Oasis Corner (已結業)

今日同家姐去咗觀塘工廈嗰邊買嘢,咁啱嗰層見到有一間小店 係食三文治飯團等等嘅,所以就入去試下。爆芝蛋慢煮雞胸飯團飯團嚟到好大份，店家好貼心將佢切開一半方便我哋食，橫切面好靚。芝士蛋熱辣辣食落口好好味，慢煮雞胸唔嚡，飯都唔會話煲得太淋。整體食落健康得嚟調味其實啱啱好，我覺得女仔用嚟做lunch一個夠會飽唔話你豬三文治呢個三文治同樣有厚厚嘅蛋，好嫩滑，而麵包係預先烘過的，所以食落夠熱同埋脆卜卜 ，配埋秘製醬汁係幾惹味嘅 ，個豬就正常水平但係唔會嚡嘅。日本抹茶鮮奶： 抹茶味香濃唔會太甜唔錯榛子鮮奶咖啡 ：口感順滑，好香* 兩杯飲品上面都有拉花，心機十足

之前農曆新年食多左，聽朋友講觀塘有間有營食肆唔錯，就決定去食下。餐廳環境好繽紛，令人心情豁然開朗。我點左個健康沙律配慢煮雞胸，見到餐廳有冰滴咖啡，就點咗黎試吓。朋友就點咗個豪華美式All Day Breakfast, 以及日本抹茶鮮奶咖啡。冰極咖啡用玻璃樽裝住，個樽設計好靚，咖啡味香濃，係唔錯嘅冰極咖啡。至於日本抹茶鮮奶咖啡，綠茶味非常濃郁，而且冇落糖，非常健康。健康沙律有沙律菜、車厘茄、青瓜、藍莓、大啡菇、蛋配慢煮雞胸，所有蔬果都好新鮮，而且切嘅size啱啱好，適合入口。大啡菇暖暖地又略帶牛油香，隻蛋煎得金黃，食落唔會好油。慢煮雞胸火候控制得非常好，可以鎖住肉汁，成功保留食物嘅原汁原味。沙律醋酸酸地，加落去一齊食好開胃。至於豪華美式All Day Breakfast就有車厘茄、大啡菇、黑松露炒蛋、煙肉、腸、自製薯角、藍莓、沙律菜、牛油果、車打芝士、牛角包、黑毛豬以及黑松露蝦，黑松露炒蛋非常香滑，而且落左好多黑松露，自製薯角炸得非常香口。牛角包係廚房即時製作以及焗，等左十幾分鐘，新鮮出爐熱辣辣，咬落外脆內軟，非常高質。總括而言，餐廳食材新鮮，製作認真，而且營養均衡，不愧為營食肆。

🪞🐥O. A. S. I. S. Corner🐥🪞地址 ： 觀塘成業街4樓16室*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*◉‿◉ 工廈 Coffee Corner(*☻-☻*)入面壁畫實在好令！影相打卡相當正 色彩絢爛 🎆七彩繽紛裏面四四方方 企理 座位只有三張枱空間不大 但食物質素唔錯 用心製作見佢仲有啲雲石蛋糕 🎂 整得好令 卡片上面寫有歡迎大家包場享用 可以作為一個小型生日會或者family gathering一班同事 用作一個聚會場所都唔錯叫左個 營養三文治🤭 熱抹茶latte整得幾靚 蕃茄新鮮 豬扒口感👍🏻係一個低脂高蛋白嘅三文治🥪

「Oasis Corner」位於成業工業大廈4樓，店舖細細，環境乾淨企理，約10-12個坐位。餐廳牆身畫滿七彩圖畫，非常搶眼。 呢度全日早餐選擇多，有韓式三文治、美式、素食全日早餐等。午餐選擇有韓式飯糰、意大利粉、健康沙律等。價錢由$4x起，唔駛加一。 除餐食外，呢度仲有自制cake、曲奇、蝴蝶酥等。 🍴美式全日早餐，包有8款特定食物+1款自選肉食（另有數款選擇可加$升級）+飽，加$2可配細熱飲 新鮮沙律菜、藍莓、車厘茄、香味撲鼻嘅炒大啡菇、炸薯角、肥瘦適中，口感豐富，唔鹹並帶有煙燻香味嘅厚切煙肉、炒蛋、腸仔等，煙三文魚，魚油豐富，咸咸香香。 🍴慢煮雞胸高營三文治 韓式三文治，一直以足料、入口豐富作賣點，雞胸入口軟滑、加上厚厚炒蛋、蕃茄、新鮮清脆生菜、脆口麵包，配搭簡單，入口清爽，非常好味。☕Cappuccino🥤Belgium double chocolate 入口香滑，朱古力味濃郁，非常好飲。

