Odelice! (海之戀商場)

Odelice 佈置時尚簡約，充滿歐陸風情， 主打食法國菜式， 更設有戶外露台用餐區， 坐在舒適藤椅， 享受美食時，亦可欣賞到汀九橋無敵海景， 十分寫意。雜錦海鮮蕎麥薄餅 煙韌有拉扯感的蕎麥餅皮上， 鋪滿我喜歡的虎蝦、珍珠帶子、鱈魚及魷魚， 賣相相當吸引 ， 虎蝦及魷魚鮮味爽彈， 帶子及鱈魚 ， 鮮甜滑溜， 伴隨惹味的白汁， 滋味提升， 令人陶醉其中。班尼迪克碗材料相當豐富有：▪燒茄子▪煙燻茄子蓉▪牛油果▪車厘茄▪溫泉蛋荷蘭醬汁▪布里歐修麵包▪煙三文魚班尼迪克碗必點推介， 先刺穿水波蛋，金黃蛋漿流出，焗得微脆的布里歐修麵包， 完全吸收蛋汁後，惹味吸引。 煙三文魚，鮮美滑溜 。 煙燻茄子蓉， 淡淡煙燻香氣， 別有一番風味。 茄子軟嫩滑溜。 熟透的牛油果配上爽脆的洋蔥粒， 滋味搭配， 口感清爽。啤梨杏仁撻上層的啤梨肉， 香甜柔軟， 加上脆卜卜的杏仁片及脆脆的撻底， 滋味升華，令人喜歡。神奇芒果沙冰 粉嫩的芒果沙冰， 賣相漂亮， 入口柔順濃稠，天然的芒果果香瀰漫口腔， 香甜誘人。熱帶風凍飲茶 $40特飲用上熱情果、 菠蘿、芒果汁混合而成， 啖啖水果的甜香， 再加上羅勒葉， 帶來好清爽的口感

去荃灣西海之戀行donki，原來呢度開咗odelice! 之前係灣仔食過lunch唔錯，今次試試dinner😋海之戀呢間店舖寬敞，裝修有點法式風情🇫🇷🇫🇷前菜 法國香草蝸牛 蝸牛和薯糰丸子口感煙靭，和麵包脆形成對比調味係我最鍾意嘅青醬，口味略淡，可加重牛油味，會更出色主菜份量大，擺盤亦非常用心香煎三文魚 配燒茴香、薯蓉三文魚厚身，魚皮煎得香脆第一次食燒茴香，以為係洋蔥，外形有點相似😆日曬蕃茄醬汁香濃好味👍🏻多啲汁更正香橙烤豬腩豬腩皮燒得非常脆，超正！西梅汁酸酸甜甜平衡了豬腩的肥膩配菜有羽衣甘藍、洋蔥、蘑菇、粟米蓉羽衣甘藍脆口，粟米蓉creamy 👍🏻👍🏻甜品店員推介新出的熱情果芒果tiramisu 海綿蛋糕濕軟，濃濃的酒味和mascarpone熱情果和芒果製成的果醬微酸Mocktail - Ginger Fizz整體不會太甜，生薑汁入口順滑，搭配蒔羅香草，十分開胃Cocktail - Passion Colada甜易入口，椰奶香濃搭配水果嘅甜味，適合鍾意飲甜酒嘅朋友

海之戀雖然近排開咗好多餐廳，但想食法國菜，揀了性價比超高嘅Odelice 。餐廳裝修充滿法國街頭色彩，環境十分舒適。法國生牛肉他他 據我所知係用上手切金髮阿基塔牛脊肉，用料上乘，牛肉味濃郁，生食都唔怕。把牛肉搽上香脆嘅蒜蓉包上一齊食，真係食唔停口。香煎三文魚三文魚煎得熟成度適中，肉質鮮嫩，外皮夠脆，跟日曬蕃茄醬汁十分匹配。附碟還有牛油味濃郁嘅薯蓉，值得一讚。脆皮燒豬腩豬腩肉肥瘦度適中， 肉和脂肪分層平均，雖然厚切，但肉質夠腍。除此之外，豬皮燒得超鬆脆，食落口卜卜聲。點上西梅醬汁，味道豐富。配菜還有羽衣甘藍、玉米糊，相信能中和豬腩肉嘅邪惡。 火焰橙酒可麗餅服務員先將橙酒倒落可麗餅上面，然後點火，可以話色香味俱全。加埋個雲呢拿雪糕一齊食，呢個甜品真係必食。呢間餐廳嘅飲品都相當突出，值得一試：Tropical Passion 成份有熱情果，芒果和羅勒Rosemary Grapefruit G&I 成份有氈酒，西柚香甜酒，迷迭香糖浆，青檸。

