Ocio (煙廠街) (已結業)

今日行街行到豉油街度，突然諗起附近有間特色吃窩夫啲店鋪，興起就點了一份紫薯蜂巢窩夫和玫瑰花茶。窩夫係翻焗，焗過後外層還會微脆，而且呢款窩夫好特別，表面擺左紫薯和雪糕球，餅裡面還有粒粒紫薯，咬一啖有淡淡啲紫薯味道，口感特別還易飽。雪糕球可以選擇單吃，也可以選擇同窩夫一起吃，冰熱搭配，反而好爽口，不會刺激口腔。玫瑰花茶係用茶包沖泡，方法簡單粗暴，但係玫瑰花味濃郁，很養顏。吃了微甜啲窩夫，飲啖花茶，沖走甜味，都算是不錯啲搭配。

係openrice 俾佢既甜品吸引，所以決定今晚黎試下！夜晚七點去到都唔洗排隊，即時入得。首先當然係order 正餐先啦，雖然佢有俾大menu, 但佢既dinner menu 已經有好多選擇。我地order 左肉醬千層面同黑松露軟殼蟹飯，另加左炸雞翼，最後當然有order 甜品！！肉醬千層面味道其實唔差，但賣相不討好，收得呢個價錢有少少overprice 左。芝士同蕃茄味好足，千層面唔會太厚硬。炸雞翼跟餐加$39, 性價比高，賣相吸引，味道口感亦都好好，推介。黑松露軟殼蟹意大利飯首先講講賣相，見到係有心思，食落口好有黑松露味，軟殼蟹亦炸得鬆脆香口。最後黎到重點甜品班戟心太軟賣相已經不錯，再加上有班戟助陣，溝埋雪糕同朱古力心太軟，令到味道唔會太甜！！！ 非常好，唯一可以挑剔係雪糕比較少，未食曬心太軟已經熔曬。

👍The dishes looked appetizing👍Location: it is situated in the heart of a Mong Kok👍Large portions👍Quick serve👍The food was fresh🙁The food is not even up to standard ☹️Spaghetti is barely edible☹️The food is not even close to authentic☹️Poor service☹️Noisy crowded environment ☹️Quite dirty☹️Overrated Overall,it does not accompany the high price.

好耐無食 OCIO, 今日專登早啲係 OPENRICE Order 晚餐, 有全日餐，軟殼🦀意大利飯同小食拼盤。收工去拎外賣，返到屋企即刻打開我鍾意嘅意大利飯。我第一時間就講左句 "異型吖" ！！！！外賣啫，隻軟殼🦀唔洗迫到變晒樣嘅，可以分多個盒嘅，如要加錢我拎外賣時可以問我拎，我ok 嘅。而全日餐就 ok 啦，一定有瑕疵，唔太差我都唔理，我只係希望外賣唔好同堂食差太遠咁就最好。各位睇相了解下我話"唔好咁大分別" 嘅意思係咩🙏🏻🙇🏻‍♀️！！！！PS-----我有寫明薯條分開放，但冇，啲薯條搞到 林bet bet😑！

Ocio 屹立煙廠街多了，當年憑着特色窩夫打響名堂，今時今日水準高cafe 數量多的是，無論食物及裝潢都令人眼前一亮。入到Ocio 感覺已經很舊，和一般西餐廳差唔多。揀左下午茶「抹茶窩夫拌雪糕」$5x窩夫是翻焗的，焗過後外層微脆，整體質感較靭；基本上完全冇抹茶味，想吾加糖漿都唔得，云尼那雪糕都系普通貨色，感覺好 hea 。House Coffee 果酸和苦味同樣出，加奶後口感好少少，冇咁鞋，唯一要讚就係溫度足。

