Olive Cafe (新領域廣場) (已結業)

荃灣都有好多特色西餐…哩間西餐廳都算幾易搵到，喺南豐中心行到盡頭，經過天橋落到底就到。開左都好耐，我都食過好幾次，味道同環境都唔錯👍 今次又同朋友嚟食返個Dinner🍽-我地叫左2個Set Dinner，配是日餐湯、法包、香煎芝麻吞拿魚配香芒沙沙及餐飲。前菜吞拿魚沙沙絕不遜色，吞拿魚非全熟，故肉質十分軟腍，幾近入口即溶🤩 加上醬汁酸酸甜甜，醒神開胃👍-☆ 泰式香烤原條新鮮鱸魚配香茅,辣椒 HKD$196超喜歡食🐟🐟既我，一見到個menu有原條新鮮鱸魚，即刻😍😍眼！成條鱸魚用粗鹽包裹住，並沒有放太多調味料，雖然味道較淡，但能充分保留左魚既鮮味🤤魚肚內塞滿香茅同辣椒，令魚肚附近位置含滿滿既香茅清香及辣椒既惹味😋 魚既肉質相當鮮嫩，骨不會很多，不錯吃喔~-☆ 香煎美國下肩舺翼板牛扒配青胡椒汁 HKD$246牛扒叫左5成熟，上碟既時候已經幫手切好，賣相酷似牛柳。5成熟會見到少許血色，但相對亦會較為軟腍，唔會過熟而變得又韌又鞋，所以每次食牛牛我都會叫5成熟👍👍

之前在荃灣工作的時候，經常去依間餐廳度食中午，剛巧今日約咗班舊同事去食飯，大家都即時想起去返依間餐廳度回憶下，果然冇令我地失望味道依然好好味，侍應的態度都十分之好，唯獨是有樣嘢不同了，就是冇之前那麼多人，我們大約晚上8:00到，只見到三，四枱客人左右，好彩就是味道依然照舊好食，我地點左個餐之後好快就上菜，前菜賣相及味道都一樣好，之後就到主菜，豬手是超級正的，比較底下個粉就比較多汁，至於個飯都係正嘅，再加埋飲品4人每位都只是$200左右，價錢都可以，環境舒適，建議可以黎試吓。

平時成日經過呢個位 今日朋友帶我黎先知原來呢到有間西餐🙈係樓梯底 好近荃灣地鐵站其實🥳餐廳佈置都好用心😊Dinner 有set menu! 揀！Set menu幾有誠意喎！餐包係烘過既脆卜卜🤩而且有醬沾！酸酸地好開胃！前菜係他他醬配呑拿魚！好好味！呑拿魚燻過好香！Main我地揀左豬手！店員好細心問我地想全隻上定斬件上！切開左慢慢食好方便！佢係配蜜糖芥末醬好香！薯條係肥薯條🤤跟set野飲我都加錢要左Berry forest!!配薄河味好香！另外一個散叫左條魚！佢係烤焗過原條上😆好大條慢慢夾好滋味！😇佢唔係好濃味！反而係少啲配料食返魚既鮮味🥳

難得今日放假，就同閨蜜去咗荃灣行街shopping，之後再去呢間位於新領域廣場嘅Olive Cafe ！佢嘅位置比較隱蔽，但係沿着地鐵站出口行過去都好近！🔥麵包配自製香草牛油每枱都會有嘅麵包，其實焗到有啲似多士咁脆，配埋香草牛油，感覺好清新！🔥香辣雞翼配蜜糖蛋黃醬 $52雞翼一共有五隻，烤得好淋身，蜜糖蛋黃醬幾特別！🔥烤雞肉煙肉螺絲粉配洋蔥番茄忌廉汁 $86呢個螺絲粉個汁好好味，creamy得黎又酸酸甜甜，加上佢嘅配料分量都好多！成個配搭好正！🔥香煎1855 肉眼扒 10安士 $2881855安格斯肉眼扒叫左5成熟，食落岩岩好，仲有少少血水流出黎，肉質嫰滑又重牛味！另外薯條夠哂粗，好有咬口！🔥Oreo 朱古力奶昔 $38朱古力奶昔有沙冰嘅口感，好重朱古力味！

