NUTTEA (旺角中心第一座) (已結業)

好耐無飲過奶蓋，突然心血來潮好想一過口癮，就黎到旺角新之城呢間nuttea良心小店買兩杯填下肚，順便支持下！門口好精美，藍白既色調望落去好精神。今次我就叫左推廌既「伯爵朱古力堅果奶蓋」，怕唔夠飽再叫多左杯可以填肚既「紫米堅果奶」。先係朱古力堅果奶蓋，佢有附上一個鏟仔，原因係呢杯奶蓋有三個食法！首先係用個鏟仔食上面啲朱古力奶蓋，真係好好食！好creamy、好濃味，好似食緊chocolate tiramisu咁，極出色！其次係用杯口飲下面啲茶，飲既時候會溝到少少奶蓋，多重口感。茶味都幾濃，但又唔會cover左奶蓋味。最後係用飲管溝勻奶蓋同茶一齊飲，成杯野都好creamy，正呀！不過我個人都係最中意食面頭個啲朱古力奶蓋，真係無得彈！第二杯係紫米堅果奶，底下好多紫米，飲之前要搞勻先得。堅果奶係極之出堅果味，好似平時炒腰果食個啲味咁，好香！溝埋啲紫米，有咬口又飽肚，正呀！今次叫左兩杯都咁高質，下次要再試下其他野飲先，真係會令人想飲完一杯又一杯，想唔變肥絲大隻都幾難！

朋友之前一直同我推介一間叫NutTea嘅茶店，叫我經過一定要去試。見佢咁努力推介，身為奶茶控嘅我都好心郁郁，上網睇下邊度有得買，唔睇唔知原來都有唔少分店咁今日同朋友去旺中行街就見到梗係即刻買杯黎試下啦，因為之前都未聽過佢個名都唔知飲咩好，左諗諗右諗諗，靚仔店員可能見到我r哂頭咁，就好熱心咁主動拎張menue黎推薦幾款大熱人氣產品。當中堅果奶蓋茶同堅果奶係主打產品，我就叫左店員推薦嘅人氣產品: 🍓粉紅苺好堅果奶蓋茶🍫伯爵朱古力堅果奶蓋茶都係少女會好中意嘅口味店員會建議半糖或者微糖 因為奶蓋本身都有甜度 同茶溝起嚟就啱啱好 唔驚沒味個奶蓋都有成杯飲品嘅3分1 足料淡淡堅果🌰個人偏向粉紅苺好堅果奶蓋茶🍓 酸甜酸甜 口感幾多元化 而朋友偏向伯爵朱古力堅果奶蓋茶🍫 佢話個伯爵茶底好清甜感謝朋友嘅熱情推薦P.S 店員話水果嘅建議兩個鐘內飲晒 茶底就一日內飲用

行親旺角中心都會俾唔同既野飲店吸引到，而nuttea就係一直都留意開既台式飲品店😙嚟自台灣既堅果奶店，主打堅果奶蓋，配上唔同茶底同水果味，有好多選擇😍所以今次決定飲佢！平日嚟都好多人🤣但好飲既野值得等既！佢店鋪都有show到一啲堅果出嚟，榛子、腰果、杏仁等等，有好多種類😍😍減肥既人應該知呢啲nuts含豐富既protein同營養，仲可以增加飽腹感添😍第一杯嗌既係伯爵朱古力堅果奶蓋（半糖少冰）$47每日限量100杯架咋！覺得茶底啱啱好 唔會太甜😙而且店員好好，專登俾個匙羹仔我地食奶蓋，個奶蓋好rich好似食緊cake個啲cream咁haha 食到後尾撈埋茶一齊飲好似飲緊朱古力milkshake 咁 好正！第二杯係粉紅莓堅果奶 半糖（冰固定）$45好重士多啤梨味 食到少少果肉 同埋好fresh 飲落好舒服好清新 啱哂行街行到攰想飲杯野😍😍😍