呢度有超夢幻刨冰🍧經過就比佢哋門口嘅牌吸引咗。呢隻藍色見到就諗起Little Twin Stars😂最特別嘅波子汽水味（$59）唔係度度都有，特別鍾意嗰球雲呢拿雪糕，好幼滑好香雲呢拿味。另外晚市主菜叫咗奧斯BBQ春雞（$138）上枱嘅時候已經好香，意粉仲用蒜頭炒過。附上一點燒汁，好惹味啊！晚市套餐仲可以另外加小食拼盤（+$49），有好多款炸物，包括春卷咖喱角、薯條、魚手指、炸蝦等等，份量十足好抵食！

政府限制令放寬，夜晚都可以堂食，忍不住約佐朋友出來穩食。旺角煙廠街呢間餐廳每次來都好多人，店舖唔係好多坐位，限制一張檯一粒鐘食嘢😂 佢啲美式BBQ醬烤原條豬肋骨配薯條肋骨好大一排，起碼有四五公分厚，香氣撲鼻，忍不住切一塊試試，肉表層塗上濃烈、酸甜、微辣的燒烤醬，粗獷豪邁一撕，暢快淋漓。配上清甜啲雜菜沙拉，肥膩感直線下降，食完都唔會覺得膩。仲有熱辣辣啲薯條，整個餐好豐富，兩個人食都食得好飽！呢個餐配送餐湯同杯飲嘢，加埋$49係小時拼盤，有炸蝦、春捲、咖喱角、炸雞塊、魚手指同薯條，啱啱炸起好熱辣辣，食得好滿足。

政府限制令放寬，夜晚都可以堂食，忍不住約佐朋友出來穩食。旺角煙廠街呢間餐廳每次來都好多人，店舖唔係好多坐位，限制一張檯一粒鐘食嘢😂 佢啲美式BBQ醬烤原條豬肋骨配薯條肋骨好大一排，起碼有四五公分厚，香氣撲鼻，忍不住切一塊試試，肉表層塗上濃烈、酸甜、微辣的燒烤醬，粗獷豪邁一撕，暢快淋漓。配上清甜啲雜菜沙拉，肥膩感直線下降，食完都唔會覺得膩。仲有熱辣辣啲薯條，整個餐好豐富，兩個人食都食得好飽！呢個餐配送餐湯同杯飲嘢，加埋$49係小時拼盤，有炸蝦、春捲、咖喱角、炸雞塊、魚手指同薯條，啱啱炸起好熱辣辣，食得好滿足。

無食早餐，lunch time想食得豐富d，就叫咗以餐廳命名嘅ocio 全日早餐。Order完好快就黎左lunch set 包嘅餐湯，今日係有少少磨菇嘅白湯：雖然唔係話好好味，但用黎暖胃都ok。好快主角就黎😍滿滿一碟，最欣賞就係佢地嘅個雞扒同窩夫！雞扒煎得香脆又嫩滑，而窩夫做為飯後甜品最後一樣野食都keep到脆口，食完成份all day breakfast 真係大滿足！😋最後以一杯black coffee 作結。

今日約咗朋友食飯，梗係要食返一間好耐冇食ge咖啡店啦🥰細細個喺呢度附近返學，都成日過嚟食㗎啦，過咗幾年，呢度都係無變一樣咁靚。咁我哋就叫咗兩個午餐嘅，跟餐都有包埋一杯$33樓下嘅飲，咁我哋就叫咗兩杯茶，都係啲高級茶包，都算係咁啦。另外亦都有個白湯，好耐冇飲白湯嘅我覺得幾好飲入邊有啲粟米都幾足料，另外見到隔離食呢個明太子帶子意粉，感覺好似幾好食，我就着咗啦，另外朋友就叫咗豬肋骨窩夫仲有薯條嘅添，價錢都係$75 ，都幾抵呀🥸雖然嗰個唔太子意粉好似唔太特別，但係食落去真係不得了真係好好食，好少見意粉會有茄青椒，加入去有幾夾，好入味另外豬肋骨都幾好食，佢係新鮮整嘅，有一隻蛋，幾大塊😛😛但係有少黑你嗰個waffle，係好似口感唔錯

