Osteria 意大利餐廳

营业中

休息中

早前有朋友話呢間嘅午餐buffet好抵食，叫我一定要去試，咁我就梗係去試吓啦。午餐來講$298另加一，價錢都正常。依家OpenRice仲有八折添。$300有找有三道菜，第一道頭盤，可以揀湯或者沙律吧，咁我當然係加沙律㗎啦。第二道菜係主菜，第三道菜係甜品吧。半自助餐來講沙律吧啲嘢食都算豐富，有煙三文魚，芝士，其他蔬菜類，火腿，沙律。而沙律竟然有我最鍾意嘅火箭菜。而煙三文魚好好食，有煙熏味，本人唔係特別鐘意食煙三文魚，都食咗兩碟，同行朋友食了咗四碟甜品區款式就比較少， 得幾款甜品同生果。味道正常。自助吧refill 都好密。主菜叫咗魚同烤雞胸。魚就普普通通，配大啡菇只得一片仔，有啲失望。反而雞胸冇乜期望，但估唔到好食喎，淋同唔鞋。啲薯仔亦都整得好淋。

呢間餐廳位於酒店入邊，佢嘅裝修都幾靚，充滿意大利風味，waitress 好熱情款待，真係好似去咗意大利咁樣，有個open kitchen，佢哋有個好大嘅焗爐喺度焗pizza，見到廚師喺度拉緊pizza底，即場炒意粉，香噴噴。因為佢係Semi buffet , 門口擺咗幾多款食物，有凍蝦，蟹(有好多蟹膏)，煙三文魚、ham（加埋啲哈密瓜一齊食，正）好多種沙律菜，配菜（蘆筍同埋南瓜等等）好多種類嘅cheese ……真係食頭盤都飽晒。Pizza 真係手拉Pizza，熱辣辣捧出來，pizza 皮好食。芝士有拉絲添。真係食到舔舔脷。

第一次係同事介紹~ 覺得個salad bar 真係幾好食。今日再番check一次, 都覺得物有所值。 我都係鐘情佢個自助salad bar, 多選擇, 好多都岩食~! 個麵包都好正~  Ｍain course 叫左個pizza , 個餅底好脆。另1個係main course 叫左魚, 個魚皮煎得好香,  值呢個價錢。 Ｏpenrice booking 有8折~  呢下係第二個suprice~ 食左個好開心既lunch~ 仲好似有免費泊車，車位先到先得

近幾年 Semi-buffet 好流行，頭盤及甜品以自助形式供應，配以指定選擇的主菜/加$選擇主菜，又可以慳返dd、冇 Full buffet 拱貴。今次去咗尖沙咀既意大利扒房，星期一至四午餐/晚餐也供應半自助餐。半自助午餐有自助頭盤或湯、主菜四選一及自助甜品 $298，可加$109任飲2小時汽水/啤酒/紅白酒，半自助晚餐有自助頭盤、主菜四選一及Tiramsiu $428，可加$68任飲2小時汽水/啤酒/紅白酒。坐低無耐就奉上暖暖的麵包，點黑醋、橄欖油好好味，頭盤有20多以自取任食形式供應，有幾款即切風乾火腿、幾款芝士、冷盤、沙律菜、青口沙律、煙三文魚、蝦、麵包蟹、Salami腸，食左3碟頭盤2隻麵包蟹蓋已經半飽。主菜有四款：鮮蝦墨汁麵、焗比目魚、烤牛扒同豬肉腸薄餅。我地叫左魚、牛同薄餅，牛就有d筋、其餘的還可以，只不過比蟹膏頂住，每人食一小件薄餅已經食吾落了，又要打包，最後上埋個 Tiramisu ，感覺濕左d。*開飯8折、會員6折、巧抵抵。

有「海中黑鑽石」稱號魚子醬，據說昔日只有歐洲貴族才能享用的頂級美食，雖然現在也同樣昂貴，但已是你我都能享用。Osteria 意籍主廚Paolo Federici ，以頂級嘅魚子醬，加上超高嘅烹調技巧，煮出精緻又奢華嘅意大利菜，兩者相得益彰層次豐富，魚籽在舌尖上爆湧的鮮味與回甘，更是令人一試難忘。來這裡食，首先要講嘅當然係呢個自助頭盤，食物種類繁多，有多款不同嘅ham、芝士、冷盤、沙律菜、煙三文魚、海蝦、蟹腳，重有我至愛的火箭菜，怎能不快快拿一大碟回去好好享用。酒店級數自然有一定水準，每樣試少少都已食到半飽，還是留肚等食主菜吧。餐湯有三款，甘筍忌廉湯.炒雞油菌.黑松露、傳統海鮮辣蕃茄湯及基諾維斯雜菜素湯。三款湯形成紅燈綠三色，我哋人多一於叫齊三款試吓，最後我要了其中的甘筍湯，口感滑溜、南瓜味香甜、加上黑松露薄片，惹味又好飲。焗比目魚柳伴燒大磨菇及南瓜茸～比目魚肉油潤，嫩滑多汁，更帶有一份油香味；配上濃香嘅魚子醬，更覺滋味；而大磨菇肉厚多汁，好吃。慢煮龍蝦沙律配魚子醬伴橙味雪芭~橙味雪芭清新又開胃，龍蝦肉爽口彈牙，蘆筍更新鮮甜美，吃後令人食欲大增。番紅花意大利飯配紅蝦仁及魚子醬～橙黃色的意

