影片
更多
2009-01-08
3 浏览
本應打算同一大班朋友於2008年除夕夜一齊開開心心找間餐廳食消夜並一齊倒數, 由於我地人數都有十五,六個之多, 所以於十二月頭已經開始找合適餐廳, 最終大家都決定book 這間餐廳, 因為價錢合理, 亦見這間餐廳於openrice 的評分幾高, 最重要的係除夕當晚的分段服務時間係晚上九時十五分至十二時, 所以我亦係十二月十六日打電話預訂了十五個人的枱. 當時服務員同我講除夕當晚係有分段, 消夜時間係晚上九時十五分至十二時, 我亦有問服務員是否需要落訂, 但服務員話唔需要. 由十二月十六日至除夕其間, 我亦打過幾次電話去問一些資料, 例如有否最低收費?開酒費?切蛋糕費? 等等, 服務員都一一解答了. 到了除夕當天中午, 我收到這間餐廳服務員的電話, 內容係 “小姐, 我地想同你確認人數係十五,六人, 同埋張枱嘅booking係去到晚上十一點…”, 跟住我立即澄清話應該係十二點…. 後來服務員就話 “小姐唔好意思, 可能之前有同事攪錯, 我地今晚有人包場, 所以所有booking 都係到十一點….”… 咁我咪同佢講, 我一早book 咗張枱, 而當時亦清清楚楚講到明話到晚上十二時, 而家叫
本應打算同一大班朋友於2008年除夕夜一齊開開心心找間餐廳食消夜並一齊倒數, 由於我地人數都有十五,六個之多, 所以於十二月頭已經開始找合適餐廳, 最終大家都決定book 這間餐廳, 因為價錢合理, 亦見這間餐廳於openrice 的評分幾高, 最重要的係除夕當晚的分段服務時間係晚上九時十五分至十二時, 所以我亦係十二月十六日打電話預訂了十五個人的枱. 當時服務員同我講除夕當晚係有分段, 消夜時間係晚上九時十五分至十二時, 我亦有問服務員是否需要落訂, 但服務員話唔需要. 由十二月十六日至除夕其間, 我亦打過幾次電話去問一些資料, 例如有否最低收費?開酒費?切蛋糕費? 等等, 服務員都一一解答了.
到了除夕當天中午, 我收到這間餐廳服務員的電話, 內容係 “小姐, 我地想同你確認人數係十五,六人, 同埋張枱嘅booking係去到晚上十一點…”, 跟住我立即澄清話應該係十二點…. 後來服務員就話 “小姐唔好意思, 可能之前有同事攪錯, 我地今晚有人包場, 所以所有booking 都係到十一點….”… 咁我咪同佢講, 我一早book 咗張枱, 而當時亦清清楚楚講到明話到晚上十二時, 而家叫我地成十六個人可以去邊….跟住服務員話要同公司傾吓再覆我…..好快第二個服務員打電話比我, 話佢係這餐廳的老闆, 佢話唔好意思, 因為响我booking之後有人要包場, 所以先會做成咁咩, (嘩! 即係話有大生意, 就唔理其他客的感受,就算我一早book咗都冇用, 若果後來有大客就會對其他細客背棄承諾! 咁冇職業操守!) 仲話請我地食甜品來作補償……咁我咪回應話, 我同我朋友本應book這餐廳食消夜的目的係要一齊倒數迎接2009年架麻, 唔係幾件甜品就可以補償得到. 而且我打過幾次電話來都冇話時間改咗, 我仲同佢講, 如果佢地比唔到滿意的答覆我, 我會喺openrice 到如實報告…..跟住佢又話要再諗諗, 再覆我….
第三個電話打來, 又話自已係老闆, 態度明顯同之前個兩個唔同, 仲有d 兇….仲話响呢個喜慶日子裡應該高高興興, 唔應該講d 唔好的說話, 比愈話响openrice 寫佢地間餐廳……(嘩! 而家係佢地對我地背棄承諾, 仲好似想話番我轉頭…) …後來佢係就係話比我地可以留到十二點, 但因為十一點後開始會執嘢安排比包場嗰個客所以怕會有所碰撞就唔好意思啦咁 (語帶囂張)…又話跟住班客會食煙飲酒, 怕會影响到我地….
最後, 我同朋友商量過之後, 決定唔去, 因為這間餐廳實在好冇道義同職業操守, 就算d嘢更好食都冇用, 咁咩做生意的手法, 實在令人失望, 所以我最後打了電話去cancel 這個booking.
张贴