行行下街口渴，係旺角咁多台式飲品的店舖當中，一search到旺中有Nuttea，就決定即刻去幫襯了！Nuttea係我心目中可以話係名列前茅，用堅果黎做材料，健康之餘又飽肚。不過分店唔多，所以一見到就會想飲了。❤️凍繽紛火龍果堅果奶蓋茶 $39最推介的堅果奶蓋茶，除左個樣望落夠哂靚，仲有火龍果茶清清地，配埋好creamy的堅果奶蓋都唔會好heavy。

大失望。見好評如潮，貴都試一試。平時飲開廿頭一杯嘅手搖，一杯嘅價（$47）夠我買兩杯。伯爵朱古力堅果奶蓋茶（$47）行咗陣返屋企，個奶蓋完全冇滲入茶，心諗應該好濃好正。附送埋隻小膠鏟食奶蓋，一食......咪朱古力蛋糕d忌廉嚟？！完全一模一樣,一啖迅速滅火，點解我要俾$47食朱古力蛋糕上面果d忌廉？我平時食蛋糕都嫌膩，會片走d cream.呢杯野對我黎講完全係伏。茶都唔清香。諗住倒入口溝埋飲會唔會好d,但個奶蓋係硬到d茶沖唔開。手動撈埋，變咗睇落有層油污係茶面。我真係完全唔識欣賞呢杯野。飲咗3份1，係屋企放咗幾個鐘冇人欣賞，於是掉咗。至於中意朱古力忌廉嘅朋友，恭喜你，世界上多咗款啱你嘅飲品。

同朋友過嚟旺角中心行街，見到呢一間幾特別嘅舖頭，因為平時見到嗰啲通常都係奶茶但係呢一間賣嘅係杏仁茶，所以感覺幾特別同埋健康啲，價錢又唔係差好遠，所以試下啦佢嘅食物取材都比較特別，包括紫米，同埋朱古力伯爵茶，請其他嘅茶飲台式舖頭比較少見，同埋佢聲稱佢嘅奶蓋都係用杏仁奶要整成嘢，比起普通嘅芝士奶蓋嚟得健康啲，見佢整出嚟都係用咗幾分鐘，非常之快，店員仲非常細心咁樣講啲紫米喺底，所以要攪勻先至好飲咁落去有少少甜，不過都幾好味，下次可以叫無糖唔鍾意飲甜野嘅話😉另外朋友嗰一杯係果仁嘅奶蓋嘅四季春，第一次飲杏仁嘅奶蓋，感覺都幾特別，同埋幾好味，另外覺得佢嗰隻膠杯幾靚可以拎返去做其他用途😆環保使用

伯爵朱古力堅果奶係呢度既特飲之中既特飲,有拎獎的。當然要試下啦!朱古力奶蓋好NUTTY,用個鏟「畢」完D CREAM再飲EARL GREY茶底,超濃的,成個人醒神晒!食得出奶蓋係用多種NUT去BLEND而唔係用D合成物整成的!呢個價錢值呀!飲完超滿足的呢!朋友仲要牛油果堅果奶,成杯飲品都有自然既牛油果味,唔會太甜,飲完已好飽,間唔中可以當晚餐呀!店員好用心既準備飲品,飲完覺得充滿愛呀!仲有好多新品想試下!

久聞NUTTEA大名,見到佢大大個牌寫住粉紅莓堅果特飲就忍唔住買黎試下。士多啤梨既奶蓋好厚實,有別於平時既CHEESE FOAM OR CHOCOALATE FOAM,都係佢既一大賣點呀!而飲品就BLEND左D新鮮士多啤梨,好足料,有驚喜。朋友就飲左提子味既茶飲,佢話提子味好濃,有茶底唔會太甜,咁樣既組合都好特別,係其他地方比較少見。店員仲好有心機介紹飲法同埋飲品既賣點,而且好快就有,真有效率!GOOD!

