Odelice! (海之戀商場)

這間食法國菜的Odelice 有好幾間分店，基本上每間分店我都到過了。有比較下，環境上我會喜歡荃灣這間分店多一點，因為環境比較開揚闊落，光猛舒適，設有露台座位，感覺寫意。荃灣分店更設有LE Shop, 售賣有機食品及護膚品。食物方面，每間的質素都很平穩，價錢亦合理。是日餐湯為粟米周打湯，濃杰適中，當中加入忌廉粟米增加creamy口感。煎封吞拿魚薄片，賣相精緻，外層用黑芝麻包著再煎封，內邊仍有刺身般的感覺，吞拿魚沒有筋，配上清新橙肉醬汁及沙律菜，入口酸甜開胃。蒜香大硯扁意粉，用上新鮮硯肉，鮮甜無沙。用上白酒蒜香牛油汁來煮，勁香，扁意粉彈牙。特式啤酒烤雞，半隻的烤雞，外皮香脆，食到少少麥香味，配上香甜脆口的蕃薯條，沾上辛香蛋黃醬更好味。飲品點了一杯健康的紅菜頭汁，沒有草腥味。另外玫瑰伯爵冰茶賣相很美。

去完donki行街行累累地，一於搵間餐廳坐底休息，呢間餐廳係donki隔離步行1分鐘就到，拎住幾袋donki勝利品都唔怕去唔到！中午lunch time時間人流好多，等了一陣先入得！我同朋友坐在落地玻璃附近的座位，可以遠望窗外景色，若果天氣無咁凍，仲可以選擇坐出露台度chill 一chill。煎封吞拿魚薄片，半熟的吞拿魚非常嫩滑，完全唔韌！加了鮮橙提升了鮮味，不錯的配搭！海鮮蕎麥薄餅，材料豐富有魷魚、帶子、蝦等，薄餅不是一般意大利pizza的質感，醬汁味道又好搭，絕對有驚喜！啤酒烤雞，食唔出有啤酒味，可能酒精在烤焗期間已經揮發晒，味道甜甜地似蜜糖烤雞多，不過我更鐘意！飲品方面，分別叫了凍玫瑰伯爵茶和紅菜頭蘋果紅蘿蔔汁，2樣味道不錯，特別是後者好fresh推薦。

My friends and I went to a restaurant called "Odelice!" located in Shop 1002, 1/F, OP Mall, 100 Tai Ho Road, Tsuen Wan(荃灣大河道100號海之戀商場1樓1002號舖)The restaurant has rattan screen,elongated mirrors on the walls...Vintage style."Avocado,banana,Oat milk smoothie" (front)牛油果香蕉燕麥奶奶昔(前)HKD$48..freshly made to order, without any additive sugar!healthy wholesomr drink!!"Grapefruit Bellini"(back)葡萄貝里尼(後)HKD$70(HH)..With grapefruit liqueur and champagne.Great drink!"Mixed seasoned Galette" 法式海鮮蕎麥餅HKD$168..Th

很久沒有吃這間餐廳了，今次來到位於荃灣的分店，品嚐平價法國菜！餐廳座位都幾多，燈光柔和，十分浪漫！餐牌上有多款食物可以選擇，而且價錢不會太貴!Ham & Cheese Platter，飲紅酒最岩配上芝士和Ham一齊食，這個拼盤有兩款芝士和兩款Ham，還有塗上牛油的麵包，巴馬火腿同埋sausage 味道咸香，送上紅酒令紅酒味道更甜！芝士有軟芝士和硬芝士，非常香口，感覺很chill！French Duck Confit Galette ，這款蕎麥薄餅是法國早餐之一，而這款蕎麥薄餅脆卜卜而且帶有芝士的咸香味道，餡料有鴨肉、香桃、青瓜、雞蛋，香桃帶出清新的感覺，而且酸酸甜甜，令薄餅感覺不會好油，很惹味！Sous Vide Iberico Pork Tenderloin，這款慢煮黑毛豬柳的外層煎到脆身，豬肉juicy而且嫩滑，再配上薯蓉和新鮮蔬果，減去豬柳的油膩感，非常美味！Basque Burnt Cheesecake，這款巴斯克蛋糕有香濃的芝士味，而且口感軟綿綿，配上士多啤梨一齊食，感覺清新又滿足！Beetroot Apple Carrot Juice，呢杯紅菜頭蘋果蘿蔔汁味道都幾甜，有淡淡

