Ocio オシオ (已結業)

▫️奥斯蜜瓜雪山熱香餅($98)半個大蜜瓜, 上面仲有雲尼拿雪糕加蜜糖星星, 中間一層軟綿綿既熱香餅食落好鬆軟, 入面原來仲有一粒粒既蜜瓜啫喱, 冰火交融成個組合既口感好豐富, 而且賣相非常吸睛, 大滿足 🍈

Ocio オシオ琴晚嚟到鑽石山荷里活廣場搵食，都有十幾年無行呢個商場啦，全部鋪頭換哂！行到2樓見到呢間日系cafe入面勁多人食就入咗去食，見OR評分幾好應該唔錯掛！1.芝士焗龍蝦拿破崙手工麵 配是日餐湯+咖啡$189（7/10）呢個dinner set仲可以用優惠價加小食，我就揀咗水牛城雞槌，比起散叫平20蚊，小食相對抵食！龍蝦比較細隻，肉質鮮甜，成碟手工麵係用茄汁加番茄仔嚟煮，酸酸地幾好食！是日餐湯係野菌忌廉湯，菇味勁濃，入口濃厚滑溜！2.橄欖蒜香辣椒意大利粉 $78（6/10）成碟意大利粉係無肉，好啱素食者去食， 主要有蒜頭辣椒煮埋一碟，但食唔到有辣味！3.水牛城單骨雞槌$58（8/10）呢個雞槌一碟有5舊，肉質嫩滑，辣辣再加埋茄汁，勁好食！食完雞槌仲有薯條同蜜糖星星， 見到蜜糖星星就諗起以前牛奶加蜜糖星星做早餐！😅2人總共價錢$358，有加一服務費！個人口味總評分：7/10@ociokitchen地址：鑽石山荷里活廣場2樓283-284號舖#Ocioオシオ #相機食先 #hkfoodie #hkfoodblogger #hkfoodpic #hkfoods #hkfoodshar

餐廳提供多款不同類型的菜式，包括全日早餐、意粉、漢堡、小食，還有多款口味日式刨冰、雪糕窩夫及熱香餅，選擇豐富，賣相精緻，是一間主菜和甜品並重的餐廳。奧斯蜜瓜窩夫窩夫新鮮熱辣出爐，厚而鬆脆，蜜瓜香甜清爽多汁。75%朱古力心太軟流心的朱古力濃甜度剛剛好，微溫的蛋糕配上雲呢拿雪糕，絕對是最佳配搭。奧斯提拉米蘇馬斯卡彭芝士口感細滑，咖啡味和酒味略淡，不算很正宗。紫薯奶昔牛奶幼滑，淡淡紫薯味，不會過甜，是牛奶不像奶昔。檸檬柚子茶入口味道清甜怡人，是清新開胃之選。*注意用餐限時60分鐘

荷里活廣場上年進駐咗一間人氣嘅甜品店Ocio オシオ，風格日系，裝潢以淺色木為主，環境十分簡潔舒適，Menu同埋牆上熊仔壁畫好可愛，中間放咗一棵真樹做裝飾，令人有置身日式庭院感覺。Cafe主打多甜品、日式刨冰、西餐及多國菜等，菜式賣相精緻。🍈奥斯蜜瓜雪山熱香餅甜品係期間限定，用半個蜜瓜嘅甜品賣相好驚喜，上面放上熱香餅同埋雲呢拿味雪糕，雪糕同埋底部雪糕同埋底部仲有星星做脆脆裝飾，好可愛。熱香餅微暖，蛋香味十足，口感鬆軟，蜜瓜香甜多汁，口味清新，蜜瓜有幾粒蜜瓜味嘅啫喱，成個甜品材料都好豐富。🦞芝士焗波士頓龍蝦鮮拿破崙海鮮手工麵有半邊芝士焗龍蝦，賣相唔錯，龍蝦肉質爽彈，龍蝦上面嘅士味濃郁，手工麵條似闊條麵帶煙靭口感，麵條掛上咗番茄醬味道，酸酸地好開胃，另外仲有蝦同埋魷魚作為配料，材料豐富。🥣蘑菇湯Set Dinner都會跟餐湯、主菜同埋飲品。餐湯蘑菇味道好濃郁，仲食到粒粒蘑菇，蘑菇帶有咬口。☕️Latte拉花精緻，咖啡味道較濃醇，口感順滑。