nuttea分店愈開愈多，終於登陸旺角先看餐牌的堅果奶已經非常吸引等待期間看看裝飾，有可愛的連豬伯爵朱古力堅果奶蓋茶 $47最後點了皇牌飲品，果然沒令我失望原本已經附送一隻小匙，因為奶蓋稠密得可以"不"起來吃，味道就是特濃堅果味的朱古力cream邊吃甜品邊喝，一次過滿足兩個願望，朱古力愛好者不可錯過喝一口熱的伯爵茶，滿滿的堅果香氣，讓人一口接一口的喝標榜健康讓人喝下更沒負擔雖然$47是偏貴，但值得試試

旺角中心一切都有好多好出色嘅小食店，吸引好多人去嗰度掃街。掃街又點可以唔叫一杯飲品呢，想飲得健康嘅話，Nuttea 絕對係不錯的選擇。Nuttea最出名嘅就係他們的堅果奶和堅果奶蓋，比起傳統的茶飲店更加健康！今次我點了一杯伯爵朱古力堅果奶蓋茶， 十分有驚喜，不愧係王牌飲品。奶蓋的份量多得誇張，佔有差不多三份一杯。堅果奶蓋味道鹹鹹香香的，質感紮實，齋食奶蓋都已經很飽。而伯爵茶和朱古力竟然能夠擦出火花，味道很合襯，有淡淡的伯爵茶香味，使整杯飲品更加清新，降低了朱古力的甜膩感，出色！而朋友就帶咗一杯葡萄堅果奶。聽個名覺得葡萄同堅果奶有啲唔夾， 飲落又覺得十分有新鮮感！飲完一杯後十分之飽肚。

因為我之前飲過士多啤梨味，覺得好好飲，所以推介咗比有錢朋友，而我今次就是葡萄味。粉紅莓好堅果奶蓋茶（半糖）$45店員同我講依杯飲料係限定嘅。雖然之前都有出士多啤梨味，但當時嘅奶蓋只係普通堅果奶蓋，而依杯限定飲品嘅奶蓋係會有士多啤梨味㗎！草莓奶蓋茶嘅顏色超級靚，係粉紅色，啱晒打卡影相。堅果奶蓋非常厚實，好creamy，份量又多，而且真係有士多啤梨味，非常特別！四季春高山茶底加上新鮮士多啤梨果肉，飲落好清甜，好fresh。加上飲品非常冰凍，簡直透心涼，爽！葡萄堅果奶蓋茶（半糖）$41葡萄堅果奶蓋茶嘅顏色一樣好靚，係深紫色。堅果奶蓋一樣好厚，好滑，好似kinder繽紛樂嘅味道，我好鍾意。堅果奶蓋感覺上冇芝士奶蓋咁邪惡，可以飲多幾啖！清香嘅茶底配上葡萄果肉，味道非常夾。飲嘅時候仲會見到葡萄嘅皮，好真材實料啊！飲品有固定冰量，質感似沙冰。Nuttea真係好味又健康，好想成日飲！

出嚟旺角行街行到攰又口渴，點都要搵啲嘢飲下，係T.O.P.行過去買杯Nuttea都好方便。上次飲過佢既椰子堅果奶，覺得幾好飲，今次試下新野先！🔸伯爵朱古力堅果奶蓋茶💯一於就飲呢杯招牌飲品，仲寫住之前拎過台灣奶茶節金獎😆面頭嘅奶蓋好濃厚，可以用奶蓋鏟先兜啲奶蓋食，口感好似食緊甜品咁，似一杯杯個啲朱古力慕絲🍫不過再加啲堅果嘅味道🍫仲有啲可可粉係上面，好好食！！再飲啖好清香嘅伯爵茶，之後我將啲奶蓋同伯爵茶撈勻，口感又完全唔同，朱古力同埋伯爵茶混合左，就好似飲奶茶咁！好鍾意呢一杯啊😍😍🔸紫米堅果奶🥛呢杯係朋友飲嘅，都係推薦嘅飲品，底下面勁多粒粒嘅紫米，佢話好似飲緊糖水，不過又唔會好甜，清清地加埋一啲堅果味，都唔錯。