非常失望的一次早餐經驗‼️價錢已經唔係平‼️（雖然唔算好貴）😂但係呢個價錢⋯咁樣嘅質素🤭🤭絕對唔會有第二次🙏🏻🙏🏻用嚟影相📸️呃下like 都可以😂😂但係食物的味道⚠️真的非常麻麻……服務員態度一般😅😅一點也不親切⚠️⚠️門口那位經理一點笑容都沒有😒😒好像不願意招呼客人一樣🧐🧐晚餐🥣沒有試過不予置評‼️不過唔會去試熱朱古力唔熱嘅😂😂太甜甜品賣相好精美👍🏻👍🏻但係真係甜☹️本人本身都鍾意食甜品🤭但係覺得太甜了主菜：虎蝦個頭黑色嘅⋯好似雪藏咗好耐咁感覺不太新鮮

海之戀商場其實都幾好行貫穿唔同其他嘅商場而且仲有好多食店今日因為要搭西鐵所以去鄰近嘅海之戀商場搵食店醫肚先搵到呢間法國餐廳食個brunch本來想揀露台位置chill下但因為太猛太陽所以放棄咗我揀咗Odelice Brunch Odelice有牛油果、炒蛋、牛角包、煙肉、茄汁豆、香腸煙肉好脆茄汁豆加咗香草特別好味牛油果已去核所以我將佢切片炒蛋就值得一讚超嫩滑虎蝦意粉茄汁味超濃好高水準分量多虎蝦連殼煎上菜已好有焦香味蝦肉爽口餐飲我叫咗凍檸茶你到嘅時候檸檬已經幫我篤咗仲有冰揺嘅效果睇得出有冰搖過嘅泡沫玫瑰酒帶有果香味道清新沒有濃烈酒精味假日微薰下飲一小杯都幾夾Creme Brûlée 同出面食開嘅味道有少少唔同多返少少酒香，少了慣常的甜味我估係因為加了酒在面再去燒成脆變成焦糖面仲有少少熱情果味

好耐冇同老公撐枱腳，今晚book咗間西餐廳同佢好好浪漫一下。餐廳環境都算大，格局舒適寫意。Avocado,Banana,Oat milk smoothie 入口比較濃郁厚身，有淡淡香蕉味，牛油果味道突出，順滑可口，好好飲喔！Coconut,Mango,Passion Fruit smoothie 芒果味香濃突出，慢慢有少少熱情果酸味，整體平衡恰到好處，香甜又美味。Mixed Seafood Galette 上枱薄餅份量十足，中間放上輕輕煎過的美國帶子，虎蝦，新鮮魷魚再淋上蒜香忌廉汁，薄餅入口有濃厚蕎麥香氣，質感軟糯，帶子鮮甜軟嫩，虎蝦爽口彈牙，配上蒜香忌廉汁特別滋味。松露蜜法國油封鴨髀油封鴨髀外皮香脆內裏肉質鮮嫩，配搭用玉桂煮過的蘋果片，可以減低油膩感，令人食不停口，低溫慢煮伊比利亞黑毛豬柳伊比利亞豬柳細心地切件排好放在薯蓉上，上面淋上砵酒醬汁，紅蕃石榴，炒香磨菇等等，入口豬柳軟嫩多汁，肉質細緻嫩滑，而底層薯蓉軟滑可口，砵酒汁的甜味可以提升豬柳鮮味。Basque Burnt Cheesecake第一眼見到好有聖誕感覺，cheesecake 面頭灑上糖霜，底層有士多啤梨汁，入口蛋糕質感好

老媽子生日大日子🎊放假當然陪佢周圍遊食，順便帶佢去買生日禮物，第一站近近地先去荃灣海之戀食野😋原來呢度都有間odelice!🤗唔諗咁多，帶佢去食個lunch先行街街😝呢間有個小露台，環境都算唔錯，好適合情人知己好友談心😄夜晚景色一定好靚🤗餐湯係椰菜花忌廉湯😋香濃椰菜花味，都幾濃郁👍🏻唔會水汪汪👍🏻未點主菜之前，先點個前菜 & 飲品先👇🏻煎封吞拿魚薄片😋雖然話就話薄片，但每片都有少少係厚切，吞拿魚經過煮熟之後，食起嚟啲魚油係好香，而且吞拿魚粉嫩色，肉質嫩滑，配搭鮮果更加鮮味🤗紅菜頭蘋果紅蘿蔔汁：開頭諗住健康啲，但又怕紅菜頭會有草腥味，不過侍應姐姐話唔會有，因為加左蘋果紅蘿蔔，成杯變左好清甜，仲好易入口👍🏻紅玫瑰伯爵凍飲茶：杯面鋪滿玫瑰花碎，味道都幾香濃，加上伯爵茶既幽香提升食慾😅同老媽子各點一個lunch set share食👇🏻法式經典漢堡、配卡真香料薯條🤣呢個漢堡份量都幾厚身下🤣麵包鬆軟得來，配上牛味極重既安格斯牛肉漢堡，加埋味道鹹鹹地芝士，顛覆左個味蕾🤣而配菜有熱辣辣脆薯條，薯條面曬辣辣地既味粉，真係另一番風味👍🏻特色啤酒烤雞侍應姐姐遞過來時，已聞到烤雞好香，而且熱辣辣，肉質都好嫩