每次坐巴士入屯門經過青山公路都會被olive cafe 的隱世感覺吸引著想入去試試 .今晚來到荃灣，朋友也很想食西餐，決定試試。環境方面 餐廳樓底不矮， 格調高上，適合情侶和三五知己來享用晚餐。晚餐有四個set dinner供應，正當我們揀選著時，已經放上條條脆多士。泰式香烤原條新鮮鱸魚餐 附送的西湯我升級轉了龍蝦濃湯 .隨湯還奉上一隻大蝦碌，幾新鮮的， 鱸魚烤得非常香脆 ,肉質美味，泰式酸汁令人非常開胃。套餐通常都只跟沙律 ,但這裡用上成本較高的香煎芝麻吞拿魚， 無論色香味都令人有驚喜。煙三文魚藜麥牛油果沙律很小餐廳有藜麥供應呀！所以見到這個配牛油果我即刻要試， 藜麥分量非常之多， 配上幾塊大片三文魚再加少少牛油果， 清新又健康特色卡邦尼烏冬普通的卡邦尼配上烏冬就變得特別了。 較意大利粉粗但又比日本烏冬幼的烏冬。配這個卡邦尼非常之特別， 煙肉份量也頗多，烏冬清哂還剩煙肉呢！

今日去完荃灣睇傢私行返去地鐵站途中見到有間cafe其實平時搭車成日見到不過從未去過見到晚市套餐幾吸引同家人都決定一試🍽泰式香烤原條新鮮鱸魚配香茅辣椒原條超大條上枱 魚肉十分嫩滑鮮甜帶有淡淡的香茅味配上的醬汁微微酸辣加埋一齊食好match🍽香煎美國下肩舺翼板牛扒配青胡椒汁這部位有點像牛柳 已切成一件件 方便進食表面煎到微微焦香 肉味很濃 脂肪不多 但肉質鮮嫩軟腍粗身薯條外脆內軟 又係加分位 (如果份量再多點會更好😝)🍽香煎芝麻吞拿魚配香芒沙沙黑白芝麻包著厚切的吞拿魚配上新鮮芒果製成的沙沙醬吞拿魚很鮮味 加入的芝麻增加了口感香芒沙沙酸酸甜甜頗清新的前菜🍽麵包配青醬麵包條焗到很香脆個醬好香好滑好好食有淡淡的香草味加埋麵包一齊食好夾🍽餐湯- 椰菜花忌廉湯椰菜花味很濃但整體質感較稀 🍽雙層朱古力超邪惡的飲品凍朱古力再加上一大球朱古力雪糕朱古力味超濃郁 不太甜 很滿足☺️🍽京都香芋奶昔用上了鮮奶製成香芋味不太濃反而奶味很重 搶了香芋的風頭餐廳食物質素唔錯座位舒適 頗有氣氛

同朋友去左參觀完文青新景點䔋廠，search 左係附近既呢間西餐廳。是日餐廳唔算太多人，都坐得幾舒服。我們二人order左兩個set 🥘 dinner。set dinner有齊前菜、餐湯+麵包、主菜及飲品，唔駛諗太多！🔸是日廳湯 青豆忌廉湯，個湯口感都夠滑身，青豆味幾濃配埋微暖的面包條，味道唔錯！🔸前菜幾有驚喜香煎芝麻吞拿魚配香芒沙律本人是吞拿魚粉黎，吞拿魚夠鮮嫩有濃濃既芝蔴香，要贊贊呢個芒果沙沙醬汁，甜甜酸酸夠開胃，很好的前菜！🔸香煎美國下肩舺翼板牛扒牛扒order了六成熟，皮烤得微燶幾香口，第一次食呢個部位口感就有點像牛柳，肉質都幾嫩熟度剛剛好唔會好韌加埋個秘製醬幾好食😋🔸泰式香烤原條新鮮爐魚配香茅辣椒魚焗得幾香，魚肉入味唔戥，肉質爽滑，魚肉帶有香草及香茅味幾清新的加上小小微辣，豐富左個口感！

在荃灣站往中染的天橋下, 有間小小的西餐廳, 迄立荃灣也超過10年了, 在這區急速的發展和變化中, 有如此的年資, 也十分難得了. 以前在荃灣工作時, 偶然也會來吃個午餐, 食物, 情調, 服務也令人稱心. 屈指一算也有2,3年沒有來了, 今次趁暑假跟家人來個輕鬆的晚飯, 平日入夜後這一帶甚是寧靜, 小店在幽暗處地調地發出光芒, 更有遺世獨立的情調.  走入店內, 陳設十年如一日, 沒有華麗的佈置, 卻有一種熟悉的情懷. 帶着女兒大概浪漫不了, 跟她耍樂沒完沒了, 點菜責任交給爸爸做.  免費麵包條香脆惹味，配上香草青醬牛油，更是美味, 而且可以refill, 囡囡好喜歡. 希臘羽衣甘藍沙律配檸檬橄欖油汁 ($78)羽衣甘藍加上青瓜粒和小蕃茄，配以蜜糖橄欖油檸檬汁，酸酸甜甜的，同時油份可減輕羽衣甘藍的粗糙口感，整體十分refresh和健康。香辣雞翼配蜜糖蛋黃醬($52)望落就似普通雞翼，食落去都係普通雞翼！同埋完全唔辣，不過作前菜都唔錯既。食肉獸薄餅（$128）另外加煙三文魚（$18）8吋 pizza主要有辣肉，煙肉，芝士，但芝士稍硬，沒有太明顯拉絲效果，加入三文魚後，加強鹹鮮味道。扇

