Ocio (煙廠街) (已結業)

嚟旺角食Lunch, 想坐得舒適d, 千挑萬選揀咗呢間cafe。Lunch Set幾抵食，幾十蚊質數都好唔錯👍🏻揀咗「照燒汁牛柳粒意粉」個汁好正好夠味，牛柳粒有黑椒香味，肉質唔靭，咬落都幾多肉汁👍🏻意粉又唔會煮到太淋，好味。重點係即叫即整，呢幾日天氣凍冰冰，食到熱辣辣即製嘅食物係好重要。蕃茄湯有粟米粒，個味都唔錯。飯後加埋大大杯嘅咖啡，自己控制甜度同奶量，唔錯唔錯，今餐好滿意呀，疫情緩和，放寬晚市後，必定會再嚟🥰

今日同朋友約左係旺角行街午餐決定食屋企人推介嘅cafe OCIO屋企人話呢間食物啲質素都幾高質架！我同朋友叫左兩個set lunch 一齊開心share～😘-分別叫左龍脷柳意粉同All day breakfast隨餐會附送兩個餐湯🍲餐湯嘅蕃茄味好濃郁好好飲👍🏿All day breakfast嘅配料都好豐富有茄汁焗豆、牛乳炒蛋、香腸、沙律、薯條、煙三文魚、雞扒同窩夫😋咁大份岩哂2個人一齊share！-而龍脷柳意粉入面嘅龍脷柳煎得好香脆😙肉質都幾嫩滑 加埋意粉同沙律岩哂女士們另外叫左曲奇雲呢拿奶昔同朱古力奶昔🐮曲奇雲呢拿奶昔個味好熟識有啲似麥旋風而朱古力奶昔入面嘅朱古力味好香濃令人忍唔住一啖接一啖咁飲🥰

六點前的晚餐系列, 最近都忙著最後衝線😆😆 如果要喺六點前完成晚餐， 最好要五點十五分前落order。真係好掛住ocio 的全日早餐, 放工後即刻飛奔落去。ocio 特選全日早餐保持一貫嘅水準， 超豐富嘅選擇。嫩嫩的炒蛋、 香甜的烤蕃茄、香草雞扒、 脆脆煙肉、 鬆軟嘅窩夫、 煙燻味的三文魚、 脆炸薯條、 仲有我最鍾意嘅茄汁焗豆同埋新鮮沙律菜。 呢度嘅all day breakfast 只是七十幾蚊😀😀 已經係咁豐富。ocio 魚蝦蟹拼盤五點幾嚟到仲可以嗌午餐😁😁，仲可以加購 魚蝦蟹拼盤， 超巨型嘅炸魚柳， 熱辣辣嫩滑多汁， 仲有兩隻炸蝦，同埋兩個忌廉蟹肉炸薯餅。粒粒蕃茄湯好開心今日嘅餐湯係蕃茄湯🍅🍅， 除咗雜菌湯之外，就最鍾意係呢個湯，酸酸甜甜又有蕃茄粒粒， 好滋味。

❣️芝士白汁吞拿魚焗意粉 $58性價比極高意粉😍芝士香噴噴又拉到絲好滿足😈但係白汁味稍為唔夠突出應該係比芝士cover咗🙈食到啖啖吞拿魚肉👍🏻仲有粟米粒同埋蘑菇🥰意粉偏淋好啱我口味😆😋❣️黑松露卡邦尼意粉 $75黑松露卡邦尼相對上無咁出色😵黑松露味唔夠濃 醬汁略嫌小小稀🤨令到整碟意粉偏向比較濕🙁❣️OCIO All Day Breakfast $89All day breakfast熟於正常發揮😃基本ingredients例如waffle/煙三文魚/sausags/滑蛋都應有盡有 仲有雞排同埋薯條🤩fries好香脆熱辣辣但係少少鹹🙈質素中上性價比高👍🏻❣️鑊仔伯爵茶雪山熱香餅 $79Pancake以鑊仔形式送上可以保持pancake熱度😬再加上vanilla雪糕😆又凍又熱好有層次😍但係伯爵茶味cream唔明顯比較似原味😣

二人tea 時間得1個鐘 就要跑返去接大佬朱🐷Ocio 之前只系食過佢dinner 原來有埋lunch & tea Lunch 有餐湯 cream mushroom 🍄 我地叫左BBQ醬春雞配薯條🍟嚟到真系好大份呀😋😋😋😋最好系咩呀 系每枱都有一支大茄汁 妳中意要幾多就幾多🤩🤩好似我老公呢種茄汁魔 啱曬佢😝仲叫左佢原味Cheese 🍰 好耐無自己一個KO成個蛋糕啦 終於唔洗有人同我爭 😋😋跟埋杯lime soda 🥤🥤好夠鐘返去搵老闆啦🥲😗