已經係尖沙咀分店食過幾次食物味道好環境唔錯所以已經將呢間餐廳加入咗「食好d」list入面平時荃灣呢間成日要排隊今晚平日夜晚8點嚟到終於唔洗排餐廳係歐風法國餐廳，但係係casual少少嘅每張枱上面都有小燈增加氣氛今次又試新嘢法國紅酒（杯x2）幾易入口喎，女仔好啱飲飲下酒傾下計，總覺得係一種好好嘅抒壓方式！火腿芝士拼盤$218個拼盤有晒我鍾意嘅元素風乾火腿充滿鹹香芝士奶酪味好重，齒頰留香麵包鬆脆嘅程度係咬落會發出咯一聲上面仲有橄欖油，將個香味提升到另一個層次！低溫慢煮伊利比亞黑毛豬柳$238黑毛豬厚切都煮到軟淋淋、好入味上面鋪滿配菜調味料要讚一讚加咗石榴籽，酸酸甜甜令到成個感覺清新左薯蓉幼滑，香甜綿密，食完一啖又一啖松露蜜法國油封鴨腿$188成隻鴨腿上碟，份量都幾大，骨肉分離，軟稔易入口又係要讚一讚佢嘅配菜，切片薯仔用蜜糖慢煮煮到入晒味，食落口感同味道似係蘋果批入面嘅蘋果，有驚喜！巴斯克焦香芝士蛋糕$88呢種蛋糕外面焦香，內部奶油芝士含量好高充滿芝士濃香，啱晒芝士控！

Lunch 唔知食咩好！走左去海之戀搵野食，又唔想周人逼又想舒舒服服咁食！就走左入去呢間法國ODEICE 我地一行3人坐低後，望望環境唔錯，再睇下餐牌🍴我地一致叫左肉眼牛排🥩配薯條🍟（220克新西蘭草飼肉眼牛排🥩）先上來薯仔🥔忌廉湯，味道唔錯，唔會太creamy，牛排🥩黎啦！賣相唔錯👍🏻食落去肉係嫩身又多汁，唔會鞋口！雖然薯條🍟唔係我鍾意嘅粗身薯條，但呢隻幼身都唔錯，一條一條咁接住食，停唔到口，超滿足！女人👩點會錯過甜品呢！雖然飽但都環食！咁就叫左個海鹽焦糖醬，朱古力醬，杏仁片，雲呢拿雪糕可麗餅，淨係聽個名都夠晒勁！真係超好味😋又唔會太甜！非常滿足呀！呢個值得推介

學咗法文咁耐都冇乜點食法國餐廳，呢間Odelice 之前食過一次，尖沙咀嗰間，日頭食嗰陣仲有陽光照入餐廳，感覺好舒服環境好靚。Clams Cocotte忌廉汁加上大量香草洋蔥，口感非常順滑開胃。加上少量檸檬汁，味道變得份外醒胃。Omni meatballsIKEA肉丸就食得多，呢個肉丸又去咗另一個層次平時嗰啲好似都落咗少少粉咁，但係呢個肉嘅質感真係好好，每啖都食到濃厚既肉味，好食好多倍！果然係食完好嘢之後就返唔到轉頭！O French Burger薯條專程用咗番薯製作，仲要係粗身薯條，口感非常厚實，哥最鍾意呢種感覺！不過假來講其實佢都幾厚身，牛肉漢堡非常厚身Juicy，外邊個包皮仲會有少少酥皮感覺洋蔥、蔬菜、芝士、每種配料都做好自己嘅角色，令漢堡可以發揮到最好。Cod Fillet檸檬片同旁邊嘅柑橘醬令魚柳非常醒胃，仲有少許蕃茄仔乾，茄味比普通蕃茄更濃味。中間仲有青醬，變相有兩種食法Crêpe Suzette with Vanilla Ice Cream一上菜嘅時候就落咗一啲甜酒再點火，水哥酒味都真係幾濃。可麗餅表面就放咗一層果醬同埋幾塊桃，味道可以話係甜到入心入肺。Heritage

