NUTTEA (葵涌廣場) (已結業)

Happy Saturday!!今日約咗朋友去葵廣行街已經好多年冇過嚟葵芳好多鋪頭都唔同晒多咗好多小食同飲品店1樓2樓3樓都有人來人往行到1樓見有啲口渴 想買嘢飲見到nuttea勁surprise葵廣竟然有鋪面設計光猛仲有大量mirror嘅相係鏡粉們嘅打卡熱點除咗堅果奶蓋，仲有堅果奶、堅果汁、水果茶、咖啡選擇非常多好耐以前飲過一次記得佢嘅堅果奶蓋好好飲當然要再飲😆我要咗四季春堅果奶蓋茶$35果然係很厲害、地表最強嘅堅果奶蓋飲nuttea有3種飲法可以先用小鏟子鏟起奶蓋食又或者傾斜45度飲，飲到一半奶蓋一半茶最後可以攪勻mix up晒一次過飲四季春本身茶味就好香，飲落好fresh奶蓋綿滑，堅果味道濃郁Mix up飲有別一番風味好好飲朋友要咗伯爵朱古力堅果奶蓋茶$47有3粒星星推介朋友話朱古力奶蓋味道好濃厚我試咗一啖，果然係好香朱古力同堅果味伯爵茶都好好飲Mix咗一齊飲唔會好甜 反而有好滿足嘅感覺大推nuttea!!

今日終於一嘗到近期好得hit既 NUTTEA飲品啦，聽身邊嘅朋友都講 依個飲品店愈開愈多分店 即管去試吓😛大家以後想飲手搖又驚肥 強烈推薦大家一試再試😝NUTTEA’s menu 好多選擇 除咗奶蓋都仲有其他飲品比大家選擇，例如水果茶，奶茶NUTTEA 出名奶蓋，而佢既奶蓋係用堅果，未飲聽落就覺得無咁肥啦 哈哈😂（自我催眠😵‍💫😅）兩個人order左一人一杯伯爵朱古力堅果奶蓋 微糖 正常冰 $47依杯可以話係NUTTEA既皇牌 好受歡迎 伯爵茶味好出 飲落好fresh 奶蓋口感好full 但完全無好膩既感覺個人覺得成杯野既朱古力味比較少 可能剩係得奶蓋上面嘅朱古力粉係朱古力味？（冇特別向店員查詢 所以唔太確定😂）不過成杯飲品既口感好濃郁 好好味 但竟然唔會好流好甜 非常好😋😋👍🏻👍🏻繽紛火龍果奶蓋茶 $39火龍果味好fresh 好似食緊火龍果咁 記得店員好似話甜度無得改 但佢本身一啲都唔甜 係紅肉火龍果原先既味道😋 奶蓋上面仲有少少火龍果肉 增加啲好感 不過我覺得多啲啲果肉口感會更有層次🥰朋友唔夠10分鐘 飲哂😂 太好味NUTTEA都好貼心 吸管貼匙羹仔都有哂獨立包裝 方便衛生👍🏻

今日第一次黎到葵廣嘅Nuttea，就係電梯附近所以都好易揾！店面裝修都好有心思，收銀隔離都有位可以堂食同打卡😆 我同朋友下晝去都唔洗排隊，落完單等左幾分鐘就有得飲了～😛今次同朋友一齊飲，分別叫左香芋堅果奶加黑糖凍（$39+4），同埋伯爵朱古力堅果奶蓋茶（$47）。香芋堅果奶培黑糖凍💜香芋堅果奶好有驚喜😍香芋同堅果奶原來好夾～ 口感好滑！連平時唔中意芋頭嘅朋友都覺得好味☺️ 黑糖凍好爽口～同平時食開嘅珍珠口感唔同，好特別！值得一試！微糖嘅堅果奶味道都啱啱好，唔會因為少左甜味就好單調，飲落都覺得健康啲伯爵朱古力堅果奶蓋茶🍫奶蓋好香可可味🤎店員仲會係奶蓋上面加多啲可可粉，食落去口感多左啲層次感！奶蓋好厚飲到底都仲可以食到奶蓋，因為係堅果奶就算食咁多奶蓋罪惡感都冇咁大🤣伯爵茶好香，即使微糖個茶底都唔會好苦，仲可以解奶蓋嘅膩！😋店員仲好細心係個杯蓋到加多張膠紙～ 所以如果拎走飲都唔怕會倒瀉個奶蓋😌仲要一讚佢地嘅飲管係紙飲管，雖然係紙飲管但都唔會好快就淋哂用唔到！連食奶蓋嘅匙羹都係木造～可以用減少左用膠嘅餐具👍🏻飲手搖可以飲到咁健康真係好邪惡好想再飲🤣下次再試下其他味！