相識多年的公關大家姐即將榮休，一眾朋友就在這間金域假日酒店內的有名意大利餐廳品佳餚，嚐美食，與她慶祝一番。餐廳最近先後推出了分別以「海膽」和「魚子醬」兩種名貴食材為主角的多款菜式，前者供應至九月底，後者就供應至10月底，這晚我們來到，除可品嚐到多道以魚子醬入饌的美味菜式外，還可以趕上尾班車，吃到另外幾道以海膽入饌的精彩菜式。先來個大廚推介的「傳統海鮮辣蕃茄湯」（$138），這湯材料極多，除了大量蔬菜外，還有帶子、蝦和蜆，酸中帶點微辣的味道十分開胃。而除了色澤深濃，橙紅色的「傳統海鮮辣蕃茄湯」，在座其他友人也有點選綠油油的「基諾維斯雜菜素湯」（$118）和黃澄澄的「炒雞油菌、黑松露、甘筍忌廉湯」（$118）。三款湯一紅、一黃、一綠，色彩鮮明亮麗，煞是悅目。吃過豐富的頭盤，各道推介菜式相繼送上。「八爪魚薄切配海膽及馬鈴薯伴番紅花汁」（$258）的薄切八爪魚軟腍無比，與馬鈴薯彷如融為一體，加上番紅花汁與海膽汁，配以菠菜葉和食用花，混成一道味道豐富的開胃前菜。食材配搭新穎，又可口味美的「慢煮龍蝦沙律配魚子醬伴橙味雪芭」（$278）我很喜歡。龍蝦肉爽彈，蘆筍鮮美，不常見的橙味雪芭又夠清新，令人食

一向都覺得金域假日酒店的餐廳相當抵食，水準亦不錯，今次朋友榮休飯局，就選來意大利餐廳 Osteria。佢個Set Dinner，三道菜連頭盤任食自助吧，都係$428連加10%服務費，實在好似其他酒店 Set Lunch 價錢。先講講佢既 Appetizer Buffet。竟然有麵包蟹同凍蝦。而芝士有Blue Cheese、Caciotta Chili、Fontina Cheese、Parmesan Cheese以及Mozzarella，係咪好有驚喜？而沙律類及 Cold Cut 亦有煙三文魚、Peperoncino with Tuna、青口沙律、Fennel Salad、Beans & Corns Salad、Quinoa Salad with mixed Vegetables、Mushrooms、Frittata with Mushrooms、Datterino、辣莎樂美腸、焗南瓜、Parma Ham、Porchetta、Cauliflower、Grilled Veggies、沙律菜、菠菜苗及羅馬生菜。講真，單係自助頭盤吧食一轉已經半飽，點都值返一半價錢。但今次主要係同朋友慶祝榮休，

橙黃色的海膽味道甘甜，質感細膩，入口即溶；而每次和人說起海膽，大家也會不期然想起日本一板板的刺身，其實海膽在意大利也是非常受歡迎的美食之一。今次意籍主廚Paolo Federic 選用優質鮮甜的海膽，配搭新鮮的食材及出色的手藝，製作出不一般的意大利美食，也令我們大飽口福。八爪魚薄切配海膽及馬鈴薯伴番紅花汁～HK$258味道鮮甜，口感軟腍，配上濃香的海膽及惹味的番紅花汁，為今晚的海膽之夜打開美味的序幕。海膽墨魚汁意大利雲吞配慢煮龍蝦肉伴流芯芝士汁～HK$ 298用麵粉、雞蛋及墨魚汁整成外皮，中間加入海膽及流芯芝士汁作為餡料，咬落帶有濃濃的海膽及芝士香味；而慢煮嘅龍蝦肉，鮮嫩爽彈又滋味；加入少許食用花作襯托，外貌更加吸引。海魴魚伴海膽配炒菠菜及芹菜根茸～HK$ 378魴魚，又被稱為多利魚(Dory)，肉質鮮美細緻無刺，也沒有腥味，許多時都會在高級西餐廳菜單中見到；魚肉外層微微煎香，形成微脆嘅口感，但記得要快吃，凍後肉質便開始變靱。而表面塗上惹味的海膽汁，滋味更佳。海膽汁朝鮮薊煙燻軟芝士薄餅～HK$ 258薄餅屬於厚身餅底類型，煙韌中帶酥脆，煙燻軟芝士香滑又惹味；而亞枝竹口感脆中帶軟，沒有太

