NUTTEA (旺角中心第一座) (已結業)

使用堅果奶(Oat Milk)🥛嘅全素茶飲店，特別照顧素食者及對奶類敏感人士。咁我都可以放心飲奶蓋唔洗怕要搵toilet啦！！！伯爵朱古力堅果奶蓋茶（半糖少冰） $47店家三粒星推介兼2019年台灣奶茶節金奬！伯爵茶底上面舖住一層厚厚嘅朱古力堅果奶蓋，上面再灑上可可粉。奶蓋質感堅挺，介乎於cream 同mousse 之間，唔會攪幾攪就散，份量好足仲多到食到你唔想食😂。好彩奶蓋下層係甘香清爽嘅伯爵茶，即時refresh 一下口腔。最後將奶蓋同伯爵茶攪勻混合飲用又成為一種口味，一杯飲品飲出三種感覺，難怪咁多人鍾意飲奶蓋。粉紅莓好堅果奶蓋茶（半糖少冰） $45店家另一三粒星推介，奶蓋同樣堅挺！但呢個原味奶蓋無朱古力味咁heavy。加上紅莓嘅酸甜味中和左奶蓋嘅濃厚感。個人偏愛呢杯多過伯爵朱古力堅果奶蓋茶，諗唔到試咩新野一定係飲返呢杯！

前排陪朋友行街，行行下dry dry地，就搵下附近有無咩飲品可以買，無意中見到呢間黃店，仲感覺健康小小既手搖店。就咁睇menus，佢唔係普通珍珠奶茶店，而係主打堅果/奶蓋既。左揀右揀，我最後揀咗宇治抹茶堅果奶蓋茶，半塘。佢上面個層奶蓋望落好正，上面有小許堅果，首先我就直接試佢地個奶蓋，好邪惡啊！係勁好味，甜甜地咸咸地，間中咬到D堅果好脆卜卜，好夾。另外佢個杯蓋設計都好方便，為咗方便我哋食奶蓋，可以半打開。食完奶蓋就可以飲下面既部分，佢個層宇治抹茶都好好飲，最後試完你可以將佢哋搞埋一齊飲，再有另一番風味。而我朋友就選左香芋堅果奶， 初初見佢用呢個紙杯裝住，嚇親我哋兩個仲以為係熱飲，好彩佢係凍飲嚟既。佢嗰杯呢就要正常糖正常冰，佢入口係好淡嘅香芋味，相信應該係比較天然所以真係算清淡，香芋泥都好紮實，所以呢款真係比較岩輕食 減肥 健康飲食既朋友。

呢個飲完一次之後真係返唔到轉頭！其實我都係第一次飲，之前想飲好耐，朋友又話好好飲，所以即使我覺得價錢有啲小貴，我都決定要試吓。伯爵朱古力堅果奶蓋茶（$47）佢啲奶蓋比起其他奶茶舖頭多好多，同埋唔知係咪因為用堅果整嘅緣故，我覺得佢食落去冇咁漏，而且好香堅果味。我直情係用個薩去薩啲奶蓋就咁食，甜到啱啱好，朱古力味都好濃。飲到差唔多咁上下嘅時候，我建議可以撈埋啲茶一齊飲，好似飲緊朱古力奶茶㗎，又係另一種享受，佢個質素絕對對得起佢個價錢。

想試NUTTEA好耐，之前幾次係北角都錯過左．點解我咁想試？因為NUTTEA堅果奶茶以堅果萃取濃醇香的堅果奶搭配台灣日月潭紅玉紅茶，創造出一杯最健康好喝濃郁的堅果奶茶，沒有牛奶沒有化工奶精．知道佢地係旺角中心開左分店，食完飯就即刻衝去店門裝飾簡單得黎，但好有Style，特別係門口各種各類既 Nuts 樽，夠哂特別！伯爵朱古力堅果奶蓋茶 $47每日限定100杯，伯爵茶味濃郁清新。配上特別既朱古力味奶蓋。一個濃味一個清淡，配搭得出奇地剛好。唔會搶走大家既味道。而且唔會太甜，即使無減糖，值得一試。朱古力味奶蓋非常特別，而且香滑又濃厚，好難想像係用堅果奶打出黎既。粉紅莓好堅果奶蓋茶 $45朋友仔比佢既粉紅色同士多啤梨吸引住，不停地叫人地比佢。最後仲自己霸住成杯飲，佢媽咪偷飲完之後口述：小朋友好鍾意嘅口味，酸酸甜甜嘅士多啤梨味，面層既奶蓋非常濃厚，好似有一層軟雪糕喺面頭加埋一齊嘅味道就好似飲緊士多啤梨味嘅新地，係飯後甜品嘅最佳選擇。茶味唔算濃，小朋友都可以飲。不含奶精既健康奶蓋茶，當然唔可以錯過。一定要支持！佢地仲有提供奶蓋摌比你慢慢享受個堅果奶蓋