nuttea既飲品算係質素既保證,佢而家愈開愈多,中環、旺角、葵芳都有,都幾方便,得閒都可買返杯獎勵自己。今次請左媽媽飲堅果椰子水,椰子既清新用堅果出奇地夾,唔多化學既調味,有既係天然既味道,好岩健康既人士。而我就試左葡萄堅果奶蓋,提子味重,冇藥水味,奶蓋好厚,唔洗擔心唔夠食。欣賞杯既設計,佢會根據你點既茶飲類形比岩用既杯你,夠細心呀!呢間店好多ANSON LO既相,佈置有個人特色。今次黎都多人排隊,都好受歡迎下。

咁啱黎到葵涌廣場，咁梗係要周圍「掃街」食小食啦😆黎到1樓嘅潮流廊，咁咁啱我有少少頸渴，見到Nuttea個啲飲品都比較特別就想試下🤤 Nuttea其實有好多分店，但成日都經過唔到，咁今次就可以籍住呢個機會去試下。.佢地嘅特色就係大部分飲品都係由堅果汁、堅果奶製成，都係比較健康嘅手調飲品，我暫時係出面茶飲店冇見到過咁嘅特色。佢嘅味道真係令我好驚喜，呢間我飲完第一次之後，係我心目中top 3最好飲嘅一間飲品店🤩.我就叫左兩杯飲品。芒果堅果奶蓋茶$43，價錢同出面奶茶店差唔多，但呢杯我覺得值得呢個價👍🏻因爲我見到店員製作個時放左好多芒果落去整，同埋個奶蓋大約有¼左右，但佢地嘅奶蓋唔同佢邊嘅芝士奶蓋，佢地嘅奶蓋係重奶味，而家冇鹹味，幾啱我心水❤️.另外，我叫左杯蘋果脆脆楓糖堅果奶蓋茶$38，呢款我嗌左走糖，因為nuttea個邊嘅員工同我地解釋係因為佢本身嘅原材料已經有甜味，所以唔洗額外再加糖。蘋果原汁有啲微酸嘅味道，酸酸甜甜幾開胃，飲幾多都唔會覺得膩❤️.另外，記住如果需要拎走嘅話紙盒要+$2喔~

每次經過葵廣，都會見到一間好多人好吸引嘅店，外面掛滿Ak 嘅相😀😀.而且都可以算係葵廣入邊健康飲品之選。香港真係比較少堅果奶，就算去到超級市場買，都會好貴。而且成份水比較多！今次試咗呢間，果然冇令我失望!牛油果堅果奶我自己覺得腰果味超出，反而我媽媽覺得牛油果味比較出，口感比較順滑好厚身，飲完好飽嘅感覺！我自己叫咗無糖，我覺得好啱飲，因為我好鍾意佢嗰陣濃濃堅果嘅味道！伯爵朱古力堅果奶蓋茶限量100杯仲要攞咗2019年台灣嘅金獎，點可以唔試吓？雖然呢間飲堅果奶，但係佢嘅茶都值得一試，唔會好濃好苦，有種清新伯爵茶嘅味道！奶蓋嘅朱古力味好濃郁，少少鹹多多甜！佢嘅奶蓋偏厚實，比出面係硬啲嘅!而且佢嘅奶蓋都幾多，厚身，夾落茶到啱啱好！我自己覺得如果鹹多啲嘅話就會更好啦