【 🍫朱古力布朗尼窩夫🧇 】---💰價錢：$78 (*另設加一服務費*)～～～📍評分：9.5/10～～～⏩ 呢間文青cafe相信都好多人食過👻，我就喺坑口東港城分店食過，今次黎鑽石山荷理活廣場再食過😜！其實上次已經好印象深刻好好食，不論係正餐or甜品都一樣係超jeng❣️！～～～果然不愧是招牌窩夫🤩！呢份甜品上枱都真係夠灑驚喜😍，完全冇估到會係咁大份甜品！仲要咁樣既價錢wor，個人認為甜品比正餐抵食好多🙈！睇到都覺得朱古力味夠灑香濃，窩夫夠灑香脆煙韌，真係睇得又食得‼️～～～～～～～～～【 🖤有機黑舞茸雜野菌燴飯🤍 】---✨𝔻𝕚𝕟𝕟𝕖𝕣 𝕊𝕖𝕥✨(套餐包括：是日餐湯、餐飲)---💰價錢：$128 (*另設加一服務費*)～～～📍評分：9/10～～～我就真係好鍾意食意大利燴飯🫶🏻，最鍾意忌廉香夠creamy🤤，又夠多芝士粉🧀，口感煙韌有粒感完全唔乾！有好多好多有機黑舞茸同雜菌🍄，菇香真係好濃，想講有機黑舞茸好爽口多汁勁好食🖤！而且份量都好足料，高質量有份量👍🏻！～～～✅ 整體黎講，今次再黎鑽石山呢間食，係令我更喜歡ocio🥰！不論想黎食正餐or甜品都好推薦，成個環境燈光都令人坐得食得好舒服✨

日系文青cafe，最令我念念不忘嘅係佢哋甜品！今天淨係叫甜品朱古力麻糬窩夫咬落去煙煙韌韌，再加上麻糬微甜和朱古力好match ，窩夫好鬆軟，成個配搭真係好食鑊仔伯爵茶雪山熱香餅好特別嘅甜品，賣相都好靚，用佢嚟打卡一流啊！加埋有雲呢拿味雪糕同伯爵茶夾埋一齊食，三重奏，超好食。你們可以試吓咁樣食。

提早和朋友慶祝生日，早到問是否可帶蛋糕，侍應生很耐心講解，時間到了就入座，我和朋友都點了餐，我叫了溫泉蛋卡邦尼意粉，很好一點也不漏，也相當美味。朋友叫了和牛漢堡份量十足。這個午餐十分滿足😋當我們食到咁上下，侍應生走過來說還有20分鐘用餐時間，才知道用餐只有90分鐘，只好快快叫飲品。過了時間都沒有叫我們結帳，我們看到有位就繼續坐，當我們還想叫甜品的時候，侍應生就說我們的時間已過，我們就只好結帳離開了。

記得旺角店以前每天晚上都人流不絕還曾經為了吃宵夜等位等了三十分鐘煙廠街的元祖店原來稍早前結業了不過則在坑口跟鑽石山的商場開設了分店鑽石山分店裝潢走淺木系簡約路線中間植物裝置添生氣 又不失空間感晚市套餐選擇有八款左右主打較西式的飯 意粉 或肉類價錢包括主菜 餐湯及部分飲品 亦可用優惠價加配其他小食當天點的紅蜜桃紅茶跟餐湯南瓜湯也不錯冷冷的天喝熱飲很溫暖𓋪 焗芝士松葉蟹咖哩燴飯別看薄薄一層 實際份量還是蠻多的咖哩燴汁煮得濃稠 每一口濕潤可口松葉蟹有濃郁蟹膏 友人吃得津津有味吃到後面有點偏重口味 建議 sʜᴀʀᴇ 享用𓋪 鑊仔麻糬雪山熱香餅熱香餅系列是 ᴏᴄɪᴏ 的主打甜品 當然要嚐嚐看熱熱鐵板盛載的巨型熱香餅 一上桌超香的 豐富蛋香味道 口感像 sᴏᴜғғʟᴇ ᴘᴀɴᴄᴀᴋᴇ 般鬆軟熱香餅中間則是 ǫ 軟的麻糬因為變熱了 麻糬會比較黏跟牽絲配上上面的香草冰淇淋 終於知道為什麼每一桌都要點一份甜點