旺角 #Cafe #lunchset#午餐 奉送餐湯和$33以下飲品～粟米忌廉餐湯結身不會好水|꒪˙꒳​˙꒪)環境細小，好生意多客人，另收+1服務費#紅酒會牛舌意粉 #🍝 $65牛脷厚切肉很淋，清甜不會酥。幾喜歡他的甜甜蕃茄醬意粉很開胃(๑•᎑•๑)推介#照燒牛柳粒意粉 $65好香的燒汁味，配料都足料，味道偏濃厚，識合重口味朋友。意粉煮得剛剛好，軟硬適中，帶點彈牙口感，配合燒汁相當惹味。服務質素：6/10環境舒適度：5/10ᶘ ᵒᴥᵒᶅ個人口味評分：7/10

雖然當日冇乜客人，但等候時間耐過app上顯示嘅預計時間好多。雖然應該係食物一出就自取左，行番屋企只需5分鐘路程，但係野食全部都係凍嘅，特別係餐湯非常之凍。卡邦尼意粉無論係外貌同味道都唔似卡邦尼意粉，超多蒜，剩係得蒜味，味道好似Pizza Hut 嘅蒜香意粉。牛翼板味道ok，但講左7成熟變左全熟，好韌，薯條又凍又淋。蜜糖雞翼味道一般，多蜜糖，算係咁多樣野食中最好食。總括黎講，不可一不可再，應該唔會再幫襯。

年尾同朋友去辦年貨果陣買到好肚餓就入左呢間cafe食野。間cafe 既裝修偏向復古style, 燈光柔和，係呢個環境食個下午茶真係幾舒適。食物方面，我點左個黑松露卡邦尼意粉，我朋友就點左香煎原條龍脷配意粉。個餐一黎到就已經聞到好重既黑松露香味，配料都唔少，份量都幾大。個原條龍脷意粉都唔會比黑松露卡邦尼遜色，條煎魚外焦內嫩，唔洗太多醬汁都好味！仲有個餐湯就係蕃茄濃湯，完全無偷雞，超重蕃茄香味！最後嘆埋兩2杯飲品，就係熱檸薑茶同埋蜜桃茶。整體黎講係旺角搵到呢間cafe真係好有驚喜🤗

旺角Ocio門口最近貼咗一對熊仔sticker🐻離遠已經覺得好可愛好打耳😆今日lunch 就食你啦🙉.午市套餐：-香煎原條龍脷配意粉龍脷柳有半隻碟咁長，煎得好香，邊位食落口有啲卜卜脆，呢種口感我鐘意，意粉有驚喜，以為係普通意粉，點知食落係香味十足嘅蒜香橄欖油意粉，入口仲好彈牙。.-安格斯8oz西冷牛扒配薯條牛扒多肉少筋，入口啖啖肉，熟度叫咗Medium, 無overcook, 值得一提薯條係即炸嘅粗身薯條，枱面仲有一枝大大枝亨氏蕃茄醬任落，薯條控應該會鐘意🤤

之前常到ocio 吃all day breakfast。大大份厚pancake 加一系列配料，食完實有飽滿感。佢裝修都別緻，但因店子小，座位桌子都偏小，所以我今次挑戰外賣他們的午餐，看看是否同樣精彩。我選了紅酒燴牛舌意粉，及醬燒豬肋骨窩夫早餐。跟餐點了蜜桃紅茶及果汁。回家打開，與堂食一樣好豐富。午餐包括餐湯，主菜及飲品濃忌廉西蘭花湯，飽滿感十足。外賣意粉最怕會發脹，這個造得不錯，我二十分鐘回家路也不差，三大片厚切牛舌好滋味。另外的豬肋骨焗得剛骨肉分離，亦入味。配薯條及煎蛋窩夫，好邪惡呢因為用原個茶包泡，所以外賣的茶會較濃，下次我會請他們分開給我茶包。