NUTTEA (旺角中心第一座) (已結業)

聽過朋友介紹話好飲，一直都好想試下佢哋嘅堅果奶蓋，純素嘅朋友仔都可以放心飲架，今次去開旺角就試試佢啦(⁎⁍̴̛ᴗ⁍̴̛⁎) 店面嘅設計都幾有心思嘅Menu有好多選擇，有啲唔知揀邊款好😂🔸伯爵朱古力堅果奶蓋茶（$47）店舖聲稱每天只賣100杯，咁就試下好無飲啦🤪 飲品一拎上手就知佢好足料，奶蓋份量好慷慨，望見都開心～第一啖只係飲到茶，係好香既伯爵茶️，由於係叫左半糖嘅關係，所以係唔會太甜☺朱古力堅果奶蓋好濃郁creamy，食落好香榛子味，有少少似食緊繽紛樂咁呀！飲到咁上下就攪勻奶蓋同啲茶一齊飲都好夾🤤飲完個肚飽哂～～🔸四季春堅果奶蓋茶（$35）呢杯嘅四季春茶底飲落感覺比較清新，同樣都係叫左半糖，飲落好香茶味🤤個堅果奶蓋都係好香濃creamy，食到好滿足，面頭仲有啲nuts 好好咬口🤪飲完杯嘢真係好滿足，有時可以當個lunch都仲得呀🤣下次經過會想試埋佢嘅堅果奶！

茶飲店甚多，最近就跑出以堅果奶突圍的茶飲店，越來越多人注重健康，NUTTEA的堅果奶用上5種堅果：腰果、核桃、杏仁、棒果、夏威夷果仁，經冷壓研磨萃取乳化而成，一杯已經含有豐富營養。伯爵朱古力堅果奶蓋茶$47第一次來店員教飲法，首先可用小匙吃面層的奶蓋，然後喝茶，最後將奶蓋和茶攪拌而飲到像奶昔的東西。先吃朱古力堅果奶蓋，朱古力味濃郁又有堅果奶香，吃了第一口後便不想停，只是不能一直吃餘下茶就太可憐了。再飲伯爵茶底茶味濃香，帶有微甘，半糖感覺也只有好少糖，不甜。到最後變成奶昔，茶和奶蓋融合，稀稠度達至完美，奶蓋感覺較甜，和較淡的茶一起才是最好喝。粉紅莓好堅果奶蓋茶$45另一杯選擇是較清新的的水果口味，是期間限定款，底下是士多啤梨茶，感覺混上了新鮮士多啤梨汁的味道，微糖感覺都比伯爵茶甜，奶蓋同樣濃郁實在，像cream但健康輕盈，多吃也無負擔。

網上大熱既堅果茶飲店，之前朋友有推介過話係佢餓過最好味既奶蓋，講到咁真係心思思想試。來到已經好多人推緊隊，好在店員工作效率高，所以好快就到我哋落單。店舖行簡潔風格，整齊企理，有唔同類型既堅果展示。除左奶蓋，睇餐牌仲有一啲無奶蓋既飲品，照顧不同口味既人士，而且種類多，真係想試晒都有排試！！！每日限定100杯，真係見到都好想飲！！不過我哋無試到，最後揀左熱銷排行榜No.1 &3既粉紅莓好堅果奶蓋茶，同香蕉燕麥堅果奶。🔸粉紅莓好堅果奶蓋茶奶蓋好厚，係杰身的，非常濃郁既堅果味，加上莓茶既莓果，除左堅果香味仲有一種酸酸甜甜的感覺。 茶底好清新，同奶蓋一齊飲可以中和到果種濃厚，甜度不高，除非真係超級怕甜，其實正常甜度都唔會死甜，不膩。 推薦用附贈既匙羹食左奶蓋再混合飲用，因為奶蓋真係好好食，一定要細細品嘗。🔸香蕉燕麥堅果奶呢杯無奶蓋，相比下較清新。飲得出用新鮮香蕉製作，無香精味道，反而透出天然香蕉既香甜。 感覺健康得來，又夠飽肚。以堅果奶作主打非常特別，而且味道出色，一定會再飲。

同朋友黎旺角睇戲，睇戲之前刺激下味蕾。好鍾意Nuttea，d野飲好好味，而且好健康，理念好正確。今次我同朋友都試新野：👅粉紅莓好堅果奶蓋茶（$45）大推❣成杯野有好多layer，好豐富。紅梅酸酸甜甜好開胃，搞到我一下就忍唔著飲曬成杯野。我要左半糖，呢個甜度對我黎講就啱啱好嘅。第一次飲堅果奶蓋，感覺比普通奶蓋無咁鹹，但都一樣咁creamy，全素食者都可以享受。無論就咁食定係伴着飲品飲都好出色。黑糖薑薑堅果奶 ($34)朋友想養生🤣熱辣辣嘅黑糖薑奶好滋潤到身體。薑茶本身飲落都會暖到落胃。而Nuttea呢杯薑奶好似更加辣😛好刺激嘅灼辣感😍朋友話佢仲食到唔知係堅果粒定薑粒嘅物體，有咬感真係比普通嘅飲品jeng

