都唔多理會客人感受的, 只會自己吹自己, 我覺得這餐廳的音樂真的很有熱誠, 希望佢地可以繼續落去!!

經朋友介紹下,今日四個人無book到位 試來呢間OWL食野 , 8點上到去已經full哂無位 , 但係個帶位員好有禮貌叫我地等等 , 盡快幫我地安排 , 結果都好好彩 , 等左15分鐘左右就有位 . 今日個忌廉湯 好正~ 個waiter 仲好有禮服幫我地加黑椒粉,來到個意粉 , 我女朋友好鐘意食 好好咪~我比較喜歡佢地個烤雞pizza , 個 底好脆 , 好多芝士 , 好正~ 最後仲有個驚喜添 , 原來佢地做緊全個2月 "九折"

為了同女友慶祝週年紀念專 誠book 這間 OWL Our Wonderland 試下 一去到門口四眼哥哥好努力招呼 點了個set dinner 點知一飲頭盤個湯己經打個突淡到飲水咁............女友即是黑口黑面........我只好期望其他食物會好點 跟住個拼盤就可以接受 但個水牛芝土薄餅真係唔知想點無味重要放在針板上碟.........最後為了製造驚喜我book了一個他們自製的拿破崙蛋糕點知個所謂"蛋糕"70%都是cream來的我真係唔知咁就係拿破崙蛋糕早知我去對面買一個好過..........旺角樓上cafe的質數 高級餐廳的價錢(我上次看了openrice的食評介紹去了Dap Modern 食覺得唔錯 點知今次...........唉)另外環境都幾嘈

第一次來, 係late lunch, 叫了個set, 係牛扖burger, 件扖唔係漢堡扖,係真牛扖, 但唔熱,只warm, 且無肉味兼有根, 唔覺好味, 40多塊既呢個餐, 我零願去麥記...另佢d位有d畸, seat太矮, 坐得唔舒服.

幾年前食過, 覺得都OK 好食, 點知今晚坐低就係我惡夢開始..... 店員OK 好禮貌, 但點菜好多野都話無.... 小食拼盤 (洋葱圏, 炸雞鎚, 炸蝦, 炸芝士) -- 全部都係deep fried, 炸漿厚, 超熱氣! 炸芝士最難食, 炸蝦竟然食到有手指尾咁長o既鐡線!!!! 店員辯稱炸蝦係外來貨, 唔係佢地造....... 硬要送個甜品俾我食, 我真係無興趣兼食唔落, 所以無食到... 煙肉紅酒汁意大利飯 -- 以價錢來說, 份量少, 味道一般..... 自制墨魚汁意粉配海鮮忌廉汁 -- 完全沒有墨汁味, 配料都是急凍貨色, 唔抵..... 價錢近乎高級餐廳, 但又沒有相對質素, 我實在唔應該再來..... what a disaster!

BOOK左7:15,都已經有1/3客人了,上到去第一個感覺唔錯,又未致好嘈,SERVICE好好,2位朋友要求暖水都好快到.講返食物喇,我地3人要左個2人餐都好足夠,芒果pizza好食,略嫌個皮燶左少少跟餐個意粉唔記得咩名, 超級好食, 個人喜好喜歡Creamy d,朋友都話好好食,如果人多d真係想encore~~小食無咩特別都ok~放下時侍應細心講解2種醬汁呢個價錢食到禁既食物質素+環境+SERVICE,我就覺得好值喇!

本應打算同一大班朋友於2008年除夕夜一齊開開心心找間餐廳食消夜並一齊倒數, 由於我地人數都有十五,六個之多, 所以於十二月頭已經開始找合適餐廳, 最終大家都決定book 這間餐廳, 因為價錢合理, 亦見這間餐廳於openrice 的評分幾高, 最重要的係除夕當晚的分段服務時間係晚上九時十五分至十二時, 所以我亦係十二月十六日打電話預訂了十五個人的枱. 當時服務員同我講除夕當晚係有分段, 消夜時間係晚上九時十五分至十二時, 我亦有問服務員是否需要落訂, 但服務員話唔需要. 由十二月十六日至除夕其間, 我亦打過幾次電話去問一些資料, 例如有否最低收費?開酒費?切蛋糕費? 等等, 服務員都一一解答了. 到了除夕當天中午, 我收到這間餐廳服務員的電話, 內容係 “小姐, 我地想同你確認人數係十五,六人, 同埋張枱嘅booking係去到晚上十一點…”, 跟住我立即澄清話應該係十二點…. 後來服務員就話 “小姐唔好意思, 可能之前有同事攪錯, 我地今晚有人包場, 所以所有booking 都係到十一點….”… 咁我咪同佢講, 我一早book 咗張枱, 而當時亦清清楚楚講到明話到晚上十二時, 而家叫