星期六朝早約咗朋友食早餐，諗住去間特別小小嘅餐廳打卡，過下啲慢活嘅生活。上網見到呢一間環境同價錢都符合我哋嘅要求，所以我哋就上咗去試吓呢一間隱世小店。點解叫佢人細小店呢？因為餐廳位於工業大廈，門口都唔係太起眼，有啲隱蔽，相信都係做熟客同網上生意為主。入到去見到餐廳空間都唔算好大，有四張枱左右，好彩我哋去嘅時候尚早，唔算好多客人，所以可以好輕鬆休閒咁同啲friend吹水。我哋一行三個人，分別叫咗一份高營十足三文治同兩份American style all day breakfast ，另外仲叫咗凍嘅香芋鮮奶、草莓鮮奶同焦糖鮮奶咖啡。高營十足三文治材料十分充足，有大量嘅蛋、雞肉同火腿。值得推介👍🏻聽朋友講all day breakfast 味道都正常👌🏻

餐廳有一幅優雅的油畫，感覺輕鬆Menu有不少選擇，我同友人各選擇一個all day breakfast食物比想像中豐富，而且有我最中意食的牛油果牛角包感覺是自家製，非常好食，另外亦 叫了杯草莓鮮及洛神玫瑰花茶， 非常好飲極力推介各位朋友會再次光臨此店

上次已經有一次去過但因為撞正包場就無機會試到，今日6點幾上到去，好彩仲有得嗌外賣，不過就有哂我最想試既飯團🥺。🐒唔話你豬三文治💰$68+$2配細熱焦糖鮮奶咖啡佢個袐製醬汁真係好有驚喜，有少少辣得黎又唔會好似沙律醬咁好膩，加埋個炒蛋，反而係令到件三文治無咁乾焦糖鮮奶咖啡個咖啡夠哂濃郁同淡淡既焦糖味，完全唔洗落extra糖。🐒黑松露蛋配啡菇三文治💰$58 $2配細熱草莓鮮奶呢個一打開個陣黑松露味已經不停攻擊我，啡菇係切碎炒埋落去，淨係望到都滿足，一啖咬落去個下真係呢🥰🥰草莓鮮奶就比起咖啡少左驚喜，似係飲緊溶左既利是糖/三色雪糕入面既懷舊既士多啤梨味，個人係幾中意呢款化學士多啤梨味🤣🤣。兩件三文治見到勁足料，無論係主角定配菜份量都唔會吝嗇，所以我就算拎到番屋企啲生菜都仲係好脆，強烈推薦如果去野餐又懶得自己整，不如就買2件三文治帶去，又IGable又好味😋

上OpenRice見到好都好評，就諗住試吓。一行入舖頭，就見到好靚嘅壁畫，餐廳裏邊餐枱唔多，坐落好舒服。我哋一行三人叫咗兩個美式全日早餐同一個高營十足三文治，叫咗一杯香芋鮮奶、草莓鮮奶同焦糖咖啡。全日早餐入邊有好多料，可惜嗰日佢冇牛角包，所以叫咗個堅果包，個包入邊有好多合桃，食落好有口感。另外啲蘑菇炒得好香，同塊煙肉好㗎。面份三文治都好足料，雞胸唔會好鞋，所有材料食落好夾。飲品方面，全部都好足料，草莓鮮奶真係好重草莓味，整體來講都好好飲。

觀塘成日都隱藏左好多美食，今日朋友介紹左我黎呢間好靚既樓上cafe就係呢間oasis corner啦，由門口個手寫牌仔畫到本靚都可以睇得出呢到好比心機經營一入門口就可以見到呢個咁得意咁靚，又咁signature既logo再行入啲可以見到更多靚畫作，勁興奮野食方面都好多選擇，但主打都係西式野食同all day breakfast而家又禁左堂食，無得欣賞住靚畫野，唯有外賣返屋企食，等遲下開放返堂食先再去嘆！黑松露蝦炒意粉，一打開已經見到好多松露碎，好香，而且落左紅綠椒令到成個意粉好睇左好多，味道亦唔錯美式all day breakfast，有煙肉、炒蛋、薯角、雞胸、沙律，味道亦唔差抹茶咖啡同榛子咖啡，一打開就聞到好香，我比較中意抹茶味，勁濃郁，高質！