每逢星期六又是我aka珍珠奶茶界的KOL出動的時候，這次去了旺角中心1樓試一試這家很多好評的Nuttea。因為跟女朋友去看電影，見有時間便一人買一杯試一下他們的招牌堅果奶蓋，我點了一杯宇治抹茶堅果奶蓋茶！ 女朋友怕太Heavy，她另外點了杯滿杯葡萄🍇加寒天。宇治抹茶堅果奶蓋茶（微糖微冰）賣相引人入勝，店家挺貼心，堅果奶蓋茶的杯蓋上都有簡介喝茶的步驟。首先可以扣住杯蓋，用附送的鏟子吃堅果奶蓋；傾斜45度大口喝，可以喝得出抹茶的茶香配合順滑的奶蓋；才用飲管攪勻飲料品嚐。果然是招牌有堅果奶蓋🌰令成杯飲品健康加分，口感超豐富。滿杯葡萄🍇 （加寒天）十分足料用新鮮水果打出來果然不同。水準以上，入口清甜，再嘗到酸酸甜甜的葡萄，最後還有啖啖的茶香。而寒天咬下去煙韌，不會很甜，是珍珠以外的最佳選擇。

奶蓋熱潮持續，之前見好多人都推薦過nuttea，同埋每次經過都見到排隊，今次終於試到。其實個menu都有好多款茶飲種類，首選梗係先試試大熱嘅奶蓋茶。四季春堅果奶蓋$35個奶蓋好厚實，差唔多佔咗成杯茶嘅三分一，感覺好足料。朋友仔仲實測過拎一個鐘返到公司，個奶蓋係無沉到。奶蓋個質感其實更近似於蛋糕cream，同埋佢太厚啱開始都做唔到一啖飲奶蓋同茶。店舖都有提供到小剷子去食個奶蓋，但係街唔方便都無拎到。至於茶方面，就選擇咗半糖。茶底都比較普通，溝埋奶蓋飲，只會飲到奶蓋嘅味。如果係對茶比較有要求的話可能就唔推薦了。整體來講，個人比分4/10 。奶蓋算特別，但飽腹感太強，飲完已經係唔需要食正餐。奶蓋控有興趣可以一試，而本人比較中意清新少少的，可能就暫時不會再回購。

今日食完晏想去搵嘅野飲下，就搵到呢間主打堅果嘅飲品店。見到佢門口好新淨，光線都好光猛，就決定試下佢。堅果之外，佢都仲有其他飲品，例如手沖咖啡，水果茶等等。我哋揀左伯爵朱古力堅果奶蓋茶同黑芝芝堅果奶(季節限定)。兩杯都大大杯嘅，奶蓋茶上面啲堅果舖滿面，朱古力味嘅奶蓋都好香口，就咁食同溝埋茶飲都各有特色，亦都唔會太甜，反而帶出到堅果味。另一個堅果奶係季節限定，有好重嘅芝麻味，飲落唔會太重口味，反而啖啖奶中帶有芝麻同堅果味都好特別。有機會都推薦大家嚟試下！

之前經過幾次都想試 但一直無飲 提起台式飲品 奶蓋果啲都會覺得肥或者唔健康但呢間就主打堅果奶蓋 感覺冇咁罪惡咁好多相望落去都好吸引 選擇困難嘅我都諗咗一陣佢個堅果奶蓋係由5種唔同既nuts mix埋，有榛果，杏仁，核桃，腰果＆夏威夷果仁 就咁聽都覺得健康🤣伯爵朱古力堅果奶蓋茶$47黑芝芝堅果奶$40最後買咗兩杯朱古力奶蓋 一杯芝麻奶首先要稱讚下佢個包裝先 有膠紙封住底下亦都有托盤 感覺上勁穩陣 完全唔怕拎返屋企嘅途中會倒瀉個鏟仔好得意飲完之後都有洗乾淨下次食雪糕嗰啲都可以拎黎用 哈哈伯爵朱古力堅果奶蓋茶 比佢每日100杯限量吸引咗我有選擇困難加上話攞過獎更加想試吓佢個奶蓋超級厚 用佢個鏟食好滿足食落口同平時嘅奶蓋有啲唔同 比較似cream入口好重朱古力味 帶點堅果味有啲似食緊個甜品咁食多兩啖就覺得有啲太甜 即刻飲啖茶中和返出奇地個茶底好好飲 我係無改甜度 冰度嘅 覺得啱啱好 另外一杯 黑芝芝堅果奶味道同我想像中嘅一樣 好重黑芝麻味 亦都飲到好多芝麻粒奶帶點堅果既味做點綴 唔會太搶戲感覺下午茶用嚟配搭曲奇 甜品 會好夾另外佢仲有賣自家製嘅堅果醬 忍唔住都買咗一罐 翻屋企就即刻搽咗落牛角包