呢間位於尖沙咀彌敦道50號，金域假日酒店閣樓的餐廳，叫Osteria，是一間意大利餐廳，幸好今日5點前8號風球除下，可以出街食飯，一早在呢間餐廳訂左位，要同屋企人慶祝生日，呢間餐廳好多選擇，頭盤麵包好好食，但大家不要食太多，太飽，不是食唔到主菜就浪費啦，今次我地order 左幾款唔同嘅菜式share 食，一定要叫著名的牛扒、魚類我地叫左盧魚及銀雪魚，意粉是帶子鮮蝦意大利粉，當然唔小得呢間店最出名甜品Triamisu cake 啦。呢餐真係大滿足，下次可以再食過。

享受會員權利，晚飯於此，取1枝免費紅酒，久別後，晚飯時段有半自助，計計數後超值，因超值又多好多家庭客，自然更熱鬧(嘈)，無枱上臘燭，頭盤要自己出去爭取，氣氛自然大不同。 第一輪取滿滿碟，醃仔蟹-我認為，多膏實肉，無海鮮味，凍蝦好的，車厘茄，露荀都鲜甜，松子街買貴，食多的，油浸銀魚，咸鲜嫩，煙三文魚最正，煙薰香，味吸引，送酒佳品，第二輪沙律，蕃茄釀吞拿魚（超市高質貨），計續煙三魚，煙薰味上癮，魚味濃，油脂滑！ 主菜煎焗三文魚朝鮮薊汁，魚件鞋的，魚味淡的，喜歡薊汁清甜加洋葱蕃茄碎，清新可口，不油腻，不厚身。 肉眼扒，牛味夠，焦香足，7成熟，剛剛好，但要嘲，有汁出。 單點-香煎鱸魚，厚身，滑中有脂，外焦香內嫩。最龐甜品提拉米穌，上層朱古力粉香濃，中層芝士忌廉夾朱古力蛋糕濕潤香滑，整體輕盈，最美味，窩心，甜在心頭，笑住食，食住笑。

Semi Buffet Dinner Set 黎講佢地嘅自助頭盤都仲keep到水準（今次係第3次食😏）同埋好多選擇，有蝦/麵包蟹，仲有沙律菜/芝士/南瓜/炒菇等等。而主菜我地揀咗：1️⃣雜菌豬肉腸自家制闊條麵2️⃣意大利熟火腿水相朝鮮薊Pizza3️⃣烤紐約牛扒配馬鈴薯及青露筍Pizza同寬條麵因為handmade嘅關係，都比較有水準，尤其是個闊條條麵，軟硬適中好有咬感，肉醬唔會調較得太酸；相對之下個牛扒就失色左，上到枱已經唔太熱，食起來又韌又硬，牛肉嘅味道唔太明顯🫣總結：我自己會鍾意食佢嘅semi buffet裏面嘅食物多過佢嘅main course ~ 撇除牛扒唔多okay，所有食物嘅質素同味道都係好評🤩；Osteria都會係我Encore List裏面😍

講起嚟都有啲受寵若驚，#小秘書 嘅生日都幾乎過咗兩個月，早幾日竟然仲食緊我嘅 #生日飯😅 呢日朋友仔安排咗我哋喺 Holiday Inn Golden Mile Hong Kong 裡面嘅 #意大利餐廳 #Osteria 食一個特式嘅午餐🍽 打開大門已經感受到嗰股人氣，真係好耐都冇試過咁熱鬧啦。我哋見set lunch嘅主菜麻麻地，所以打算只係叫一個set lunch配 #鮮蝦青瓜藏紅花意大利飯，另加一道signature dish「🍕truffle prosciutto pizza」做我哋嘅午餐。不過啲員工似乎戥我哋唔抵，提我地不如加少少錢，食埋佢哋嘅semi-buffet🤭 事實上佢哋推介真係唔錯嘅，餐廳嘅中央放咗兩張小木枱，放上各種各樣嘅ham, 芝士🧀 沙律、意大利小食、甜品、生果… 仲要係所有食物都係任攞嘅，食完兩轉其實都已經飽咗七成😅 加上個 #意大利飯 唔係太啱我哋嘅口味，所以只係隨意食咗幾口就罷手🤭 不過不得不提係佢哋個pizza，配料非常豐富，啖啖 prosciutto 之餘，松露都係成片成片上㗎🥰 單睇個外觀就已經贏晒啦👍🏻👍🏻最後冇諗過