呢一餐真係要好好記錄，就係離港前帶阿囝同婆婆去撐枱腳。婆婆口味好西化，指明要食西餐，仲要至愛食生蠔。我哋舊地重遊，去咗荃灣海之戀嘅 Odelice一嚟就叫咗半打法國生蠔俾婆婆嘆下先，雖然唔係好大隻，但勝在夠新鮮，婆婆好滿意。婆婆呢期瞓得麻麻地，叫咗一壺舒緩花茶比佢，希望佢有覺好瞓。我自己就要咗Pomegranate Mojito ，酒味勁濃烈。爽呀！前菜：法國香草蝸牛波B哥最初話disgusting, 但又不斷密密食。🤣之後又話原來蝸牛咁好味。比佢激死！😓主餐：馬賽龍蝦海鮮鍋、法國油封鴨腿。婆婆好鍾意個海鮮鍋，好多海鮮好豐富，好味到冇得頂。甜品時間，阿囝好鍾意呢件法式蛋白霜檸檬撻，唔會太甜，酸甜配合恰到好處。輕輕鬆鬆嘆咗一餐，珍惜與婆婆相聚美好時光，大家要保重身體呀！

同朋友去海之戀行Donki緊係去搵埋野食海之戀餐廳真係多選擇今次揀咗法國🇫🇷餐廳座位同環境都好舒適氣氛好好Very 👍 入返正題講食物先我地叫左法國生牛肉他他用左手切牛脊肉整成好食😋配上麵包好似烘左嘅連舊麵包都好味我想講份量一d都唔孤寒朋友第一次食生牛肉他他都話好食好彩比個好印象佢香煎三文魚皮煎到剛好脆卜卜三文魚油份好夠唔乾但最有驚喜係下面嘅薯蓉超滑超好食配埋個醬汁好夾脆皮燒豬腩豬腩肥瘦適中塊皮好香好好食佢個西梅醬汁可以中和肥膩感羽衣甘藍都好夾又係必點👍甜品我地揀左火焰橙酒可麗餅侍應會即場點火拍video打卡橙酒香滲落餅度連埋雪糕一齊食打卡要叫喔飲品我試左passion colada甜甜酸酸好開胃啱女仔飲朋友就飲熱情果果茶佢話飲得出新鮮水果整有果肉茶亦有茶香味出面其實仲有露台室外位不過當日都大風如果唔係坐出面都幾chill下次一定要試下

看到餐廳好的食評很多，既然平民法國餐廳便來光顧一下。餐廳裝潢以白色為主，木桌木椅座位亦夠闊落。入座時只有3枱客人，感覺也優閒。午餐選擇很多，最後還是點了最愛的牛扒肉眼牛扒配薯條介紹說是220g新西蘭牛扒，指定醬汁沒有選擇，可選擇加錢升級，但這次先試試原餐吧這是上枱時的賣相，是法國餐標準嗎？ 還是午餐較為隨意呢？ 哈味道還好，牛味也有，但個人本身喜愛多醬汁，可以自選味道更好。薯條不過不失吧。午餐包括餐湯或飲品點了餐湯，濃稠忌廉湯，味道普通一點，也喝了2口才記錄所以最後額外點了飲品還沒感受到法國氣氛，下次再來臨試試別的菜吧

一入海之戀商場就會見到odelice!呢間餐廳，外面放左各式各樣嘅酒同食材，裡面就係簡約嘅裝修，簡單得黎但好有情調。餐廳係一間酒吧，提供唔同嘅送酒小食。但你都可以食set dinner或者其他西餐主菜。我地叫左一個主廚拼盤前菜，主菜就揀左香煎三文魚，慢燉羊膝, 再加甜品。🧑‍🍳主廚拼盤令人好有驚喜，盤上放滿左各種不同的小食，例如：煙三文魚、意大利火腿、炸黑松露蘑菇球，鱈魚醬，雞蛋沙律，燒茄子同面包。估唔到主廚拼盤咁豪華，松露蘑菇球外脆內軟，黑松露味道好香，非常好味。鱈魚醬同雞蛋沙律都好好味，而且份量都好多。煙三文魚同火腿送酒一流。🐑慢燉羊膝，煮得非常的細嫩，肉質鮮美。配上特製的傳統羊肉汁，味道更加香濃，一D羊騷味都無。薯糰丸子口感好Q彈，好特別。🐟香煎三文魚好大塊，好厚切。肉質鮮嫩，外面香脆，內裡柔嫩，火候控制得好好。配上日曬蕃茄醬汁，酸酸甜甜，連薯蓉一齊食，非常好味。燒茴香好甜，口感好特別。🍮甜品係火焰橙酒可麗餅配雲呢嗱雪糕。侍應上枱之後，就淋上著左火既橙酒，頓時個甜品變晒左一座火山，橙酒味道不斷揮發出黎。經過火焰燒過之後，可麗餅味道特別濃郁，連雪糕都帶有淡淡橙香，令人難忘。🍹冰茶T