NUTTEA旺角彌敦道688號旺角中心1樓F52號舖///減肥嘅朋友唔使再忍口了，可以隨時飲番杯台式飲品😍nuttea嘅奶係由五種堅果打成嘅堅果奶，包括榛子、杏仁、腰果等等！如果杯茶叫埋無糖嘅話，其實好健康，一啲都唔肥。☺️四季春堅果奶蓋茶 $35上面嘅奶蓋好厚實，就係用五種堅果打成嘅奶蓋，比一般牛奶打成嘅奶蓋更加濃厚，要用個產產嚟食。鹹鹹地，好濃烈嘅榛子味，上面仲有粒粒嘅堅果粒，超級好食，好似食緊榛子朱古力咁，食到停唔到口。四季春即使無糖，但仍然飲到茶香，濃郁得來回甘。最後將奶蓋同茶攪勻，就好似一杯奶茶咁。☺️粉紅莓好堅果奶 $45一樣叫咗無糖，佢有用到一啲新鮮嘅士多啤梨打成，非常有驚喜！感覺健康不少！同堅果奶加埋一齊，酸酸甜甜，好似一杯好健康嘅士多啤梨奶昔，值得一試。

今日去旺角行街，行到好累又餓又口渴，原本想求其買杯野飲算，點知經過見到呢間野勁多人排隊，就望下有咩特別，原來係堅果奶，同平時d珍珠奶茶幾唔同咁，決定一試，而且我絕對相信人多既舖頭一定有過人之處見到有好多人排隊，店員做到無停手，咁忙都保持友善有禮門面裝修簡單光亮，幾特別，唔似其他茶飲店全部餐牌貼晒係門飲品選擇好好好多，紫米，黑芝麻，黑糖薑，呢d都好健康，岩晒想飲野又怕肥既朋友仔堅果奶係佢主打，我就緊係要試最後同朋友決定要一個宇治抹茶堅果奶蓋同一個滿杯奇異果🥝堅果奶蓋好幼滑好香，好似雪糕咁，比平時飲既奶蓋好好多，抹茶好香濃，有口甘既味道，唔係普通既抹茶粉溝出黎就算，店主既心機好值得讚揚因為同朋友share，怕兩個都係堅果奶會飲唔晒，另外就點多個滿杯奇異果，其實係花茶底，花茶好香，配奇異果肉清清地，飲落仲有一粒粒奇異果籽，好正由我地黎到排隊等，條龍一直無少過人，果然好野就係多人買

估唔到呢一間係旺角中心嘅茶飲店係咁出色，睇OpenRice食評都已經見到好多好評，一於就嚟試吓呢一間叫做nuttea 嘅茶飲店。呢一間茶飲店專打堅果奶蓋茶，舖頭裝修得都幾靚，比起一般茶飲店高級，今次叫咗兩個嘢飲，第一個係伯爵朱古力堅果奶蓋茶，而另外一個係宇治抹茶堅果奶蓋茶。講真堅果奶真係好特別，仲要係做堅果奶蓋，但係呢一間真係好好飲，令到唔係好鍾意飲堅果嘅人都會喜愛，所以都已經開咗好多間分店。首先講吓個伯爵朱古力堅果奶蓋茶，呢一個係舖頭嘅招牌菜，伯爵茶好好飲，朱古力好夠濃郁，配埋個堅果奶蓋，好似食緊雪糕一樣，個奶蓋真係好厚，十分正👍🏻另外就係宇治抹茶堅果奶蓋茶，如果你係鍾意飲抹茶嘅話，呢一個一定好啱你，因為抹茶味好濃郁，個堅果奶蓋淡得來係夠味，配合埋一齊其實滿分。記住食嘅時候一定要用個產仔食咗個奶蓋先，咁就very good喇😚