呢個茶飲店初初出時有偶然路過新蒲崗店飲到，果時已經覺得好鬼好飲！可惜唔係成日去果頭，就冇飲過了⋯點知佢咁鬼勁開左越來越多分店，旺角呢間咁就腳🦶唔飲對唔住自己啦🤪今次試左季節限定，一個字正！*粉紅莓好堅果奶蓋茶🌰 $45杯嘢整出來好靚🤩奶蓋超厚，而且好實在，唔係果啲好稀好易融嘅奶蓋，鍾意cream嘅人肯定超級滿足，飲到最後都仲有奶蓋剩🤪🤪用附送嘅小鐵鏟可以食奶蓋，職員仲教話可以撩開個窿窿飲下面嘅果茶，咁就可以有唔同層次嘅享受！食啖奶蓋先會食到淡淡士多啤梨味🍓再飲下下面嘅果茶，好清爽、酸酸甜甜可以中和下啲奶蓋，都好適合宜家嘅天氣飲🥳超推呢間堅果奶！下次再試下其他嘢飲先，見佢有個椰子水系列🥥都好似幾得意🤤🤤

想飲呢間來自台灣純素堅果茶好耐啦，短短時間內開到咁多分店，應該都唔會差得去邊，而且冇牛奶、冇奶精，仲用五種堅果整成，成件事幾健康，飲成杯都冇負罪感，嘻嘻😜 款式都幾多，另外都會有季節限定飲料，但就無mention係menu上面～今次試左兩杯新系列：「粉紅莓好堅果奶蓋茶」同埋「椰子水堅果奶蓋」*粉紅莓好堅果奶蓋茶 +寒天一拎上手已經覺得顏色好靚，又會見到有啲打碎既莓浮下浮下職員好好教我地用個鐵鏟匙羹食啲奶蓋，如果想飲下面嘅茶可以撩開個洞再飲，可以幾個層次咁享受杯嘢。首先食左啖奶蓋，勁surprise因為奶蓋都有士多啤梨味，我仲以為係未啲茶撈到啲奶蓋，哈哈，呢點真係超加分！跟住再飲啖果茶，唔會係好假嘅甜，飲落好清甜好fresh另外加左寒天，估唔到又好夾喔，再溝埋奶蓋、果茶一齊飲都好正，難怪係季節限定，飲完唔會好漏，熱辣辣嘅時候飲真係好消暑，推介！！👍🏻*椰子水堅果奶蓋+寒天行到熱一熱，友人話要黎番杯椰子水解解熱先由於友人個杯都好吸引，所以我都飲左幾啖🤣原先會覺得椰子水配埋堅果奶蓋，陣味會好奇怪，但原來一切都係我錯誤既推斷，兩樣野配搭埋一齊，出奇地夾！！椰子水十分清甜，解熱，叫左微甜，真係唔

/🌿四季春堅果奶蓋茶（$34）NUTTEA主打由5種堅果包括腰果、核桃、杏仁、榛果以及夏威夷果冷壓萃取製成的純堅果奶 適合純素素食者奶蓋以堅果制作 面層加上杏仁碎 質感豐厚幼滑 帶點鹹甜既味道 榛果香味突出茶底清新之餘 帶點回甘🍵3分糖既茶底亦偏甜 怕甜既朋友可以叫無糖唔好睇佢細細杯 飲完都幾飽肚架🤣NUTTEA📍旺角彌敦道688號旺角中心1樓F52號#anygoodfood_hk#anygoodfood_Mongkok