哩間餐廳好耐以前喺油麻地都食過，今日黎到鑽石山發現佢開咗新分店，仲要係全新日系小清新裝修，就決定食佢喇！我地8:30左右黎到，唔洗等位就直接入得lu～☺️1⃣️Ocio芝士焗龍蝦全日早餐（$189）去親Ocio都會食all day breakfast，因為真係超級大份🤣先講芝士焗龍蝦🦞有諗過會唔會係細細隻冇咩肉嘅龍蝦，點知佢真材實肉好厚肉，仲有唔少膏添！然後牛油果同沙律菜都新鮮，配搭埋又香又滑嘅炒蛋，每一啖食每一款食物都好滿足😆😆2⃣️水牛城雞搥（晚餐加配小食價$58）因為知道all day breakfast好大份，我同男朋友又唔係好餓，所以就咁加配咗個小食～不嬲都好鍾意食水牛城雞翼，但今次係雞搥，但都一樣match😋再加埋大量熱辣辣薯條，其實都幾飽肚🤣3⃣️草莓菠蘿香橙梳打（$48）我地仲嗌咗杯嘢飲，士多啤梨、菠蘿同橙都係fresh嘅生果，三個味道都好match，唔會太甜之餘，仲唔係嗰啲好假嘅糖漿味，而且賣相好打卡able，都推薦大家嗌😆本身我地仲想嗌多個甜品，但真係太飽食唔落🤣但佢all day breakfast入面個窩夫都好好食、外脆內軟！希望下次返黎可以試下佢啲甜品☺️

其實想試呢間餐廳好耐，今次嚟開鑽石山比我撞到佢唔洗排隊，唔食真係講唔過去🤣我哋今次叫咗晚市套餐，有跟餐湯同餐飲😙南瓜湯開頭飲嘅時候比較稀身，有淡淡嘅南瓜味，本身係湯面嘅杏仁就令到飲落嘅口感豐富啲，飲到中尾段嘅時候就有啲稠身，有啲南瓜蓉嘅感覺😗芝士焗波士頓龍蝦拿破崙海鮮手工麵🦞 $189龍蝦上面嘅芝士都幾濃味，龍蝦Sɪᴢᴇ適中，肉質都爽彈，最估唔到係有一隻鉗放咗係龍蝦入面，仲要無殼嘅，真係啖啖肉😍 手工意粉就唔算好彈牙，麵質係偏硬身少少嘅，味道就以番茄醬為主，又唔會話好酸，啱啱好，開胃醒神😙焗芝士松葉蟹蓋日式咖哩海鮮燴飯 $158通常出面食到嘅日式咖哩麵係偏甜口，呢款係有輕微辣辣地，好惹味！飯中間嘅松葉蟹蓋除咗面層嘅木魚之外，係下面嘅係一堆蟹膏，仲有芝士😍 撈埋一齊食，係惹味之間搵到一份鮮味，🐨係咁邊食邊叫好好味🤣 鑊仔麻糬雪山熱香餅 $89上枱嘅時候，已經比佢濃郁嘅蛋香吸引咗，食落好軟熟，中間夾住啲會拉絲嘅麻糬，增添咗一份煙韌嘅感覺，杏仁片增加咗口感，而溶咗嘅雪糕額外帶出幼滑嘅口感👍🏻整體感覺係主食唔差，甜品更勝一籌，下次要早啲嚟主攻甜品，因為我哋嗰日太晏去食，好多甜品因為限量嘅緣故已

前幾日同朋友係鑽石山行街途徑此店，就打算入黎食個tea。入到黎餐廳中間見到有一顆大樹，見到啲座位都廓落舒適，咁就叫左兩個tea set再加一個小食，三款食物我都覺得似乎唔係新鮮整，食左個意粉，覺得又硬又乾，食左幾淡已經無咩味口，然之後食個個炸雞，似乎唔係新鮮炸，無脆嘅感覺，另外好多茄汁喺晒炸雞嘅表面，搞到我好似食緊「茄汁炸雞」咁，我同朋友各食左一個之後已經唔想再食落去。而另外一個係甜品、甜品就正常，但係個窩夫同樣地好似擺咗好耐咁樣，所以三款食物都係食左幾淡就走人，價錢唔平但係食物質素差，唔會再幫襯。