個人推介指數分7(10分為滿分)- 一間食店能在同一地方渡過超過廿年, 一定有其經營之首. 這所店子, 在我剛拍拖的時候已經開業, 那時我的感覺,不論在價錢, 服務和食物質數也非常好. 往後間中我也會到此光顧, 不過近年自小朋友出世後, 我和太太也沒有到來, 是晚便向太太提議, 一家三口, 再來重温一次拍拖時光.老實說, 位置坐落在天橋下, 比較不起眼. 門面和室內的裝飾也有種歐陸風情.未點食物先免費來一客面包脆條配香草沙拉醬.小囡非常喜歡這面包條, 不用點醬,便大口大口就氣掉兩條.我就喜歡點些香草沙拉醬, 增加其惹味度.先來一個開胃沙律- 羽衣甘藍配檸檬橄欖油汁.羽衣甘藍是我和太太最愛的蔬菜之一, 其口感較實在, 中間滲些甘味.配上清新的檸檬橄欖油和些少調味, 完全能REFRESH MY 味蕾.已小囡暫時不懂欣賞其青蔥.我們每人各自點了一樣自已喜歡的主菜(小囡雖吃不掉, 但堅持一人一份)小囡點了自己最愛的PIZZA, 名為食肉哭薄餅, 鋪滿辣肉腸, 厚厚的芝士, 煙肉和意大利腸.最利害的是她還指定了要加煙三文魚, 此舉讓PIZZA 散發一陣陣煙燻的香味.趁PIZZA 熱呼呼時食, 芝

星期三來一個快飯，揀左荃灣嘅olive cafe，荃灣店第二次幫襯，大埔店試過一次竟然已結業，無左個寧靜又抵食之選。荃灣店話偏僻唔偏僻，但平日又真係比較少去，其實行晒成個荃豐同荃錦過埋條天橋就到，世外桃園咁（荃灣果然是天橋城市）。掛念olive cafe 嘅豬手，因為佢唔似坊間做得咁硬掘掘，外皮依然脆口，咬落啖啖肉仲食倒蜜糖味，大加分，而且分量大，兩個人三個人些牙都唔成問題。而且店員會幫手切件，唔洗我地不顧儀態咁動刀。牛牛粉絲點左香煎下肩舺翼板牛扒，其實睇完都唔知係咩部位，略略煎燶內里呈粉紅，牛味較濃！配菜薯條係肥扁形，比較乾身，唔油膩，加38蚊轉了龍蝦湯亦都好足料！荃灣店平日黎講都算多食客，但樓底高唔覺得好有壓迫感，絕對舒服。

話說愉景新城嗰邊都有唔少酒吧餐廳都幾吸引，但嗰度比較歷史悠久嘅餐廳，真係要提一提Olive Cafe，是日就同朋友去嗰邊食飯。這間餐廳喺荃灣相對係少數有戶外座位嘅餐廳，同時有啲燈光整得都幾靚嘅，不過由於天氣比較熱，都係做返室內啦。室內就係一般西餐廳嘅格局，非常簡潔企理，啱曬啲情侶或者係啲閨蜜一齊食飯。由於我哋兩個男仔食嘢比較多，所以我哋叫咗三個主菜。香蒜蜆肉意粉。呢個意粉係侍應嘅推薦，意粉炒得幾乾身，幾好食，而且蜆肉都非常足料食肉獸pizza講到明係食肉獸披薩，就啱曬我哋呢班食肉獸喇，濃厚芝士菜配上煙肉腸等等，非常惹味，再加上我好鍾意佢個餅底，十分脆身，值得加分。香煎美國豬胺拼青蘋果沙律。呢個亦都係侍應另一個推薦菜，塊豬鞍非常之厚肉，咬落充滿肉汁，的確係非常好食。同時配上青蘋果沙律感覺都非常清新，值得推介。雙層朱古力。朋友叫咗呢個嘢飲，佢話朱古力味都幾濃郁，質素唔錯。雪泡變奏呢個係金莎系列嘅飲品，某程度上我都想再飲返呢杯嘢，所以先嚟返呢間餐廳食嘢。感覺佢就係有啲似榛子味，有啲朱古力同有啲咖啡咁樣，飲落好香濃，值得推薦。