路過旺角中心，見到Nuttea分店，買了一杯堅果奶回家。這是第一次喝堅果奶，之前飲的都是堅果奶蓋。 今天揀了季節限定的紫米堅果奶， 這是可以選擇冷熱的飲品， 還可自選甜度。 部分飲品僅供冷飲， 有一些冰度或甜度是固定的， 除了餐牌上有寫明，店員也會細心解說。帶回家才開來飲用。裏面因為有粒粒紫米，店員建議配合粗飲筒，喝起來更加方便。 紫米和堅果奶是非常可口的配搭， 兩者味道均是淡淡的香味， 在這乍暖還寒的春天， 飲一杯暖暖的熱飲，配合微糖， 是一種幸福的味道。 粒粒紫米還增加了飽腹感， 不單可以當作一杯飲品， 也可當作輕巧的小吃。除了各款飲品， 還有售賣堅果醬， 看來用來搽麵包還不錯呢。

之前聽朋友推介過呢間良心茶飲 次次去都有唔少人排隊 今日一點零去開旺中 就決定飲佢啦 我地嗌左一杯伯爵朱古力堅果奶蓋茶少冰微糖 一杯粉紅莓好堅果奶蓋茶半糖店員有介紹點樣飲杯野 首先可以用個小鏟食左上層嘅奶蓋先 再飲奶蓋加茶 最後撈勻黎飲 伯爵朱古力個杯真係好好飲 奶蓋食落口感好rich 好厚實嘅奶蓋層 好有榛子味 好似食緊繽紛樂咁 同埋對於唔鐘意飲鮮奶嘅我 用堅果整嘅奶蓋就岩晒我 又冇咁肥奶蓋加茶咁飲就冇乜特別 不過伯爵茶味好出 最後撈勻晒黎飲 個味道同口感都好唔同 杯茶creamy左 但又保留到茶味同少少堅果奶蓋 好推介呢杯而士多啤梨個杯 奶蓋食落個味似平時嘅雪糕新地 好香同好重士多啤梨味 撈勻左飲就好似士多啤梨奶昔 半糖味道岩岩好 有平時嘅莓味 好清新下次試埋其他味道先😋

#旺角美食 #小蓮星呑食旺角 #黃色經濟圈 #小蓮星呑食黃店 #生酮外食 #KETO🔻 NUTTEA旺角彌敦道688號旺角中心1樓F52號舖///Keto diet嘅朋友仔有福了，竟然可以飲到Kto friendly嘅台式茶飲！😍nuttea嘅奶係由唔同嘅堅果打成嘅堅果奶啊，朋友話飲過都冇破酮！久唔久整返杯過口癮真係一流！🧃伯爵朱古力堅果奶蓋茶 $47太多選擇關係，小妹企左喺茶飲店一陣，店員立即為我推介王牌飲品，就係呢杯伯爵朱古力堅果奶蓋茶。其實對於keto 嘅朋友嚟講，朱古力奶蓋真係非常吸引，所以小妹一於試吓。🥰杯蓋上好貼心咁樣痴左建議飲法，佢會俾個迷你剷仔你，筆上面嗰層堅果奶蓋嚟食！嘩！係好濃厚creamy嘅朱古力cream 😍😍😍有淡淡的鹽味同朱古力味，加上比較清新嘅伯爵茶味中和返，配上濃郁嘅堅果味，成件事肥仔得嚟又唔係真係咁肥仔😂😂😂👍🏽之後建議你將個杯傾鈄45度，一次過飮cream同茶，呢個飲法小妹就覺得唔大驚喜，因為cream太濃厚，同茶無融合嘅感覺！最後攪匀嚟飲，變咗一種杯伯爵朱古力堅果奶茶🥰小妹叫左無糖茶，更健康！好好飲，下次一定要試埋其他味先得！/////#food

Nuttea既大名相信好多人都聽講過🤤，一直都心郁郁想試✨可惜數間分店都唔近我🥺～好消息係最近佢哋既新分店開左係旺角喇，終於有機會去試吓佢哋最出名嘅堅果奶蓋🤤❤️❤️• 芒芒堅果奶蓋茶🥭 $44奶蓋由五種堅果製成，包括杏仁、核桃、夏威夷果仁、榛果同腰果，其中以榛果既味道最為突出，鹹鹹地幾特別，感覺又健康啲冇咁罪惡感，食幾多都唔怕fatfat🥴。冇奶既奶蓋估唔到依然做到超順滑，厚身似忌廉，冇平時飲開嗰啲奶蓋咁流質，所以相對都唔太融入到係杯茶入面。另外仲附有一個「鏟仔」俾你𢳂黎食，勁可愛。茶底有海量芒果肉，可惜飲落冇想像中咁芒果味，唔知係咪嗌左半糖既關係呢😟下次會試埋其他口味😌😌