Ocio (積存街) (已結業)

大圍呢邊一向都多嘢食，而且好多特色小店。今日晏左起身，跟住就想食個all day breakfast。午餐有好多唔同嘅選擇，有飯類、意粉類、全日早餐等等。散叫有甜品、飲品。叫咗個全日窩夫早餐，有茄汁豆、炒蛋、香腸、沙律、雞扒及窩夫。都相當之豐富，窩夫唔算好脆，但味道正常。炒蛋份量夠多，我比較鍾意食香腸、沙律都唔錯，沙律菜算新鮮，雞扒還可以。跟餐仲有是日餐湯，大大碗。餐飲可以選唔同飲品，揀咗蘋果汁，酸酸甜甜。另外加$19要咗個甜品，係芝士蛋糕，賣相都算唔錯。

放工來到大圍買野加食晚飯，今晚選了ocio cafe，店舖門口以綠色為主色，易搵易認，入面環境都幾舒服悠閑，坐得舒服，食物款式都算多樣化，亦有甜點可供選擇，仲有刨冰呢！晚餐有set可以選，款式有十多款的，都好吸引呢！我選了煙三文魚卡邦尼扁意粉🍝，價錢＄88，有小麵包和餐湯附送，煙三文魚意粉好Creamy、忌廉味濃，配上頗大片的煙三文魚，份外好味，吃到lam lam 脷，亦有＄33元以下的飲料包埋，下次試下其他食物。

好耐無去戶外行下，放假約咗友人嚟大圍食下嘢踩單車。友人帶路嚟到隔幾條街嘅餐廳食個靚lunch。假日有特別lunch menu，選擇都幾多。今日嘅餐湯係蘑菇忌廉湯，口感比較濃稠，仲食到粒粒蘑菇肉。卡邦尼扁意粉蛋香味好濃郁，口感好軟滑。煙肉片質地比較柔軟，扁意粉咬落煙韌有彈性，份量亦好多。鮮茄露芛雜菌意粉除咗有蕃茄肉外仲加咗車厘茄，蕃茄味好濃厚。菇片咬落韌韌地有嚼勁，露芛清新爽脆。凍檸茶茶味偏淡，糖漿係分開另上。

上星期試了OCIO 葵芳店，覺得甜品不錯，今日經過大圍店，再來試試其他甜品，我一向都喜歡食甜品和朱古力，今次點了75%朱古力心太軟$65，流心朱古力味道濃郁，微苦中帶溫暖，配上凍凍的雪糕球，一深一淺，一凍一熱，賣相和味道都十分匹配。朋友點了刁草汁煎挪威三文魚扒$68，配餐湯和熱玫瑰咖啡+$15（跟餐可配$33以下飲品），三文魚扒兩邊都煎得金黃，又香又嫰滑，加埋刁草汁更加惹味。餐廳地方不大，但生意不錯，環境整潔，價錢實惠，值得一試。

大圍美食多大家都知，今次嚟到一間很有氣氛很受歡迎的西餐廳，一直在OpenRice看到食評不錯，今次跟媽咪一起試一試。之前在葵芳見過分店已經有好多人排隊，今次大圍店大概6:30PM嚟到，剛好有一兩張枱，但吃飯中途已經滿座了，陸續也有很多人來排隊。睇睇Menu，選擇好多啊！無論飲品小食主菜甜品，都有好多款選擇。為食嘅我哋當然要每欄點一款，我哋點左兩個晚餐，加了一個小食拼盤，以及一個窩夫甜品。晚餐包括餐湯餐包同飲品。先來的是小食拼盤，份量好多啊！跟餐只係加$49就換到一個小食拼盤，非常抵食。春卷咖喱角炸雞件炸蝦薯條每樣都有兩件。豬仔骨都好唔錯，佢嘅醬汁酸酸甜甜好開胃呀。而且切落去都好林，肉都夠多。而且佢個大啡菇焗得好好食，入邊仲釀咗蟹肉添。煙三文魚卡邦尼意粉亦都10分推介。醬汁好龍配埋三文魚好配搭。而且每條意粉都沾到滿滿的醬汁，非常濃郁。窩夫點左我最鍾意食嘅朱古力味，窩夫外脆內軟，上邊鋪上左好多粒嘅Brownies。好有口感，而且朱古力味都好香濃。冰凍嘅雪糕配上溫暖的窩夫，很喜歡。

点了蟹肉波菜忌廉飯和柚子醬豬肋骨配太陽蛋窩夫，薯條和沙律。Lunch set 送湯及飲料，要了凍檸茶和芒果沙冰(加15)。粟米湯一飲就知道是粉沖，都能飲到結塊的粉末了，而且沒有粟米。蟹肉波菜忌廉飯，肉眼看到一丝丝的蟹肉，放嘴裏完全吃不出來。菠菜是有很多。整體馬馬虎虎。芒果沙冰唔好飲，化學果醬味，超甜。豬助骨有點韌， 醬汁只是普通燒烤味沒有柚子味。幾片沙律。窝夫脆然而沒有味道, 太陽蛋亦然。薯條正常好食。凍檸茶正常。

