Olive Garden 地中海餐廳 (已結業)

尖沙咀use咁既價錢食到咁既質素既野真係好平...我同我男朋友都好滿意....地方雖然係細左d,但唔會有局促既感覺不過服務就好似唔多好呢

一條厚福街有齊中西美食. 是日與男友也想吃西式的. 記得這裏的前身水準不錯, 雖易手了, 但也想試試(有關係嗎? 哈~)要了兩客晚餐, 另外一客什菜沙律. 沙律以大飯碗上, 什菜很新鮮, 難得!! 南瓜湯唔錯, 唔會稀稀的, 有南瓜味, 配中東包吃不錯! 主菜點了白汁魚柳長通粉及香草鮮茄海鮮意粉. 魚柳表面煎得香脆, 白汁亦濃稠得宜. 海鮮意粉配料幾多, 除海鮮外, 亦有茄子甜椒, 不知為何, 望落覺得好開心(嘻~), 而且除鮮茄香草外, 更有點微辣, 頗開胃. 最緊要係兩款意粉都煮得剛好, 有咬口.服務還好. 期間我們要求額外給點白汁(因原本的實在少了點嘛!), 他們都樂意.是一頓滿意的晚餐!

對我來說午餐是最重要的，早、晚餐可以簡簡單單，但午餐是一日的中間，心情跟體力均是最佳狀態的時候。所品嚐及接受新菜式最好時機，不論你同意與否，在阿妹介紹下走進這間餐廳實在有意外驚喜。$30-50的午餐有羊肉免治扒、希臘式魚柳等菜式，加上類似中東的麵包及南瓜湯。用料相當重cost加上價錢合理又位於尖沙咀厚福街此等旺區，令我忍不住推介一下。

佢個湯好味到呢．．．．但係幾油下。見到佢上碟都不錯。我要左一個羊架，薯蓉係大小不一的～好正．碟底個ｄ　茄子同埋什麼瓜都好野味～有ｄ　ｂｌａｃｋ　ｐｅｐａ．男朋友要免治羊肉飯。幾抵ｗｏｒ！．４０蚊唔使．本身仲想叫甜品的～見佢都幾ｏｋ～但係見到自己個胃．．．．都係收手了。呢間係ｔｅａ　ｔｉｍｅ好介紹ｗｏｒｐ．ｓ．　ｄ　燈好躧．好ｈｏｔ．．．．．

喜歡獨處，默不作聲的下午茶，悠然閒息。集各國美食於一身的環宇式餐\牌，看不懂，方才見門口放著大型自家製中東餅（包？），羊肉該不會差。中東包，翻熱之物，黏腍而帶鹹牛油味，愈吃愈鹹，亦愈吃愈黏，嚐了一小塊，有著說不出的古怪感。茄汁羊肉飯，伴大量紅蘿蔔與豆角作配襯，感覺蠻「地道」說。焦香的免治羊肉餅，口感如老麥的機打漢堡般，結實而無感情。味蕾被小茴香與羊羶味纏繞著，清新的鮮茄汁變得淡然無光。隨便的吃了兩口白飯，雖沒米香，卻見軟熟。餐\後的凍檸茶，由杯底凍至水面，就算吩咐走冰亦不失冰冷感，茶味單一直接，是日最滿意貨色。

食物真係好一般. 如果覺得好食.. 只係因為等得太耐, 肚餓!!個什麼牛肉缽勁油. 成個湯咁款~2個DISH等左個幾兩個鐘先上晒檯. 已經先後有幾檯人發火走人... 下次咪搞>_<

係open rice見到這間餐廳,好像不錯喎. 於是昨天晚上去試下啦.鋪頭好細下,但係環境都ok啦．我們二人點了一個大蝦拼牛柳（二人份量），女朋友仔最愛朱古力甜品,叫個心太軟比佢食啦, 不過無哂喎.想喊~先是來個忌廉湯，一個地中海簿餅／面包，之後就上main course了.忌廉湯: 有點兒咸,但都可以地中海簿餅／面包: 其實都唔知係簿餅定係面包,無咩味, 但都幾特別大蝦拼牛柳: 看上了之後有點兒surprise.份量小得可憐.一個人食都唔夠..牛柳得一塊, 仲要係得一張咭片o禁上下大啦.個兩隻蝦都唔多大隻, 仲有一pat薯蓉.食物的味道不錯, 但係就真的小得可憐了! 女朋友仔見到得禁細份, 都唔到同我爭.眼見女朋友仔只係食左一o的薯蓉,同小小牛柳.再加佢最愛的甜品又無得食喎,真的心痛!埋單時,同個waiter講點解二人餐得禁小既,佢無回應;再問佢有無甜品架,佢話要另外叫架喎! 又叫人地另外叫, 但係佢又話買哂, 玩野咩~總結:食物quality 係唔差的; 但係quantity就好唔掂呢! 所以,用HKD160食這一餐係唔抵既!~以後都唔再去啦!

