Olive Cafe (新領域廣場) (已結業)

荃灣地鐵站和愉景新城中間有間西餐廳平時都唔會好留意但朋友介紹石燒都幾出名所以今晚決定去幫襯餐廳外貌似Coffee shop所以都估唔到餐廳主打石燒😆我見好多人都係食石燒扒餐所以應該都係幾出名👌如果唔鍾意食石燒扒的話亦有意粉及Pizza選擇價錢都大眾化同埋沙律及餐湯任飲任食👍🏻石燒肉眼扒（200g) 肉質非常軟身，份量很大😆基本上不需要任何調味都很好味！鮮蝦意粉配香辣茄汁好驚喜，真係好辣😆冬天食非常暖身蝦肉都彈牙，份量都滿意👌榛子朱古力蛋糕味道可以，甜度適中估唔到一日份量會有兩件😆

這間餐廳開了10年多，一直沒試過，有時候經過聽到它勁嘈吵的音樂而不想去。但疫情下不忍心它會關閉，見$38外賣便嘗試下。$38外賣餐包餐湯，飲品要另加$8，在百物騰貴的香港，這價錢一點也不貴。我沒有加錢要飲品，因為貴貴。我點了火雞肉加腸仔螺絲粉配番茄汁，味道很濃，是有點咸。餐湯是白湯，相比下，這餐湯絕對是最好飲的一碗。下次一定會堂食嘗試下其他餐。

難得入荃灣食lunch ， 網上search 見到呢間係一間隱世西餐小店好似ok, 所以就呢間啦～入面既地方比想像中大！可以容納好多人！佢哋既lunch set算抵食～我哋果日order all day menu入面既鮮蝦意粉配香辣茄汁 $88同美國IBP牛膈肌 300G $180個意粉整體感覺味道幾好！蕃茄汁好開胃！又夠多汁，一啲都唔乾👌🏻意粉嘅口感彈牙，醬汁可以掛上每條意粉～美國牛膈肌幾厚肉！肉質幾腍，幾juicy！唔會好油膩感👌🏻送飯食一流！可以自行出去攞餐湯同沙律～

今日個friend生日，佢想食扒同飲酒，呢度一次過滿足晒佢嘅願望，我知道呢間做緊Cocktail、Mocktail、白酒、啤酒5半後買一送一，所以帶咗佢嚟呢度。今日咩都俾佢發板，我哋嗌左美國極黑毛豬同牛扒200g，我哋鍾意食五成熟，所以好快就拎起咗d牛扒，唔好睇佢好似好紅好生咁，食落都唔會好韌，配埋醬汁更出味。黑毛豬可能比我地放得太耐，整得熟左少少，但好彩佢本身美味，仍然好有口感，可以配重味啲既蒜蓉汁。湯、白飯同沙律任食，自助形式出去攞。我哋揀咗啲冇咁難入口既cocktail，mojito有青檸同薄荷味，酒味唔重，好易入口。Long Island有少少微辣感覺，但酒味都唔太重，都算易入口。

之前在這裡吃過晚餐都覺得不錯，所以今日和朋友吃飯都推介再來吃飯，朋友都講這裡的餐牌選擇不少而且都坐得十分舒服，我們叫了兩個晚餐，沒想到沙律和湯都可以任添，湯今天是忌簾湯，幾濃又多粟米粒不錯。沙律是芝麻醬菜沙律，菜十分新鮮又爽口，幾開胃。 小食吃了一款日本唐揚魷魚，一碗大大粒而且剛炸起，面有點脆口入面的魷魚幾彈牙，味道都夠味不用沙律醬都可以。飲品加$12就可以叫一杯，我要了凍檸檬茶，夠酸而茶味都不錯不太甜。晚餐都好快送上，燒雞肉螺絲粉配蕃茄忌簾汁，雞肉都不少幾嫩滑，蕃茄醬清新不會太濃，螺絲粉口感不錯而且掛了不少汁好味道。食肉獸薄餅沒想到份量是12吋的大小，是薄批，批邊好脆口入面幾軟熟，醬汁不少仲有好香芝士口感，材料十分豐富，配上少少辣椒仔醬汁仲惹味，十分驚喜，最後我們二人仲要吃不完添，待應都好窩心問用不用包走。