荃灣交通位置都好方便，引入好多不同類型嘅餐食集中一起！就在西鐵站已經有間法國餐廳🍴環境舒適！試試餐廳的特色菜式，茶飲品都係對健康為主，今次試對排毒有作用的薄荷茶加上迷失香、百里香、金錢草、蒲公英好特別嘅香味茶！前菜食個法國生牛肉他他，用上法國包同生牛肉一起食，獨特嘅味道！馬賽龍蝦🦞海鮮窩，好豐富呀，有不同的海鮮再加上個汁令到海鮮味更好味😋脆皮燒豬肉，皮脆肉多，點上西梅醬汁不錯！飯後甜品火焰橙酒可麗餅，外面已經好吸引，味道更加不用多講，好味！法國餐廳當然要飲杯cocktail 椰香熱情果酒，滿足的一餐！

今日約了朋友於荃灣西行街，海之戀有很多餐廳，之後去了一間有好幾間分店的法國餐廳食晚飯。餐廳很有氣氛，又有很多不同的選擇。香草蝸牛：蝸牛來自法國，口感很爽，已脫外殼，方便進食。薯團丸子煙煙韌韌，加上香草醬汁，味道很匹配。三文魚：三文魚香煎後，魚皮很香脆，魚肉保持嫩滑，加上日曬蕃茄醬汁，十分惹味。配有綿滑的薯蓉和西芹。烤豬腩：豬腩肉烤完外皮脆卜卜，而肉質軟稔香口，配西梅醬汁，味道很夾。另外有羽衣甘藍和粟米糊，可以中和一下。飲品：紅粉緋緋和椰香熱情特飲各有特色，比較喜歡有椰奶的雞尾酒，層次豐富，容易入口。甜品：蛋白霜檸檬撻的賣相吸引，上面軟乎乎，下面有檸檬香，甜蜜地結束這一餐。

✅餐廳氣氛好 暗暗地又有蠟燭✅食物全部都好唔錯✅呢個價錢食到法國菜 都算係咁✴️建議book檯（唔book坐唔到卡位）✴️我有試過weekend晚上去係好full 得返啲好奇怪好窄嘅位⭕️煎封吞拿魚薄片⭐️⭐️⭐️⭐️⭐️呢個好有驚喜地好食，好惹味，而且半生熟咁口感都好唔錯⭕️白蘭地煮蜆⭐️⭐️⭐️醬汁味道唔錯，可惜有一兩隻有沙🥲⭕️法國油封鴨腿 +$20 ⭐️⭐️⭐️⭐️（鴨腿算煮得幾腍幾嫩，底下有啲醬菜酸酸地，剛好可以中和鴨腿嘅油膩）⭕️番茄焗海鮮批⭐️⭐️⭐️⭐️⭐️（唔係平日食開嘅「批」是沒有餅皮的，其實係薯蓉+海鮮，調味好好，成道菜都好香好邪惡）Dessert:⭕️花生朱古力可麗餅⭐️⭐️⭐️（可麗餅嘅餅皮好香好軟熟，整體都唔差，但我覺得啲醬太多）二人餐$588，法國菜嚟講就唔係貴嘅

終於得閒坐低食個飯，吹吹海風，遠眺海景，周圍仲要係綠油油嘅公園。呢度就係荃灣海之戀商場既Odelice！交通就腳，就在西鐵站上蓋。餐廳有個小露台位可以影相打卡，放飛心情又可以打卡。Odelice！主打法式風，嘆個Brunch就最好不過啦！班尼迪克碗擺盤精美，見到已經好有食欲。配料有牛油果，車厘茄，燒茄子，溫泉蛋一切開蛋漿即刻流出，麵包非常鬆軟，沾咗蛋漿味道很好。火腿份量足夠，我尤其喜歡牛油果蓉，口感非常綿密細膩，質素一流。雜錦海鮮蕎麥薄餅蕎麥薄餅好特別，亦為我哋帶來驚喜。薄餅口感鬆軟，上面鋪有海鮮，有好多海鮮，有虎蝦，珍珠帶子，鱈魚，魷魚，賣相吸引。海鮮份量很滿足，淋上檸蜜汁，口感倍感清新。甜品是朱古力"Moelleux"蛋糕濃厚朱古力十分細膩，口感偏軟，比較甜，份量都很滿足。熱帶風凍飲茶勁鐘意羅勒味，芒果菠蘿味清新又爽口，果味恰到好處，香甜到位。