厚福街是不折不扣的「食街」，越南菜、潮州菜、京川滬、西餐、粥麵等等，應有盡有，這裡有另幾位食友來吃過，是晚就來試一試。這裡舖面不大，不過就相當之光猛新淨。座位偏細張一點，如果穿了外套坐下就有點窄，不過地方是相當整潔的。四道菜的晚餐，有沙律有湯有主菜，連甜品及飲品也只是百多元，非常之經濟，就要了烤虎蝦及烤牛柳。先來的沙律是二人份量的，簡簡單單的幾粒橄欖加上蕃茄、青瓜及生菜，雖然吃落有點「寡」，不過都算是幾清新；湯是蕃茄蔬菜湯，酸酸的，茄汁味重，不太喜歡。反而同來的兩個小圓包更出色，熱辣辣又香噴噴，一問之下，果然是自家製的，誠意十足；主菜上檯，本來對百來塊的烤牛扒沒有多大興趣，但見個餐牌寫住「Bistecca Alla Fiorentina」，雙眼發光，又真的想叫來看看是什麼樣子的。來的當然不會是1 千克二人分吃的T 骨扒，而是擺放得很精美的牛柳，放在一堆薯蓉及燒雜菜上，賣相很好。牛柳肉質不錯，吃落有肉味，亦有香草的味道，有水準。要了medium，燒得外皮全熟，內裡嫩紅色亦泌一點血水，火候拿握得剛剛好，一讚；烤虎蝦真的是大大隻，幾夠份量，烤得亦香氣四溢。吃起來蝦肉不算十分十分的爽口，但都算

似乎是新開的小店, 當然要試試啦!是日點了午餐, 羅宋湯太水了, 味道也較淡, 不合格. 點了lamb, 原來是免治, 有少少羶, 但加上了鮮蕃茄汁, 味道都可以. 餐後的凍咖啡都ok, 算是合格的一餐.

因為朋友睇到介紹過黎呢間餐廳個名叫olive garden，同以前我係加拿大時最鐘意果間一樣名(http://www.olivegarden.com/)我點左一個釀雞胸dinner set個餐湯只係加左rosemary的罐頭蘑菇湯仲要係覺得有少少淡果隻主菜上果時真係睇到眼都凸咁細碟野都要收$49件雞得1.5件麥樂雞咁大仲要overcook到好un釀料又細過去citysuper買盒frozen有2件都係一樣$4x放落焗爐焗15分鐘就掂唔好食完野叫餐茶足足等左成10分鐘先有

我同男朋友最鍾意周圍搵好野食，會次經朋友介紹到呢間餐廳，第一次試地中海菜，咦？有驚喜！我點左凱撒沙律，D菜好新鮮，食到甜味之餘仲好脆口，而且顏色好靚，賞心悅目！不過剛炸好既麵包乾頗油膩，加埋好香濃既芝士粉，如果唔食得「漏」既朋友唔好試，否則會食唔落其他食物。烤羊架，嘩，一流！我男朋友唔喜歡食羊，但呢款羊架唔單止無羶味，仲入口嫩滑，有充足肉汁，唔錯唔錯~我地仲點左扒芝士配中東包，個芝士好細塊，不過味道好濃(仲好鹹)，一定要配中東包食。個中東包呢，好香呀，食得出D麵粉係靚野，有口感但唔會太乾，我同男朋友都超讚。價錢都唔算貴，學生來講仲負擔得起，不過呢......真係細份左少少，可能呢D菜式會比較漏，所以會細碟D。

今天中午很悠閑地去了尖沙咀吃午飯。無意找到這一地中海風味小店Olive Garden Mediterranean Restaurant。午市套餐有6至7種不同選擇。有湯、Main Course、咖啡或茶加清水任飲忘裝修雅致。我選了茄子襄雞肉，而我老公選了Fish & Chips，食物有一定水準。最重要是免收加一，及沒有味精(因我allergic to MSG)。午餐只是30多40元，十分抵食。隔了幾天再去食diner, 雖然主菜款式選擇有80%相似，但仍有水準。我點了cod fish，幾滑。最驚喜反而是appetizer點薄餅的salsa sauce(?), 好正！

又一個夜晚, 放工後來了這條街, 揀了一輪後, 試了這裡.要了兩個晚餐.田園沙律: 8分, 有橄欖, 青椒, 生菜, 番茄同青瓜. 沒有千島或者意大利的洗禮, 感覺上係清新點. 大大塊的番茄亦很鮮甜.番茄濃湯: 7分, 這個濃湯不知為何係好淡的. 奇怪. 但清清地都唔錯.特式海鮮直通粉: 7分, 通粉唔太能夠吸收到醬汁, 比較一般, 但海鮮算幾新鮮, 不太像雪藏貨.土耳其特式串燒: 8分, 要了羊的. 份量很細, 加上頭先已出現的青椒, 生菜, 番茄同青瓜, 感覺上比較削. 已切好的燒羊肉只有七粒, 但係相當惹味. 肉身算嫩滑, 唔會過老, 亦有香噴噴的烤肉味. 地中海式焦糖燉蛋: 6分, 比較差的一樣. 其實跟平日食開的無分別, 點解叫地中海式? 而個就焦糖面太甜, 蛋味亦不足.軟心朱古力布甸: 7分, 質感麻麻, 外皮唔夠脆, 但係入面的朱古力醬就做得好濃烈. 似乎此店的前身的軟心朱古力布甸係出色點.食物係尚算不俗, 幾經濟的. 整體來說係幾滿意.

今日試過呢度嘅午餐,叫咗個燴雞飯,唔知乜№ 羊配飯,同埋海鮮沙律.先講餐湯,個南瓜湯基本上係冇南瓜味兼好稀,唔得.主菜燴雞飯同唔知乜№ 羊配飯o既份量好細,一個人食都唔夠食!材料係雪藏貨,味道亦好一般.個海鮮沙律好"的骰",一小碟上只有青瓜和蕃茄各兩"極薄"片(可透光果種!),菜一片(墊底用),和少量海鮮!從未食過咁少蔬菜o既沙律,而味道也極清淡,海鮮也沒有鮮味.我不明白這樣的餐廳為何還有那麼多食家給笑臉?!

一大班frds過黎食飯，講真，順帶一提，發覺而家openrice有好多自已人黎留言份量小、味道非常一般，到最後要到M記再吃。一行8人，叫了10碟都唔夠飽。想飽就唔好幫襯。唯一可取的是坐得舒服。That's all