鑽石山呢間cafe多好評，今日放工一於來試下。🪵焗芝士松葉蟹咖喱燴飯蟹膏配芝士夾得來又有咸香，啱晒重口味嘅肥仔。日式咖喱香甜，配上粒粒海鮮，有口感又開胃。🪵寶雲酥羊扒寶雲酥係用牛油、蒜頭、香草焗到脆一脆，增加左成個羊扒嘅食趣。羊冇羶味，十分之香口，也夠淋，係一個有質素嘅主菜。🪵鑊仔伯爵茶雪山熱香餅呢個必食推介！伯爵茶汁、熱香餅、雪糕三種唔同嘅甜度同埋溫度Max埋一齊，創造咗一個有層次嘅口感。真令人驚喜嘅係熱香餅鬆軟舒服，望住佢動L的樣子好治癒。總結，食物質素對得住呢個價錢，店員服務態度良好，值得一試。

場地同佈置都好靚同整齊 中間棵樹掛咗啲聖誕飾物感覺又唔同咗 唯一唔變嘅係侍應好有禮貌同細心空間感闊 覺得好舒服☺️水牛城牛骨雞翼 $58單骨雞翼嘅造型望落好似雞髀🍗啲醬有少辣同酸酸地 食落都好開胃 香脆入味 羊肚菌野菌燴飯 $128上次食過真係一試難忘 今日專誠指定食😛食落去芝士味真係濃厚☺️ 牛肚菌有咬口真係好好味😋迷你芝士流心蛋燒南瓜伴脆皮單骨雞翼 $108好鍾意食南瓜🎃 仲要係咁得意嘅南瓜食落去好重芝士味 南瓜夠淋又夠甜😋雞翼食落去好香脆 yummy🤤

平日好少去鑽石山荷里活廣場食，難得舊朋友約我去食飯當然要去。餐廳以可愛嘅熊仔及貓做代言人，以木系及白色日式設計非常溫暖。是日餐湯（跟晚餐附送）超香濃蘑菇味，菇味超香。飲完一啖，仲想繼續飲，仲有蘑菇碎粒，超有咬感。蘑菇迷一定唔好錯過。芝士焗波士頓龍蝦鮮拿破崙海鮮手工面 $189一來到超大隻龍蝦係麵上面，非常吸晴，打卡一流。焗完嘅芝士鋪喺手工製嘅麵同龍蝦肉上，更添惹味。半隻開邊波士頓龍蝦，唔駛自己開殼，用叉一刮即時食到啖啖龍蝦肉，非常適合我呢d 唔鐘意開殼又想食龍蝦肉嘅人order。 車厘茄夠新鮮，爽口茄味濃，唔會太酸帶點甜味，令到意粉吸收晒海鮮同蕃茄嘅香味，非常好食。奧斯特色炸單骨雞翼（5隻） $58單骨雞翼超多肉，外脆內軟，雞肉好鮮嫩。薯條炸到剛剛好，唔會太冧亦唔會太硬。好爽口好有薯仔味。甜酸味嘅燒烤醬襯炸雞超好味。仲有滯上杏片在面，吊出香味來。 宇治抹茶紅豆熱香餅（期間限定）$89非常香濃宇治抹茶味嘅熱香餅，作為抹茶腔嘅我一定會叫。清香茶味嘅宇治抹茶，配上甜絲絲嘅紅豆非常match，亦唔會覺得甜溜溜太濟。食完飯後，再來一個甜品作完結非常滿足。草莓菠蘿香橙梳打 $48 （跟餐包括$33

約咗朋友喺荷里活廣場食飯，一於試吓呢間一直好想食嘅餐廳，淨係見到裝修都覺得好靚，入面嘅佈置都好有特色，店員安排咗我哋坐咗個好舒適嘅位置！見到晚餐Menu好多都好吸引，揀咗一個焗芝士松葉蟹蓋日式咖喱海鮮燴飯，除咗賣相靚之外，味道都非常之好！咖喱味非常濃郁，蟹膏好多，燴飯配埋洋蔥粒，非常有口感！跟餐嘅南瓜湯味道都唔錯，口感好濃郁，跟餐飲品加咗$15要柚子蘋果梳打，酸酸甜甜幾開胃！我哋仲跟餐要左個迷你芝士流心蛋燒南瓜伴脆皮單骨雞翼，雖然十級邪惡，但非常好食！雞翼炸到好脆，加埋流心蛋嘅汁非常好食，南瓜肉都非常甜，成個南瓜都比我清哂！呢間舖頭好出名食甜品，雖然已經好飽，但都忍唔住叫多個甜品食下，揀咗鑊仔麻糬雪山熱香餅，味道好好，為呢餐留咗個完美嘅句號！