Lunch 去左食Ocio 見餐牌好平 其實好耐以前葵芳新都會個間新開張食過晚飯 幾平幾好食 餐廳好貼心 比客人消毒濕紙巾 服務都唔錯👍🏻.Lunch有餐湯餐飲 是日餐湯係粟米忌廉湯 味道不過不失😋黑松靈蟹肉燴意大利飯$58🦀每啖飯都有黑松露味👍🏻蟹肉都唔少🦀意大利飯仲混入左青黃椒 .龍蝦汁炸軟殼蟹燴意大利飯$58🦞🦀龍蝦汁好惹味😋 軟殼蟹好大隻 好食有咸香😋.另加$15轉荔枝冰茶🍹好飲 但甜左少少😜.呢個價錢食西餐都真係幾平 扒餐/All Day都好平 一百蚊有找🤣 甜品睇落都唔錯 下次可以試下😋

去到大圍覓食，想食啲西式既輕食，就嚟到呢間離地鐵站10分鐘遠既café食。呢間Café去到近9點都仍然爆滿，我地都等左一陣先入到去。餐廳係食西餐為主，亦有各式各樣既甜品。啲Dinner set大概百幾蚊一個，包一杯33蚊既野飲，如果多左就加錢。我地兩個人就叫左2個SET，諗住食完睇下飽唔飽再叫甜品食。前菜係忌廉南瓜湯同埋一埋面包，南爪湯好濃，個包就冇咩味，可以點落啲湯食。跟住就係主菜，我地叫左個奧斯特選全日早餐同原隻魷魚龍蝦汁意大利飯。全日早餐配料豐富，份量十足，有炒蛋、2塊Waffle、2條雞肉腸、雞扒、薯條，仲有啲沙律菜。味道唔錯，最好食係雞肉腸，夠哂JUICY。而魷魚飯既賣相十份吸引，廚師將意大利飯釀入整條既魷魚入面，好特別。味道有滿滿龍蝦汁味，魷魚都煎得香口唔韌，美中不足既係意大利飯煮得有啲淰。至於飲品方面，我地叫左焦糖雲呢拿奶昔同抹茶Latte。兩杯野飲都大大杯，焦糖雲呢拿奶昔既焦糖味好出，但唔會太甜，而整體味道都相當唔錯。抹茶latte既調配都唔錯，配住主餐食一流。我地食完兩個餐之彼都已經好飽，冇叫到甜品，惟有下次嚟再試下。

抵食：🌕🌕🌕🌕🌕美味：🌕🌕🌕🌕🌓-黑松露燴意大利飯配煙肉帶子串 $108呢個黑松露意大利飯好香😋而且啲飯煮得粒粒分明 仲有啲青瓜增加個飯嘅口感 煙肉帶子串非常特別 煙肉包住帶子意外地好夾 更能突顯到帶子嘅鮮味 出色👍🏼-煙三文魚卡邦尼扁意粉 $88呢碟意粉真係好大碟我自己一個人都食唔晒😂佢個煙三文魚唔會太鹹 加埋啲醬同啲面撈埋 個比例拿捏得好好😊-Set dinner 有餐包、餐湯（忌廉湯）同埋嘢飲晚餐價錢來講真係非常抵食呀💕

在大圍站行10分鐘左右來到店舖~我同朋友大約6:00就到餐廳，人流不算多差不多6:30左右就越來越多人職員會在門口量體溫，入到去有紙板隔住，每個位有包濕紙巾人同人之間有一定的距離，不會迫晚餐menu 幾多樣化！飯、意粉、all day breakfast、扒都有~而且價錢實惠，包餐湯、餐包及飲品餐湯是栗米白湯，味道適中，不會太濃太淡，而且粒粒粟米餐包不是空氣包，非常實心，食完會有少少飽肚感我同朋友鐘情意大利飯，十分喜歡呢個「牛肝菌雜菌意大利飯」！足料！入面有好幾穜蔬菜，黃椒、紅椒、翠玉瓜….多牛肝菌雜菌而且味道香濃，食極唔厭！另一個是「南瓜汁鮮雜菌海蝦意大利飯」這個組合都是無得輸足料不在話下，海蝦都有5隻！呢個價錢來說超值！味道不錯！