以前在荃灣返工都成日黎Olive cafe食，不過轉左工就好少黎呢頭了，是晚約了荃灣的舊同事食飯，順便黎餐廳聚聚舊。無黎一排，餐牌轉左好多，而加有牛石燒食，沙律，餐湯同白飯都可以無限添加呢。點了兩份餐，同朋友都加了凍檸茶，檸香茶濃，不錯喝。自己點了卡邦尼意粉，份量挺大啊，醬汁厚身剛好包裹著每條意粉，濃郁的芝士味好正。上意粉時店員一同送上的芝士粉，加埋呢個個意粉更好味。朋友點的美國IBP牛膈肌200g，上枱時香噴噴的。石板相當熱，牛扒切細後焯一焯已經食得，五成熟左右好正，牛味甘香。是晚餐湯係羅宋湯，酸酸地的雜菜味，好飲呀。仲有椰菜沙律，可加麻醬或柚子醋，有啲菜食下感覺健康啲，哈哈。仲有白飯都可以無限添，珍珠米幾好食。跟餐可以$28加甜品，是晚係榛子蛋糕，綿綿的夠濕潤，榛子很香，而且不過甜，好好味。石燒有三種醬汁可選，上面寫了那種醬汁配豬雞牛，個人覺得配牛個燒汁好正。餐湯，白飯同沙律區，不浪費的情況下自己添加吧。埋完單覺得好似平左嘅！？原來而加晚餐都唔使加一～

終於等到朋友仔放工啦，喺荃灣想食咩都有，除咗愉景新城、大鴻輝之外，原來喺新領域廣場都有間西餐廳。好，坐低睇吓有咩好食先。$98仲要免加一，就可以自選意粉，湯同沙律仲要係任食。今日係忌廉粟米湯，個湯非常濃稠，沙律菜好新鮮，仲可以加芝麻醬。煙三文魚煙鴨胸黑松露忌廉汁意粉，配料好多，醬汁啱啱好掛滿每一條意粉，味道唔錯。加$28有是日甜品，今日係mocha蛋糕，上面個cream好滑口，蛋糕軟綿綿，食落唔太甜，好味味！

近年尾家人同自己都要清假，一齊放假咁就去食下野☺️ 家人講開原來佢無食過olive cafe，咁就去啦！因為我食過所以都有同家人提過午餐係幾抵食嘅，呢日去到都見到lunch hour好多人！最後我哋分別叫咗lunch menu同main menu嘅石燒之選，再加左一人一杯熱咖啡同埋加左一件蛋糕諗住share食。因為叫石燒，所以係出去自助式拎沙律、湯同飯。係無限量嘅，所以相信大食嘅都一定會夠飽！🥢 石燒美國IBP牛隔肌 300g因為我同家人都係牛魔王，所以就嗌返main menu嘅，可以大分量啲～🙈牛隔肌幾有咬口，食落都幾有牛味～提一提嘅係因為塊石燒板都幾熱，所以整牛嘅時候真係要留意煮嘅時間，煮夠就可以放上碟再慢慢食。🥢 石燒美國極黑毛豬 150g呢個就係lunch menu嘅，$68好抵！豬肉燒到脆邊🤤肉質食落都係有咬口，煙煙銀銀的，唔錯～🥢 熱咖啡好鍾意杯咖啡，聞落好香，飲上口啖啖濃郁嘅咖啡味，好香濃～家人較少飲咖啡都話鍾意～🥢 榛子朱古力蛋糕最後食蛋糕時，餐廳額外送多左一件比我地☺️ 完美收結😎

呢間餐廳開咗好多年，多年前節慶聚餐、朋友聚會等都已經嚟食過。隔咗一段日子再嚟，原來已經轉咗型。多咗石燒menu，所以今次就無食意粉、pizza個啲，試下石燒牛+羊!雖然沙律、餐湯及白飯都係任食，但其實出去裝完一次食晒都已經好飽。餐湯係羅宋湯，熱辣辣，好多料沙律有啲菜食下都幾好Olive beef steak 200g 平平哋但又幾好食！香濃嘅牛味，肉汁鮮嫩可口放係石板上燒到自己理想嘅六成熟，perfect另外嘅羊肉都好正，口感係好有層次嘅，唔會太多油太肥，配埋啲洋蔥同醬汁真係一流！個人比較鍾意蒜蓉醬送埋飯（一粒粒嘅日本珍珠米）好快飽。最後仲叫埋個甜品，蛋糕係榛子mocha 味，估唔到好高水準唔會太甜、大大件，仲以為自己去咗高級酒店食呀如果仲有肚食得落嘅呢個絕對係我嘅心水必食推介其他嘢整體來講都好滿意，例如職員服務態度、環境都好好。我畢唔到啲湯（因為太熱）同汁（個開關太實）佢哋都會幫手裝、又話俾我哋知啲醬汁唔好直接林落去塊板上面， 好細心。不過如果Pizza有多啲選擇、又或者保留返之前嗰啲二人套餐，咁就好啦

同朋友喺荃灣食飯，佢話知道有一間食石燒嘅餐廳好食又抵食，一定要帶我去試吓😆我哋叫咗兩個午餐石燒share嚟食，一個係$68嘅「Olive牛扒150g」，一個係$50嘅「Olive秋刀魚兩條」；午餐包沙律、是日餐湯、日本珍珠米飯，自助無限量供應😁今日餐湯係蕃茄雜菜湯，有相當多蔬菜喺裏面，幾好味。沙律菜好新鮮，沾上芝麻沙律醬幾好食😋牛扒先上，熱辣辣香噴噴，黑石超級熱，自己可以控制牛扒生熟程度。牛扒軟熟好juicy，幾好牛味😋秋刀魚有兩條，啱啱一人一條，魚肉結實，落啲檸檬汁，更加清新可口😋朋友同我都叫咗熱咖啡，又香濃又幾滑😋