平時去開荃灣完全唔知道西樓角有一間旺中帶靜嘅Cafe & Bar Dinning 餐廳，朋友話想靜下今晩就帶咗我去呢間隱世餐廳。經過天橋之後就見到呢間自成一角嘅餐廳，有外面同出面，一入到去係另外一個環境，優雅而舒適。同朋友坐低之後，好有親切笑容嘅職員就介紹唔同signature dishes太多選擇，花多眼亂喇，對選擇困難症嘅我哋樣樣都好想食😍最後點咗兩個main course同兩杯特色飲品1.扇貝大蝦龍蝦汁意大利飯 - 職員一放落嚟視缐已經離唔開响新鮮嘅扇貝同大蝦度，而意大利飯充滿濃濃嘅龍蝦汁，好好食2.香煎1855肉眼扒10 安士 - 一嚟到面前已經被佢juicy 樣吸引住，已經忍唔住拎起餐刀切落去, 新鮮肉汁忍唔住慢慢流出，我同朋友忍唔住搶先食。食完兩個主菜之後，點咗兩個特飲中和一吓Oreo 朱古力奶昔，外型好似米奇老鼠加上甜甜嘅朱古力奶昔，融化咗朋友嘅少女❤而乳酸梳打，乳酸嘅味道中和咗兩味主菜嘅飽超. 滿. 足！

今晚去食既係係荃灣站附近既新領域廣場一間幾有情調既olive cafe😆 餐廳環境頗大 氣氛浪漫 係慢慢傾下計食飯既好地方👍🏻呢到有4個dinner set 我地就揀左比較多人試既德國蜜糖芥末烤鹹豬手 跟餐有餐湯 Appetizer 同飲品 因為好耐無飲過龍蝦湯我就加$38 upgrade 左個湯😋 龍蝦湯味道不錯 仲有隻蝦係入面🦐 Appetizer係香煎芝麻呑拿魚配香芒沙沙 用芒果做醬汁好fresh👍🏻 主菜德國蜜糖芥末烤鹹豬手上碟好surprise 超大碟！ 已經起左肉所以食既時候好方便 外皮烤得好好超級脆 就算凍左都保持到鬆脆唔會韌👅 而且仲有薯條同沙律伴碟 1個人實食唔哂🙊由於本身唔知豬手份量咁大 我地仲叫左1個主菜同2個小食😂 分別係扇貝大蝦龍蝦汁意大利飯 炸香醋雞軟骨同香炸薯條配黑松露蛋黃醬😋 Risotto 龍蝦汁味道夠濃 飯粒口感都唔錯👍🏻 雞軟骨用香醋調味後酸酸甜甜 係唔錯既送酒小食🍻 而炸薯條係超級粗薯 點黑松露蛋黃醬好正架😛飲品我地就揀左double chocolate 凍朱古力上加上cream 同朱古力雪糕 夠邪惡做埋甜品都得🌟

又食西餐啦~今次食本港西餐老牌子-Olive cafe 細個已經開始有同屋企人去食依家同朋友試下 睇下搵唔搵得返小時候既滋味.揀左火山石燒A4和牛漢堡同德國蜜糖芥末烤咸豬手2款餐都有配麵包 餐湯 沙律同飲品凍飲唔洗加錢啊~.吞拿魚配香芒他他好吸引最中意呢啲份量唔多 但高質既嘢食~好難得前菜沙律咁用心講究。.咸豬手配蜜糖芥末醬無得輸豬手炆得好軟腍 皮係脆既 外脆內軟~有跟沙律同薯菜 好大份 男士食都夠！.火山石燒A4和牛可以揀自己燒/店家燒有得玩有得食~脆條厚切 我最中意 外脆內軟 和牛好香 juicy 唔乾身 麵包皮唔會好乾好硬芝士熱溶左 係和牛上面 一齊食別有一番風味！.下次同屋企人可以黎慶祝生日～有情調 有氣氛：）

放假諗住同細佬搵間cafe chill 下，打下等。聽佢話呢間olive cafe 唔錯，於是就黎試下😌Lunch set 都幾抵，平均八十幾蚊包餐湯，蜜糖雞翼五隻，主食同一杯餐飲🍹我就點左個紅酒燴牛尾飯。牛尾好有牛味，不過最欣賞都係個太陽蛋，d蛋漿配埋個汁黎食真係無得輸🥰🥳細佬就點左個白酒煮蜆。個人覺得蜆都新鮮同意粉既質地軟硬適中🙆🏻‍♂️如果將餐飲轉咖啡的話，只需半價細佬點左個牛奶咖啡總括黎講，係間環境同食物質素都唔錯既cafe😆