朋友是荃灣地膽，帶我遊走天橋穿梭不同商場，感受不同的新年氣氛。看到人流擁擠，不同的狀況。行得累了，路過一間簡約的餐廳，我們就坐下。環境寬敞，日光照耀，令人感到舒服。服務員有禮細心，預備溫水，不住加水給我們，真好。在點選食物時，發現很食物也已沒有，因為太旺了，市道好，對大家也好。我選了週末悠悠早午餐：包主菜及飲品，有需要仲可以優惠價點小食。我選了蕃薯條配半隻燒雞（因為薯條售罄）蕃薯條超甜，我們一口接一口，完成停唔到。牛腹肉蝴蝶粉9 .：牛漢堡售罄，朋友想食牛，只好選了蝴蝶粉，真的不得了，十分好味。牛腹肉大件入味又易咬，蝴蝶粉與醬汁超夾，令人食唔停。飲品新意不多，coffee & lemon juice，就要經典之作仲有小餅乾配之。

大年初一瞓到兩點幾先出去食brunch，好多餐廳都好多人排隊，難得呢間平時多人排隊嘅無人就即刻入去坐低🤩入到去樓底好高，俾人一種好舒適嘅空間感去過一個懶懶閒嘅假日。嚟到法國餐廳當然試試法國特色食物啦～1. 法國油封鴨腿🦆 $168 (🤤🤤🤤🤤/5)鴨腿比想像中細件～但外脆內軟嘅口感另人難以抗拒。外皮薄身，香脆得嚟唔會食到成咀油，亦都冇肥膏黐住。鴨肉淋身，只有少少位要咬耐啲🤏🏻薯團丸子，第一次食感覺好新穎🙊口感似麻糬十分軟糯，相信煙韌控會喜歡。因為有砵酒醬汁，所以薯團丸同皺葉椰菜嘅味道都酸酸甜甜，可以refresh一下解膩。絕對可以試試！2. 花生朱古力法式可麗餅 (🤤🤤🤤🤤/5)雖然材料普通，但味道亦都唔錯。有原粒花生鋪面，淋上花生醬及朱古力醬，最後配上綿密香濃朱古力雪糕。一啖入面口感豐富，作為甜品係不錯嘅選擇。3. 黑松露牛肉雜菌法式可麗餅 (🤤🤤🤤🤤🤤/5)作為黑松露嘅我非常喜歡呢度菜式！🫶🏻一入口就被忌廉黑松露汁吸引咗味蕾，配上牛肉漢堡及埃文達芝士非常惹味❤️‍🔥 食到一半可夾雜沙律解膩，感覺冇咁熱氣，中和菜式嘅鹹味。4. 是日餐湯 - 椰菜花忌廉湯🥣 (🤤🤤🤤🤤/5)香蔥鋪面幾特

今晚同朋友慶祝生日，揀咗荃灣西附近嘅西餐廳，由於已經預先訂位可直接入座。餐廳裝修雅致，桌上有小蠟燭增加氣氛，十分適合作慶祝嘅飯局。晚餐有套餐選擇，啱曬我有選擇困難症的人！頭盤揀左法國香草蝸牛，二人份量嚟講都幾多下，大量香草醬配上蝸牛味道幾夾，薯糰丸子質地煙靭我挺喜歡！主菜其中一款揀左三文魚，魚皮煎得香脆中間又唔會overcook，加上燒茴香和薯蓉蕃茄汁，穩陣之選！香橙烤豬腩，配菜有羽衣甘藍、玉米糊、豬腩皮烤宿好脆口，配上西梅醬汁幾惹味！法式蛋白檸檬撻，當然唔少得甜品，揀左檸檬撻，可以減少油膩感，法式甜品是比較甜但我幾喜歡！

三个人点了两个lunch sets。肉眼牛排没有比预想的优秀，煎得有点焦，吃起来有些苦。薯条也不是特别脆，有些就软啪啪的……普罗旺斯意粉很不错！有点小清新，很喜欢搭配的南瓜粒。生牛肉他他也不错，牛肉很Q弹，肉质很新鲜。酸酸的带点微微辣，有点开胃！海鲜锅有点小失望，看到很多人推荐，于是还加了80升级整只龙虾。龙虾应该是冰冻的，虾肉腥味很大，虾肉很难嚼。其他小海鲜还凑合，调味也不错，就是龙虾的腥味都串到整个海鲜锅里了…