好耐之前已想試下OWL，但總是book唔到枱或walk-in無位，今晚終於book到位食啦！小食拼盤 (細 $78)：洋蔥圈的洋蔥已被炸得太唸，食唔到洋蔥口感；炸蝦彈牙；炸雞鎚好普通，雞肉唔夠入味；炸芝士唔夠香，內里芝士硬身左d。野菌黑松露意大利飯 ($118)：黑松露好香，但好多油，飯淰身左d和份量太少。如果意大利飯份量多番d，再配合番個黑松露汁會更好味。巴馬火腿闊條麵配馬天尼忌廉汁 ($118)：比意大利飯大碟好多。巴馬火腿新鮮又唔太鹹，闊條麵有咬口，馬天尼忌廉汁十分香濃，好好味！蘋果金寶配雪糕 ($48)：蘋果大大粒，焗完無酸味，金寶焗得好香，正！食完飯，我地order左飲品一邊飲一邊傾計，坐到十一點先走。雖然不斷有人排隊等位，但店員態度有善，沒有催我地離開，呢度確係一個聚會的好地方。但當然walk-in等位就要等好耐了。

Just booking the table for 2008 - 2009 Count down! but they just call us on Dec 31 3:00 pm say we have client book the place already! you guys only can eat until 11:00. That is the Resaturant Serivice provied. OWL Our Wonderland 你門放心, 我一定會叫所有 friend don't go to your resaturant anymore.If I give your service I will give you that 5 Happy face to you. Very Wonderful Service in your OWL Wonderland! Cool...... Everyone can come to try ther Best of the Best Service.

12月23日晚上約了幾個舊同事來這裏食飯及交換禮物,因朋友想去樓上cafe,我上網check見呢間好多食評都話好味,所以就嚟呢度試下,訂左7:30pm,我們約7:25分左右到,入到嚟環境都幾靚,暗暗地幾有氣氛,我們三人先到就睇下有咩食,有個二人套餐都幾抵食,因其餘的人要遲些才到,於是我們就先叫了一個二人套餐食住等.套餐叫了一個芒菓辣雞pizza,一個意式蕃茄飯,有一客小食拼盤的(有炸芝士,炸雞亦及炸蝦,每款兩件的),拼盤先到,炸芝士都好好味,入面好多芝士及原來有青椒係入面的,好重芝士味,都熱辣辣的,炸蝦及炸雞亦都好香口好脆,都係熱辣辣的,好好味.有兩種汁可以配的,一係辣椒醬,一係薄荷醬,不過我都冇試.之後pizza嚟,用過針板盛住,個pizza好好味呀,好多料,好薄好香口好脆,有好多芒菓及雞肉.之後來的是意式焗飯,都好好味,不過比較細份量,都好多汁好入味呀.仕應的服務都好好,無論是落單,幫我們倒水等都好細心及好好態度.之後過左一陣朋友才到我們就多叫了一個二人套餐,今次叫了千島海鮮pizza,這個太多千島醬,朋友話太多汁好酸,但我覺得好味呀.不過料係少左少少,之後來的意粉是白汁的都好味,

呢個係我tst的最愛cafe．d野飲同蛋黃意粉都係好好好好好好味個strawberry chocolate真係令我難意家!!!其他野食都不錯...不過真係份量少左d身為女仔都唔係幾食得飽不過個場好有氣氛同service好好要去就記得bk位啦

男友早一星期已經 book 了枱，request window seat，不過去到覺得冇咩景，都係街景Candle light，環境都唔錯，不過愈o黎愈多人，見好多o黎食飯的都係一大班，開始比較嘈了我o地叫o左︰蕃茄乾茄汁意粉茄汁味都幾濃，蕃茄乾咸咸的幾好食，不過嫌意粉較硬身煙三文魚酸忌廉薄餅薄餅有點酸酸o地，煙三文魚上有酸忌廉和牛油果醬，幾開胃蘋果金寶本來甜品想叫芒果拿破倫，因本人都幾鐘意食拿破倫的 但侍應極力推介這個蘋果金寶，說熱熱的 Apple pie 表面有些脆脆，配上雲呢拿雪糕會幾特別，於是就試試啦...但真係麻麻o地...好甜...不過服務就幾好o既 可以選擇的話，未必會再o黎

2008-11-14是日是補吃女友人的生日飯，之前自己bookmark o左但今次係攪手推薦店內環境偏暗，每檯都有蠟燭輔助照明。亦會一開始有支紅酒放o係度，即係sell 俾你睇o下，o岩o既留低，唔係就out，呢種手法幾特別。投射o係牆o既唔知乜片當然無人睇鮮吞拿魚意粉配伏特加蕃茄忌廉汁(大) - $118 - 都唔錯o既，茄味無乜，反而真係聞到酒味。百幾蚊下份量ok，但吞拿魚唔多海鮮墨魚汁意大利飯 - $78 - 呢個正，因為係我叫o既。o的墨汁幾香，飯亦都唔痴身，帶點惹味，食落口卻唔多覺有海鮮(是日) 墨汁海鮮闊麵 - $108 - 呢個同飯都一樣ok，仲加埋o的芝士添，但就貴多三十加州煙三文魚薄餅(小) - $88 - 果然如果係大o既我o地可能食唔晒，多謝侍應提點。呢個口味清新，簡單就反而可以將o的味集中番落三文魚度。上面o的醬唔知乜、似酸瓜什錦薄餅(小) - $88 - 呢個普通，無特別comment總評：絕對適合三五知己一聚