之前一直麻麻哋奶蓋，因為本身唔鍾意奶，加上覺得好膩。經朋友推介下試吓呢間nuttea佢嘅奶係用堅果打出嚟嘅奶，用咗5種nuts去打。喺舖頭都show咗五款堅果係咩嚟。我同朋友分別叫咗2杯奶蓋，佢叫四季春堅果奶蓋茶，我就叫伯爵朱古力堅果奶蓋茶。不過因為我哋外賣拎走返公司飲，同埋又心急就叫職員畀我影咗本身個奶蓋先再打包😆😆可以見到普通奶蓋會再加咗少少堅果碎，而朱古力奶蓋再有啲可可粉😋而外賣包裝都好好，會再用膠紙痴實啲蓋口位，加上有固定器再擺紙袋，返到公司都仍然完好無缺👍🏻疫情下無得一路行一路飲，呢樣嘢都好緊要！重點來了～佢嘅奶蓋有個飲法，係先用個小鏟‘筆’一啖奶蓋，再用飲筒飲啖茶，之後就可以按喜好撈埋2樣一齊飲朱古力味唔會太甜（可能關我叫咗微糖事？），可可粉會有少少甘味，加上堅果打嘅奶蓋唔會太膩，減低咗朱古力奶蓋嘅罪疚感，而伯爵茶溝朱古力奶蓋係幾夾😋😋朋友話佢嗰奶蓋有口感但同樣係唔太膩，配茶飲幾fresh！不過我哋都認同，飲完一杯之後係幾飽😌建議可以抵消半餐份量🤣（女仔適用）值得再飲！希望佢開多啲分店啦！！

當手搖飲品店開到成行成市，見到一間賣堅果奶，同平日見到嘅台式飲品唔同嘅鋪頭就忍唔住想試下。鋪面唔大，因為喺旺中入面，等飲品嘅時候有少少迫，不過都好快就拎到野飲。見到依杯伯爵茶朱古力堅果奶蓋茶係3星推薦，又拎埋金獎，仲要限量每日100杯，原先想叫其他飲品都比佢吸引返。超厚嘅一層堅果奶蓋，上面灑咗d朱古力粉。奶蓋同茶底層次分明。先試下個奶蓋，好似飲過最rich嘅奶蓋之一。食落軟綿綿，好滑，堅果朱古力味濃。之後同埋伯爵茶一齊飲，茶嘅甘味同埋奶蓋嘅甜味混合埋一齊又幾夾。店家有俾埋一隻設計好可愛嘅剷專門用嚟食奶蓋，不過我覺得唔環保就唔拎啦朋友就叫咗杯牛油果堅果奶，佢話佢個杯同樣都係好creamy. 牛油果味好重，配埋堅果奶，成杯嘅感覺好健康。裝得好滿雖然嘢飲來講呢個價錢唔係平，但我覺得都幾飽肚，減肥嘅時候可以飲一杯replace正餐。

有日行旺角中心，比依間飲品海報吸引住，最喜歡朱古力的我，見到依杯伯爵朱古力堅果奶茶，就忍唔住買來試試啦！飲品一嚟到，店員介紹，先用鏟仔食面層朱古力奶蓋，綿密的cream, 濃濃的朱古力味，好好味好喜歡吖，再用杯口飲啖茶，中和返朱古力的甜，茶味香濃，味道配合得好好。朋友就買左黑芝芝堅果奶，香濃的芝麻味，飲落口感好滑，堅果奶味濃郁，同黑芝麻味好夾吖。而且飲品可以選擇半糖半冰，感覺更健康！覺得大家經過，有興趣都可以試吓。

🌰𝑷𝒍𝒂𝒏𝒕-𝑩𝒂𝒔𝒆𝒅 𝑵𝒖𝒕𝒕𝒆𝒂 🧋我愛店💕💕🥺 #黃店 💛想試試買一杯淨奶蓋台灣人茶飲店𝑵𝑼𝑻𝑻𝑬𝑨主打堅果奶飲品及堅果奶蓋 不喝牛奶人士的福音 而且更健康堅果奶主要有五種堅果包括腰果、核桃、杏仁、堅果同夏威夷𝒄𝒓𝒆𝒂𝒎𝒚堅果奶蓋鹹中帶少少甜比一般芝士奶蓋更厚實濃郁 堅果香味久久不散 季節限定 粉紅莓好堅果奶蓋茶$48奶蓋加入士多啤梨比原味多一份甜香 茶底好清香少甜剛好 啖啖果肉足料葡萄堅果奶蓋茶 $45配上原味堅果奶蓋 不過我地加左配料都無落到 🥲🥲可能店員太忙唔記得左✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹𝚈𝚞𝚖：5/𝟻𝚁𝚎𝚟𝚒𝚜𝚒𝚝﹕4/𝟻˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 𝑵𝑼𝑻𝑻𝑬𝑨 ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