等咗咁耐，終於有機會來試。今次工廈美食挑戰好成功，非常之有驚喜。雖然餐廳唔太大，但裝修非常有心思，打卡一流。疫情之下，冇咗晚市堂食，所以選擇左外賣。由於去到嘅時候時間已經比較晏，好多款式都已經賣晒。好彩，我目標想試嘅三文治，仲有得賣。心大心細，諗來諗去要咩款，最後揀咗高營十足，有豬有雞嘅三文治。呢個三文治，完全冇失望，份量十足，真係做到韓式三文治嘅效果。本身個包裝，已經切好咗，食起上嚟非常之方便。另外叫咗All day breakfast，加錢轉左燒牛肉，絕對物有所值！牛肉燒得啱啱好，非常出色。完全感受到餐廳嘅誠意，包裝好精緻，嘢食拎到返屋企，都仲係熱㗎！熱齋啡都好好飲，有機會，要試吓佢嘅飯團，同埋其他款嘅三文治，樣樣都好吸引！

今日跟同事培訓完已經兩點多，還未食午餐，一於在附近食埋先回家。同事一向喜歡去工廈搵食，他今次就帶我嚟到這間小小咖啡室。門口貼滿餐牌，但不用心急，入去坐低先慢慢睇。內裏裝潢好有心思，牆身色彩繽紛，好吸晴，還有是貓咪和豬仔的組合，表情可愛得意，難道店主很喜歡這兩種動物？地方不算大，兩人枱和四人枱各兩張，還有一張面向牆的吧枱，可坐四人，而枱旁就放了一些賀年禮盒出售。看看餐簿，有多款飲品供應，而食物就有全日早餐和午餐，選擇不算多。午餐就有三系列，包括韓式飯團、健康沙律、意大利粉/珍珠米。******************我中午多數輕食，這份有營食肆餐牌的菜式就岩晒我。五款選擇中揀了健康沙律配黑松露蝦 Healthy Salad ($78)，成品有沙律菜、車厘茄、青瓜、藍莓、大啡菇、蛋及黑松露蝦，另配有一盒沙律醋汁。嘩！一打開蓋，色彩繽紛的食材配搭，見到就令人胃口大開。雜沙律菜、車厘茄和青瓜都好新鮮清爽，淋些酸咪咪的醋汁就更醒胃。藍莓就酸酸地，又係醒胃之選。大啡菇切成細細粒，雖然睇起來無咁吸引，但吃落爽口入味。最喜歡是煎蛋，煎得好靚仔之餘，生熟程度又岩岩好，邊位有啲焦香脆口，一咬開就流出蛋汁，

觀塘呢間Cafe都幾有heart 有自家壁畫 又設計埋自家logo🐷🐱唔話你豬三文治🥪好豐富！有慢煮豬扒 炒蛋 蕃茄 生菜女仔食半份其實都有d飽豬扒唔算十分juicy 但唔乾 夾埋個醬汁同d菜幾開胃🤗塊包烘過之後帶點香脆 但唔係會𠝹口嗰種 係加分位✨爆芝蛋慢煮雞胸飯團🍙係早排好流行嘅韓式摺疊飯團又係好足料😌自己食哂一個係肯定會好飽的慢煮雞胸真係幾入味 肉質算幾滑芝士唔係爆哂出黎嗰種 所以唔會膩融喺d蛋汁入面係impress嘅😎但我放耐左先食 搞到紫菜淋左🤦🏻‍♀️伯爵茶盒子蛋糕🍰店入面嘅甜品款式不定～賣完就無呢款盒子蛋糕伯爵茶味好清香 cream唔會好厚重 所以底層嘅蛋糕唔會整到淋哂伯爵茶控表示十分滿意☺️跟餐叫左杯桂花matcha latte同草莓牛奶Matcha latte第一啖真係有桂花味 但之後就比超濃嘅抹茶味蓋過左 茶味唔苦澀 唔過甜 不錯🍵草莓牛奶嘅味唔係好人工甜嗰種 酸酸甜甜 都係不錯👍🏼小店經營 人手點都有少少不足 落單整野都兩個人一腳踢 預左要比d耐性～但好彩食物質素都交到功課😌