本身聖誕節happy下過嚟lunch睇個餐牌有啲厚 就問個staff 有咩特飲佢一粒聲唔出 指左指個餐牌 咁ok我地自己揭ok的成程落單粒聲無出過咁我就唸：啊姐姐係咪christmas要番工所以唔gur呢🙃然後，我兩個人嗌左個burger同明太子意粉嚟完burger佢上左個龍利柳意粉我話我地唔係嗌呢個，佢話下 你地係嗌呢個喎我地話唔係 跟住我話我地係叫6號餐 然後佢對住我地皺眉頭 攞住碟野走左過一陣番嚟 攞住碟龍利柳 話：你地介唔介意食左呢碟？我都明會浪費 但我真係唔想食佢先到西哂面換俾我地唔明點解咁多好評 可能係我今次黑仔🙃野食上：burger ok，薯條硬到一吉落去成條飛落地下，明太子意粉，明太子味唔香，成個汁超潔達達。希望大家去幫襯個時好彩d

食了牛扒配薯條，牛扒超難咬，肉質好韌，刀切都很難斷，味道很差，真係似食橡皮筋咁😓，另外叫了蕃茄雞肉飯，也是差，雞燒到燶了，乾曬水，口感乾爭爭，完全無肉汁，只叫兩樣菜式，最後賣單$280，不值這個價錢，快餐店都比這店有水準得多，太失望😞😞😞，之後都唔會再去，飲品也是很差，因為跟餐送飲品，叫了飲品，超甜，超難飲，所以唔好抱太大期望，一開頭見評語幾好，去試下，點知係咁差，但賣相係幾好，但味道好一般，唔會有驚喜，很一般

🌟最優秀旺角開飯熱店🦞芝士龍蝦焗意大利麵 $148龍蝦肉質爽口彈牙 肉質鮮甜，意粉醬料入味 而唔會膩口。 呢個價錢幾抵食。🍝紅酒燴牛舌意大利麵 $98被賣相吸引而試下，有三大片厚厚牛舌，有咬口，亦唔會靭。同時配合到醬汁，唔會太多酒味。🥞雜莓窩夫$68 窩夫內裏質感鬆軟，外層帶少少脆身。蛋香味濃，很香口，配上雜莓甜甜酸酸，非常開胃，係當日令小編最滿意嘅美食。🍤小食拼盤 $49非常抵食，有多款小食，例如：薯條丶春卷丶雞塊丶炸蝦等，全部都是新鮮炸，分量亦不少👍🏼唔會太油膩。🥗煙三文魚沙律 +$15性價比高，三文魚亦新鮮。

建議可以係OpenRice 預先book 位因為個日去食係星期六都幾多人好在book左位唔洗等好耐，好快就有位「原味拿破崙」$48個餅好鬆脆但略嫌唔夠香口有d失望⋯不過呢個價錢都算係咁⋯「6玫瓏蜜窩夫」$55香甜既蜜瓜配上窩夫，讚！但如果窩夫可以熱d同脆d，就會更好啦！上面兩款都係tea set 有2杯餐茶送叫左「熱伯爵茶」可以消一消濟此外，仲加左$49叫左個小食拼盤好抵食呀！ 個小食拼盤好讚呀！ 有薯條、麥樂雞、春卷、咖哩角、魚手指全部都好好食！熱辣辣咁送上黎！炸粉岩岩好，味道都好好味～ 好讚！有機會一定要試下！

本身想試Black Coffee既甜品，但佢條人龍真係好長！咁凍之下轉戰佢附近既Ocio😂都係主打甜品😆。唔使等位但其實入面都幾full下星期日佢有假日午餐同假日下午茶揀♥️都好多選擇仲有好多款甜品🤩最後叫左Ocio All Day Breakfast + Waffle 餐湯 - 好creamy好吸睛👀好豐富✨有炒蛋、煙三文魚、雞扒、蕃茄、茄汁豆、薯條、沙律同waffle個炒蛋好滑，有蛋汁漏出黎🤤，薯條同窩夫都好脆！雞扒就稍為淡味左啲，如果可以點醬/醃下會好D。朱古力Brownie窩夫🍫朱古力控😎必叫！即叫即製，外脆內軟😋。配住brownie同朱古力雪糕一齊食，一冷一熱擺入口，Triple Chocolate既感覺真係好幸福！價格相宜，賣相同味道都幾好！高CP值既一間cafe☕️👍🏻！