同朋友食飽飯喺旺中行街見到有人拎住我好鍾意飲嘅奶蓋茶，即刻搵下到底邊度有得買，一搵先發現原來喺1樓有間純堅果奶全素嘅茶飲店『Nuttea』💛我哋都揀咗季節限定嘅飲品！粉紅莓好堅果奶蓋茶$45：奶蓋呈現淺粉紅色，除咗有堅果嘅香氣仲有香甜嘅士多啤梨味，重點係『Nuttea』嘅奶蓋超厚仲好creamy，用店舖提供嘅細鏟仔試一啖已經即係愛上！茶底由新鮮士多啤梨搭配，茶味唔太濃但毎一啖都有滿滿嘅果肉，酸酸甜甜真係好好飲！身為士多啤梨控嘅我認為呢杯絕對係我飲過最好飲嘅奶蓋茶❤️❤️❤️伯爵朱古力堅果奶蓋茶$47：朋友話奶蓋已經有濃郁嘅朱古力味，上面灑上朱古力粉，朱古力味好突出有啲似鹹味嘅金沙朱古力！茶底嘅伯爵茶可以中和上面又濃又厚嘅朱古力奶蓋，飲落完全唔會覺得膩！其實仲有好多款飲品我都好有興趣，下次會介紹俾乳糖不耐症嘅朋友，等佢試下堅果奶蓋有幾好飲😋😋

《Nuttea-堅持做對的事💛》餐廳：Nuttea-人氣堅果奶蓋茶🌰Nuttea呢間堅果奶茶店主打既堅果奶飲品同堅果奶蓋都係純素，奶茶以堅果萃取濃醇香的堅果奶，冇牛奶冇化工奶精，所以好健康，素食者都一樣飲得架😋！佢既飲品種類都好多架！我同朋友就揀咗以下兩杯飲品👇🏻1. 宇治抹茶堅果奶蓋茶🍵 $39堅果奶蓋份量俾得好足😍口感超級濃稠同綿密，好似忌廉咁滑，入口先會有微微嘅鹹味，隨即又有香濃嘅果仁香，加埋奶蓋上面嘅堅果碎，口感好豐富，食到停唔到口🥰食奶蓋食到咁上下就直接飲，宇治抹茶飲落順口帶有小小回甘，抹茶中飲到明顯嘅堅果味，好有層次，堅果同抹茶嘅結合原來都幾夾，微糖嘅甜度又剛剛好，絕對可以再encore！2.烏龍堅果奶蓋茶☕️ $35單食奶蓋可能會有啲膩，所以配埋下層既烏龍茶就啱啱好，烏龍茶飲落十分之清幽，茶香十足，整體感覺唔會甜膩☺️呢間茶飲店除咗飲品高質之外，店員嘅服務態度都好欣賞，好耐心介紹產品同飲用方法，仲細心到將我哋打包嘅飲品杯蓋貼上膠紙，以防倒瀉，真係好sweet💕

Nuttea係素食者福音，全部飲品都用堅果奶，奶蓋同飲品都無落牛奶或奶精，素食人士都飲得。 強烈建議奶蓋系列，差唔多1/3杯都係奶蓋，尼間啲奶蓋無得輸，有別於一般飲品店啲奶蓋，尼間唔係重牛奶味而係堅果味。奶蓋係杰身質地，口感幼滑，榛子味香濃食落似金莎味嘅cream，口感綿滑細膩。伯爵茶朱古力堅果奶蓋茶 $47 加珍珠$4奶蓋多左份濃濃嘅朱古力味，伯爵茶味唔係好出，撈埋奶蓋一齊飲似飲緊朱古力奶，以為加珍珠味道會唔夾，原來都ok，珍珠粒粒都好圓潤，煙韌有咬口。粉紅莓好堅果奶蓋茶 $45 加珍珠$4估唔到奶蓋有淡淡士多啤梨味。下面係士多啤梨果茶，酸酸甜甜，但叫左半糖都覺得有啲啲甜，同埋有少少士多啤梨糖漿味。不過加埋鹹鹹地既奶蓋就可以中和一下，啱啱好~