最近經常嚟觀塘搵食，因為呢區真係有好多隱世小店，好值得嚟發掘一下。今次就揀左成業街呢間主打輕食同外賣到會嘅 art café「Oasis Corner」。餐廳嘅裝潢好吸引，牆上壁畫以可愛嘅小肥豬同俏皮嘅貓咪為主題，色彩繽紛艷麗，令人賞心悅目。先睇下餐牌，有韓式三文治、全日早餐、韓式飯團、健康沙律、意大利粉及珍珠米飯等供應，選擇都幾豐富。點左個美式全日早餐配慢煮雞胸及牛角包 ($96) 同 一客黑松露蝦炒意粉 ($78)，所有套餐 +$2 可配細熱飲。份美式全日早餐真係好足料，有車厘茄、大啡菇、炒蛋、煙肉、自製薯角、肉腸、藍莓、沙律菜，慢煮雞胸同牛角包。如果想再豐富啲，仲可以額外加錢配牛油果或車打芝士等。肉腸大條富肉汁，惹味。大啡菇烤得好香口、雞胸煮得幾滑，配埋沙律菜營養夠晒均衡！估唔到連伴吃嘅牛角包都咁出色，外層嘅酥皮好鬆化，入口充滿牛油香。至於客黑松露蝦炒意粉亦做得好有水準，意粉嘅熟度同入味程度掌握得恰到好處，每條麵吃起來都充滿松露與蒜香。蝦隻肉厚爽甜、入口彈牙味鮮。套餐 +$2 可配細熱飲，點左香芋鮮奶 同 榛子鮮奶咖啡，香芋鮮奶嘅口感好綿滑，帶淡淡芋香。鮮奶咖啡味道亦唔錯，微甜又

Oasis Corner觀塘工業區果邊一向出名多唔錯既小店，今日放假就去揾下野食。由於今日晏咗食早餐，下晝就唔想食得太豐富，所以想揾啲light既野食下~ 最後揀咗一間韓式輕食cafe。餐廳唔算好大，大概容納到十幾人。呢到比人既感覺都幾舒服，而且有幅比人打卡既特色牆，牆上畫咗啲貓咪同心心，大家黎到都不妨影多幾張相。食物方面，餐廳有提供三文治，飯團，all day breakfast 同埋西餐比大家選擇。而飲品方面就有唔同種類既咖啡同其他特色飲品。咁我地今次叫咗2個set爆芝蛋慢煮雞胸飯團原本打算食少少野，點知佢個飯團都好有份量下。芝士既存在感唔高，但個蛋整得好滑溜。慢煮雞胸煮得恰到好處，一啲都唔會老，而且好juicy。飯團上有少少芝麻，連埋包住飯團既紫菜，令成個飯團更香。可適係我地掛住影，遲咗少少食，紫菜有少淋咗，如果仲係脆既話會更好食。高營十足三文治 (黑毛豬，慢煮雞胸，炒蛋，蕃茄，西生菜)呢份三文治好似平時食既公司三文治咁厚，炒蛋同雞胸同飯團既一樣，好滑好多汁。而黑毛豬同雞胸既質感有d唔同，而且比較咸香，令三文治既味道更加有層次。唯獨係面包有少少燒焦咗，食到少少苦味，但整體都好好食

喺觀塘工廈嘅Oasis Corner，有靚靚嘅壁畫加持，成個氣場都Upgrade晒！除咗甜品外，仲有賀年食品出售！外賣包裝穩固，而且都幾精美！焦糖鮮奶咖啡 $42榛子鮮奶咖啡 $42一打開蓋，就聞到濃香嘅焦糖味同埋榛子醬味！Cafe Latte啡香奶滑，風味甚佳！All Day Breakfast - American Style $96All Day Breakfast可以自選主菜同埋包類，相當Flexible！我嘅選擇係黑毛豬配堅果包，加埋車厘茄、大啡菇、炒蛋、煙肉、腸、自製薯角、藍莓可沙律菜，賣相吸引，份量豐富！煙三文魚卡邦尼意粉 $78煙三文魚咸香出眾！忌廉汁底好啱香港人口味！煙肉脆脆提升口感！