一路都知有呢間cafe 但一路都未食過🤨 因為之前仲係學生個時記得係有啲貴 但而家發現原來都唔係好貴 佢可以任食沙律同湯 免加一收費🥰意粉自由選 $98今次叫左煙三文魚同巴馬火腿配黑松露忌廉汁🙈 格外清爽 有別一般餐廳🤣 意大利粉正常 軟硬適中～Honey Moon $58呢個仲做緊買一送一優惠😉 見咁抵 就叫左黎試 係一杯桃溝橙的飲料🥤 偏甜 但好濃桃味 不錯喝🥰Olive 牛排 $125@300g用石燒既牛排 生熟程度可以自己選擇 牛排唔會韌 好味抵食😋！配埋牛排汁更加好味☺️☺️

大埔同荃灣嘅olive cafe 大大話話都食過5-6次，到而家得番荃灣店，仲轉左型有鐵板牛食，一於試下。叫左美國IBP牛隔肌，橫格膜位置，比較瘦，而牛味較濃，石燒上自己燒到適當熟度，岩晒班想自己控制濃成嘅麻煩友。另外叫左個自選paste，要左煙三文魚同巴馬火腿，醬汁要黑松露忌廉汁，意粉可揀意大利粉或螺絲粉，我地揀意粉，唔會過淋，掛左黑松露忌廉汁食超級香，呢個必推！另外叫左必點薯條，薯條較為肥，薯仔味濃。轉左型之後選擇唔算多，不過石燒嘅肉類選擇多，實有一款岩食，而且冬天食可以保持熱度，不錯之選。

今日朋友約左我去荃灣食晚飯，佢揀左呢間cafe。我哋嗌左美國IBP 牛隔肌 200g，趁佢仲有少少紅生生地食最perfect，唔會”韌”，可以加少少鹽同黑椒更美味。另一個嗌左olive 無骨雞腿扒 200g，有少許肥美，肉質都嫩滑，前提係唔可以係塊板咁耐，好多汁幾juicy。以上套餐都可以無限量供應沙律、白飯同餐湯，白飯仲要係珍珠米。另外仲嗌左個小食 日本唐揚魷魚鬚，新鮮香脆，好有口感。個侍應同我地講Cocktail、白酒紅酒同draft bear happy hour買一送一，再問佢原來一至日5半後都係，覺得好抵所以都叫兩杯cocktail 試試佢。Margarita 口感豐富偏重酒味，帶有新鮮的水果香氣和特殊的龍舌蘭酒香氣，有檸檬同鹽味，酸甜可口。Long Island iced tea 添加波本威士忌、再加白蘭地等等，唔算好難入口，味道微辣。成個環境感覺都唔錯，無加一服務費，有好多調味料可以自己出去攞，好適合同朋友聚會，小酌一杯。

星期六中午行過見到有間cafe諗住食個西餐,見到入面有吉檯就同侍應講一位,點知佢叫我等一陣,好喇等都唔緊要,中間仲有食客離開,點知等左十五分鐘都無人理,入面有檯又唔俾人入,可能人地生意唔憂做唔做一個人生意呢!

今晚和友人來到荃灣西樓閣天橋底下Olive Cafe，門口有好幾張搶眼餐牌。和友人一齊選了石板燒肉，可以根據自己需要去點不同份量，套餐包任食日本珍珠米飯是日餐湯及沙律，不用加一又可以用優惠價錢點飲品。我和友人分別點了一份美國IBP牛膈肌300g和Olive 牛扒200g，加凍檸水和凍檸茶。餐廳採取半自助式，點餐後可以戴上口罩出去取沙律、餐湯及米飯。亦有不同醬料去配搭石燒肉類，取了食牛首選醬油汁，果然同牛肉好夾。沙律有黑醋汁，餐湯係粟米白汁忌廉湯。Olive 牛扒200g $85:廚師先煮至大概5成熟，然後客人便可在石燒上加至自己喜愛的熟度。牛肉底下墊上洋蔥，避免牛肉會煮得過熟問題。美國IBP牛膈肌300g $180:侍應提醒只需加少許岩鹽就夠味，果然肉質確是夠嫰口，比Olive 牛扒軟熟易切，牛肉味較濃﹗牛肉加少許醬油汁，配上一口珍珠米，相當滿足﹗當侍應看到友人因聽電話緣故以致石板冰卻而牛肉還是微生時，主動詢問我們是否需要換石板，服務不錯﹗