ocio呢間餐廳其實都開咗好多年仲記得一開始佢哋喺出名甜品 近年就有得食正餐平時我都係食開意粉/飯多 質素絕對唔差今次下午茶時段黎 就一人叫咗一個甜品-#鑊仔抺茶紅豆雪山 $79呢個係舖頭最近出嘅 點可以唔試下用鐵板上 所以賣相已經比普通甜品突出 打卡一流🤣不過鐵板無乜熱力可能唔想面頭嘅雪糕溶？兩塊厚pancake口感軟綿濕潤 有啲似食緊海棉蛋糕不過抹茶味道就覺得薄弱咗啲 比麵粉香遮蓋左睇顏色應該都睇得出 同抹茶雪糕嘅顏色有明顯對比整體唔太甜 好彩有海量紅豆蓉同奶香豐富嘅抹茶醬-#布朗尼窩夫 $65其實呢個我上次嚟都食咗 喺我大力推介之下朋友就叫咗一個黎試 好彩佢冇失望😌窩夫配雪糕呢個經典嘅組合 一凍一熱無得輸窩夫除咗微甜嘅朱古力味之外 亦蛋味香濃當然主角brownie都好出色 口感偏向fudgey
表皮微微酥脆 組織柔軟但係唔鬆散鍾意朱古力味嘅人 要試吓呢個甜品‼️

我好多時出旺角食嘢，而旺角鬧市中我特別喜歡去一些比較舒服坐的餐廳，鬧市區的小寧靜使我響往！最近去了一間叫ociokitchen cafe 餐廳，和朋友都品嚐了分別黑松露卡邦尼意粉和菠菜蟹肉意粉套餐，我自己覺得黑松露意粉真係冇得輸，十分之濃香的黑松露是我至愛，配上冬菇煙肉芝士的卡邦尼意粉，特別使人難忘呢！另一款是菠菜蟹肉意粉，這菠菜蟹肉都分量十足，而且美味又健康，好適合女生食多多都可以呢！Ocio (煙廠街) (旺角)旺角煙廠街33號朗廷軒地下B舖

Set dinner三文魚扒伴薯蓉 $138超大塊三文魚扒！煎到外層好香脆，而且魚腩位係入口即溶！有埋薯蓉伴碟，完全唔驚會唔夠飽黑松露軟殼蟹意大利飯 $138一上枱已經聞到好香嘅黑松露味～意大利飯入面仲有大量磨菇，好足料haha 而且有原隻即炸軟殼蟹！除左大大隻又脆卜卜之外，仲發現入面有好多蟹膏好驚喜！跟餐仲有餐湯同餐飲～玫瑰牛奶（+$15）一開始仲猶豫緊咁嘅配搭會唔會好奇怪，但原來係好match~牛奶味入面帶有淡淡嘅玫瑰味，又唔會好甜總括而言係幾抵食嘅cafe

今日同媽咪黎食LUNCH, LUNCH SET都幾平, 同埋好多野揀!叫左1個咸既SET LUNCH, 豬肋骨窩夫早餐~再加左一份甜品窩夫~豬肋骨窩夫早餐有成排豬肋骨, 比我地想像中大份好多! 仲有薯條!!窩夫好香蛋味, 唔係得陣風, 入面有D似蛋糕, 好食!豬肋骨同薯條都好味道, 薯條仲要超多!榛子朱古力窩夫本身無特別好朱古力味, 點知呢個窩夫好香朱古力味又唔會太漏!窩夫口感同樣都係好MOIST又鬆軟, 想ENCORE!!

嚟到煙廠街，諗住食完個dinner 可以去其他餐廳食埋個甜品，入咗嚟呢間餐廳先發現原來呢度嘅甜品都有好多選擇，我同朋友簡直係開心大發現咁。晚餐set 都有成16款咁多BBQ豬肋骨配薯條豬肋骨分量多， BBQ醬係精粹，到晒成個醬汁落去都唔覺得過分。燒春雞配意粉燒春雞有驚喜，啲肉質唔”鞋”仲幾嫩滑添。蒜蓉味嘅意粉我鍾意！套餐+39有五隻雞翼水牛城醬汁唔辣 加上煎香脆口雞翼 好味！+39有芝士蛋糕由於我哋兩個食到好飽，無加個芝士蛋糕，唯有帶着呢個遺憾下次再次呢度嘅蛋糕同窩夫😆😆