話說局長早前已經係QB飲過NUTTEA 真係覺得回味無窮所以今次去旺角果陣已經決定左要再飲!今次既NUTTEA就唔同QB咁係地鋪要入去旺中搵一搵 估唔到原來而家旺中都有幾多食肆進軍由於局長上次飲完朱古力果杯覺得真係好好飲所以要ENCORE, 而同行有人就想飲士多啤梨咁不如就SHARE一人一半啦 所以先叫左一杯佢地最出名既朱古力伯爵茶同埋士多啤梨奶蓋茶等左大約3分鐘終於等到啦朱古力味一如以往咁高質 我只可以講香港無一間既奶蓋整得好過NUTTEA你係完全想像唔到佢係用堅果整既奶蓋而當我試埋士多啤梨果杯 我得出以下既結論香港最好味奶蓋排行榜:1.NUTTEA 士多啤梨奶蓋2.NUTTEA 朱古力奶蓋其他真係不提也罷!你以為我講得好誇張咩 你自己試下咪知

上星期去咗旺角，終於有機會拜會呢間Nuttea，聞名不如見面！呢度嘅奶蓋同平時唔同，係用堅果做嘅，飲落去嘅味道就似榛子醬。我同朋友叫咗一紅一綠嘅飲品，健康又好飲。繽紛火龍果奶蓋茶 ($39)呢個茶充滿火龍果，唔係得個樣、勁有果味，一啲都唔吝嗇。我搽嘅嗰一好多，唔係溝晒水嘅感覺。奶蓋都有三份一杯咁多，加埋下邊紅色嘅火龍果茶紋理好靚。店員俾咗個鏟我哋，可以「不」起奶蓋就咁食。如果想飲下邊嘅茶就要整一個窿。宇治抹茶堅果奶蓋茶 ($39)平時飲綠茶最驚啲綠茶太甜，但係朋友試呢個宇治抹茶好重茶味，叫咗少甜就啱啱好啦。奶過一樣都咁多㗎 ！今次試咗少少，下次可以自己飲一杯呢個！

突然間想買啲野飲下，諗起朋友同阿妹都強烈推薦一間飲品店，就睇下附近有冇呢間分店啦見到旺角中心有，就即刻去試下啦，行左幾個圈終於都搵到其實係新之城個邊入會比較近平時都好鍾意飲奶蓋嘅飲品，所以今次揀左佢個堅果奶蓋試有好多唔同口味揀，都真係有啲選擇困難最後揀左繽紛火龍果奶蓋茶，粉紅莓好堅果奶蓋茶先講個奶蓋，因為我自己都有整過奶蓋，知道係需要用淡忌廉，cream cheese等等去整成而佢嘅奶蓋係用五種堅果整成，所以成件事好健康，所以飲完都唔覺得有邪惡感奶蓋好厚，用隻好得意嘅鏟仔，一啖啖咁㧾黎食好正，仲好似食緊繽紛樂咁嘅味添而友人個杯嘅粉紅莓好堅果奶蓋茶，個奶蓋直頭係有淡淡嘅士多啤梨味，仲正呀 之後再飲返啖果茶清一清返個味蕾果茶唔會太甜，fresh ! 下次再試佢個堅果奶，見到有紫米同牛油果堅果奶都好吸引呀

《Nunttea》，一直都好想去嘅一間飲品店，今日終於有人陪我去試。由於好多款飲品都好想試，所以用直覺揀最想飲嘅。叫完飲品唔喺等好耐就整好，面頭既奶蓋好厚，放上少少堅果碎粒做點綴，望落好吸引。兩杯飲品都配有一個可愛既迷你匙羹，比我地𢳂起奶蓋食，食落有啲似雪糕，因為比一般奶蓋要厚身、密度高。奶蓋用咗五種堅果研磨而成，分別喺杏仁、腰果、核桃、榛果和夏威夷果，飲得出配合得宜既濃郁堅果口味，真材實料！而且完美咁將堅果嘅香滑、甜味融入奶蓋之中。鍾意食有果仁配搭食物嘅人，會愛上呢個奶蓋。（我去左「彩虹橋」飲）🔸宇治抹茶堅果奶蓋茶叫咗少甜少冰，即使甜味少左，抹茶亦唔會苦，飲到有茶香味，呢杯飲品我覺得好適合買返屋企慢慢嘆😌.🔸茉莉綠鑽堅果奶蓋茶茶味味道清香，混合起奶蓋時，唔會太漏。下次幫襯我會想買另一種茶配搭奶蓋！原來除咗凍飲，仲有暖笠笠嘅選擇😍喺附近返工嘅人有福！而且有一款健康黑芝麻飲品都要排定我waiting list, 下次再一飲！