“健康”之選既意大利小仙子今次安排左呢間係holiday inn 既意大利餐廳試試，Lunch去到已經見到好full, 除左近牆邊既枱比較闊落，中間差唔多係枱貼枱😅 餐廳有 semi-buffet選擇，$288算幾抵，難怪咁多人😂因為唔想行出去拎野既關係，小仙子同小🐷 a la carte，點左呢D,值得讚讚係麵包籃幾好食😂配上黑醋岩哂小🐷😌黑松露南瓜湯 $118: 一上菜好香黑松露味😗 黑松露唔吝嗇，有好多片😌而湯較杰身，有淡淡既南瓜味，味度偏淡，岩哂健康一族😅Pizza Prosciutto di Parma $248: 果然係意大利餐廳，Pizza最香cheese好香濃，配上Parma Ham同火箭菜好match，係最好食🤤Cheese拼盤: 除左cheese, 仲有筍、雞肉、麵包同沙律😗cheese同雞肉既味道都較淡，估唔到沙律係最重口味😅鹹到要飲水🙈食物方面Pizza係最好食😂而對於重口味既小仙子同小🐷，其他款式都比較清淡😅而且環境方面就比較嘈

之前想約朋友食飯都幾困難，一係6點前食Early Dinner，一係來個午間小敍，講真，你估真係唔使返工咩！好彩仲有朋友返夜班，中午都可以聚一聚。地點就選來大家都覺得方便就腳的Osteria。餐廳位於尖沙咀核心地段，由地鐵‘N‘’’出口信步，都不到一分鐘，方便到一個點。可能酒店已變成檢疫酒店，為令客人安心，酒店方面把餐廳與住客分隔開，絕對不會接觸到，就連服務員都分成兩班團隊，務求令客人安心，或許是餐廳做足功夫，所以就算是平日的中午，餐廳都是座無虛席。餐廳廚房是開放式的，所有食物都是現烹，質素有保證。而午間主打Set Lunch，每位都不過$288（另加10%服務費）。自助頭盤相信賣點之一必定係 Free Flow 頭盤，雖說是任食，陣容可一點都不含糊。先由清新爽脆的DIY沙律講起，菜是看得出的新鮮，而且可以配搭粟米粒、車厘茄、雜菌以及紅腰豆，現場是幾受歡迎，愛健康的朋友可不少。另外，芝士都有好幾款，煙三文魚、cold cut、莎樂美腸當然是少不了。更有橄欖油浸大蝦及烤南瓜、意大利茄子、新鮮水果等等，陣容豐富。若然頭頭盤沒興趣，大可選擇湯品，只不過菜色會星期都會更改一次，而今日則是「椰菜

早前好友不幸中了新冠肺炎，在家悶了好一段日子，「放監」後便立即相約食番餐好。黑白相間的地磚及牆上的黑白掛畫、木製家俬，陳設典雅。店內還有間小小的VIP房，想要多點私人空間的，可選這裏。這間位於金域假日酒店內的意大利餐廳，正推出一個「半自助商務午餐」，每位只是$288(另加一服務費)，頭盤有24個月巴馬火腿、煙三文魚、意大利冷盤、多款芝士、意式小食及大量的沙律菜，款式逾二十多款；另有生果及甜品，未食主菜也差不多半飽了。一向喜吃沙律菜，尤其是火箭菜，但因價格較高，大部分自助餐也沒有供應或只有少量，但這裏就一大盤任食，再加上大量配料如車厘茄、粟米、雞髀菇及芝士等等，吃得自然更開懷了。巴馬火腿、大蝦、煙三文魚、芝士；當然也是必吃之一。除可選自助頭盤，也可考慮「椰菜花湯配杏仁薄脆」，想抵食嘅當然選前者啦，但友人側選了後者，質感有點似忌廉湯，濃稠幼滑，加上香脆的杏仁片，口感更加豐富。吃罷前菜，便輪到主菜了；四選一，包括：辣蕃茄汁青口西蘭花螺絲粉、香煎鱸魚配南瓜茸及法邊豆、燒雞腿配馬鈴薯茸及焗茴香 及 意大利火腿朝鮮薊雜菌黑橄欖薄餅；我們就選擇了香煎鱸魚及薄餅。香煎鱸魚色澤金黃、皮脆肉嫩；與南瓜同吃