今日去咗大圍買野心思思想食扒 其實呢間餐廳在葵芳已食過記得不錯反正附近沒有太多吸引的餐廳就呢間啦 舖頭不大  好快就坐滿人到唔少人都點扒餐望落去個樣唔錯叫咗香烤葡萄牙伊比利亞豬前肩扒同埋奧斯窩夫特選早餐店員極速送上忌廉餐湯同餐包主菜都幾快就上奧斯窩夫特選早餐先講咗個窩夫早餐 賣相不錯本身對佢沒有期望諗住都係普通 all day breakfast食落有驚喜炒蛋香濃兼嫩滑有口感非常creamy 窩夫外脆內軟唔會乾腸仔肉質非常好唔係一般貨色舊雞扒醃得好入味 整體感覺良好香烤葡萄牙伊比利亞豬前肩扒望落去塊扒有一陣天然的光澤加上遠處聞到香味 令人垂涎欲滴切開塊扒見到肉汁流出咬落去非常juicy香口塊扒處理得啱啱好唔過熟一啲韌嘅感覺都無 恰到好處塊扒嘅肉質已經幾好唔需要刻意調味 用簡單香煎嘅方法已經可以輕易地將舊扒嘅優點展現咗出嚟我覺得間舖頭處理肉類嘅手法非常到家食肉獸應該非常鍾意呢個地方 我下一次應該會再嚟試下其他扒特別想試下個美國prime 肉眼扒

黃店 💛 #ocio #大圍母親節當日，我帶咗媽咪去大圍呢間幾出名嘅黃店食lunch，媽咪好少出去食西餐，成日都好慳家，所以揀咗呢間都平平哋嘅餐廳請佢食，兩個人埋單都係$150。🥬🦀忌廉菠菜蟹肉意大利飯 （$59）媽咪揀嘅係最平嘅午餐，跟餐送一個蘑菇湯同一杯$33以下嘅飲品。蘑菇湯比市面上嘅比較稠身，媽咪都好鍾意。唔好睇個飯最平以為係cheap嘢！我同媽咪一致認為呢個risotto好好食！佢非常之香，而且菠菜同蟹肉嘅份量都好多，健康又好味😋🐠🍝刁草汁煎挪威三文魚扒配飯或意粉（$78）我就揀咗近期最愛嘅三文魚扒意粉餐😝 一樣都係送餐湯同飲品，媽咪揀咗熱泡沫咖啡，我就頂唔順咁熱嘅天氣揀咗凍檸茶。三文魚超級大塊，啲肉有少少鹹，肉質唔錯，個邊/皮嘅部分又有少少脆，正呀🤪 意大利就㡳火用咗扁意粉，醬汁可以自己加，感覺都好健康😚

星期日下晝嘅時間，自己一個人走咗去食午餐。想坐得舒服少少，所以就搵咗間Cafe。.叫咗佢一個卡邦尼意粉午餐，$62，包餐湯，主食，同埋一杯$33樓下的飲品。..個湯係忌廉湯，裏面有蘑菇碎，湯比較厚身，近乎似意粉的醬汁，如果鍾意濃味的朋友會較喜歡。..之後嚟嘅係卡邦尼意粉，意粉係用玻璃碟裝嘅，上面有火腿醉、洋蔥絲，同埋少少白汁。整體唔算太鹹，意粉比較硬身，唔太淋，質感唔錯。..最後就係杯咖啡，咖啡感覺上係即磨咖啡，配杯奶，落唔落自己揀，自由度高。

今日母親節，約咗屋企人在家打邊爐慶祝，所以一早出去買火鍋料，搞到成兩點幾先食第一餐，就選係美林邨對面，大顆積存街「Ocio」入餐廳要戴口罩，量體溫，附有酒精搓手液，全部防疫措施做足餐廳細細，但午餐選擇都幾多，仲有甜品可選叫咗個全日窩夫早餐，轉冰凍榛子咖啡只需要加$15全日窩夫早餐，包括有窩夫、煙三文魚、雞扒、香草腸、炒蛋、沙律菜、薯條，茄汁豆等沙律菜新鮮清爽，有少許黑醋汁調味窩夫，有烘烤香味，入口香脆，有蛋香味煎雞扒，皮脆肉嫩，多汁，調味剛好，唔使加醬汁都好有味冰凍榛子咖啡，甜度剛好，消暑解渴，為我今日的辛勞降降溫

之前係葵芳食過，知道大圍都有分店，即刻由火車話行過去，由火車站行過去只需7-8分鐘，唔難搵。Ocio 店鋪細細，但都不算逼狹，全部Sofa 位，環境舒服。點了lunch Set卡邦尼扁意粉再另加奧斯芝士薯條和甜品，價錢合理，而且份量都好大份。忌廉湯卡邦尼扁意粉-份量好足夠，好多煙肉，扁意粉軟硬適中，芝士味香濃，口感好Creamy ，好飽肚奧斯芝士薯條-好大碟，係粗薯條呀！好多芝士，仲有拉絲效果。Oreo 芝士蛋糕-上面係朱古力，中間係軟芝士加Oreo ，軟芝士好滑，濃濃Oreo 味，都唔會太漏蜜桃冰茶-甜度適中