好耐冇食過好味嘅法國餐廳, 實在有驚喜, 不過都有好多地方要改善, 但係啲味道係整得好好食.*試咗去個吞拿魚沙律好正, 不過嗰度有舊酸菜頭 醃得太過酸.* egg benedict with salmon, 個綠色paste整得好食, dry tomato正, 三文魚都好好味, 但係用溫泉蛋就唔係咁好太過生. 個汁我唔鍾意😆 好彩嗌咗佢分開上!* 白汁煮蜆個味超級好食但係啲蜆勁多沙而且超細隻...如果可以改所以上嘅缺點就超級好食啦😬

今日假期約了朋友到荃灣海之戀逛街，行攰了找了一間法國餐廳吃午餐。一到餐廳門口看到有很多不同的紅、白酒、肥皂、法國一些法國食品供客人購買，相當吸引。步入餐廳店員安排座位給我們，由於當日天氣相當好，充足的陽光由窗邊投射入餐廳內，感受非常溫暖及陽光照射在枱上令人有一種休閒寫意的感覺，在餐廳來一邊品嚐午餐一邊與朋友傾偈感覺非常舒適。還有撐天氣又濕愛座位，現在秋涼坐室外也相當不錯。我們看了餐牌點了南瓜蓉是日餐湯- 南瓜蓉新鮮香味濃郁，吃辣淡淡南瓜蓉非常入口綿滑。前菜我們點了一個吞拿魚尼斯沙律 - 香煎芝麻吞拿魚，芝馬味極香，魚的肉質非常之好絕無腥味，質感輕盈軟綿，再配以蜜糖芥末沙律醬，滋味滿分。再來一個紅酒燉牛肉扁意粉- 牛肉鮮，香稔軟嫩配上新鮮香甜的番茄粒及蘑菇，味道配搭一流。之後再點了多一樣 煎封大西洋鱈魚 - 魚肉質鬆軟而豐腴，肉汁豐腴配上菠菜青豆蓉蒜香沙律醬，在添加蕃茄酸豆忌廉汁，為味蕾帶來清新感覺。當然佳餚一定要配合一杯特別的飲品， 紅菜頭，蘋果，甘筍特飲，紅菜頭味濃加上甜甜的蘋果汁，甘筍的香味非常清新的一杯飲品。另外一杯 玫瑰伯爵凍茶 - 伯爵茶的香濃味添上碎玫瑰花香味，非常絕配，

好耐冇出過荃灣海濱行，今日放假專登出黎同屋企人出黎行下，睇下呢幾年荃灣嘅變化，行完之後就入左黎海之戀食野，見到呢間法國菜價錢唔貴就入黎試下。我地叫左個二人lunch set share 主菜係煎封大西洋鱈魚同埋蕎麥海鮮薄餅。 呢個煎封大西洋鱈魚同我想像中嘅鱈魚有d出入，開頭仲以為上錯左lol，味道都同我食開嘅鱈魚唔同，取而代之係更濃嘅魚味同厚實嘅質感，點埋醬汁一齊食更可以突顯到魚嘅味道，而魚肉下面仲有露筍同菠菜。蕎麥海鮮薄餅同平時食嘅意大利式薄餅唔同，餅身比較軟，而薄餅上嘅海鮮（虎蝦、帶子、魷魚）都幾新鮮，成個薄餅加埋蒜香忌廉汁就係一個好特別嘅配對。小食煎封吞拿魚薄片相當唔錯，半熟嘅吞拿魚唔會太生同太韌，而魚味方面吞拿魚味會隨著咀嚼嘅次數而慢慢變濃，係好有驚喜嘅一道小食。另外仲叫左兩個飲品，分別係玫瑰伯爵茶同埋，紅蔥頭蘋果紅蘿蔔汁。

生日慶祝梗係同媽媽食個靚lunch，多謝佢N年前咁辛苦生我呢嚿叉燒出嚟！佢近期鍾意去行Donki Donki，所以今日就去海之戀食法國餐。呢間法國餐廳Odelice佈置好清新怡人，樓底高坐落好舒服。原來除了係餐廳之外，還是一間精緻的食材店舖。未入去已經揀咗一包乳酪鳥結糖比媽媽做禮物。薯仔湯我幾好飲，有香濃香草同洋蔥嘅香味。吞拿魚沙律 亦相當出色，沙律菜上香煎芝麻吞拿魚食落都好嫩口。特色啤酒烤雞，隻雞都幾大隻多肉，但係煮得剛剛好，一啲都唔鞋，媽媽都話好滑。配菜係番薯條，香脆得來帶有甜味，正！我自己較為欣賞紅酒燉牛肉扁意粉，牛肉燉得夠火喉，肉質林滑。媽媽揀咗飲品係紅菜頭蘋果紅蘿蔔汁，除咗顏色靚，我偷飲咗一啖，非常清新鮮甜。我要咗紅玫瑰伯爵茶，少甜最啱我。