同朋友去葵廣行街，行行下見到呢間主打堅果嘅茶飲店，好似健康d，決定試一試。同朋友一人叫咗一杯可以share飲。~~芒芒堅果奶蓋茶D堅果奶蓋好厚緊，用鏟嚟食堅果奶蓋，食落好滑加少少鹹，好好味。之後，大啖飲，好足芒果味，仲有充滿芒果肉，口感好豐富。飲到停唔到口。~~粉紅莓好堅果奶蓋茶呢個係店舖推薦飲品，真係冇推薦錯。好好飲。堅果奶蓋一d都唔孤寒，份量有好多。飲落酸酸甜甜，加埋口感好滑同有少少鹹嘅堅果奶蓋一齊飲，味道好夾。

🍽Nuttea @nuttea_hongkong 雖然已經係夏天既尾巴，但仍然都係日日廿幾三十度🥲成日行街都要買野飲🥲nuttea既堅果奶蓋真係令人一試難忘，經過都忍唔住試下～🤍芒芒堅果奶蓋茶（$43）飲親水果茶都好怕佢既甜味會蓋過左水果既鮮味，而令到杯野飲味道好假，所以我毫不猶豫叫左微糖，覺得岩岩好～雖然一般芒果汁都偏甜，但呢到有種清清地既感覺，消暑解渴一流！🤍椰子水緊果奶蓋茶（$43）有飲緊椰青既感覺，好有夏日feel~ 甜度係固定既，但係飲落適中唔算太甜，而且好清涼～佢地既奶蓋感覺上配落咩飲品都好夾，而且仲勁厚勁足料！

上次試過牛油果🥑堅果奶，今次就試下佢既金牌，伯爵朱古力堅果奶蓋茶啦。舖頭大嘅中午12:30開，點左走冰走甜，好快搞掂。果然，走甜係好啲，唔係會太膩，奶蓋咸咸地好特別，而且好濃厚好正，成杯飲唒係會飽既，可以做代餐添。茶好甘好香好好飲呀！

葵廣掃街第三站: NUTTEA💛呢間茶店次次行過都勁多人排隊 飲完就知佢有幾堅抽😍😍滿杯柚惑($36)勁想試佢signature既堅果奶！但仲要留肚掃街所以唔敢叫奶😫反而叫佐杯fresh啲既水果茶開開胃，一試完全無後悔😍係小小沙冰+杰身既texture，唔係齋茶個種，飲到小小一粒粒既西柚肉🥰酸酸地甜度又岩岩好☺️勁解膩！推介🌟🌟🌟為食指數: 4/5性價比指數: 4/5推介指數:4/5

之前有分店嘅老闆邀請過我去試 但太遠去唔到 搞到我一直念念不忘😩去開葵廣見到有 就同朋友一人一杯試吓🤪不過絕對唔建議飯後自己獨食...因為個堅果奶蓋好有份量 都真係會幾溜🙈.📌粉紅莓好堅果奶蓋茶 $45佢地嘅堅果奶蓋係用咗五款果仁打出嚟:杏仁,腰果,榛子,合核同夏威夷果仁🤩佢係純素 食素嘅朋友終於可以試到奶蓋🥛雖然佢冇加芝士 但出奇地有芝士奶蓋嘅鹹香味🧀究竟係點做到😨質地好實淨 放勁耐都唔會融同沉 真係要刻意搞勻先會撈得埋🤣不過我都係建議分開嚟飲同食 因為味道都幾唔夾 就係有啲士多啤梨酸味嘅繽紛樂🤭口感同平時一樣 都係好軟滑綿密🥰味道就係榛子味 似食緊繽紛樂咁🌰加咗士多啤梨味就會相對甜少少🤏🏻茶底係四季春高山茶再加新鮮士多啤梨🍓好𝒇𝒓𝒆𝒔𝒉 真係鮮榨士多啤梨汁咁 仲有啲果籽粒粒🤤好足料 雖然真心好貴...但真係值得一試🤫.📌茉莉綠鑽堅果奶蓋茶 $35呢款就係原味嘅堅果奶蓋 口感一樣不過就冇咁甜 同埋冇士多啤梨味😛茶底好濃 苦澀得嚟花香味夠 配埋個榛子味奶蓋 同平時嘅奶蓋茶味道唔同😎幾特別 可以試吓😚

自問都算係台飲店fans依間絕對上到我最愛飲品店頭三名佢標榜用堅果做奶蓋而唔係芝士同忌廉，感覺相對健康之前已經試過一次抹茶堅果奶蓋茶濃郁嘅抹茶味絕對滿足到抹茶控口味再加埋香濃榛子味嘅堅果奶蓋成功將抹茶奶升華到另一個層次🥰今次試喺OpenRice 訂既粉紅莓堅果奶蓋茶$28微糖版好突顯到莓果既酸味溝埋奶蓋之後有少少似乳酸飲品🥤酸酸甜甜好好味😋仲有啲果肉🍓夏天唔想飲咁漏嘅話呢一杯絕對適合Tips如果想再輕盈啲嘅話可以嗌少奶蓋咁就唔會飲到底仲有一層厚厚嘅奶蓋啦

再次俾nuttea既奶蓋吸引到！🥜🥜🥜🥜🥜不得不讚佢既奶蓋！除左奶味夠香之外，仲好夠澀身，飲到最後一啖都仲係好挺身！再加埋少少花生碎點綴😆👏🏻👏🏻粉紅莓🍓好堅果奶蓋茶飲落有少少草莓嘅粒粒，再配埋奶蓋一齊飲，口感十足👍🏻菠蘿堅果奶蓋飲品用100%新鮮菠蘿調制，味道唔酸較淡～兩款飲品嘅奶蓋份量都好豐富，飲到底可以將奶蓋同埋飲品攪拌均勻，又有另一種奶香味😳👍🏻👍🏻推薦

伯爵朱古力堅果奶蓋茶（$47）早咗返學經過葵芳，咁就去嘆返杯特色飲品唞一唞！飲過呢杯朱古力奶膏真係返唔到轉頭，自己拉蓋份量比一般嘅都又厚又大份量，加埋佢用咗堅果去埋純朱古力，入口一啲都唔滯，口感濃郁之餘仲有少少甜甜地又鹹鹹地沖擊你嘅味蕾，佢仲會比隻匙羹仔你慢慢食個奶蓋去享受！然後仲可以分開飲你隻伯爵茶底，甘香清爽嘅茶膽重帶有幾分嘅回甘，去到最後仲可以溝埋朱古力奶茶又有另一番風味！一杯飲品三種飲法真係抵晒！NUTTEA (葵涌廣場) (葵芳)葵芳葵富路7號葵涌廣場1樓潮流廊B號舖

成日行葵廣都經過呢一間飲品店覺得好吸引，仲要見到成日都大排長龍，所以今日見到難得冇人就去咗飲。而家間餐廳主打係做堅果飲品，上面嘅堅果奶蓋都會比較健康蛋白質亦都更加豐富。我自己就嗌左杯芒芒堅果奶蓋茶。首先佢啲堅果奶蓋真係唔係講笑，勁厚身飲落去好滑，而且堅果味好香，芒果偏甜，連埋啲堅果奶蓋一齊都幾夾。而我朋友就嗌左杯滿杯柚惑，即係成杯西柚沙冰，味道一啲都唔死甜，沙冰冰粒幼細，西柚味好重，會有少少西柚嘅苦味。